وش احسن ورشة للشروكي بالرياض

[M.A.C.D]

السلام عليكم

ياجماعه اليوم بطلع للرياض ادور شيروكي اربع ابواب

بس ابي اعرف وش افضل ورشه برياض علشان افحص السياره عنده قبل لا اشتري من الصدام الى الصدام

لا تبطون علينا بمشي العصر

[الشقردي]

اسأل عن ورشة المطيويع في صناعية الخرج
متخصصة في الشروكي على ما أسمع بس ما جربتهم.

[سفير الجزيرة]

السلام عليكم ورحمة الله وبركاته
فيه ورشة متخصصة في الشيروكي عن مبنى الفيصلية جنوب بالضبط في وسط محطة بنزين
بس مدري عن شغلهم مضبوط أو لا لكني أشوف الشيروكيات عنده واجد

[الشقردي]

وكلام سفير الجزيرة على متمه , هذولا اللي جنوب الفيصلية كانوا متخصصين بتركيب البوالين وأكثر ما أشوف عندهم اللاند روفرات ولكنهم للأسف نقلوا من فترة والارض اللي تخبرونها ذيك محطة البنزين والعماير الصغار اللي حولها مسحت بالارض الظاهر فيه مشروع جديد هناك

[M.A.C.D]

السلام عليكم

اسف لتاخري برد ولكن ما جيت من الرياض الا امس

وللاسف ملقيت غير تمتيك بس لقيت واحد عادي بس مو نضيف



الي يخبر لي يسل انا الان بلقصيم


وابي اسال كم يسوى ال 2000 اربع ابواب نظيف عادي

[عاشق الجبل]

ولايهونون الأخوان وكلامهم على متمه

ورشة المطيويع الأفضل للشروكي كما قال الأخ : الشقردي والمركز الذي أشار اليه الأخ : سفير الجزيرة طاقم من العمالة

السودانية والهندية .... والفلبيني متخصص بترهيم التوانكي وشغله زين لكن بالفينشينق ( اللمسات الأخيرة ) ماعندك أحد

معظم خبرتهم بالرانج روفر لأن المدير السابق : الأنقليزي كان يركز على السيارات الإنقليزية فقط .

عمومآ أنا وضبت عندهم قير باترول وماصلح وشغلهم تعبان جدآ وبالنسبة لترهيم التوانكي فرهموا لي تانكي بنزين 140 لتر

وتفأجاة أن صفاي البنزين ينسد كل فترة وأكتشف مع الأسف أن التانكي مليان رايش وقطع حديد صغيرة مدورة بحجم

حبة حلبي فشق الشوزن رقم : 4 و 6 لدرجة أني غيرت 3 صفيات والرابع بالطريق وأبي أجمع كل هالصفايات وأعطياها مديرهم ليعرف أن شغلهم خرابيط .

وهم متخصصين بتركيب البوالين واليايات والمساعدات فقط وغيرها أنتبه

(المساعدات و اليايات يشترونها من الرماية ويتكسبون من وراك ولو تأخذها من الرماية أرخص لك )