وش رايكم بهذ الخوي

[اسد الطوارق]

السلام عليكم ورحمة الله وبركاتة

سأضع لكم القضية كاملة وانتم الحكم

احد الزملاء دائما مايحدثني عن رحلاتة للصيد فقلته مرة من المرات خلنا نتخاواى لشعيب الطيري وفعلا رحنا
لكن الرجال مايتصف بصفات اهل القنص ومن ذلك
1 كان فيه مجموعة شجر مشبكة وفيها ناس جاء وقف السيارة قدامهم وبدا يطلق على الطيور اللي داخل قلت له عيب هذي فيها ناس قال ماعلي منهم صادله وحده جاء لمهم قال ابدخل اباخذ اللي صدته الرجال ماقصروا عطونا اللي صاده لكنهم قالوا ان صدت مرة ثانية ماراح نجيبها لك هذي ارض خاصه لنا.
2 اذا شاف شجرة فيها طيور وعندها واحد وقف جمبه وقام ينافسه رغم ان الشجر واجد والطيور كثيرة.
3 طلعنا للرمحية وكان فيه بيت حوله شجر علية طيور وقف وقام يطلق على الشجر اللي تبع البيت انا زعلت علية ونصحته وقلت له هذا حرام ولو يطلع عليك راعي البيت والله مايخليك.
4 طلعنا بعدها للكوبري الموجود في الطوقي وكان تحتة ناس وقف جمبهم وقاموا يناظرون وش ذا الوقح الصراحه انا قفلت اخلاقي معه يا اخي اشجار الطلح واجده مافية الا هامكان.
5 وحنا نطبخ الغداء قام يكلم اخوياه ويقول صدت حول الثلاثمية رغم اننا في الحقيقة ماصدنا الا 46 دخله.
6 في اثناء الطبخ لا حظت انه ماحط ولاقطرة ماء نبهتة قال لا مايصلح الماء انا دريت انه عنيد وسكت للاسف الاكل ناشف والدخل شبر ولاقربنا الغداء بسبب عدم استماعه للنصيحة.
7 في الخط اي واحد يشوف معه سيارة جيب يبدا يكبسله بالنور اقول له وش السبب يقول مزاج.

على كل حال بعد فترة اتصل على وطلب انه يخاويني ورفضت وقلت انت ما يصلح تصيد ولا تعرف الادب زعل الرجال والان ابي اعرف من الغلطان انا والا هو .

[الحزوبر]

انت ابخص ونا خوك

[قناص عسير]

والله اذا مالقيت خوي غيره اطلع لوحدك احسن هذا مع احترامي((شرررررررررررهه))

[قدر مكتوب]

اخوي مااقدر اقولك الا انصحة باللي تشوف انه صح واصبر على خويك فتره مع النصح وحاول تعدله وان ماتعدل فدور لك احد على نهجك ودربك مبداك وابعد عن هالرجال مع الدعاء له بظهر الغيب .

اخوي بسالك كيف رفيقك بالفرض , قال تعالى (إن الصلاه تنهى عن الفحشاء والمنكر)

اخوي وخذها مني نصيحة اذا قدرت تاثر عليه فاستمر معاه واذا لا ففر من المجذوم فرارك من الاسد

[اسير الغضا]

انا اقول خله يتعدل على ايديك

[a7md al-q9em]

يآكثر الي نفس كذآ ..

لآيقبل النصيحه وعنيد.. والرآي حقه هو الي يمشي !!

لآكن اصبر وحآول تفهمه ان هذآ غلط ..

واذا صفت يآخوي آطلع لحآلك ..

والله اكثر طلعآتي لحآلي ولآ اخذ اخوي الصغير ..

[fares2011]

يا صبرك ويا حلمك ...

هذا ما هو خوي هذا جحيم

الله يشفيه مما فيه ويهديه
هذا حقه علينا

[اسد الطوارق]

الف شكر لكم على الاراء التي تدل على
قمة الاخلاق والذوق الرفيع

[الدبل الرابع]

هذه النوعية من البشر لاتشرف من يرافقها ودواها الترك
افعال منافية لتربية واخلاق الرجال
تصرفات صبيانية حمقاء
رعونة وعناد
ماذا بقي؟؟!!

[تركي الشقاوي]

خويك هذا ينطبق عليه بيت الشعر اللي يقول
اما أنت رجال عوج والا انت رجال مريض
وشلون اهادي صاحبي وان كان ربي ماهداه

[قنااااص]

خويك هذا ينطبق عليه بيت الشعر اللي يقول
اما أنت رجال عوج والا انت رجال مريض
وشلون اهادي صاحبي وان كان ربي ماهداه


:good2::good2::good2::good2::good2:

الله يهديه

[ابن الضمين]

يمكن انه مراهق ويمديه يعقل

[مطنوخ قطر]

هذا كذوب ووقح ولايقدر الخوه, ودك تربطه بغترته وتمده بعصا, او تحذفه على ملاقيف يعلمونه السنع:mad: وبعدها تسحب عليه السيفون وتنساه هو وامثاله..... الدنيا ماخلت من الطيبين والناس اللي فيها خير, دور وبتلقى.........

[نسناس غربي]

اخوي تر الخوه فن مهوب اي واحد يتقنه الا الرجال اللي ابوه علمه سلوم الرجال والعلوم الغانمه.
تر مهوب كل من هب ودب تخاويه حتى لو مدحلك فعوله وقال انا سويت وفعلت
الخوه سواء في مقناص او في كشته اوفالسفر تبين لك معدن الرجال وهذاك عرفت معدن خويك انه حديد ومصدي
كثرة في وقتنا الحالي اشباه خويك ذا للي يفهم ان الخوه فرض راي وعباطه او يكون بخيل او مزاجي
مع انك لو تبي تحطه في راسك والله ماياكل عيش
لكن تقدير للخوه تسكت وتخليه وتقول التوبه ما عاد اخاويه..

ردك له في اتصاله عليك " في وجهي " والله مايلحقك منه اي شرهه او ملامه والله العظيم انها قليلة في حقه بصراحه..

[صاحب حي]

هذه النوعية من البشر لاتشرف من يرافقها ودواها الترك
وليس عليك ملام ولست غلطان

[أبو الفهد]

الله يهديك يا أسد الطوارق
كل هذا وتسأل من الغلطان.
رفيقك هذا يسمى (( أحمــــــــق )) ، ويدخلك في مشاكل ما لها داعي مع خلق الله
لا يزهي لك ..... وطع شوري لا تخاويه مرة ثانية.
أنا ما أقول اقطع علاقتك معه .... يمكن يكون بينكم صلة قرابة
لكن سفرة أو كشتة .. هج عنه ، وأنت الكسبان

[العاذر]

انصحك ابتعد عنه

[شقران 13]

يا مل الي:D:D:D:D:D:D:D:D:good2:

[ابوفهيدان]

انا لما اطلع ما اخذ الا اخوي الصغير
دايما اغثه بالطلعات مع ان ماله بالمقانيص
بس حكم القوي ياكل الضعيف

وخويك ذا يمكن انه من النووع الي يهديه الله بالاخر

[فتى الاثله]

يا جماعة

اذكروا الله والله يشيل غفلته عنا

عن أبي هريرة أن رسول الله صلى الله عليه وسلم قال أتدرون ما الغيبة قالوا الله ورسوله أعلم قال ذكرك أخاك بما يكره قيل فرأيت إن كان في أخي ما أقول قال إن كان فيه ما تقول فقد اغتبته وإن لم يكن فيه فقد بهته

ان كانه على ما تقول انه (خوي) بما تعنيه الكلمه فمثل ما قال الشاعر :

لا جتك زلة من رفيق توده *** احذر تنكر له وبالشر تجزاه

[نقاء المطوع]

الله وانا اخوك اني رافقتك شروا خويك بس مالك الا تمشي رايه ولا رجعة شطب عليه مب تهجرة بس خل العلاقة شبه متواصله لاتطلع معه سفريات ولا تروح وتجي معه بالديرة وانت جاي يفيدك وتفيدة اما اخذه وينكد على وتقلب الطلعة عباطة وملاسن وكل واحد يفرض نفسه من الاخير كنسل الموضوع ياخي لو احتد اطلع لحالي ولا اطلع مع واحد يخرب جوي انا طالع استانس ماني طالع انكد على روحي ونصيحة اذا هو مب حريص على الدين وموره فمن الاخير لاتخاوية وهو الغلطان ومب كل من ركب طير صار صقار يعني خذ وخل بالتوفيق

[سحاب1]

يعطيك العافيه اخوي
انت ما غلطت يوم انك تتركه ولاكن مثل ما قال الاخوان لا تقاطعه ان كان بينك وبينه صلة قرابه ولا تطلع معه ومع الايام ان شاء الله يتعدل ويعرف انه غلطان بتصرفاته ..

[brens i]

في مثل يقول ( الخوي بالذمة لو انه عفن ورمة )وأعتذر عن قول المثل بس شكل رفيقك عزيز عليك اللي يدعيك ماتركته للحين إذا إنه رجل يفهم النصيحة تمشي معه . ولا هالسوايا ما راح تدوم له يجيه يوم يطيحن سنونه

[-ظل الجزيرة-]

ياخوي انت سويت الي عليك وزياده وهو الغلطان المفروض تتركه يعني مافي الدنيا الى هو

[متعب 2011]

صراااحة هذا زي مايسمونه بعض الاخوه مهايطي
لكن صفاته هذي مهي صفات راعي قنص
ونا في نظري الخطأط راكبه 100%
وتقبل مروري

[a7md al-q9em]

ونصيحة اذا هو مب حريص على الدين وموره فمن الاخير لاتخاوية وهو الغلطان ومب كل من ركب طير صار صقار يعني خذ وخل بالتوفيق


زد ع كلآمي النقطه الجميله الي ذكرهآ آخونآ نقاء بيض الله وجهه .. :good:

[اسد الطوارق]

مشكورين وما قصرتوا
على الرأي السديد
واتمنى ان الله يحميكم من هالاخويا
الي يضيقون الصدر وتتمنى انك ماطلعت معه

اكرر شكري لكم جميعا

[ابن عاشور]

وش حادك على الغثى
وأنت ماقصرت معه بالنصيحة وهذا يدل على محبتك وحسن تعاملك

ففي الناس أبدال وفي الترك راحة ’’’’’ وفي القلب صبر للحبيب ولو جفا

[الخادم]

اخوي عزاء الله انك صبور
مثله ماله زميل
انت رائح تصيد و تستانس و الله يرزقك و يونسك و لكن علمة علوم الرجال شرواك

[طير بيروت]

الخوه اذا ماهي قدر وحشمه وهيبه ماهي خوه الرجل حسب كلامك عنيد وكذوب ولايحترم الاخرين وش بقا من الخوه انا اقول ماشا الله عليك لازلت تحب القنص بعد هذا الرجل البغيض والله يمكن لوصايره معي لااعزل الصيد بسبته ولا عاد اطريه وابدل الجيب بكابرس وانسى البر كله

[عاشق الطرمبه]

سيفووووووووووووون باللي مايرده نصحته وجيته بالادب والاحترام مانفع بس لو اني محلك كان ماقلتله انت ما يصلح تصيد ولا تعرف الادب زحلقه وبكرة يكبر ويعقل ويعرف قيمتك وقدرك


...........................



يقولون وكر الحر مايعتليه البوم ... وانا شوف عيني وكر حر تحت بومه


http://www.mekshat.com/vb/images/misc/progress.gif

[العميد ابواروى]

ياكرهيله

طيب اقل القليل يقدرك انت
واذا صار لحاله بجهنم الي تحرقه

[torrjom]

السلام عليكم ورحمة الله وبركاته


على شان كذا قالو تعرف خويك بالسفر


والحين انت عرفته


وانت ابخص


كل الووووووووود

[ALBDRANE]

دور النشاما واترك عنك ذا العومة

يقولون العوج دايم يحب العواجه

يقول الشاعر من قصيدة له :
ياحيف يارفقة ضعيف النفس ما فيها سند ..... مالله بجابرني على رفقتك وش ابغيبها

[مدمن مرقوق]

مايصلح خوي هذا
يجيب فيك العيد ويفضحك
وانت ابخص

[ابو محمد 888]

هذه النوعية من البشر لاتشرف من يرافقها ودواها الترك
وليس عليك ملام ولست غلطان

[YUKON_GMC]

ياخوي هذا جحش ماهو ادمي يكرم القاريء والا انه مقضم حبوب لين قال بس والا احد يرمي طيور قدام بيت عوائل والا يكبس بالانوار على السيارات

هذا منتهي واتركه عنك خله يولي ويبي يطيح له يوم في يد مشورب يوكله تراااب

[العرهبي]

اقول ياطول صبرك عليه لونا منك لانزل واشر على الطريق لويوصلني راعي تريله ولااجلس معه ،،،،،

[المرزم]

الله يشفيه ويهديه
الاشكال اللي زي كذا والله مااطلع معه ابد
هذا فشيله
واسف اخوي اذا قلت شي يزعلك

[مخطط 2008]

احمق ؟؟؟؟؟؟؟؟؟؟؟؟؟

[الوسام 40]

اخوي مااقدر اقولك الا انصحة باللي تشوف انه صح واصبر على خويك فتره مع النصح وحاول تعدله وان ماتعدل فدور لك احد على نهجك ودربك مبداك وابعد عن هالرجال مع الدعاء له بظهر الغيب .

اخوي بسالك كيف رفيقك بالفرض , قال تعالى (إن الصلاه تنهى عن الفحشاء والمنكر)

اخوي وخذها مني نصيحة اذا قدرت تاثر عليه فاستمر معاه واذا لا ففر من المجذوم فرارك من الاسد


هذا الكلام الجميل ...

اخي الزمن كفيل انه يغيره ... ونصيحة لك لا تتركة وانت مزاعله ... بل اتركه بتدرج ... وانت علمك غانم ....
واليومين هذي محد يبي النصيحة ...

[ابوالفهد]

النصح معه لأنه خويك حتي يفهم المراجل والأاداب الأسلاميه

[طفران بس بطران]

وحلالاه دبجتة

[abo_hoor]

اخوي اعزيز هو الغلطان والله وانت ماقصرت معاه بالنصح
انصحك اخوي انك تنصحه وتقول هالافعال هذي غلط ولا فيها اي شي من الاخلاق
ونصيحه اخويه انك تنصحه واذا مانفع الوجه من الوجه ابيض خله

[الهاشمي2008]

هذا كذوب ووقح ولايقدر الخوه, ودك تربطه بغترته وتمده بعصا, او تحذفه على ملاقيف يعلمونه السنع:mad: وبعدها تسحب عليه السيفون وتنساه هو وامثاله..... الدنيا ماخلت من الطيبين والناس اللي فيها خير, دور وبتلقى.........
والله انك صادق اتركه واترك اخوته هذه مايشرفني امشي معه

[محمد الظاهري]

يقول المثل
(المعرفه بالرجال الطيبين تجاره )
اخوي
بارك الله فيك انك مسكت اعصابك
وياغالي الانسان يتئثر بسهوله
حاول انه يطلع على يدك
مثل ما يقولون الصاحب ساحب
اسحبه وارشده وعلمه
ولك الاجر
والله يوفقك
وكل عام وانت بخير

[عبد الله 99]

اكثر ما كثر الله الاوادم و الحمد لله فيهم الرجال و فيهم لي الله بالخير
عشان كذا لو تطلع بلحالك اصرف من انك طلع مع واحد مثل ذا
و ابد كفيت و وفيت اما الي يقول اصبر عليه يتعلم منك اسمح لي اقولهم الشاكله ذي ما ودك تقربها تخا يأثرون عليك
طرح مميز

[خالدk]

هذه النوعية من البشر لاتشرف من يرافقها ودواها الترك
افعال منافية لتربية واخلاق الرجال
تصرفات صبيانية حمقاء
رعونة وعناد
ماذا بقي؟؟!!
مو شرط تخليه حاول اذا انك تشوفه يحفظ حقه وعلمه الصح من الغلط واتركه باسرع وقت بدون اعذار عشان يعرف يفكر بالغلط ويسأل نفسه
احترامي

[عناز الحره]

5 وحنا نطبخ الغداء قام يكلم اخوياه ويقول صدت حول الثلاثمية رغم اننا في الحقيقة ماصدنا الا 46 دخله.
.
.


ههههههههههههههههههههههههههههههههههههههههههههه
هههههههههههههههههههههههههههههههه
هههههههههههههههههههههه
ههههههههههه
هذااااا مهايطى كذاب واشكاله واجد يالغالى فعليك سفهه
او تتصف بصفاته القذره مثلا" اطلع لك طلعه وهو ماهو معك وقول طرحنااا 3000 وميتين ههههههههههههههههههههه

[اسد الطوارق]

لكم جميعا كل الشكر والتقدير
على هذا الاثراء للموضوع

وكل عام وانتم بخير

[كحيلان تميم]

اكشت بامي وخواتي ولا اطلع معه ..!!

اكره هالاشكال وكثير مانواجهم ليس شرط فقط بالصيد .. وانما بغيره اكره هالحركات الي يجي يركب بسيارتك ويتشرط ولا يدفع شىء ويتامر واذا مامشى كلامه يزعل وطول الطريق يزبد .. اكره هالحركات ..

وزين ماسويت به

[متعب2005]

لاعاد تطلع معه وخلصت القصه

[خالد الشمري20]

الله يهديه

[سمنودي]

انا اقول
اسسسسحب عليه في الرحلات والمقناص
هذا نفسيه ، وطبعه شين
خل صحبتك معه في الامور الرسميه اوقف معه في الاحزان وجامله في الافراح
لاكن لاكن لاكن
لو يقول لك خاويني لين باب البيت قله لا والف لا
هذا من جد شررررهه وهو للاسف عرف انك زعلت وما عجبتك تصرفاته ورغم هذا يعاند ويستفزك
يعني اما ان ترضى عن تصرفاتي ولت تراني بازعل
عجيب والله
الاصحاب على قفا من يشيل
وجايز العيد بلا حنا

[سمنودي]

سمعت مني
وبعدين ياخي مانت ملزوز عليه

[علم162]

سمعت مني
وبعدين ياخي مانت ملزوز عليه
الموضوع من 2010

[خشكاري]

يارجال خويك يهون .. قد قنصنا بمنطقة ؟؟؟؟؟؟ ماني قايل اسم المنطقة احتراما لأهلها وعشان ما افتح باب شر .. الوكاد بغيت انهبل من اللي صار !! تخيل الجول قدامك ويجون راعين ددسن وجيب ربع طايرين ويعلقون على البوري ويفحطون ويغبرون كله عشان ينحشون الصيد ؟؟ وهم مهوب قانصين ولا شي بس كذا لعانه .. وخويي بغى يسوي مشكلة معهم لكن طلبته يتعوذ من ابليس ويشيلهم من راسه ..

[آآآبو سعود]

قالوها اهل العرف ان بغيت تعرف الرجال خاوه .

[بربنجي]

ما انت غلطان ابد
وهو اذا تبي طبعا قله تراك سويت كذا وكذا وكذا وهذا فيه تعدي على الناس وعليك انت انه نكد عليك
وانصحه ما انت خسران شي
ان استمع للنصيحه ولا على قولته هو حر

[تربة الشمال]

الصبر جميل وانصحه لا عل الله يهديه علئ يدك

[خوي نفسي]

والله مايغثك الا هالعينات مايحترم الناس بس يلقى له واحد يأدبه

[مطر وسم]

انا خاويت واحد زي خويك غاثني في طلعتي للصيد ماينفع في اي شي لاصيد ولا طبخ ولا معونه مغير يعلق ويضحك على اي شي ويتكلم على الناس والمشكله تطبخ له ويجلس يذم طبخك وشاهيك وقهوتك (شين وقوي عين)


انا ماصدقت على الله اوقفه عند بيته ومن ذاك اليوم من 3 سنوات ماشفته حرمت اخاويه



تحياتي لكم

[الموووت]

ياكثــرهـم اللي مثل نوعيته


ويجيك يسوي انا اللي اعرف بكل شي


ودايم هو الصح وجميع اللي معه خطا لو عارضوه او خالفوه الرأي


النوعيات ذي ماينطلع معهم ابد

[ام الدجيجات]

وش لك بالبحر وأهواله وأرزاق الله على السيف
أقولك هذا وقح وقليل أدب
ماجاه واحد يعدل صابره له
أقلك ياشيخ خله يولى بس ولاتماشيه
يتمقق يعيننى

[namshicoupons]

انا اقول خله يتعدل على ايديك

[h a j u s]

انسان عنده نقص في الشخصيه او عقده نفسيه

[نهر الطيب]

يحكي لي احد الإخوة يقول سافرنا لتركيا وعددنا ٤ وحطينا احدنا امير علينا
غثنا غثى مابعده
يبي يفرض رأيه بالقوة لو كان غلط
واذا بغينا نروح نتمشى في متحف مثلاً او موقع سياحي يقول انا رحت له قبل كذا ماله داعي مع إن اللي معه ماقد راحوا له
واذا جا وقت غدا أو عشاء قال مانبي نتغدى او نتعشى لأني مسوي ريجيم ( مع اننا اذا رحنا مطعم وهو معنا يأكل أكل اربعة ويحاول يسابق اللي معه على الطاولة على الأكل )
ودايم مشاكل مع الناس راز خشمه
وتسبب في ضياع جواز واحد من اللي معنا
حتى يوم جا وقت الصلاة وحنا مسافرين ووقفنا نصلي الفجر في البر أصر على رأيه في تحديد اتجاه القبلة وعشان مايعطي لأحد فرصة أقام الصلاة بسرعة وكبر تكبيرة الإحرام وبعد شروق الشمس اكتشفوا اللي معه انه صلى بهم عكس القبلة
مثل خويك هذا ابعد عنه ( كذوب وراعي مشاكل أنت في غنى عنها

[ابو تركي 211]

الصراحه انك مشاء الله عليك رجال عاقل وفيك من الحلم الشي الكثير
والله لو انا لااخليه يرجع رجليه واعلمه الادب
اجل يطب على خلق الله بصيدهم
عادي انه يكذب خله يصيد خمسة الف وهو صايد وحده
بس اهم شي لايتعرض لااحد
على العموم مثل خويك هذا قله لااتعدى حارتكم اقص رجليك

[متعب2005]

خويك نفسيه

[معنى الحياة]

نسال الله له ولنا وللمسلمين أجمعين الهداية والسداد هذي نوعيه تنرفز وان قدرت تغيره ولا منت بحاجته وكل من يتكلم عن نفسه وأني وأني قد يضطر يكذب حتى يحفظ اعتباره كما يظن كما حصل مع عدد الصيد ولو تعقبته في غير هذي تبين لك ما اقصد تحياتي للجميع

[أبو سيف العمري]

إستأذن منه وإعتذر بأدب ..... ووجه له نصيحة مفاده إحترام الناس وما حولك حتى يحترموك الناس

ثم إسمع نصيحة خويك ...... وشيلني وأشيلك ...... ولا تفرض رايك بالقوه وهو كذلك

ثم توادع منه وقله فرصة طيبة .... وإن شاء الله تلاقي أحسن مني

وكأن الخطأ منك ...... عله يحاكي نفسه يوما ويعرف خطأه

وبإذن الله يجيك ويعتذر ويعرف إنك على حق

[بربنجي]

انا اقول انصحه بدون ما تطلع معه
اذا هذي افعاله ينعاف لكن انصحه وقل ما اطلع معك انت سويت كذا وكذا
ازعاج للناس وتطنيش لك يا خويه ولا سمع النصيحه

وممكن يعمل لك مشاكل مع الناس بافعاله انت في غنى عنها

الواحد مننا طالع يستانس وينبسط مو طالع ينزعج ويتنكد
عندي اطلع لحالي و لا اطلع مع واحد يغثني لا سمح الله


والخويا كثير والاجاويد واجد ولله الحمد

[أكبر]

الموضوع صحيح إنه قديم لكن الفوائد ما لها عمر

يقول الشاعر:
تبي تعرف الردي شف من يخاويه ترى الردي مايعشق الا الرخامه
والا الكفو اللي عريقه مباديه ان مالقى الطيب يمشي لحاله

[الحربي حاتم]

ناصحه بأخطائه وحاول تعدله لنفسه وليس لك
وجرب تاخذه معك على سيارتك ووره السنع على سواتك ويديك لعله يتغير وتكسب فيه معروف . وفعلك ماهو خطا ولكن فيه أفضل منه وهو المناصحة .