معشق الدبل
24/08/2005, 08:09 AM
بسم الله الرحمن الرحيم
السلام عليكم ورحمة الله وبركاته وبعد :
انا يالربع معي جيب قصير وتخبرون الناس اللي يحبون الجيب القصير مؤكد انهم يحبونه علشان انه ما يتعلق ويروح لمحلات وعرة وصعبة على غيره من السيارات ( لكن مهوب هذا الموضوع )
الموضوع انا متمشكل مع البطاريات كل ما شريت بطارية وجربتها اما انها تطرطش على البودي مع البطانيج وتخبر التطعيس ( ساعة وجه الموتر فوق وساعة تحت ) المهم ما اطول عليكم
حاولت اجد حل لها المشكلة ( نقصت ماء البطاريات الى اقل حد ) ما فيه فايدة ( ركبت بطاريات امريكي اللي ما تحتاج صيانه - بصراحة بطاريات نعال ولا تمرجل ) ركبت جميع الانواع اللي تخطر في باللك ما لقيت حل
يوم من الايام واحد من خوياي كشخة ( تاجر ) عنده قارب دار بيني وبينه هالحوار
قال لي تروح معي اشتري بطارية للقارب
قلت له طيب يعني اقرب بنشري ( غيرو الكلمة البلدية الى عجلاتي ) ونشتري بطارية
قال لا
طيب ليش
ياخي القارب يتعرض لهزات عنيفة وميلان في جميع الاتجاهات اعنف من مما تتصور ( طبعا القارب مافيه مساعدات ولا سست ولا يايات اللطخة في البودي مباشرة وتنتقل لأسفل ظهرك بسرعة )
طيب والمعنى
فيه بطاريات خاصة للقوارب
هه وشلون
اجل وش تحسب
طيب وين نلقاها
مشينا معي وانا اوريك
رحنا للمحل ووجدنا البطاريات وهي بطاريات يوضع فيها الحامض على شكل (جل) طبعا مقاومة للأهتزازات ومقاومة للأرتجاج ومأمونة في الحوادث واكثر من ذلك لا تتأثر بكثرة الشحن والتفريغ بس المشكلة قيمتها ( بين 550 ريال الى 750 ريال ) المهم اني غمضت ودخلت يدي في مخباي وطلعت ذيك الزرقاء ومعها طفسة وشريت وحدة ولكن يا جماعة بعد التجربة صراحة انا مستانس كثير وحبيت اشاركم بهذه التجربة لعل الله يكتب فيها الفائدة .
صورة لنوع من هذه البطاريات .
http://www.mekshat.com/pix/upload/images10/mk15094_54_2.jpg
تحية
السلام عليكم ورحمة الله وبركاته وبعد :
انا يالربع معي جيب قصير وتخبرون الناس اللي يحبون الجيب القصير مؤكد انهم يحبونه علشان انه ما يتعلق ويروح لمحلات وعرة وصعبة على غيره من السيارات ( لكن مهوب هذا الموضوع )
الموضوع انا متمشكل مع البطاريات كل ما شريت بطارية وجربتها اما انها تطرطش على البودي مع البطانيج وتخبر التطعيس ( ساعة وجه الموتر فوق وساعة تحت ) المهم ما اطول عليكم
حاولت اجد حل لها المشكلة ( نقصت ماء البطاريات الى اقل حد ) ما فيه فايدة ( ركبت بطاريات امريكي اللي ما تحتاج صيانه - بصراحة بطاريات نعال ولا تمرجل ) ركبت جميع الانواع اللي تخطر في باللك ما لقيت حل
يوم من الايام واحد من خوياي كشخة ( تاجر ) عنده قارب دار بيني وبينه هالحوار
قال لي تروح معي اشتري بطارية للقارب
قلت له طيب يعني اقرب بنشري ( غيرو الكلمة البلدية الى عجلاتي ) ونشتري بطارية
قال لا
طيب ليش
ياخي القارب يتعرض لهزات عنيفة وميلان في جميع الاتجاهات اعنف من مما تتصور ( طبعا القارب مافيه مساعدات ولا سست ولا يايات اللطخة في البودي مباشرة وتنتقل لأسفل ظهرك بسرعة )
طيب والمعنى
فيه بطاريات خاصة للقوارب
هه وشلون
اجل وش تحسب
طيب وين نلقاها
مشينا معي وانا اوريك
رحنا للمحل ووجدنا البطاريات وهي بطاريات يوضع فيها الحامض على شكل (جل) طبعا مقاومة للأهتزازات ومقاومة للأرتجاج ومأمونة في الحوادث واكثر من ذلك لا تتأثر بكثرة الشحن والتفريغ بس المشكلة قيمتها ( بين 550 ريال الى 750 ريال ) المهم اني غمضت ودخلت يدي في مخباي وطلعت ذيك الزرقاء ومعها طفسة وشريت وحدة ولكن يا جماعة بعد التجربة صراحة انا مستانس كثير وحبيت اشاركم بهذه التجربة لعل الله يكتب فيها الفائدة .
صورة لنوع من هذه البطاريات .
http://www.mekshat.com/pix/upload/images10/mk15094_54_2.jpg
تحية