تكفون ياجماعه نصيحه لوجه الله لأخيكم المسلم ... رجاءا عدم تجاهلي للأهميه...

[مهـــــاجر]

السلام عليكم


ياجماعة الخير انا الحين أبي استشيركم عن بينك يخوك انا لقيتها في محل في البطحا 6 ميقا بكسل الزم العادي 3

المهم اني رحت وسألت زول حول المحل قال بينك هذي لا تاخذها لأنها مالها وكيل وأن الكلام اللي مكتوب عليها موب صحيح ويقول أتحداك ان كان نقاوتها زي نقاوة السامسونج 3 ميقا بكسل وان كانها مثلها عطيتكياها ببلاش المهم لقيت عند كمره سامسونج 4 ميقا بكسل حليوه فيها القائمه عربي ومعها ذاكره 256 ب700 ريال وش رايكم آخذ بينك ولا سامسونج مع ان السعر متقارب ما فيه فرق ...


تكفون يالربع انا ردو لي بسرعه انا محتاج لأهل الخبره مثلكم ..

[صالح المطيري]

خذ البينك وما جاك علي ، أنا خبرة بكاميرات بينك والله العظيم ثم والله أنها أفضل من كوداك وتساوي السوني في صفاوة الصور ، بالنسبة للسامسونج ما ادري عنها بس لو خيروني آخذ البينك ، بالنسبة للزول السوداني أنت عارف الأخوة السودانيين زين!! لو كان فلبيني كان أختلف الموضوع .

[الوشاح]

انا اختلف مع اخوي صالح ...... خذ السامسونج ....ولاتشاور ...اناعندي سامسونج وعليها

صفاوة...مشألله ......اصفا من السوني..ولاتنسى ان سامسونج شركة عريقه وفارضه منتجاتها بالسوق ....

والخيار لك اولا... واخيرا.....

[شاص]

رح لوكيل بنك في عمارة الصالحية اللي بشارع التلفزيون تراه بالدور الأول واسم المحل بوادر التقنية مقابل المسجد وشف الموديلات والأسعار .. عموماً فهي كمرة جيدة ووكيلها لا بأس به

[**القنيص**]

يمدحون شركة سامسونق لأتقانه في الأكترونيات
وأي شي تسوية شركة مثل سامسونق فهو كويس
وبعدين القائمة عربية ممتاز والصفاوة 4 يكسل مرة زين
بس خذ شوري لاتاخذ الى كميرة فيها زوم لأنه ضروري

[جبل مشرف]

انا استخدم كمره سامسونق 5 بيكسل ووجدتها ممتازة جداً لها معي 10 اشهر ولي صور كثيره في هذا الموقع
مثل // قد تكون اجمل غابات الجزيره العربيه لا يفوتك الموضوع
شلالات الجنوب تتدفق

[جبل مشرف]

اليك رابط الموضوع هذي الصور بكمرة سامسونق
او اذهب الى المواضيع التي شارك بها ( جبل مشرف ) انها مواضيع كثيره وموثقه بصور كلها بواسطة السامسونق 5 بيكسل

http://www.mekshat.com/vb/showthread.php?p=263009#post263009

[جبل مشرف]

عطني انطباعك عن الموضوع

[توونا]

ساموسنج حلوه

[مهـــــاجر]

السلام عليكم...

معليش ياجماعة الخير اعذروني على التأخير ..


بس الحين بدال ما اصمل على كمره انحست زيادة واحترت ...
أنا اللي مخوفني من بينك انها ميب مشهوره بعدين شاشتها لمس أخاف انها تخرب وش يصلحها بعدين سامسونج مشهورة بقوله صحيح 4 ميقا بكسل بس أخاف انها اصفى من 6 ميقا حقت بينك ...
كذالك مميزات البنك أفضل البطاريه ليثيويم فيها تعديل على الصور الزوم فيها 3x بس عيبها لونها عنابي قدام

أما السامسونج فهي مشهوره والدقه 4 البطاريات عاديه الزوم 3 الشاشه عربي ...

بس يا أخوي شاص انا أخبر ان الصالحيه على طريق الملك فهد .....
وشكرا على التفاعل ...

[صالح المطيري]

إذا احترت أستخر وتوكل على الله تر الحيرة ماهي زينه ولو تفكر في كل حاجة تلقى فيها الف عذروب بس أصمل على اللي تبي والله يوفقنا وأياك .

[مهـــــاجر]

الله يجزاك خير أخوي صالح المطيري بس وش آخذ هاه بينك ولا سامسونج ...

[مهـــــاجر]

طيب أخوي صالح خرابات بينك واجد ولا شويه خاصه اللي شاشتها لمس ..
وبعدين الصفاوه على قولهم 6 ميقا بكسل صدق 6 ولا كلام فاضي ...

[عليان الليل]

حياكم الله جميعا..
اخوي المهاجر ,, انت اذا جيت تتزوج اكيد تبي تاخذ بنت ناس
معروفين بعدة خصال كريمة صحيح والا لا .
كذلك الحال بالنسبة للكمرات لا تأخذ الا من شركة معروفة في عالم
البصريات والبصرايات فقط ,
يعني بصريح العبارة لا تبعد عن الشركات المعروفة
مثل سوني , كانون , نيكون, اولمبيوس, منولتا
غيرها لا تدور طع شوري .
وانا تحت الخدمة

[ترتر]

الاخ : مهاجر

اذا انك مانتب محترف خذ لك كاميرا بينك وتوكل على الله
اما اذا كنت محترف لاتقربها ... وكلام عليان الليل صحيح فهو صاحب خبره اكيد .

اما انا فأملك كاميرة بينك وهذي بعض الصور منها



http://www.mekshat.com/pix/upload/images10/mk5709_img_2074.jpg



http://www.mekshat.com/pix/upload/images10/mk5709_img_2059.jpg



http://www.mekshat.com/pix/upload/images10/mk5709_img_2091.jpg




شاكر للجميع