ريحة الدخان بالسياره كيف التخلص منها

[كثير السؤال]

السلام عليكم ورحمة الله وبركاته

اخوي حصل موتر نظيفه وشراه ومابه الا عيب واحد وهو ريحة الدخان بالمكيف
والديكور :(
ياليت طريقة ازالة هذه الروائح

[قرم العيال]

يغير فلتر المكيف بواحد وكاله

ويحط فيه معطر (( اقصد الفلتر ))

[جار طمية]

والله انا مثلك أعاني منها خاصة إذا تعرضت السيارة للشمس فاحت بقوووة

[You Like Me]

مثل ما قال اخوي قرم العيال
يا يغير الفلتر بجديد
او يبخر السياره ويقفل الزجاج والمكيف شغال
لمده 10 دقائق
بعدين يطلع الفلتر ويمسح عليه بدهن عود مسحتين او ثلاث كافيه
وبإذن الله بتروح رائحة الدخان نهائياً
هذه الطريقة مجربها انا وفعلاً ناجحة وكل 3 إلى 4 شهور اسويها برضو

[اسير الغضا]

افادوك بخصوص المكيف صار امره سهل
بس المراتب اتوقع مالهن حل الا الشمس تصقهن فتره لمان تطلع ابو الريحه

[عاشق وسم]

جب لك مبخرة وحط بها كسرة عود

وحط المبخرة عند رجول الراكب الله يكرمك

وشغل المكيف على 3 وصك القزاز


وانتظر 10 دقايق

ثم أضمن لك ريحة المكيف شهر كامل تمام .. وإن كان موترك له فلتر مكيف غيره بجديد


بالتوفيق في الموتر الجديد

[منتج رسمي]

آسف على أن إبتعدت عن الموضوع الأصلى لأن الإخوة ماقصروا أفادوك ولكن تعليقي

أعوذ بالله من هذا الخبيث ( الدخان ) أو ( التبغ ) أو ( التتن ) الحمد لله الذى عافنى مما ابتلى به شاربيه وفضلني على كثير ممن خلق تفضيلا

خبيث + كريه الرائحة للشارب وللمستنشق + مضيعه للعمر + مضعيه للمال

[اسير الغضا]

انا اليوم عجزت اركز مع الدكتور قدامي واحد ريحته تتن الله يعصمه

الصدز مئساة ومزكوم وصدري رايح فيها

مشاركه لرفع الموضوع فقط


جاء ببالي وعدلت ردي

الحين بما ان ريحة المراتب والديكور دخان تبي تبتل تسحب الريحه عبره شهر خله يسحب من برا لمان تروح الريحه ووقف بالشمس

[الستانس]

كلنا عانينا منها

ولكن الحل افتح الشبابيك وخل الهواء يتمشى وان شاء الله خلال يومين بالكثير تروح

وقد حصل لي موقف مظيق صدري للحين

اني كنت توني شاري سيارة وريحتها تتن

وركب معي واحد من الجماعة كبير في السن

ومن ذاك اليوم معد يكلمني والسبه ريحة هالسياره

[كثير السؤال]

الله يجزاكم خير

اذا وقفت السياره بالشمس اخلي القزازه مفتوحه ولا مسكره واذا شغلته فتحت الدرايش وطلعت الهوا

وضحت بخصوص المكيف لاكن المراتب والديكور وش الحل

[كل الاتجاهات]

الاخ كثير السؤال
عليكم السلام والرحمة والبركة
انا مع اقتراح الاخ قرم العيال في اقتراحوه
وعندي اقتراح تقدر تسويه قبل ما تخسر وتروح تشتري فلتر للمكيف
هذا اذا كانت السيارة فيها فلتر للمكيف >>:( بعظ السيارات مافيها فلتر للكميف
وخطوات إقتراحي على النحو التالي :

1- توقيف السيارة تحت اشعت الشمس :s ليوم واحد على الاقل او كل ما وقفت السيارة تحرص على انه تكون تحت الشميسه :D،ويكون وضعية مفتاح الهواءالي يدخل هوا من برا مع المكيف مفتوح وليس مقفل الي هو حق الهوايه
(عليه في اغلب السيارات، رمز سيارة وسهم خاش من مقدمت السيارة للداخل وليس الشكل الثاني الي سهم دائر داخل السيارة في خيارات المكيف تبي تلقاة )<<والله من زين الوصف ;).
2-خذلك علبت ماء صحة ابو ريال وخله مفتوحة في السيارة . ولاكاس مويه (ليتم عمليت تبخير الماء مع حرارة الشمس :s) .
3- نسم للقزاز حق السيارة شوي .

كل الخطوات تنفذ في نفس الوقت.

4- أتمنا ان تنجح هذة المحاوله وتوفر عليك تغيير الفلتر.

وسامحونا على الاطالة
شكراً لك
اخوك كل الاتجاهات

[اسير الغضا]

احس اني تفاعلت مع موضوعك لاني اكره ريحة الدخان ومتعقد منه بكل مكان اشمه الله يعصم كل من يدخن


اهم شي المكيف يسحب من برا لمان تخف الريحه والدرايش مفتوحه اكثر وقت ممكن
استغل الحر الشديد لانه يطلع الروايح

[ABU FASIL]

الحل اللي اشوفه الله يعصم المدخنين

لو زرعت العود بالموتر ما ينفع اذا الرائحه قويه انت لو تمسح بااصبعك على الطبلون

شفت لون اسود الله يعينك شف محل تلميع وسوتلميع داخلي يطلعون المراتب ويغسلونها

وينظفون كل شي الطفايه خلها تنقع بمعطر اللي ترغبه انت

شغل المكيف واشوف الافضل بالليل اريح للموتر وافضل للعمليه

خل السياره فريزر ثلج حط لك كسرت عود على جمر وانتبه لاتكحلها فتعميها

خذ علبه رش مويه حق كوي الملابس حط الخلطه اللي تبيها مع ماء وخضها مضبوط

ورشها على المراتب ولا تنسى الهواء داخلي

وهذي الطريقه حسب قوة الريحه

الطريقه الثانيه اذا الريحه وسط الى خفيف يعني مابه لون اسود على الطبلون لا تحتاج الى تلميع

[يوسف 206]

افضل حل خل الهواية شغاله كم يوم لاتسكر الهواية حتى مع المكيف
بعدين عليك بالبخور

[يوسف 206]

افضل حل خل الهواية شغاله كم يوم لاتسكر الهواية حتى مع المكيف
بعدين عليك بالبخور

[ن م ر]

يا شباب نسيتوا مادة هامّة تسحب وتمتص الروائح وهي :

الفحم

ضع قطع فحم سمر في أماكن مختلفة في السيارة
واحرص أن تكون في صحون بلاستك أو ما شابه عشان لا تعدم المراتب بالفحم
واتركها يوم أو يومين وبعدها حط في السيارة معطر برائحه نفاثه مثل الليمون أو غيره
وراح تدعي لي

وبالتوفيق

[بريده كلي]

السلام عليكم اخواني الاعزاء بالنسبه لريحه الدخان به محل في شارع الاربعين قبل ساعه الصفر يغسل بالبخار بـ100ريال كان معي اف جي ريحته دخان ورحت لمه وغسله وراحت الريحه ولاكان به شـــــــــــــــــــــئ............بريده

[بريده كلي]

السلام عليكم اخواني الاعزاء بالنسبه لريحه الدخان به محل في شارع الاربعين قبل ساعه الصفر يغسل بالبخار بـ100ريال كان معي اف جي ريحته دخان ورحت لمه وغسله وراحت الريحه ولاكان به شـــــــــــــــــــــئ............بريده

[العابر2222]

أخوي خذلك علبتين بايسن وخل فيها نص وخلها في السيارة يومين بس وتختفي الريحة نهائي

[اسير الغضا]

أخوي خذلك علبتين بايسن وخل فيها نص وخلها في السيارة يومين بس وتختفي الريحة نهائي

طيب لاتاخذ علبتين خذ علبه وقسمه نصين ولا يالعابر

[ابن عكاش]

سو غسيل داخلي للسيارة مع تطبيق نصايح الأخوان وان شاء الله تخف 90% من الريحه

[ذيب بيشة]

كثر طال عمرك من العود الازرق
وركب معطر((اسأل مجرب))

[عاشق البسمه]

لاتنسى الولاعة خاااااصة ان كان مايولع التتن إلا بها..