وش رايكم بالتصريح [الأرشيف]

المهتوي

28/08/2001, 02:59 PM

الطرقي

28/08/2001, 11:12 PM

التصريح يالمهتوي زين ويفكك من وجع الراس والمسائلة
بس ما أضن الدعوة كذا لأنه لو قيل هالكلام كان ما تغير شيء
هي منتشرة منتشرة بتصاريح ولا بدون
وتحديدها بتاريخ يحط الموضوع بين قوسين وفعلا شيء غريب:confused:

نشـمي

29/08/2001, 03:42 PM

والله زينه شينه
زينه انك تاخذ راحتك
شينه لما تبي تبيعه ...ماتقدر الا للي صرحوا لك وبس ...وشف السعر كم :(

الطرقي

29/08/2001, 07:25 PM

:) صدقت يالنشمي هذا الي يخلي الناس ما تصرح لأنك ما تقدر تبعها إذا صرحتها
ومن قال لك إنهم بيسومونها لك أصلا
هم يا خذونها ويقولون لك إحمد ربك

وليـد

29/08/2001, 08:31 PM

السلام عليكم

والله صحيح كل ما قيل

بس التصريح

يفكك من نقاط التفتيش و من التبهدل و توسل العسكري

على شوزن او حتى ام بطن

و يخليك تقنص للشمال و للساحل و غير .....

و تراني ماأحب الترخيص لأنه يمنعك من التصرف بالبندق

لصار لها شي و لا تقدر تتصرف بها :mad:

و مسئول عنها :mad:

بس عندي سؤال للي رخصو من قريب

هل الترخيص ل أم خمس حمل و لا أقتناء

و السلام عليكم

السمح

31/08/2001, 11:46 AM

http://www.mekshat.com/vb/showthread.php?s=&threadid=187v

الساري

01/09/2001, 04:21 PM

الا يا مصرح...... خلك اعقل......:)

مكشات

04/09/2001, 11:33 PM

أخوي المهتوي
تحية طيبة وبعد
موضوع التصريح موضوع قديم ، واللي ينتهي تاريخ تصريحه يجدد لاتخاف ، ولو كان عندهم نية يسحبون الأسلحة كان اسحبوها من زمان !!
هي مسألة تنظيمية ليس الا .
لكن المشكلة اخوكم توهق ، ومايقدر الآن يحصل على تصريح !! بتقولون كيف ؟؟
أقول لكم :
أنا كنت مصرح بمسدس صغير من شان العائلة بس وللتخويف في الحالات اللي ممكن تحدث لاسمح الله ..
المهم هالمسدس هذا مافيه أي دقة للتصويب لدرجة اني اخطي برميل الزيت الكبير :)
قلت ياولد بلاش منه الغه وخذ لك تصريح بشوزل .
رحت وألغيته وقيموه الظاهر بخمس مائة ريال والى الآن ماوصلتني القيمة :) مع انه قبل اكثر من ثلاث سنوات .
المهم رحت بصرح لشوزل عند شرطة ديرتي ، وتفاجأت ان النظام مايسمح ، يقولون اللي يلغي تصريحه مانطلع له ثاني !!
حاولت وحاولت مافيه فايدة ، واخوكم الآن مايقدر يصرح والى اشعار آخر !!
السؤال ليش مايصرح للي يحب يلغي تصريحه الأول ، خصوصا ان الأسلحة معرضة للخراب ، ويمكن مايلاقي صاحب السلاح قطع غيار لتصليح سلاحه ، أو انه بعد ما يصرح بالسلاح يكتشف انه غير مناسب ، أو تغير الأوضاع تخليه يغير نوع السلاح .
كلها تساؤلات نتمنى الاجابة عليها من قبل المسئولين ..
تحياتي والله من وراء القصد
أخوكم
mekshat.com

السمح

08/09/2001, 10:48 PM

مشرفنا الغالي ترى اللي قال لك غلطان حصلت معي ومع ألف واحد غيري إنه يدخل السلاح على الدولة مثل ماعملت أنت ويصرح سلاح جديد. شوري إدخل على مديره واشرح له القضية وإلا دور غير ديرتك ...

القرم

10/09/2001, 04:45 AM

تحيه طيبه للجميع:)

اعتقد ان التصريح مهم جدا لاي سلاح مهما كان نوعه - الا عاد الي عنده بازوكا يسكت احسن:D - حيث انه يريحك من غثا التفاتيش و خصوصا نقطتة تفتيش ام الجماجم:mad: ولو ما يجيك منه الا انه يفكك من هالتفتيش. والتصريح سواء كان حمل او إقتناء يضل افضل من لا شئ كما ذكر احد الاخوه. واجزم ان التصريح راح يكون له فائدة كبيرة اذا صار فيه قضية جنائية - لا قدر الله- وراح يكون مصدر حماية لصاحبه من اي مساءلات (هي تكتب كذا:confused: ).

وتقبلوا تحياتي وتقديري:)

جيب VX-R

01/09/2006, 07:59 PM

السلام عليكم
.
.
انا عندي تصريح السلاح مومهم جدا لان لو سمح الله احتجت افلوس مره من المرات اتبيع السلاح
.
.
اما اذا كان عندك تصريح ماتقدر تبيعه لو كان ايش
.
.
والسلام عليكم اخوكنم جيب

escape_man

02/09/2006, 03:10 AM

انا من رايي التصريح افضل. خاصة بالوضع الراهن !!

يعني الواجب الواحد يدراء الشبهة عن نفسه. ومن 10 سنين وانا اصرح واجدد التصريح بدون اي مسائلات ولا عوائق والسلاح راس مالة الفين ولا ثلاثة تهون جانب تهمة تطيح فيها بعدين وانت مالك دخل وتباري الساس.

الطبيب

02/09/2006, 05:54 AM

خلاصة الكلام .... خلك نظامي أحسن لك ... ولا منة فلان وعلان لما يمسكونك ومعك سلاح مو مرخص ...!!

وحتى السلاح المرخص يباع .... تتفق إنت والمشتري على السعر ... وتروح للشرطة وتسوي له تنازل وهو يكمل باقي الاجراءات ...!!

هذا اللي سمعت ...!!

ونصيحة لوجه الله ..... رخصوا حتى لو وراها أخذ للبندق .... خسارة حديدة ولا بهذلة وسجن ....!!

وترو النظام واضح جدا ....!!

تحياتي لكم

هذا والله أعلم

والسلام ختام

كايد

03/09/2006, 01:33 AM

السلام عليكم

اولا :لا تصرح الا بندق او شوزن

رشاش ومسدس لا تصرح

لان المسدس اكيد بيكون في الموتر دايم
واذا سرق عليك

شف البهذله اللي بيسوونها لك

ثانيا :الرشاش دايم بترمي على ضيف جاي لك ولا عرس

ولا تعيره حدا خوياك

ما له داعي تصرحه (ويمكن يصادر مثل ما حصل في دوله الكويت الشقيقه بعد ازمت الخليج قالو صرحو

وصرحو وبعد فترة فالو ياله سلم ولا ابو زعبل

اكيد تسلمه )

وايضا لا تصرح الا شي يستاهل

اما شتاير ولا شاخوفة ولا بلجيك ولا ام خمس كفو

هذا علمي وسلامة الجميع

المهاجر22

03/09/2006, 08:21 PM

التصريح أمر مهم جداً جداً.......................................
ومشكور على الموضوع..........

مدالنظر

03/09/2006, 08:47 PM

الحقيقه إن التصريح والإعلان عنه والسماح به

أمر جيد ولكن الأمر الغريب هو ......

تحديده بتاريخ معين ؟؟؟؟؟؟

يعني بعد التاريخ هذا مافيه ترخيص ؟؟؟؟؟

ليش ‍‍‍‍‍‍‍‍‍‍؟؟؟؟؟‍‍

أخاف بعد التاريخ يقولون يالله كلن يجيب باروده ؟؟؟؟؟؟

وش رايكم ؟؟؟؟؟؟

هلا بك اخوي المهتوي

فعلاً شي محيّر
ويخوف بنفس الوقت (بعد ما سمعنا اللي صار بالكويت مبطيي) :confused:
لكن انت تعرف أن البيان اللي اصدرته وزارة الداخليه يفيد بالسماح لأصحاب المحلات
بأستخراج تصريح بيع الأسلحه الناريه الشخصيه (المسدس) و الرياضيه و أسلحة الصيد (الشوازن)

فهذا (أمل) أن شاء الله بأن الدعوه زينه :D
يعني تخيل أن البلد فيه سوق سوداء (وسوق بيضاء):D
يعني محلات مصرح لها البيع

كيف تستطيع الدوله بأحصاء السلاح اللي جاء عن طريق مشروع
واللي جاء عن طريق غير مشروع ولا هو معروف مصدره

يعني هي صفحه وانطوت
ونبي نبدا بصفحة جديده

هذا الرجاء والأمل
اذا ماخانني التعبير
:j

والسلا عليكم

Mr.Azooz

04/04/2011, 11:51 PM

طيب بما انكم جبتوا طاري التصاريح وتسذا
انا بصرح لي شوزن متى يفتحون وقت التصاريح؟

أبوجهاد التبوكي

05/04/2011, 01:22 AM

والله أنا توي مشتري لي خرازة ورحت صرحتها من شرطة الشرقية وشروطهم سهله لكن
فيه واحد بأمن الطرق يقول إنه جاهم تعميم ان التصريح يكون واحد سواء حمل أو إقتناء والعهدة على الراوي وهو ثقة وإن شاء الله أجيكم بالعلم الاكيد

كل القصيد

05/04/2011, 10:08 AM

ابو جهاد ارجوا انك توضح كلامك اكثر وتحدد تواريخه

من يخاويني

05/04/2011, 12:00 PM

ذئب الدهناء

06/05/2011, 01:52 PM

التصريح حمايه باذن الله

محمد الهديب

06/05/2011, 02:20 PM

الله المستعان ..الموضوع من 2001 ...

ع العمرو

06/05/2011, 02:38 PM

ماشاء الله تبارك الله

النتاوي

06/05/2011, 09:38 PM

وهل بدأ وقت التصريح بشرونا ..؟؟

النتاوي

06/05/2011, 09:44 PM

الله المستعان ..الموضوع من 2001 ...

خخخخخخخخخخخخخخخخ
ههههههههههه
:eek: :p :D
والله صادق ما انتبهت للتاريخ ؟؟؟

نحال الجبال

10/05/2011, 02:14 PM

التصريح مهم جدن ويفكك من عسكرى يدور تعديه

عدي ابو سلطان

12/05/2011, 04:52 PM

الله يوفق الجميع ويسعد كل صياد ويحقق امانيه كولو امين

رسيس نجد

15/05/2011, 02:48 AM

كل عام وانتم بخير

سعودأبوفهد

15/05/2011, 05:12 PM

طيب يا ناس الحين عندي واحد متوفي ابوه الله يرحمه

وهو توه عمره 16 سنه وتوهن منتهيات التصاريح وش يسوي بالظبط

ياليت احد يجاوب

المكروف

16/05/2011, 01:21 AM

سلِّم لي على اليمن

أميرالعشاق

04/06/2011, 02:38 AM

يالله حسن الختام........موضوع من قبل 10 سنين وتوكم تذكرتوه الحين؟؟؟؟؟
الموضوع من عام 2001...:):):)
وفق الله الجميع لما يحبه ويرضاه.....

فارس الحربي1

04/06/2011, 05:28 AM

والله التصريح طيب صرح وريح بالك

حاتم البدراني

03/01/2013, 10:47 PM

طيب يا ناس الحين عندي واحد متوفي ابوه الله يرحمه

وهو توه عمره 16 سنه وتوهن منتهيات التصاريح وش يسوي بالظبط

ياليت احد يجاوب

اخوي حسب ما اضن انه يخليهن على ماهن عليه الاسلحه وينقلهن بسمه لاكمل العمر النضامي

يعني مايجيب لهن سيره

لان واحد من اخوياي ورث مسدس من ابوه قبل 15 سنه مانقله على ماعتقد الا يوم كمل العمر النضامي

واذا بيلحقه شي غرامة تطويف