ياهل الخبره والكشتات سيارتي باثفندر2005 بازينها للبر وش تنصحوني فيه

[شاعر معروف]

السلام عليكم ورحمة الله وبركاته

اخواني صباح الخير


مع قرب موسم الامطار والخيرات والشتاء انشاءالله حبيت اعدل بسيارتي وقلت مالي غير الله عز وجل ثم الاخوان النشااما في مكشات هم اهل الخبر واهل الافكار وابي مشورتكم وش اضيف بسيارتي من عده كامله وثلاجه وكهرب وهل فيه محلات بجده عندهم هالاشياء الله لايهينكم يالذيابه وسيارتي نوعها باث فندر

والسلام عليكم

اخوكم خالد

[ولد الدواسر]

ابد يالغالي ركب طبق وبطارية إضافية وتوكل على الله وحاول تستخدم محرك بحث قوقل لمكشات وبتستفيد من مواضيع الإخوان السابقة.
وانشالله يفيدونك الاخوان زيادة,,

[عاشق السيل]

وعليكم السلام ورحمة الله وبركاته ،،

أشوف أهم شي تلبيسة للشنطة وتانكي واقف وطبق تحط العفش تحته وفوقه !!

والله يوفقك للي فيه الخير ...

[اسير الغضا]

الامر سهل مكشات مليان مليان من هذه المواضيع

اخوي الكشاته يختلفون البعض يطلع من4 الى5 طلعات وقت الربيع البعض ماتلقاه الا بالبر

تختلف تجهيزات هذا عن هذا فقلنا وش نوع طلعاتك ووين تبي تطلع وطبيعة التظاريس وهل هي بعيده عن الديره
غالبا تخرج بسياره وحده ولا اكثر من سياره لان التجهيزات قد تصل الى الاف وماودك الواحد يخسر وهو مايستفيد من هن الى نادر

على سبيل المثال انا اعرف 2 من ربعي واحد حاط محول بالدرج واذا بغاه استخدمه واستخدامه كثير يكاد مايطلع من الدرج
وواحد مايستخدمه الا قليل ان بالغت قلت ماستخدمه الا مره ومثبت محوله بالطريقه ذي مثل الصورهhttp://www.mekshat.com/pix/upload02/images81/mk21015_20081007394.jpg ومثبته على الديكور ومكلفه التجهيزات تكليف عالي بس الرجال طافح دراهم ويجب يفخفخ انه رعي بران ولا هو مايحتاجه فماله داعي تخسر روحك وانت ماتستفيد
المقصد لاتاخذ شي الا وعندك استعداد تحلل قيمته
فالاول صاحب الاستخدام الكثير اخطى انه ماثبت المحول والثاني اخطاء انه مايستخدمه كثير وهو مكلف عليخ

[اسير الغضا]

الموضوع هذا يفيدك ونصيحتي قبل ناظر نوع طلعاتك ووش تحتاج واحرص ماتلعب بموترك
http://mekshat.com/vb/showthread.php?t=322434

[اسير الغضا]

الموضوع هذا يريحك بعد
http://mekshat.com/vb/showthread.php?t=336966

[اسير الغضا]

يستبعد لتكرره

[اسير الغضا]

طيب هنا افدناك طال عمرك وراك زعلت بموضوعك المكرر

[شاعر معروف]

هلا وغلا بالجميع يالله حيه


الله يبيض وجيهكم ولاهنتم ويقول الشاعر احم احم


سلمت رجاجيلن على العز والطيب--اعيال شيبانن صناديد ورجال


لاكن ودي اعرف وشو الطبق واذا كان هو اللي يركب بالخلف كم سعره ومن ناحية المحول ابشرك يا اسير شريته توني ابو 500 واط لاكن انا خرجات تقريبا متوسطه لاني باللي يقطع ولا اللي دوم وهل تنصحني اركب خزان ووايت نوع ينفع للباث وكم اسعاره واليايات تنصحوني بها ولا مايحتاج والثلاجه لقيت لي ثلاجه بمحل ساكو سعرها تقريبا 500 مادري وش تنصحوني باحسن نوع وسعره زوين وسامحوني اتعبتكم الله لايهينكم


اسال الله الحي القيوم ان يملي حياتكم سعاده ويحل علينا وعليكم رضوانه بالدنيا والاخره اللهم امين امين


اخوكم خالد القاضي

[عزوز 2005]

اخوي شاعر معروف...
السلام عليكم ... بأختصر عليك كل ألي تبغاة لأني مثلك معي باث فايندر 2005 وبقولك عن كل شي يحتاجة موترك من تجهيز للبر
واذا أنك بتجي للرياض ارسلي رقم جوالك على الخاص وابشر نروح نشري الاغراض مع بعض من أفضل الأماكن واجود الصناعة وارخص الأسعار لأن جدة مافيها محلات رحلات برية مثل الرياض...
واذا مالك جية للرياض بعطيك الاساسيات وهي
1- تجهيز السيارة تركب ياي استرالي في الخلف فقط عشان اذا حملت اغرض ماتنزل خلفية الموتر
2- مسامير الثلاجة في المكينة تلحمها أو تشيلها عشان ماتخبط عليك المكينة في المستقبل
3- لاتلعب في كهرباء السيارة إلا إذا كنت فعلاً محتاج ذالك من ثلاجة وغيرة وإذا تبي نصيحتي انت شريت محول خلاص اذا بغيت تستخدمة افتح الكبوت واشبكة في البطارية بدون توصيلات ولاتثبتة في السيارة خلة خارجي لأن كهرباء الباث اذا لعبت فية انواع الألتماسات وحساس جداً وأشتر لك لمبة خارجية وانتهينا من الكهرباء
4- تجهيزات البر عالم واسع اشتر حسب حاجتك فقط ولاتسرف وبالنسبة للتانكي كل الناس يحتاجونة وفية توانك بالرياض جاهزة وفية تفصيل لك حرية الأختيار
5-بالنسبة للطبق اذا انت فعلاً تحتاجة ركبة ولكن خل في بالك إن شنطة الباث صغيرة اذا انك بتركب تانكي وطبق مع بعض
6- التجهزات الاخرى من عزبة ومحتوياتها انت واستخدامك عندنا بالرياض محلات السنيدي وبرق الحيا والبرية بشرق الرياض عندهم كل شي ... الله يوفقك دنياء وآخره.... مع السلامة

[السلمان2010]

والله يالطيب ولا يهونون الربع ترى الثلاجه مهمه بالحيل

[شاعر معروف]

هلا وغلا عزوز كفيت ووفيت ربي يسعدك ياشيخ انت والسلمان لاكن ابغي لي خيمه وش تنصحوني فيه وتمون وسط الله يحفظ ويرزق اللي يرد علي

[اسير الغضا]

هلا وغلا بالجميع يالله حيه


الله يبيض وجيهكم ولاهنتم ويقول الشاعر احم احم


سلمت رجاجيلن على العز والطيب--اعيال شيبانن صناديد ورجال


لاكن ودي اعرف وشو الطبق واذا كان هو اللي يركب بالخلف كم سعره ومن ناحية المحول ابشرك يا اسير شريته توني ابو 500 واط لاكن انا خرجات تقريبا متوسطه لاني باللي يقطع ولا اللي دوم وهل تنصحني اركب خزان ووايت نوع ينفع للباث وكم اسعاره واليايات تنصحوني بها ولا مايحتاج والثلاجه لقيت لي ثلاجه بمحل ساكو سعرها تقريبا 500 مادري وش تنصحوني باحسن نوع وسعره زوين وسامحوني اتعبتكم الله لايهينكم


اسال الله الحي القيوم ان يملي حياتكم سعاده ويحل علينا وعليكم رضوانه بالدنيا والاخره اللهم امين امين


اخوكم خالد القاضي
الخزان ضروري بالحيل يابعدي او بما يسمى التانكي واحرص على خزان الوطني من مادة البولي اثلين وهو مثل حق البيوت بس مصمم خصيصا للموتر ولا ياخذ مكان بالحيل
اليايات يابعدي موضوع طويل شوي
يعني انت عندك استعداد يصير موترك مب مريح اذا عندك استعداد ركب ياي استرالي
ويصير الموتر راسي بالحيل بس يصير مب مريح ولاينزل مع التحميل بسرعه
اذا تبي الموتر مريح ركب كعكات بين السست عند الميزان بس الموتر يبي يصير رفيع شوي واذ حملت ينزل لمستواه الطبيعي

طيب انت راعي جلد بالموتر وتطعس ولا استخدامك اوصل لمكانك وارجع

تحياتي والمعذره على التاخير

[ابوصالح77]

طيب هنا افدناك طال عمرك وراك زعلت بموضوعك المكرر

ما دام فيه أسير حنا نعجز بالرد نسير
فادك أخونا بيض الله وجهه ولا يهنون البقية