المساعد الشخصي الرقمي

مشاهدة النسخة كاملة : رأيكم في الأستبنة اللي في الأسفل للجيب ؟


منتعش
22/08/2005, 07:32 PM
السلام عليكم ورحمة الله وبركاته
حي الله أخواني الفضلاء .
وأبي رأيكم في الأستبنة اللي في أسفل السيارة للجيب ؟
الكثير من أهل الجيوب يشتكي منها - وأنا أولهم - في طلعات البر أو الطعوس . :(
لأنها نازله شوي وتحك في أدنى شي مرتفع ، قالي أحد الأخوان حط كفرات سخيفه ( سلكه ) .
والله يأ أخوان إني فكرت أبيع موتري وأشتري اللي أستبنته في الخلف .
وشفت مره أحد السيارات - اسطبات لكزز - حاط الأستبنه في الخلف بس شكلها غلط . :no:
والحين عطوني رأيكم :type:
الله يحفظكم ويرعاكم ويبارك فيكم .
الجيب الربع
22/08/2005, 07:47 PM
وعليكم السلام ورحمة الله وبركاته

أخي منتعش

أنا عانيت من نفس المشكلة وضاعت الإستبنه بالصمان اشتريت جنط صخيف من حقات السلق على مايقولون وركبت عليه كفر صخيف والآن ماتبين الإستبنه وانت واقف ورا السيارة

تحياتي
المترو
22/08/2005, 07:54 PM
السلام عليكم روحمة الله وبركاته
اخي منتعش مساك الله بالخير
كلامك صحيح 100% عن الاستبنه تحت السياره للاند فعلا مشكله وياما طاحت بالبر او علقت السياره وغثيثه بكل ما تعنيه الكلمه وهذه احد اسباب ترك البعض لخلفيو الكسز انت مخير بين كشخه او تعليقه بطعس ايهما تفضل ؟؟

الزبده الحل بسيط جداً وعملي ومجرب

هو
اشتر كفر جيب g النحيف بجنطه ابو شفه يجي على مستوى الصدام و100% ناجح

ولك اجمل التحايا

الرحال2003
ابو ناصر
الكابتن
22/08/2005, 07:56 PM
السلام عليكم

انا مسوى مثل اخوى (الجيب الربع) وانتهت المشكله
اسيزو 4x4
22/08/2005, 09:01 PM
السلام عليكم ورحمة الله وبركاته

أزين حل وإن شاء الله يعجبكم

الشبك اللي يركب على اللاند كروزر بالسقف يفصل في القصيم مثل اللي مركبة الرحال 2003

يوجد ببعضها حديدة لتعليق الأستبة وتثبتها فق الشبك (( السلة )) ...

إذا تبي تروح البر فك الأستبنة وعلقها فوق الشبك الحديد وتنتهي مشكلتك .......

.
غيّام
22/08/2005, 10:59 PM
اؤيد كلام الجيب الربع لانه محرب وناجح الشكر موصول للجميع
منتعش
26/08/2005, 10:37 PM
ياهلا وغلا بأخوي الغالي : الجيب الربع
وأشكرك على معلوماتك القيمة ومشاركتك .
وعذراً عن التأخير في الرد عنكم .
منتعش
26/08/2005, 10:40 PM
حي الله أخوي المحب : الرحال2003
الله يعطيك العافية على المرور الطيب والمعلومات المفيدة يابوناصر .
منتعش
26/08/2005, 10:41 PM
هلا وغلا بأخوي : الكابتن
الله العالم إني بسوي مثلك ومثل كلام النشامى الله يحفظكم جميعاً .
منتعش
26/08/2005, 10:43 PM
مراحب أخوي / اسيزو4×4
بس ما تحس أنها شغله شوي فك وربط .
الله يوفقك أخوي أبوحمود
منتعش
26/08/2005, 10:46 PM
الله يوفقك أخوي : غيام
وصدقت كلام الجيب الربع هو الصحيح ولا يهون الربع .
والله يحفظكم ويرعاكم .
راعي الكيف
26/08/2005, 11:12 PM
مع احترامي للخلفية اللكزس تراها قلق خصوصا اذا بغيت تغير الكفر والله يا انت تبي لك سنه عشان تفك الكفر خصوصا وانك مبطي ماقد فكيته - مجيم - .....

انا اقول مثل كلام اخوي ايسوزو اذا بغيت تطلع فك الجنط وحطه فوق منها انك تفك عميرك من فكة الجنط اذا لاقدر الله وبنشرت ومنها انك تزيد من ارتفاع السيارة والشباب ابخص بهالامور


والله يوفقكم
شاص
26/08/2005, 11:55 PM
الحل هو ماذكره أخونا الجيب الربع وتراه مجرب ويريحك
عاشق البسمه
27/08/2005, 12:15 AM
السلام عليكم ورحمة الله وبركاته
الحل انك تبيعه وتشتري باترول
منتعش
27/08/2005, 06:24 PM
حي الله أخوي الغالي : راع الكيف
وأشكرك على مرورك الطيب .
والله يحفظك ويرعاك .
منتعش
27/08/2005, 06:26 PM
ياهلا ومرحبا بأخوي / شاص
صدقت شغل الجيب الربع صح في أعتقادي ولا يهونون باقي الزملاء الأعزاء .
والله يرعاك .
منتعش
27/08/2005, 06:27 PM
حي الله أخوي : عاشق البسمة
أبشر ما فيه أمل أبيع تويوتا وأشتري نيسان .
والله يوفقك لكل خير .
ودمت في حفظ الله ورعايته .