تكفوون نلغا حل للحراميه

[بترووول]

السلام عليكم
يالربع تعبوني الحراميه تكفون ابي حل اليوم انسرقت ثاني شاشه
لي الله لايوفق اللي سرقها ماخلاني استانس فيها توني شاريها 1450
حسبي اله ونعم الوكيل
نبغا حل لهم طاحو بالحركه ذي اكسر القزازه وفك الديكور وخذ المسجل
نبغااااااااااااااااااااااااااااااااااااااااااااااا اا
حل تكفون الضاهر اني لاجيت اروح للدوام بفك المسجل وتركه

[اسير الغضا]

الحل ركب جهاز انذار لامنه كسر القزازه هج
ورح صلح القزازه ولا لاتركب مسجل واكتب ورقه اذا جيت تنزل من السياره لصقه بالدريشه لايوجد مسجل شكله واحد مترصد لك اذا ركبت مسجل فكه

[ابويعقوب4]

الله يعوضك شف ياخوي من خبرتي ركب مسجل تاخذ شاشته تلقاه في الغرابي وراى الديكور يركبونه وتقوم كل مانزلت تفك الوجه يكون كن مافيه مسجل ولاعاد يدري وتعود تركبه شايفه عند واحد من اخواياي

[ملك الغضى]

شف وانا خوك ركب جهاز انذار لان راعين الفروت الللي دايم تنسرق يسرقون المسجل والاسبير ما ارتاحو لين ركبو جهاز انذار تدري ان الحراميه اذا حصلو فورد فيه ارقام على الباب مايقربونه لانهم عارفين ان فيه جهاز انذار اما راعين الفرد الاستاندر الله يعينهم

[غالي]

أنذار وبس عطوكياها الشباب

[عاشق السيل]

أول حل وأقوى حل وأضمن حل إنك تقول إذا أبعدت عن سيارتك ( اللهم إني أستودعك سيارتي بحفظك ورعايتك يامن لا تضيع ودائعه ) واستخدم هذا الدعاء مع كل شي يهمك مثل البيت والأولاد والعائلة إذا وضعتهم في أي مكان ،،

وبعدين تفعل الأسباب ومنها :

1 ـ تركيب جهاز إنذار لأنه يخيف اللصوص ،،
2 ـ إذا عندك بايكة ( كراج ) دخل السيارة وخاصة بالليل ،،
3 ـ ظلل الزجاج تظليل كاتم علشان اللي بالداخل يكون غير واضح ،،
4 ـ حاول توقف سيارتك بمكان مكشوف مثل الشارع العام أو عند محلات ،،، إلخ

والله يحفظنا ويحفظ أموالنا من كل مكروه ....

[ن م ر]

اللهم شل يد من يحاول العبث بممتلكات المسلمين الآمنين

اللهم رد كيده في نحره وأشغله في نفسه

[PATHFINDER 4]

حسبي الله ونعم الوكيل خالي انسرقت ستبنة موترة الجنط الفضي

من القهر شرا جنط اسود وكفره سخييييف مرة << يعني حق توصيل البنشري

الشباب ماقصروا

تركيب جهاز انذار وضع السيارة في مكان مكشوف او شارع عام وفي الليل دخله البايكه

وقبل كل هذا استودع موترك

وبما ان الموضوع عن سرق المسجل اقترح كل من يدخل يذكر النوع اللي ركبه من جهاز الانذار مع سعره ومكان تركيبة وتجربته معه

بالنسبة لي ماركبت جهاز

[التل الصامت]

وش موترك يالغالي ؟؟؟؟

يمكن يكون مترصد لك حاول تراقب سيارتك من بعيد والله يعينك اذا ماعندك بايكة (كراج)

ركب انذار وريح راسك يمكن الاخ حاس انك بتركبها وما تحس انها انسرقت وهي جديدة يمكن والله وعلم انه يعرفك والا من اخوياك الله يعينك

[ملقاط بن جمر]

الله يعوضك بخير منه ..

ركب لك جهاز انذار وإن شاء الله يبعد عنك الحرامية ..

الله يعين .. والله الواحد ما عاد يامن حتى والموتر واقف في البايكة ..

[aooa]

اذا ثاني مره تنسرق فهذا الحرامي يعرفك زين زين

والا انت ساكن في حي الجراديه او منفوحه او الفيصيله او عتيقه او النظيم او حي الفواز اذا كنت بالرياض طبعا ... او حي مشابه لذلك اذا كنت خارج الرياض .....

الحل اذا كنت مستاجر انقل من الحي الى حي راقي وركب كاميرا مراقبله لا سلكي سواء داخل السياره او عند بوابه المنزل وسعرها اعتقد ما يتجاوز 200 ريال وتربطه بالحاسب وتخلي كمبيوترك شغال ويصور طوال الوقت وهذه الكاميرا صغير وما تنشاف وتحطها في مكان مخفي وبكذا تتعرف على هوية السارق ...

[ابوصالح77]

الله يعوضك خير منها
ويهدي شبابنا إلى الطريق المستقيم

[القبقب]

أول شىء يفعله الحرامي هو فصل جهاز الانذار .... أفضل حل تركيب كاميرا مراقبة .

[هويدي]

الحل بسيط ولا يكلفك شي بالعكس تكسب أجر

اذا نزلت من الموتر قل : استودعتك الله اللذي لا تضيع ودائعه ـ وتوكل على الله

[كم كيلو باقي]

يبن الحلال استودعها الله وحلف مايجيها شيء

سافرت 3 ايام وموتري بمواقف المطار والشباك مفتوح كااامل والحمدلله رجعت وهو على حطت ايدي

وكشت مع ربعي وتركت موتري داخل حي سكني ملياان عالم والمفتاح ناسيه معلق على باب السواق والحمدلله رجعت له بعد اكثر من 8 ساعات وهو على حطته

عوود نفسك كل صبح تستودع الله نفسك واهلك واخوانك ومالك وربعك

[كم كيلو باقي]

يبن الحلال استودعها الله وحلف مايجيها شيء

سافرت 3 ايام وموتري بمواقف المطار والشباك مفتوح كااامل والحمدلله رجعت وهو على حطت ايدي

وكشت مع ربعي وتركت موتري داخل حي سكني ملياان عالم والمفتاح ناسيه معلق على باب السواق والحمدلله رجعت له بعد اكثر من 8 ساعات وهو على حطته

عوود نفسك كل صبح تستودع الله نفسك واهلك واخوانك ومالك وربعك

[كم كيلو باقي]

يبن الحلال استودعها الله وحلف مايجيها شيء

سافرت 3 ايام وموتري بمواقف المطار والشباك مفتوح كااامل والحمدلله رجعت وهو على حطت ايدي

وكشت مع ربعي وتركت موتري داخل حي سكني ملياان عالم والمفتاح ناسيه معلق على باب السواق والحمدلله رجعت له بعد اكثر من 8 ساعات وهو على حطته

عوود نفسك كل صبح تستودع الله نفسك واهلك واخوانك ومالك وربعك

[كم كيلو باقي]

يبن الحلال استودعها الله وحلف مايجيها شيء

سافرت 3 ايام وموتري بمواقف المطار والشباك مفتوح كااامل والحمدلله رجعت وهو على حطت ايدي

وكشت مع ربعي وتركت موتري داخل حي سكني ملياان عالم والمفتاح ناسيه معلق على باب السواق والحمدلله رجعت له بعد اكثر من 8 ساعات وهو على حطته

عوود نفسك كل صبح تستودع الله نفسك واهلك واخوانك ومالك وربعك

[المهاجر انا]

لاتوجع راسك بتركيب جهاز انذار قل استودعك الله الذي لاتضيع ودائعه وانس الموضوع انا بفضل الله افعل ذلك ولم يسرق من شي قو:Dلو ماشاء الله