تضليل القزاز الأمامي بالطريقة هذي .. هل ممنوع وإلا لا ؟؟

[ملقاط بن جمر]

السلام عليكم ورحمة الله وبركاته ..

سؤال بسيط يا اخوان :

أنا ودي اضلل قزاز السيارة الأمامي .. بس ماهوب كامل ..

بس حد المرآة أو أقل شوي .. لأن الحين ادوام على وقت الشروق ..
مابحطه غامق مره .. بحط شوي فاتح ..

هل ممنوع ؟؟وإلا أتوكل على الله ..
لأن ماودي يوقفني أحد وهات وخذ معه .. أبيها من قاصرها ..

بيض الله وجه أي واحد يرد على الموضوع ..

[دحيم الفزعة]

السلام عليكم
اخوي ما فيه مشكله انك تظلل بالحد اللي ذكرته بالتوفيق



تحياتي ====

[العايد999]

ما عندك اي مشكلة ضلل الى ربع الزجاج اللي فوق

لكن الزجاج كامل مخالفة

[بريده كلي]

عادي معي اف جي مضلله كامل الجوانب 0.2 و الاماميه 0.1 وله3شهور توكل على الله..

[التعـ King ـديل]

يسمونها شمسيه

طبعا الغالب ماهي مخالفه لكن بعض العسكر مزاجه الله ياكافي.

انا عن نفسي مظلل كامل الموتر مخلوط 02 طبعا المخلوط حلو والاماميه شمسيه ولي سنه الان كذا

[ابو النادر]

الي اعرفه انه ممنوع بس انت وحظك
فيه شمسيه عند محلات الزينه تثبت على القزاز الامامي
تسحبها اذا قابلتك الشمس واذا راحت فكها ترجع مكانها

[ملك الإحسآس]

أنا مضلل كامل السياره مع القزاز اللي قدام بعد
أسود كاتم ما عندك أحد
لي سنه الآن

[الركن الهادي]

نصيحه لك ياملقاط لاتركب التضليله المخالفه وحده سوى كامل اونص اقزازه خذها مني نصيحه

[نيتروجين xp]

على حسب مزاج العسكري الي يوقفك
لان عندنا نظام أعوج للأسف كل واحد يحط قوانين من راسه
ولا يوجد نظام واضح زي الدول الثانية ..!!

[ملقاط بن جمر]

دحيم الفزعة :

بيض الله وجهك ..

العايد 999 :

حدي في بسيط .. مانيب مضلل القزازة كلها .. بس حد الشمس ..

بريدة كلي :

مشكوور وبيض الله وجهك ..

كنق التعديل :

ماعندي والله مشكلة .. لكن الخوف من مزاج بعض العسكر .. ما ودي اترجى واحد ما يسوى ..

النادر :

الخوف تكون ممنوعة هم اتحسف على المخالفة وفك التضليلة ..

ملك الاحساس :

شكوور وبيض الله وجهك ..

الركن الهادي :

مشكوور على النصيحة .. على راسي وعيني وربي ..

المجتهد :

هذي المشكلة .. مزاج بعض العسكر .. مشكوور وبيض الله وجهك ..

.

في انتظار المزيد من الأراء والنصايح ..

[الجني العبد]

أول شي على حسب موترك ..
إذا كان موترك هايلكس ولا ربع ومغبر الموتر وجالي الدفرنسات فهذا راح يعطيك مخالفه
أما إذا كان موترك موتر عادي فمن أنا ماراح يجيك شي ..
<<=== نظام المرور في القصيم _ بريدة

[ابونبيل]

عآآآدي ضلل مو موشكله

[ولد الغلباء]

عااااااااااااادي ضلل وما جاك علي هههههه

[abu fares]

النظام يمنع ذلك وما بقي أنت وحظك

[ملقاط بن جمر]

الجني العبد :

موتري ياخوك لومينا مافيه ولا شيء يدل على أنها لواحد ماهوب منضبط ..

ابو نبيل :

بيض الله وجهك ..

ولد الغلباء :

كفو.. تقول وتطول .. شاكر لك مشاركتك في الموضوع ..

abu fares

الله يعين على مخالتة النظام إذن .. وما نيتي فيه إلا حماية لعيوني فقط ..
ولا نبيب حق هياط وتكتيم ومن السوالف اللي انت خابر ..
مشكور وبيض الله وجهك ..

..

[السلمان2010]

ضلل ماعندك مشكله انا اذا جيت اسافر الظهر احط تضليله اماميه0.1 كامل

[البرتقالي]

كل شي عندنا ممنوع وانت وحظك
وما عاش هالوقت الا اللي ما يفكر بالعواقب

[أبوجهاد التبوكي]

على حسب المزاج...

[عاشق هلي 2005]

أجزم والله انا مكتم الا اللي قداام 02 لي 7شهور

[GS5]

وعليكم السلام ورحمة الله و بركاته

يعني بتضلل ربع اللي قدام بس و الباقي عادي ولا خفيف ؟

إن شاء الله مايقولون لك شي و اغلب العسكر يراعون تراهم بالصيف مايدققون بالحيل إلا على الشبهه بس ..

يمكن بالشتا بس , تبي مير العلم , نظارات شمسيه من الزينات حطه بالنظاره ازين من التضليله و بكل مكان معك ولا تنغبن على 300 ريال بعدين

[عاشق ورق]

لالالالالالالالالالالالا
انتبه !!!!!!!!!!
تصير ضحية واحد مقفله معه
الدعوا مزاج
تحياتي

[فنجال شاهي]

البس نظارة شمسية وارتااااح