يـــــــــــــاجماعة هل ممكن الافادة باختلاف اسعار الهايلوكس

[وادي النوم]

بعد التحية والسلام

أنا لا اخفيكم , عليمي باسعار السيارات , رحت للمعارض وانبهرت

كنت ناوي اشتري هايلوكس 2005 يعني بالمختصر يكون سعرها نازل عن الجديد شيء

كثير , لكن المفاجأة والطامة إني لقيت الهايلوكس 2006 و 2007 ارخص

لا وازيدكم من الشعر بيت إن 2002 ماينقص عن الخمسة إلا الشيء اليسير

قلت بنفسي اللغز هذا ما يحله إلا شبابنا اللي يبخصون بالسيارات ومافيهن من عيوب ومميزات .

فإذا كان 2006 وطالع فيها عيب مصنعي فأنا ما ألوم 2005 ونازل بارتفاع سعرهن


آسف على الاطالة وشكرا مقدما لكل من يتواضع بالرد علي .

[الوايلي...501]

اعتقد على حسب النظافه
وبعدين من 2006 وفوق مافيه الا العافيه لا خلل ولا شي

[وادي النوم]

أخي الوايلي شكرا لسرعة ردك

لكن هل القطع الغيار يختلف سعره واجد عن الشكل القديم
وإلا فقط شغل الشريطية ودهم يمشون السيارات القديمة

اكرر شكرا لمن علق وشارك الله لايهينكم

[ابن غفيص]

برأيي وبحكم التجربه الشكل القديم مرغوب لسببين:
الأول; لأنه ياباني ياباني , الشكل الجديد ياباني تجميع تايلندا,
الثاني; لأن وجهية الشكل الجديد أرفع شوي واللي يبي طعس بس يفك اللحيه اللي تحت الصدام , أما الشكل الجديد فوجهيته نازله وأي رقيه لنفود تأثر على الصدام.
أنا الآن معي هايلوكس الشكل الجديد وحل مشكلة الصدام بسيطه جداً إذا جاء الشتا أرفع وجهية الموتر بكعكات 1.5سم وترتف وجهية الموتر وأرتاح بالبر وإذا جا الصيف فكيتهن وحطيتهن تحت المرتبه.
أنا جربت الموترين الشكل الجديد أريح و أنشط و أوسع داخل السياره و الصندوق أيضاً وشكله أجمل من الأول.
أرجو أن أكون أفدتك أخي آسف على الإطاله.

[وادي النوم]

ابن غقيص تحباتي لك

توقع سبب الاسعار المتقاربة بين الجديد والقديم الصناعة

بس اتوقع لو كانت تايلاندي وجودتها مثل أول حرام يبالغون فيها

اليوم بالعمل سألت عن هايلوكس 2005 قال واحد

عندي 2003 مسيومة 43ألف وحدي 50ألف صراااحة تعجبت لا ويتكلم وهو واثق

صراحة الجديد مريح وأوسع وانظر بس الناس أذواق

[تشتاق]

القديم مرغوب في نظر محبيه لانه ياباني ولان الجديد تايلندي

بالاضافة لان الجديد صدامه الامامي قطعة وحدة وفيبرقلاس فيكون معرض للكسر في البر

[اسير الغضا]

بالقصيم به هايلكس اصفار وصلت 100 الف ببريده حسب كلام واحد من الربع

[ناصر]

اللوم على الناس اللي تشتري وتدفع ومو داري وش الطبخه
مسوي نفسه كاش يترزقون .. التجار من غشامته
لو بقيت السياره كم شهر .. ماحد شراها
كان باعها ...بسعر معقول غصبا عنه

[ناصر]

اللوم على الناس اللي تشتري وتدفع ومو داري وش السالفه
مسوي نفسه كاش يترزقون .. التجار من وراه
لو بقيت السياره كم شهر .. في المعرض ماحد شرى
كان باعها ...بسعر معقول غصبا عنه

[وادي النوم]

شكرا للجميع على هذه الردود الرائعة

لكن أخوي أسير الغضا يعني آخر ماعندهم 100ألف

[قدر مكتوب]

اخوي انا سمعت(وركز على سمعت) ان دفرنس الهايلوكس موديل 2002 ممتاز جدا وخصوصا بالقومات والمراقى وغيره

وكذالك 2005 مرغوب لانه آخر شكل نزل ياباني

ولو دورت في 2004 و 2003 لوجدت اسعارها غاليه عموما بنظري السبب انها ياباني 100%

[قراند ماركيز]

قريبي مامداو شاري هايلوكس 2007 بالخمسين
انا رحت للمعارض لقيت2005 ب65الف

[* ابو باسل *]

الناس موديلات وانا خوك وهذا جهل والا المصنع واحد بس اليد الفنيه هي الي اختلفت واليد الفنيه في صناعة السيارات قليله لان اغلب المصنع الات والا المصنع الام هي تويوتا واخذ سياره جديده اصفار احسن من ما اخذ موتر مقربع وله ست سنوات والجديد افضل واريح واقوى بعد بس تحجير بعض العقول ماينفع معه شي ابد .

[الراقي ون]

من وجهة نظري ان الجديد افضل من حيث الشكل وايضا واسعة

[الراقي ون]

انا انضم الى حملة (خلوها تصدي)