الشرهه مو عليك .. الشرهه على اللي يعطيك سيارته

[ن م ر]

بسم الله الرحمن الرحيم
.
.
.
.
.
.
أسعد الله جميع أوقاتكم بكل خير ومسرّه وسعادة
.


أحيي أخواني الأعضاء في هذه المنتدى المبارك وأرحب بكم أجمل ترحيب
.
.
.


موضوعنا اليوم موضوع هام ويتعلق بكل شخص يمتلك سيارة
ودعونا نتناقش لنصل للفائدة المرجوّه


عزيزي المكشاتي ؛؛


لكل شخص منا حد أدنى من الخصوصية فيما يمتلك مع من حوله
ولكل شخص أسلوبه في الحفاظ عليها


وسيارتك من أحد أهم خصوصياتك
وقد تكون متسلف ودافع اللي وراك ودونك عشان تشريها


فلذلك أخي الكريم


هل تعطيها من هب ودب ولا تهتم ؟ فيأخذها فلان ويداريها ويأخذها علان ويعفلها وممكن يسوي بها مشكله دون علمك


هل تمنع أحد من قيادتها ولا تعطيها ابن امه ؟


هل تعطيها من تثق فيه وتطمئن أنها في يد أمينه تصونها وتداريها ؟


وفي الجانب الآخر :


هل تطلب - بسبب أو بدون - سيارات أخوانك أو أصدقائك بكثره ؟
هل تستحي تطلب سيارة أحد - في حالة حاجتك لها - وتروح تقضي مشاوريك في ليموزين أو تسأجر سيارة


شارك برأيك أو بموقف مر عليك


ملاحظة :
قد يكون العنوان استفزازي ولكن هناك أشخاص مروا بمثل هذا الموقف


أنتظر تفاعلكم وتعليقاتكم حول هذا الموضوع

[ساحووق]

لم امر بهذه الامور ولله الحمممد

ولكن لن اعطي سياارتي الا وااحد كفو وطيب شروااك

لاهنت على الموضوعععع الراائع

وننتظر بااقي الاعضاااااء

[ن م ر]

لم امر بهذه الامور ولله الحمممد

ولكن لن اعطي سياارتي الا وااحد كفو وطيب شروااك

لاهنت على الموضوعععع الراائع

وننتظر بااقي الاعضاااااء



شرواك الطيب يالغالي
أتحفتنا بردك الرائع وأخلاقك العالية

ولك كامل الحريّة في التصرف بسيارتك
وتهاون وتفريط البعض وثقتهم الزائدة يؤدي إلى الندم

أشكرك على ردك ومرورك العطر

[ريان2002]

أسعد الله أوقاتك بالخير والمسرات
بصراحه إن طلبني عزيز ماأرده والله لو مايرجع منها قطعة لأنه عندي أغلى منها وإن أخذت سيارة أحد أحرص عليها مثل حرصي على سيارتي
وأذكر قبل حوالي 9 سنوات أحد الزملاء أعطى سيارته واحد من أخوياه يجيب فيها عشاء وأنسرقت
لأن الرجال نزل المطعم وتركها شغاله
ولكن الحمد لله بعد كذا شهر لقيها شبه سليمه وسلامتك وسلامة الجميع

[ن م ر]

أسعد الله أوقاتك بالخير والمسرات

بصراحه إن طلبني عزيز ماأرده والله لو مايرجع منها قطعة لأنه عندي أغلى منها وإن أخذت سيارة أحد أحرص عليها مثل حرصي على سيارتي
وأذكر قبل حوالي 9 سنوات أحد الزملاء أعطى سيارته واحد من أخوياه يجيب فيها عشاء وأنسرقت
لأن الرجال نزل المطعم وتركها شغاله

ولكن الحمد لله بعد كذا شهر لقيها شبه سليمه وسلامتك وسلامة الجميع




الله يسلمك يا ريان وأشكرك على المشاركة الطيبة
وينبغي أن يحرص الشخص على ممتلكات غيره كما يحرص على ممتلكاته
كما قال أشرف الخلق عليه أفضل الصلاة والسلام ( لا يؤمن أحدكم حتى يحب لأخيه ما يحب لنفسه )

[مضاد]

على الجرح ياخوي نمر

الاسبوع الماضي اخذ سيارتي اخوي وطلع للثمامه ومكسته الحكومه بسبب الفوضا

ونسى السياره فاتحه يعني سياره بمكان لايحسد عليه مثل الي يقول تعال اسرقني

انسرق من سيارتي قارمنين نوفي 715 وقارمن ثري بلس والمشكله الكبرى ان الثري بلس ليس لي
وفراشي السفري وعزبتي
يعني القارمن معقوله ينسرق لكن الفراش والعزبه وش يبي فيها
وقبلها ضيع علي رادار الكوبرا مصايب الله لايبلانا عاد بعد سالفة القارمن ماياخذ السياره الا منزل اغراضي كلها
مشكله الناس الي يكون غير مبالي

[ن م ر]

على الجرح ياخوي نمر

الاسبوع الماضي اخذ سيارتي اخوي وطلع للثمامه ومكسته الحكومه بسبب الفوضا

ونسى السياره فاتحه يعني سياره بمكان لايحسد عليه مثل الي يقول تعال اسرقني

انسرق من سيارتي قارمنين نوفي 715 وقارمن ثري بلس والمشكله الكبرى ان الثري بلس ليس لي
وفراشي السفري وعزبتي
يعني القارمن معقوله ينسرق لكن الفراش والعزبه وش يبي فيها
وقبلها ضيع علي رادار الكوبرا مصايب الله لايبلانا عاد بعد سالفة القارمن ماياخذ السياره الا منزل اغراضي كلها
مشكله الناس الي يكون غير مبالي


الله يعوض عليك أخوي مضاد

اعرف من تعطي سيارتك أولا ثم احرص على أغراضك الشخصيّة
ونبه اخوك مره ومرتين وثلاث خله يعرف قيمة الشي اللي يستعيره من صاحبه

[سطام vip]

انا صراحه ما احب اخذ سياره احد ولا احب اعطي سيارتي لاحد

وما فيه الا الوالد واخوي هم الي يمونون وفداهم السياره وراعيها

وفيه ناس تعرف انهم راكدين ويخافون على حلالك كانه لهم

تخدمهم بعيونك اما البقيه اوصلهم بنفسي

تقبل مروري والرد

دمت بخير

[العود الابيض]

هذي حركات معروفة موب كل اخوياك تعطيهم سيارتك مؤقتا في بعضهم يسرقونها

[ن م ر]

انا صراحه ما احب اخذ سياره احد ولا احب اعطي سيارتي لاحد




وما فيه الا الوالد واخوي هم الي يمونون وفداهم السياره وراعيها


وفيه ناس تعرف انهم راكدين ويخافون على حلالك كانه لهم


تخدمهم بعيونك اما البقيه اوصلهم بنفسي


تقبل مروري والرد


دمت بخير






صدقت أخي الكريم


مو كل واحد تعطيه موترك


أحد أخواني عطيته موتري وصدمه واحد
دق علي يعلمني قلت يفداك الموتر
لأني عارف سواقته وكيف يهتم بالموتر
وطلع الخطأ 100% على اللي صدمه

أشكرك على ردك على الموضوع وعطرته بتشريفك له

[محسن اليامي]

ما أحب آخذ سيارة أحد ولا أحب أعطي سيارتي لاحد ماعدى واحد من أخواني بسسسسسسسسسس لأن فيه بعض الناس دفش لدرجه كبيره :)

[ن م ر]

هذي حركات معروفة موب كل اخوياك تعطيهم سيارتك مؤقتا في بعضهم يسرقونها




مرحبا بك يالعود الابيض

السرقة أمرها مستبعد إلا بين المراهقين أو عديمي الضمير والنخوه

لكن بلاك من اللي ياخذ موترك ويعامله على أنه موتر يهودي

أشكر لك مرورك وردك الرائع

[ن م ر]

ما أحب آخذ سيارة أحد ولا أحب أعطي سيارتي لاحد ماعدى واحد من أخواني بسسسسسسسسسس لأن فيه بعض الناس دفش لدرجه كبيره :)




حياك الله يا اخ محسن اليامي

ودايم السيارة إذا كثر العبث وتعاقبت الايدي عليها تندمر

اشكر لك مرورك العطر ومشاركتك الرائعه

[Abu Saad]

اختصر لك الموضوع ..

الصديق (الصاحي) لن يطلب منك سيارتك ابداً حتى لو احتاجها..حتى لو أستأجر سيارة اخرى..حتى لو دقّها رجليّة!
الصديق(الصاحي) يتشرف انك تطلب منه سيارته لأنه يدري انك صاحي مثله ، ويدري في نفس الوقت انك مستحيل تطلبها !

اما الاخو مع اخوه فهذا باب وله جواب ثاني.

بالتوفيق

[بو خليفه]

عطية ونيت شفر سنة 1990م عود لي السيارة ثم خرجت بها وجدت السيارة تسخن لكني تعطلت في الطريق و بعد ثلاث ساعات زود الرديتر ماء ومن بعدها لا اعطي سيارتي احد الا اشخاص معدودة


والسالفة الثانية دباب ولدي عطيته ناس يودونه المرزعة للاسف بعد ثلاثة اشهر خرجته للمزرعة للذهاب للبر وجدت الدباب فيه آثار انقلاب و الجير الو لا يعمل (على فكرة الدباب جيراتوماتيك دفرنشين) ولا يعشق وصلته الوكالة قالو كسر في الجير و دفعة 2200 ريال وبعدها ولدي الدباب مستحيل يعطيه احد

[العايد999]

اعطي سيارتي شخص اثق فيه مثل ابوي واخوي غير لالالالالالالالا

[ن م ر]

اختصر لك الموضوع ..

الصديق (الصاحي) لن يطلب منك سيارتك ابداً حتى لو احتاجها..حتى لو أستأجر سيارة اخرى..حتى لو دقّها رجليّة!
الصديق(الصاحي) يتشرف انك تطلب منه سيارته لأنه يدري انك صاحي مثله ، ويدري في نفس الوقت انك مستحيل تطلبها !

اما الاخو مع اخوه فهذا باب وله جواب ثاني.

بالتوفيق

مرحبا بك يابوسعد وأشكرك على مرورك واختصارك للموضوع

[volcano]

السلام عليكم ورحمة الله وبركاته

ما اعطي سيارتي لاي انسان حتى والدي واخواني ، اي شخص يحتاج مشوار انا اقوم بتوصيله . ولو احتاج جاري يذهب بأهله المستشفى اقوم بنفسي بتوصيله ، غير كذا ما عندي :mad: الثقة معدومة لو اللي قدامي شيخ (معدومة في السيارات فقط)

طبعا اذا احتجت اروح مكان وسيارتي معطلة اطلب توصيلي ولا اطلب سيارة من احد او استأجر . يعني اعامل نفسي والناس بشكل واحد .

[ن م ر]

عطية ونيت شفر سنة 1990م عود لي السيارة ثم خرجت بها وجدت السيارة تسخن لكني تعطلت في الطريق و بعد ثلاث ساعات زود الرديتر ماء ومن بعدها لا اعطي سيارتي احد الا اشخاص معدودة




والسالفة الثانية دباب ولدي عطيته ناس يودونه المرزعة للاسف بعد ثلاثة اشهر خرجته للمزرعة للذهاب للبر وجدت الدباب فيه آثار انقلاب و الجير الو لا يعمل (على فكرة الدباب جيراتوماتيك دفرنشين) ولا يعشق وصلته الوكالة قالو كسر في الجير و دفعة 2200 ريال وبعدها ولدي الدباب مستحيل يعطيه احد




مرحبا يابوخليفة

وش رايك في شخص أخذ سيارة للوالد وكرفها كرف الويل ويوم جا يسافر رماها في المطار ولقيناها خربانه

والا شخص تعطيه سيارتك تحسبة ثقه ولا تدري الا سيارتك مع شخص ثاني ما يرحمها
بالله وقتها وش يكون شعورك ؟؟ ما تنغبن ؟؟

المفروض ما تعطى السيارة الا الثقة الثقة الثقة


مشكووور على المرور والمشاركة الطيّبة

[ن م ر]

اعطي سيارتي شخص اثق فيه مثل ابوي واخوي غير لالالالالالالالا




يعطيك العافيه يالعايد ومشكووور على المروووور العطر

[أبوحمد 505]

سيارتي مطلعها وكالة وجلست معي سنتين ماشاء الله ماتشتكي من شي عب بنزين وأمش
وبعد السنتين سيارة البيت ونيت خبطت وبعناها فصارو الأهل إذا بغو مشوار راح يوديهم أخوي أو أخوي الثاني اصغر منة بسنتين طبعا على سيارتي
طبعا الوضع هذا مؤقت لمدة شهر تقريبا لين نشتري لهم ونيت ثاني
بعد أسبوعين بالظبط كرسي المكينة ومساعدات والسيارة تفككت وبعدين عرفت الله يهديهم مافية رصيف إلا طمروة
والمطبات يكنسونها كنس
والله أني صلحت في السيارة الخرابات ولكن إلا الأن لم ترجع مثل أول وعقبها توبة والله لو يزعلون العالم كلهم ما أعطيها احد

[السنايبر]

انا ما احب اعطي سيارتي لاحد ولا احب احد ياخذ سيارتي الا الوالد او اخوي
ودائما الخراب ما يجي في السيارة الا اذا اخذها واحد مهو راعيها

[أبوحمد 505]

مكرر مكرر مكرر

[الفيصل2009]

الله لا يبلانااااااا من بعض الناس حشى صارت السيارة مقدسة له لدرجة أني ما أوثق في أحد
أنا عن نفسي اي رجال كفو يطلب سيارتي بعطية جعلة فدووووة رجوووووووولة أما أن جاري يطلبني السيارة بيروح يودي أهلة المستشفى أوقولة أنا بوديك والله صعبة يرجال:mad::mad:
الله لا يحدنا الى على الطيب
وحهت نظر

[سرطوقا]

اشكرك على طرحك للموضوع :~


انا عن نفسي اذا سيارتي غاليه علي اعطيها الغالي علي فقط

لكن اذا السياره يعني قديمه ومافيك حرص عليها اعطيها أي واحد :)

سؤال طيب لو جاء احد جيرانك وقالك انا طالبك سيارتك ابيها بوصل امي ولا اختي للمستشفى وانت تدري ان ماعنده سياره

وش بتكون ردة فلعك ؟! علما ان جارك رجال جيد لكنه حار على المواتر ؟!

[ابويزيد1]

السلام عليكم ورحمة الله
والله انك جبتها في الصميم .... موضوع اعطاء السيارة للقريب او الصديق العزيز
بنسبة لى انا ما اعطي السيارة الا للاشخاص الى يعرفون يحفضون على الشي وهم عندي قليل طبعن هذا غير الاخوان فداهم الموتر وراعية وعندي ولد عم غير الباقين لانه اذا اخذ الموتر تقول الموتر له من حبة للمحافظة على حلاله وحلال غيرة .

اما ان لا ولا يمكن اخذ اي سيارة من قريب او بعيد لاني ما ارتاح فيها وسيارات الاجار ماليه البلد بـــ 70 ريال اريحلي من غثاها اذا صار لها شي لاتحرج نفسك ولا تضيق صدر راعيها وهذا ما اردت مشاركتكم به ومشكور على الطرح المميز :good2:

[ابويزيد1]

السلام عليكم ورحمة الله
والله انك جبتها في الصميم .... موضوع اعطاء السيارة للقريب او الصديق العزيز
بنسبة لى انا ما اعطي السيارة الا للاشخاص الى يعرفون يحفضون على الشي وهم عندي قليل طبعن هذا غير الاخوان فداهم الموتر وراعية وعندي ولد عم غير الباقين لانه اذا اخذ الموتر تقول الموتر له من حبة للمحافظة على حلاله وحلال غيرة .

اما ان لا ولا يمكن اخذ اي سيارة من قريب او بعيد لاني ما ارتاح فيها وسيارات الاجار ماليه البلد بـــ 70 ريال اريحلي من غثاها اذا صار لها شي لاتحرج نفسك ولا تضيق صدر راعيها وهذا ما اردت مشاركتكم به ومشكور على الطرح المميز :good2:

[العاذر]

اكبر غلط تعطي سيارتك شخص ثاني

[ابومطيره]

والله ان بغيت الصحيح 99% من الناس مايرغبون يعطون سيارتهم لاحد حتى لو هو اخووه
لكن تفرق بالنفوس بعضهم حبيب اخر شي ولا يقدر يقول لا لو هو زميل بالعمل توه متعرف عليه وبعضهم الله لا يبلانا يكرش اخوه ولاعنده بأحد !!

والأفضل التوسط لا تعطي موترك الا الي تعرف سواقته

[الفيصل2009]

سؤال طيب لو جاء احد جيرانك وقالك انا طالبك سيارتك ابيها بوصل امي ولا اختي للمستشفى وانت تدري ان ماعنده سياره

وش بتكون ردة فلعك ؟! علما ان جارك رجال جيد لكنه حار على المواتر ؟!


والله بعطية وأخر شي أفكر فية الموتر
وهو يخوك بيروح المستشفى موب رايح للربع الخالي يقنص ويطامر بلموتر وأكيد سوقتة بتكون راكدة وأهلة معه

[volcano]

لو جاء احد جيرانك وقالك انا طالبك سيارتك ابيها بوصل امي ولا اختي للمستشفى وانت تدري ان ماعنده سياره



وش بتكون ردة فلعك ؟! علما ان جارك رجال جيد لكنه حار على المواتر ؟!


عادي اخوي انت توصله بنفسك ايش المشكلة !!؟

اهله يركبون في الخلف وهو جنبك وهو محرم لهم وغير كذا انت لما توصلهم اكرمتهم بسيارتك وبتوصيلك لهم بنفسك يعني قمة العناية بجارك :good2: ولا زم يقدر الشي هذا وغير كذا السيارة مقدسة عند اصحابها :D

[ن م ر]

السلام عليكم ورحمة الله وبركاته

ما اعطي سيارتي لاي انسان حتى والدي واخواني ، اي شخص يحتاج مشوار انا اقوم بتوصيله . ولو احتاج جاري يذهب بأهله المستشفى اقوم بنفسي بتوصيله ، غير كذا ما عندي :mad: الثقة معدومة لو اللي قدامي شيخ (معدومة في السيارات فقط)

طبعا اذا احتجت اروح مكان وسيارتي معطلة اطلب توصيلي ولا اطلب سيارة من احد او استأجر . يعني اعامل نفسي والناس بشكل واحد .



هلا بك اخوي شرفتني بمرورك وردك الكريم

ولك كامل الحق والحريه في التصرف في سيارتك

[ن م ر]

سيارتي مطلعها وكالة وجلست معي سنتين ماشاء الله ماتشتكي من شي عب بنزين وأمش
وبعد السنتين سيارة البيت ونيت خبطت وبعناها فصارو الأهل إذا بغو مشوار راح يوديهم أخوي أو أخوي الثاني اصغر منة بسنتين طبعا على سيارتي
طبعا الوضع هذا مؤقت لمدة شهر تقريبا لين نشتري لهم ونيت ثاني
بعد أسبوعين بالظبط كرسي المكينة ومساعدات والسيارة تفككت وبعدين عرفت الله يهديهم مافية رصيف إلا طمروة
والمطبات يكنسونها كنس
والله أني صلحت في السيارة الخرابات ولكن إلا الأن لم ترجع مثل أول وعقبها توبة والله لو يزعلون العالم كلهم ما أعطيها احد



مرحبا بك يابوحمد ومرورك وردك شرفني

مشكلة السيارة اذا كثروا عليها السواويق اندمرت ما عاد تسوى في عيون صاحبها ريال

[ن م ر]

انا ما احب اعطي سيارتي لاحد ولا احب احد ياخذ سيارتي الا الوالد او اخوي
ودائما الخراب ما يجي في السيارة الا اذا اخذها واحد مهو راعيها



تصدق يالسنايبر

لو يصير خراب في موتري مني عادي

لكن إذا كان من غيري أندم أشد الندم أني عطيته السيارة


مرحبا بك وشرفني مرورك

[ن م ر]

مكرر مكرر مكرر


مكشات هاليومين قام ينقص زيته :D

[ن م ر]

الله لا يبلانااااااا من بعض الناس حشى صارت السيارة مقدسة له لدرجة أني ما أوثق في أحد



أنا عن نفسي اي رجال كفو يطلب سيارتي بعطية جعلة فدووووة رجوووووووولة أما أن جاري يطلبني السيارة بيروح يودي أهلة المستشفى أوقولة أنا بوديك والله صعبة يرجال:mad::mad:
الله لا يحدنا الى على الطيب


وحهت نظر





مرحبا بك بالفيصل واقدر وجهة نظرك ونحترم الرأي والرأي الآخر واللي وراه واللي في عرعر بعد :D


ياخي فيه شعوب البقرة مقدسة عندهم فلا تستغرب قداسة السيارة عندنا


ثمن إذا انت بتعطي سيارتك شخص غيرك علمته الأيام والمواقف أنه ما يعطي سيارته أحد


أتذكر أيام كنت بالثانوي واحد من اخوياي معه جيب ربع جديد ويعطيه اخوياه الثقة وفي يوم من الأيام طلع من المدرسة ويدور الجيب ما غير محله
تبين فيما بعد أن اخوياه الثقة ناسخين المفتاح وسرقوه ... تخيّل !!!!

تهقى انه بعد كذا بيعطي أحد موتره ؟

[Mr.Patrol]

من بعد (ساهر) مااظن انى اقدر اعطى احد سيارتى:D:good2:

[essa2088]

انا عطيت سيارتى احد الاصدقاء وقدر اللة تعطلت عندة الرجال صلحها من دون ما اطلب منة هالشى. والاصدقاء
فيهم الى تفداة وفيهم الى ماتنعاة

[ن م ر]

اشكرك على طرحك للموضوع :~




انا عن نفسي اذا سيارتي غاليه علي اعطيها الغالي علي فقط


لكن اذا السياره يعني قديمه ومافيك حرص عليها اعطيها أي واحد :)


سؤال طيب لو جاء احد جيرانك وقالك انا طالبك سيارتك ابيها بوصل امي ولا اختي للمستشفى وانت تدري ان ماعنده سياره



وش بتكون ردة فلعك ؟! علما ان جارك رجال جيد لكنه حار على المواتر ؟!




مرحبا يا سرقوطا وشرفتني بمرورك العطر

وبالنسبة لي لو طلبني أحد وأعرف انه محتاج مقدر ارده

بس مره عطيت واحد موتري راح واخذ له ساعه ورجع استغربت مع انه عنده سياره لا وبعد سيارته جيب لكزس
بعدها عرفت ان اخونا في الله راح على موتري عشانه خايف على اللكزس
بالله تخاف على موترك ومواتر الناس ما تخاف عليها ؟؟؟؟؟
بالله يا أخوان وش رايكم بعقليات مثل كذا ؟؟

[مقلع الرمث]

اخوي نمر اهنيك على الموضوع

انا من الناس اللي يحب يغير السياره ولابعت السياره بلشت بدون موتر عاد انا اعرف الوالد

دائما هذي كلمته يقول السياره زي الحرمه ماتعطيها احد ابدا مهما كان

قمت بشراء سياره تعبر الحال في حال بيع سيارتي استخدمها

مره عطيت سيارتي اخوي وجابها لي بعد شهر غاسلها قلت تمام عليك محافظ المهم يوم ركبت السياره

الا فيها عده مشاكل

واذا جيت اسافر استأجر

واذا طلب احد مني السياره طبعا مايطلب منك احد سياره الا هو خابر عندك سيارتين اكيد ويمون عليك

اكثر اللي طلبوا مني سياره اعزهم واغليهم بس اني انبهم قبل مايدق سلف اقوله حافظ على السياره

في وجود اي خلل تقوم باصلاحه وتحمل المشاكل وكأنها سيارتك مو تجي ترجمها علي وبس

على فكره مره عطيت واحد من الاقرباء سيارتي عده شهور


ورجعها لي افضل من الاول

[ن م ر]

السلام عليكم ورحمة الله
والله انك جبتها في الصميم .... موضوع اعطاء السيارة للقريب او الصديق العزيز
بنسبة لى انا ما اعطي السيارة الا للاشخاص الى يعرفون يحفضون على الشي وهم عندي قليل طبعن هذا غير الاخوان فداهم الموتر وراعية وعندي ولد عم غير الباقين لانه اذا اخذ الموتر تقول الموتر له من حبة للمحافظة على حلاله وحلال غيرة .

اما ان لا ولا يمكن اخذ اي سيارة من قريب او بعيد لاني ما ارتاح فيها وسيارات الاجار ماليه البلد بـــ 70 ريال اريحلي من غثاها اذا صار لها شي لاتحرج نفسك ولا تضيق صدر راعيها وهذا ما اردت مشاركتكم به ومشكور على الطرح المميز :good2:


مرحبا يابويزيد وكل كلمه قلتها هي عين الصواب
الله يبيض وجهك على هالمشاركة الطيبة
تقبل اعجابي بكل حرف سطرته اناملك

[ن م ر]

اكبر غلط تعطي سيارتك شخص ثاني


حياك الله يالعاذر ولا هنت على المرور

عشان تريح عمرك وما تحرج نفسك ولا تحرج غيرك سيارتك لا تعطيها أحد

[ن م ر]

والله ان بغيت الصحيح 99% من الناس مايرغبون يعطون سيارتهم لاحد حتى لو هو اخووه
لكن تفرق بالنفوس بعضهم حبيب اخر شي ولا يقدر يقول لا لو هو زميل بالعمل توه متعرف عليه وبعضهم الله لا يبلانا يكرش اخوه ولاعنده بأحد !!

والأفضل التوسط لا تعطي موترك الا الي تعرف سواقته



فعلا صدقت يابومطيره

مو كل واحد ينعطى سياره
وحتى غير موضوع السواقه ممكن شخص يسبب لك مشكله ويحرجك مع أطراف أخرى

اشكرك على المرور والرد العطر

[ن م ر]

من بعد (ساهر) مااظن انى اقدر اعطى احد سيارتى:D:good2:




عز الله انك جبتها

ساهر ما يعرف ثقه واخوي والا ولد عمي والا صديقي

ساهر يعرف يرص المخالفة على ظهر راعي السيارة

أشكرك على المرور والرد العطر

[مشعل العيسى]

انا سيارتي عطيتها واحد وجابها لي احسن من ما اخذها ..

وعطيتها واحد يطلع للبر فيها وللاسف عطها عياله يطعسون عليها شافهم واحد من ربعي واستغرب موتري ورجع وقالي موترك شفته مع بزارين وللاسف الرجال جاب لي الموتر والاستبنه مشيوله والقفل حق الاستبنه مخلوعة ويوم رجعها انا ما قلت شي ... ولزم علي واحد من الشباب اني اتأكد وقلت يا رجال ماله داعي ...
والان طابت نفسي من السيارة وكل من جاء يبيها قلت الله يحييك وترى الموتر موترك ... وبعضهم يرجعها مغسله وبعضهم يرجعها وهو ماليها بنزين وبعضهم يرجعها ..... .

[صيادالجبيل]

اسعد الله مساكم وصباحكم بكل خير مر علي قبل حوالي 14 سنة ان احدزملائي في العمل اشترى سيارة مني وهي بسمي وخليتها معة حوالي شهر وجيتة قلت نبي ننقلها قالي اصبر لي عشرة ايام بالكثير الحين انا مشغول شوي قلت طيب بعد حوالي العشرين يوم لقيتة بالصدفة وقلت لابدننقلها اليوم قالي ابشر بس اصبر لي يوم او يومين قلت لا جيب الاستمارة واعطاني الاستمارة وبعدماجيت ابي امشي من عندة طلبني ولح علي في الطلب اني اصبر لأخر الشهرللراتب الحين على حسب كلامة انة منضغط مادياوقلت طيب واعطيتة الاستمارة وهي بسمي وذهب بالسيارة ولم اراه لاهو ولا السيارة الى يومنا هذا الاقبل خمس سنوات دقوعلى عملي ادارة المرور بحفر الباطن وقالو افلان لة سيارة عندنا محروقة نبية يجي يصقط لوحاتها وحسبي الله عليه ماعلمني ولا ادري وين نقل ولاادري وين راح وهل هو حي او ميت استغل طيبتي معة وترك السيارة بعيدة محترقة وهي بسمي واللوحات فيها

[ن م ر]

اخوي نمر اهنيك على الموضوع

انا من الناس اللي يحب يغير السياره ولابعت السياره بلشت بدون موتر عاد انا اعرف الوالد

دائما هذي كلمته يقول السياره زي الحرمه ماتعطيها احد ابدا مهما كان

قمت بشراء سياره تعبر الحال في حال بيع سيارتي استخدمها

مره عطيت سيارتي اخوي وجابها لي بعد شهر غاسلها قلت تمام عليك محافظ المهم يوم ركبت السياره

الا فيها عده مشاكل

واذا جيت اسافر استأجر

واذا طلب احد مني السياره طبعا مايطلب منك احد سياره الا هو خابر عندك سيارتين اكيد ويمون عليك

اكثر اللي طلبوا مني سياره اعزهم واغليهم بس اني انبهم قبل مايدق سلف اقوله حافظ على السياره

في وجود اي خلل تقوم باصلاحه وتحمل المشاكل وكأنها سيارتك مو تجي ترجمها علي وبس

على فكره مره عطيت واحد من الاقرباء سيارتي عده شهور


ورجعها لي افضل من الاول



حياك الله يامقلع الرمث وترى الموضوع للجميع

قبل أيام تعطل موتري وأخذت موتر ولد عمي والله العظيم امشي بسيارته واقول الله يستر
لين عطيته موتره وارتحت من همه

مشكور على المرور والإثراء الطيب
بارك الله فيك ونفع بك

[* ابو باسل *]

انا عني شخصيا اعطي موتري للي اثق فيه اخوي او شخص يكون قد الثقه ويكون قريب لي مثل ولد عمي اما غيرهم ما عاد اعطي سيارتي احد ابد وانا انقرصت مره ولا عاد اعودها ثاني مره ابد والسالفه كنت شاري سياره جديد كرسيدا وكان موديلها على وقتها 94 ومطلعها من الوكاله مالها شهر المهم جاني واحد من خوياي في العمل انا وياه في مكتب واحد وقال انا سيارتي في الورشه وكلموني اجيب لهم قطع ضروري تكفى ابي موترك ابي اروح واجي بسرعه نص ساعه المهم انا انحرجت وشفت خويي في موقف صعب ومحتاج السياره والورشه الي قالي عليها ماتبعد ثلاثه كيلو عن موقع العمل يعني قريبه ووثقت فيه واعطيته موتري على انه يخلص امره ويرجع وكانت الساعه يمكن 8 ونص الصباح وكنا ذيك الايام ماكان فيه جولات مع الناس وكانت ايام البياجر انتظرت الين الساعه 11 ياولد الرجال ماجاء وحتى في الدوام قامو يسأولن عليه صلينا الظهر برضه الرجال ماجاء قرب الدوام يخلص والرجال ماجاء المهم طول الوقت ادق عليه بيجر من العمل ولا يجاوب طلعو الشباب من الدوام وانا ماعندي سياره وخوينا الى الحين ماجاء جاني واحد من الشباب يبي يوصلني معه البيت وقلت له وش رايك نمر فلان في البيت نشوف هو هناك ولا لا لانه اخذ موتري والى الحين لاعلم عنه ولاخبر ولا اعرف رقم بيته المهم رحنا لبيت الرجال وطلع لنا اخوه وسألنه عنه قال اخوي ماهو فيه والى الحين ماجاء من الدوام وبعدها سلمت امري لله وقلت اجل مادام كذا هذا رقم بيتي اذا جاء على طول خله يدق علي المهم وحنا رايحين السياره الا وابو الشباب جاي في لمزين والسياره ماهي معه رحت على طول له وقلت سلامات يابو فلان وين السياره قال السياره صار علي حادث عليها ودخلتها الورشه وكنت في المرور اخذ ورقه على حساب الورشه وهذا الي ضيع وقتي قلت طيب ماعليش بس انت لو كان علمتني في وقتها ولا اشغلتني هذا الوقت كله وان شاء الله الامر بسيط وهذا مقدر ومكتوب نسيت الامر ورحت للورشه العصر وشفت موتري مصدوم مع الجنب على البيبان ولا كان فيه طرف ثاني لاني يوم سألته قال وحد صدمني وكان هو المخطي وقلت له كل واحد يصلح سيارته قلت الله يكتب الي فيه الخير المهم اليوم الثاني جاني واحد من الشباب في العمل وقالي ترى فلان شفته امس الساعه 10 تقريبا يفحط على موترك ومفكك طيسه وكان معه مجموعه داخل الموتر وانا يوم شفت السياره وعرفت رقم اللوحه حسبتك انت وقلت الرجال وش جاه وضنيت ان موترك مسروق بس يوم قربت الا وهو فلان ومعه ناس وهذا الي علمني خويي الروح بالروح من ايام الطفوله وقبل المدرسه يقول يوم شفته جيت وسألته هذا ماهو موتر فلان قال كان موتره امس وشريت منه قلت الله يبارك لك شد حيلك اجل في التفحيط يقول قلتها وانا اضحك صدقته وبعدها عرفت ان الرجال كان يفحط وصدم بموتري واعدم بيبانه وكان مخطط للمسأله من قبل ومنسق مع الشباب الي معه ويفتخر ان الموتر له قدامهم ومدري كيف واجهته وعلمته بالي في خاطري وان الشرهه ماهي عليه على الي يثق في الي مثله واشكاله ومن بعدها ماعاد اعطي موتري احد ابد الا شخص اثق فيه اخوي او قريب لي وليس اي قريب بعد .
واما عني انا ما احب اخذ سيارات احد ابد حتى موتر اخوي لو اخذه احس اني متضايق ولا ني مرتاح وافضل استأجر موتر على اني اخذ سيارات اي انسان .

[* ابو باسل *]

,,,,,,,,,,,,,,,,,,,,,,,,,,,,,,,,,

[ن م ر]

انا سيارتي عطيتها واحد وجابها لي احسن من ما اخذها ..

وعطيتها واحد يطلع للبر فيها وللاسف عطها عياله يطعسون عليها شافهم واحد من ربعي واستغرب موتري ورجع وقالي موترك شفته مع بزارين وللاسف الرجال جاب لي الموتر والاستبنه مشيوله والقفل حق الاستبنه مخلوعة ويوم رجعها انا ما قلت شي ... ولزم علي واحد من الشباب اني اتأكد وقلت يا رجال ماله داعي ...
والان طابت نفسي من السيارة وكل من جاء يبيها قلت الله يحييك وترى الموتر موترك ... وبعضهم يرجعها مغسله وبعضهم يرجعها وهو ماليها بنزين وبعضهم يرجعها ..... .



هالفئة من الناس مع الأسف ما تنعطى وجه
لو انه يقدرك كان قدّر حلالك وموترك

اشكرك على المداخله الطيبه والمرور العطر

[* ابو باسل *]

انا عني شخصيا اعطي موتري للي اثق فيه اخوي او شخص يكون قد الثقه ويكون قريب لي مثل ولد عمي اما غيرهم ما عاد اعطي سيارتي احد ابد وانا انقرصت مره ولا عاد اعودها ثاني مره ابد والسالفه كنت شاري سياره جديد كرسيدا وكان موديلها على وقتها 94 ومطلعها من الوكاله مالها شهر المهم جاني واحد من خوياي في العمل انا وياه في مكتب واحد وقال انا سيارتي في الورشه وكلموني اجيب لهم قطع ضروري تكفى ابي موترك ابي اروح واجي بسرعه نص ساعه المهم انا انحرجت وشفت خويي في موقف صعب ومحتاج السياره والورشه الي قالي عليها ماتبعد ثلاثه كيلو عن موقع العمل يعني قريبه ووثقت فيه واعطيته موتري على انه يخلص امره ويرجع وكانت الساعه يمكن 8 ونص الصباح وكنا ذيك الايام ماكان فيه جولات مع الناس وكانت ايام البياجر انتظرت الين الساعه 11 ياولد الرجال ماجاء وحتى في الدوام قامو يسأولن عليه صلينا الظهر برضه الرجال ماجاء قرب الدوام يخلص والرجال ماجاء المهم طول الوقت ادق عليه بيجر من العمل ولا يجاوب طلعو الشباب من الدوام وانا ماعندي سياره وخوينا الى الحين ماجاء جاني واحد من الشباب يبي يوصلني معه البيت وقلت له وش رايك نمر فلان في البيت نشوف هو هناك ولا لا لانه اخذ موتري والى الحين لاعلم عنه ولاخبر ولا اعرف رقم بيته المهم رحنا لبيت الرجال وطلع لنا اخوه وسألنه عنه قال اخوي ماهو فيه والى الحين ماجاء من الدوام وبعدها سلمت امري لله وقلت اجل مادام كذا هذا رقم بيتي اذا جاء على طول خله يدق علي المهم وحنا رايحين السياره الا وابو الشباب جاي في لمزين والسياره ماهي معه رحت على طول له وقلت سلامات يابو فلان وين السياره قال السياره صار علي حادث عليها ودخلتها الورشه وكنت في المرور اخذ ورقه على حساب الورشه وهذا الي ضيع وقتي قلت طيب ماعليش بس انت لو كان علمتني في وقتها ولا اشغلتني هذا الوقت كله وان شاء الله الامر بسيط وهذا مقدر ومكتوب نسيت الامر ورحت للورشه العصر وشفت موتري مصدوم مع الجنب على البيبان ولا كان فيه طرف ثاني لاني يوم سألته قال وحد صدمني وكان هو المخطي وقلت له كل واحد يصلح سيارته قلت الله يكتب الي فيه الخير المهم اليوم الثاني جاني واحد من الشباب في العمل وقالي ترى فلان شفته امس الساعه 10 تقريبا يفحط على موترك ومفكك طيسه وكان معه مجموعه داخل الموتر وانا يوم شفت السياره وعرفت رقم اللوحه حسبتك انت وقلت الرجال وش جاه وضنيت ان موترك مسروق بس يوم قربت الا وهو فلان ومعه ناس وهذا الي علمني خويي الروح بالروح من ايام الطفوله وقبل المدرسه يقول يوم شفته جيت وسألته هذا ماهو موتر فلان قال كان موتره امس وشريت منه قلت الله يبارك لك شد حيلك اجل في التفحيط يقول قلتها وانا اضحك صدقته وبعدها عرفت ان الرجال كان يفحط وصدم بموتري واعدم بيبانه وكان مخطط للمسأله من قبل ومنسق مع الشباب الي معه ويفتخر ان الموتر له قدامهم ومدري كيف واجهته وعلمته بالي في خاطري وان الشرهه ماهي عليه على الي يثق في الي مثله واشكاله ومن بعدها ماعاد اعطي موتري احد ابد الا شخص اثق فيه اخوي او قريب لي وليس اي قريب بعد .
واما عني انا ما احب اخذ سيارات احد ابد حتى موتر اخوي لو اخذه احس اني متضايق ولا ني مرتاح وافضل استأجر موتر على اني اخذ سيارات اي انسان .

[سبتان]

سيارتي أحاول بقدر الإمكان أن لايسوقها أحد ... فإذا طلبها صديق شرواك فلا أستطيع ردها . وأنا شخصياً أحاول أن لاآخذ سيارات الآخرين . فإن أخذتها حافظت عليها أكثر من سيارتي حتى أعيدها له .
والعارية في الأول والأخير صعبة .

[سبتان]

سيارتي أحاول بقدر الإمكان أن لايسوقها أحد ... فإذا طلبها صديق شرواك فلا أستطيع ردها . وأنا شخصياً أحاول أن لاآخذ سيارات الآخرين . فإن أخذتها حافظت عليها أكثر من سيارتي حتى أعيدها له .
والعارية في الأول والأخير صعبة .

[سبتان]

سيارتي أحاول بقدر الإمكان أن لايسوقها أحد ... فإذا طلبها صديق شرواك فلا أستطيع ردها . وأنا شخصياً أحاول أن لاآخذ سيارات الآخرين . فإن أخذتها حافظت عليها أكثر من سيارتي حتى أعيدها له .
والعارية في الأول والأخير صعبة .

[فواز الحربي]

الله يعطيك العافيه أخوي

أنا عن نفسي أفضل أني أستاجر سيارة و لا أخذ سيارة أحد و صارلي كم موقف منها أني صدمت بسيارة واحد من خوياي و ماكن لي ذنب في الحادث واحد كان غلطان علي .

أما أن أعطي سيارتي ، أنا ما أعطيه غير الوالد و أخواني و الناس اللي أثق فيهم .

[محمدالعامري]

هل تعطيها من هب ودب ولا تهتم ؟ فيأخذها فلان ويداريها ويأخذها علان ويعفلها وممكن يسوي بها مشكله دون علمك

لا



هل تمنع أحد من قيادتها ولا تعطيها ابن امه ؟

لناس اثق فيهم



هل تعطيها من تثق فيه وتطمئن أنها في يد أمينه تصونها وتداريها ؟

نعم



وفي الجانب الآخر :


هل تطلب - بسبب أو بدون - سيارات أخوانك أو أصدقائك بكثره ؟

اذا مضطر فقط اطلب اللي امون عليه

هل تستحي تطلب سيارة أحد - في حالة حاجتك لها - وتروح تقضي مشاوريك في ليموزين أو تسأجر سيارة
صراحة طلبك للسيارة احراج لك لانه يمكن يوافق او يرفض لسبب معين
مرة خربت سيارتي وفيه اجواد مايقصرون لكن فضلت اني اخذ سيارة تاجير عن مااطلب فلان وعلان



ومشكور على هذا الموضوع

[ملك الفكتوريا]

أنا معي سيارة الوالد عطاني إياها وهي بإسمه وطبعا عشان الدراسه والوالد واخواني بدون اي كلام يأخذونها وفداهم


وفيه من اخوياي اثنين اخذوها وانا عارف انهم محافظين ومهتمين

واحد من الشباب من قبل ندرس الابتدائي وهو صديقي ومع ذلك لو يحفر ما يسوق لانه عفش وما عنده رحمه



...



لكن الغبنه اني انسان محافظ على السيارة بسبب الخطوط ومسكاتها وطبعا البنزين بسبب الطفره احيانا يوصل لتحت الربع وعندها ما عاد احركها لين ربك يفرجها



لكن جدي جاه يوم وتعطلت سياراته كلها فجأه من سوبربان الى جمس قديم الى كابريس والصغيره حقت السواق

وعمي ما معه غير سيارته وطبعا الوالد عطاه موتري واعطاني موتره وهو اخذ الجمس يداوم عليه




جدي الله يحفظه محافظ على السيارات من تحمية وما ينزل امبير الينزين عن النص <<<< الموتر شاف الخير البنزين دايم فل وتذكر ايامه مع الوالد.


طبعا بسبب عدم وجود سيارة السواق كان يأخذها


تحمية ما يحمي وطبعا الصبح اذا تكرم على الموتر او تأخروا عليه يشغل السيارة ويدعس البنزين يمكن 4000 دورة ايه والله يا جماعه بدون مبالغه


قالب ام الفكتوريا شاص 77


والاكثر انه يشغل ويدعس والمطبات سريع سريع والحفر عشق لا ينتهي والنتيجه مأساوية



جلد البلوف يقول لي

ودع هريرة ان الركب مرتحل ... ولا اطيق سواقة السواق المنطفقي

رديت عليه

بكيت لاجلك ولكن لست معتزل ... مسك الخطوطي فإنت أوفى صديقي

رد علي

لا غيرك انت واباك رجل ... اسهر معه في قطع الطريقي

رديت عليه


إني مشيت بدونك فأحسست بالملل ... وحرمت من راحة الفورد العريقي




ترى مو شاعر لذيك الدرجة بس مسكت غلط



المقصات والعكوس والمساعدات واليايات بالعربي عضلات السيارة راحت فيها



وللإسف طرمبة البنزين يبيلها تغيير يعبي 91 بدل 95 والنتيجه لا عزم ولا قوة وصرفيه بنزين قويه


موية الرديتر على الخط المكس يعني نص الدبه وجاي مسوي فيها باشا وفللها من الحنفيه

الدركسون يبيله وزن والقير صاير يستهبل زياده




ما اقول الا والله ما عاد يأخذها السواق دبلني خساير بالكوم






يا ناس فكتوريا تشغلها وتدعس وين شاص 77

[التعـ King ـديل]

انا عن نفسي كان عندي جيب وعطيته واحد من العيال واخذت سيارته هوندا اكورد

انا بصراحه كنت محافظ على سيارته ومنتبه لها وهو رجع لي الجيب بعد يومين الدفرنس منشعر من الجور اللي جاه بالبر ومن وقتها مااعطي احد

انا مااطلب سيارات احد سواء فخمه او عاديه ولكن احيانا احتاج الى ونيت ومااطلب احد احاول استاجر واذا ماقدرت اطلب احد امون عليه مره

[دل البحار]

لو أبوك يطلبك في سيارتك لا تعطيه -هههههه
الله يحفظ

[ن م ر]

اسعد الله مساكم وصباحكم بكل خير مر علي قبل حوالي 14 سنة ان احدزملائي في العمل اشترى سيارة مني وهي بسمي وخليتها معة حوالي شهر وجيتة قلت نبي ننقلها قالي اصبر لي عشرة ايام بالكثير الحين انا مشغول شوي قلت طيب بعد حوالي العشرين يوم لقيتة بالصدفة وقلت لابدننقلها اليوم قالي ابشر بس اصبر لي يوم او يومين قلت لا جيب الاستمارة واعطاني الاستمارة وبعدماجيت ابي امشي من عندة طلبني ولح علي في الطلب اني اصبر لأخر الشهرللراتب الحين على حسب كلامة انة منضغط مادياوقلت طيب واعطيتة الاستمارة وهي بسمي وذهب بالسيارة ولم اراه لاهو ولا السيارة الى يومنا هذا الاقبل خمس سنوات دقوعلى عملي ادارة المرور بحفر الباطن وقالو افلان لة سيارة عندنا محروقة نبية يجي يصقط لوحاتها وحسبي الله عليه ماعلمني ولا ادري وين نقل ولاادري وين راح وهل هو حي او ميت استغل طيبتي معة وترك السيارة بعيدة محترقة وهي بسمي واللوحات فيها


هذا اللي تخاف منه أن الواحد يلعب من وراك في السيارة ويسوي بلاوي والسيارة ما زالت باسمك
نصيحه للجميع :
إذا بعت السيارة حاول تنتقل من ملكيتك بأسرع وقت أو على الأقل احتفظ بعقد المبايعه
أو أي شي يثبت انك بعتها
كذلك إيجار السيارات إذا استأجرت سيارة وجيت ترجعها خذ أي شيء يثبت انك رجعتها لهم فكم قصة سمعناها عن تلاعب محلات الإيجار

اشكرك اخوي على ردك ومشاركتك المميزة
فكم من شخص سيستفيد من موقفك هذا ويأخذ العبره والعظه

[ن م ر]

انا عني شخصيا اعطي موتري للي اثق فيه اخوي او شخص يكون قد الثقه ويكون قريب لي مثل ولد عمي اما غيرهم ما عاد اعطي سيارتي احد ابد وانا انقرصت مره ولا عاد اعودها ثاني مره ابد والسالفه كنت شاري سياره جديد كرسيدا وكان موديلها على وقتها 94 ومطلعها من الوكاله مالها شهر المهم جاني واحد من خوياي في العمل انا وياه في مكتب واحد وقال انا سيارتي في الورشه وكلموني اجيب لهم قطع ضروري تكفى ابي موترك ابي اروح واجي بسرعه نص ساعه المهم انا انحرجت وشفت خويي في موقف صعب ومحتاج السياره والورشه الي قالي عليها ماتبعد ثلاثه كيلو عن موقع العمل يعني قريبه ووثقت فيه واعطيته موتري على انه يخلص امره ويرجع وكانت الساعه يمكن 8 ونص الصباح وكنا ذيك الايام ماكان فيه جولات مع الناس وكانت ايام البياجر انتظرت الين الساعه 11 ياولد الرجال ماجاء وحتى في الدوام قامو يسأولن عليه صلينا الظهر برضه الرجال ماجاء قرب الدوام يخلص والرجال ماجاء المهم طول الوقت ادق عليه بيجر من العمل ولا يجاوب طلعو الشباب من الدوام وانا ماعندي سياره وخوينا الى الحين ماجاء جاني واحد من الشباب يبي يوصلني معه البيت وقلت له وش رايك نمر فلان في البيت نشوف هو هناك ولا لا لانه اخذ موتري والى الحين لاعلم عنه ولاخبر ولا اعرف رقم بيته المهم رحنا لبيت الرجال وطلع لنا اخوه وسألنه عنه قال اخوي ماهو فيه والى الحين ماجاء من الدوام وبعدها سلمت امري لله وقلت اجل مادام كذا هذا رقم بيتي اذا جاء على طول خله يدق علي المهم وحنا رايحين السياره الا وابو الشباب جاي في لمزين والسياره ماهي معه رحت على طول له وقلت سلامات يابو فلان وين السياره قال السياره صار علي حادث عليها ودخلتها الورشه وكنت في المرور اخذ ورقه على حساب الورشه وهذا الي ضيع وقتي قلت طيب ماعليش بس انت لو كان علمتني في وقتها ولا اشغلتني هذا الوقت كله وان شاء الله الامر بسيط وهذا مقدر ومكتوب نسيت الامر ورحت للورشه العصر وشفت موتري مصدوم مع الجنب على البيبان ولا كان فيه طرف ثاني لاني يوم سألته قال وحد صدمني وكان هو المخطي وقلت له كل واحد يصلح سيارته قلت الله يكتب الي فيه الخير المهم اليوم الثاني جاني واحد من الشباب في العمل وقالي ترى فلان شفته امس الساعه 10 تقريبا يفحط على موترك ومفكك طيسه وكان معه مجموعه داخل الموتر وانا يوم شفت السياره وعرفت رقم اللوحه حسبتك انت وقلت الرجال وش جاه وضنيت ان موترك مسروق بس يوم قربت الا وهو فلان ومعه ناس وهذا الي علمني خويي الروح بالروح من ايام الطفوله وقبل المدرسه يقول يوم شفته جيت وسألته هذا ماهو موتر فلان قال كان موتره امس وشريت منه قلت الله يبارك لك شد حيلك اجل في التفحيط يقول قلتها وانا اضحك صدقته وبعدها عرفت ان الرجال كان يفحط وصدم بموتري واعدم بيبانه وكان مخطط للمسأله من قبل ومنسق مع الشباب الي معه ويفتخر ان الموتر له قدامهم ومدري كيف واجهته وعلمته بالي في خاطري وان الشرهه ماهي عليه على الي يثق في الي مثله واشكاله ومن بعدها ماعاد اعطي موتري احد ابد الا شخص اثق فيه اخوي او قريب لي وليس اي قريب بعد .

واما عني انا ما احب اخذ سيارات احد ابد حتى موتر اخوي لو اخذه احس اني متضايق ولا ني مرتاح وافضل استأجر موتر على اني اخذ سيارات اي انسان .




مرحبا بك يالفهري
وموقفك هذا يجعل الكثير يراجع حساباته بخصوص الثقة
ودليل على أن الثقة اللي في غير محلها تؤدي إللى الندم

انا متأكد أن أكثر شي غبنك هو كذبه واستغفاله لك بغض النظر عن السيارة نفسها

أشكرك على مرورك وكتابة موقفك الذي فيه من الدروس الشيء الكثير

[ن م ر]

سيارتي أحاول بقدر الإمكان أن لايسوقها أحد ... فإذا طلبها صديق شرواك فلا أستطيع ردها . وأنا شخصياً أحاول أن لاآخذ سيارات الآخرين . فإن أخذتها حافظت عليها أكثر من سيارتي حتى أعيدها له .
والعارية في الأول والأخير صعبة .



شرواك الطيب الله يسلمك يا اخ سبتان

كلامك سليم 100%
دائما الأمانه صعبه وتثقل كاهلك وما ترتاح حتى ترجعها

أشكر مرورك ومشاركتك الطيبه

[ن م ر]

الله يعطيك العافيه أخوي

أنا عن نفسي أفضل أني أستاجر سيارة و لا أخذ سيارة أحد و صارلي كم موقف منها أني صدمت بسيارة واحد من خوياي و ماكن لي ذنب في الحادث واحد كان غلطان علي .

أما أن أعطي سيارتي ، أنا ما أعطيه غير الوالد و أخواني و الناس اللي أثق فيهم .



الله يعافيك والشر ما يجيك

أشكر لك مرورك ومشاركتك الطيّبه اخي فواز

[ن م ر]

هل تعطيها من هب ودب ولا تهتم ؟ فيأخذها فلان ويداريها ويأخذها علان ويعفلها وممكن يسوي بها مشكله دون علمك



لا



هل تمنع أحد من قيادتها ولا تعطيها ابن امه ؟


لناس اثق فيهم



هل تعطيها من تثق فيه وتطمئن أنها في يد أمينه تصونها وتداريها ؟


نعم



وفي الجانب الآخر :


هل تطلب - بسبب أو بدون - سيارات أخوانك أو أصدقائك بكثره ؟


اذا مضطر فقط اطلب اللي امون عليه


هل تستحي تطلب سيارة أحد - في حالة حاجتك لها - وتروح تقضي مشاوريك في ليموزين أو تسأجر سيارة
صراحة طلبك للسيارة احراج لك لانه يمكن يوافق او يرفض لسبب معين
مرة خربت سيارتي وفيه اجواد مايقصرون لكن فضلت اني اخذ سيارة تاجير عن مااطلب فلان وعلان



ومشكور على هذا الموضوع




أشكرك أخي محمد العامري على تفاعلك ومشاركتك الطيّبه

ومثل ما ذكرت صعبه تاخذ سيارة أحد

الإيجار يريحك من الاحراج والقلق

[ن م ر]

أنا معي سيارة الوالد عطاني إياها وهي بإسمه وطبعا عشان الدراسه والوالد واخواني بدون اي كلام يأخذونها وفداهم


وفيه من اخوياي اثنين اخذوها وانا عارف انهم محافظين ومهتمين

واحد من الشباب من قبل ندرس الابتدائي وهو صديقي ومع ذلك لو يحفر ما يسوق لانه عفش وما عنده رحمه



...



لكن الغبنه اني انسان محافظ على السيارة بسبب الخطوط ومسكاتها وطبعا البنزين بسبب الطفره احيانا يوصل لتحت الربع وعندها ما عاد احركها لين ربك يفرجها



لكن جدي جاه يوم وتعطلت سياراته كلها فجأه من سوبربان الى جمس قديم الى كابريس والصغيره حقت السواق

وعمي ما معه غير سيارته وطبعا الوالد عطاه موتري واعطاني موتره وهو اخذ الجمس يداوم عليه




جدي الله يحفظه محافظ على السيارات من تحمية وما ينزل امبير الينزين عن النص <<<< الموتر شاف الخير البنزين دايم فل وتذكر ايامه مع الوالد.


طبعا بسبب عدم وجود سيارة السواق كان يأخذها


تحمية ما يحمي وطبعا الصبح اذا تكرم على الموتر او تأخروا عليه يشغل السيارة ويدعس البنزين يمكن 4000 دورة ايه والله يا جماعه بدون مبالغه


قالب ام الفكتوريا شاص 77


والاكثر انه يشغل ويدعس والمطبات سريع سريع والحفر عشق لا ينتهي والنتيجه مأساوية



جلد البلوف يقول لي

ودع هريرة ان الركب مرتحل ... ولا اطيق سواقة السواق المنطفقي

رديت عليه

بكيت لاجلك ولكن لست معتزل ... مسك الخطوطي فإنت أوفى صديقي

رد علي

لا غيرك انت واباك رجل ... اسهر معه في قطع الطريقي

رديت عليه


إني مشيت بدونك فأحسست بالملل ... وحرمت من راحة الفورد العريقي




ترى مو شاعر لذيك الدرجة بس مسكت غلط



المقصات والعكوس والمساعدات واليايات بالعربي عضلات السيارة راحت فيها



وللإسف طرمبة البنزين يبيلها تغيير يعبي 91 بدل 95 والنتيجه لا عزم ولا قوة وصرفيه بنزين قويه


موية الرديتر على الخط المكس يعني نص الدبه وجاي مسوي فيها باشا وفللها من الحنفيه

الدركسون يبيله وزن والقير صاير يستهبل زياده




ما اقول الا والله ما عاد يأخذها السواق دبلني خساير بالكوم






يا ناس فكتوريا تشغلها وتدعس وين شاص 77



مرحبا بك أخي ملك الشاص 77 قصدي الفكتوريا :D:D

ما شاء الله عندك مواهب في كتابة الشعر والسيناريو وش رايك تكتب اوبريت الجنادريه هالسنه ؟؟ :D:D

أشكرك على ردك ومشاركتك الرائعه التي أعجبتني بما فيها من أشعار للأعشى ملك الفكتوريا

ودايم ما يصون الحلال الا راعيه

وبعض الناس الله يهديهم يرددون أمثال خاطئه وتنافي ما أمره به الرسول الكريم صلى الله عليه وسلم في تأدية الأمانه
فقد قال: (من أخذ أموال الناس يريد أداءها أدى الله عنه، ومن أخذها يريد إتلافها أتلفه الله) رواه البخاري.


من هذه الأمثال :

حلال عمّك لا يهمّك
و
جلد ماهو جلدك على الشوك حكه

[ن م ر]

انا عن نفسي كان عندي جيب وعطيته واحد من العيال واخذت سيارته هوندا اكورد

انا بصراحه كنت محافظ على سيارته ومنتبه لها وهو رجع لي الجيب بعد يومين الدفرنس منشعر من الجور اللي جاه بالبر ومن وقتها مااعطي احد

انا مااطلب سيارات احد سواء فخمه او عاديه ولكن احيانا احتاج الى ونيت ومااطلب احد احاول استاجر واذا ماقدرت اطلب احد امون عليه مره


هذا الموقف مر بي موقف مشابه له
واحد من العيال اخذ جيب كان عندي وترك موتره عندي
رجع بعد ما تصلخت الكفرات لأنه كان منسم الهوى مررررره يسمع بالتنسيم :D
والحراره H ويمكن وصلت Z :D
والموتر حسيت انه قلابي من كثر الرمل اللي فيه :D

أشكرك أخوي على مرورك وتفاعلك وردك العطر

[ن م ر]

لو أبوك يطلبك في سيارتك لا تعطيه -هههههه
الله يحفظ



عاد الوالد الله يطول بعمره ومن يقرأ مستحيل أرده
حتى وان اخذ السيارة وسوى بها شي جعلها تفداه هي وسيارات عبداللطيف جميل وسيارات الحمراني ولا يهون الجميح :D

" أنت ومالك لأبيك "

دايم الوالد ان احتاج الموتر اروح اوصله بنفسي

أشكرك اخوي دل البحار على المرور والمشاركه والتفاعل

[راعي المقانيص]

سيارتي ما أعطيها الا لشخص واحد فقط وهو الوالد الله يحفظه ويطول بعمره على طاعته يارب

لانه حافظ على ولده ويبي يحافظ على حلال ولده

وغيره لو يصير مايصير ماسلمته مفاتيحها

وبالنسبه اني استعير سيارة من احد فهذي اشوفها صعبه واحراج على الشخص الي تبي تاخذها منه وانا اطبق المثل الي يقول ( حط فلوسك بالشمس واقعد بالظلال ) الحمدلله استاجر لي سيارة صغيره 50 ريال يوميتها والا 10 مشوار ليموزين

[ن م ر]

سيارتي ما أعطيها الا لشخص واحد فقط وهو الوالد الله يحفظه ويطول بعمره على طاعته يارب

لانه حافظ على ولده ويبي يحافظ على حلال ولده

وغيره لو يصير مايصير ماسلمته مفاتيحها

وبالنسبه اني استعير سيارة من احد فهذي اشوفها صعبه واحراج على الشخص الي تبي تاخذها منه وانا اطبق المثل الي يقول ( حط فلوسك بالشمس واقعد بالظلال ) الحمدلله استاجر لي سيارة صغيره 50 ريال يوميتها والا 10 مشوار ليموزين


مرحبا بك ياراعي المقانيص
كلامك درر ويكتب بماء الذهب
أشكرك على مرورك ومشاركتك الرائعه

[الكيان]

لا اعطي سيارتي احد ابدا

ولم اخذ سيارة احد

[ن م ر]

لا اعطي سيارتي احد ابدا

ولم اخذ سيارة احد



مرحبا بك يالكيان

دايم الظروف تجبر الشخص اما يعير سيارته أو يستعيرها أحد
وأولا وأخيرا للشخص كامل الحرية في حلاله

أشكر لك مشاركتك ومرورك العطر

[اسير الغضا]

اكره شي اذا عطيت احد موترك ورجعه لك ريحته دخان

[كم كيلو باقي]

بالنسبة لي

بالطعوس والبر والعقبات القوية مايسوقها احد غيري .. لأن انظمتها ودبلاتها معقدة نوعا ما ويبي لها واحد يفهم لها ويعرف طريقتها ..

اما بالديرة والخطوط .. أبوي واخواني وعماني وخوالي والأخويا الخاصين يفداهم الموتر لو بدون مايعطوني خبر

[PATHFINDER 4]

بالنسبة لي صار لي موقف عطيته اخوي مشوار 5 دقايق وصدم بها الله يهديه

عقبها حرمت اعطي اي واحد موتري ومشكور على الموضوع الرائع

[الربذي]

اشكرك اخوي نمر على هالموضوع شف البعض يجيب لك البلاوي واحد من الجماعة عطى سيارته لواحد وهرب عليها مخدرات وانحاش يوم شافته الشرطه وزبن ضلع بالليل وراح ضيعوه وجابو راعيها سجنوه بس طلع وليده ويعرف مدير الشرطة ودبر حاله معهم وطلع وماعلمني انا شخصينا من اللي ماهو قد الثقة هذا عشان اتجنبه

[ن م ر]

اكره شي اذا عطيت احد موترك ورجعه لك ريحته دخان



مرحبا بك اخي اسير الغضى

رائحة الدخان كريهه وتضيق الصدر واذا شميتها في اي موتر تشمئز فما بالك تشمها في موترك

أشكرك على مشاركتك وتفاعلك

[محمد الظاهري]

موضوع جميل ويستحق النقاش
انا صراحه اعطي لمن اثق به
يعني اخواني ولدي الله يحفظهم
اصحبابي
صراحه انا واصحابي اخواني
اذكر مره انا رحت سافرت واخذت سياره واحد من اصحابي
وبلا ردود عطاني ايها
ومره طلب مني السياره عشان عندهك كشته عائليه اخذو اربعه ايام
وانا اخذت سيارته وسافرت فيها لمده اسبوعين
ومع انها سيارته جديده
لئن انا اثق به
واعرف الرجال زين وابخصه
وقد تخوينا انا واياه عشره سنوات
وهاذي السنه كملت 11 يعلم الله اني صادق
ولكن لا تعديه من هب ودب
عطه الي تبخصه زين وتعرفعه

اشكر صاحب الموضوع على الطرح الجميل التي فيها يستفيد كل شخص
اخوكم

[ن م ر]

بالنسبة لي

بالطعوس والبر والعقبات القوية مايسوقها احد غيري .. لأن انظمتها ودبلاتها معقدة نوعا ما ويبي لها واحد يفهم لها ويعرف طريقتها ..

اما بالديرة والخطوط .. أبوي واخواني وعماني وخوالي والأخويا الخاصين يفداهم الموتر لو بدون مايعطوني خبر


قصدك أعط القوس باريها

مشاركة قيّمة وأشكرك أخي على تفاعلك

[ابو انس2006]

الله يعطيكم العافية

ومن عنده اكثر من سيارة الله يعينه .

أنا اعاني من هذا الشي . لكن الشكوى على الله . والله الواحد ينحرج ويستحي يرد الطيب الا مثلكم وشرواكم

ولكن نتوكل على الله ونعطيهم . والله خير الحافظين

[ن م ر]

بالنسبة لي صار لي موقف عطيته اخوي مشوار 5 دقايق وصدم بها الله يهديه




عقبها حرمت اعطي اي واحد موتري ومشكور على الموضوع الرائع



مرحبا بك ابوسعود وأشكرك على تفاعلك

وترى الموضوع للجميع ونرحب بجميع الآراء والمداخلات



اشكرك اخوي نمر على هالموضوع شف البعض يجيب لك البلاوي واحد من الجماعة عطى سيارته لواحد وهرب عليها مخدرات وانحاش يوم شافته الشرطه وزبن ضلع بالليل وراح ضيعوه وجابو راعيها سجنوه بس طلع وليده ويعرف مدير الشرطة ودبر حاله معهم وطلع وماعلمني انا شخصينا من اللي ماهو قد الثقة هذا عشان اتجنبه



هذا بلا ابوك يا عقاب

المصيبة إذا الشخص أخذ منك سيارة ونكبك في قضية أنت بريء منها برائة الذئب من دم يوسف والقصص في هذا الباب كثيرة

أشكرك اخوي على المشاركة القيّمة

ولعل الأخوه الأعضاء يأخذون الحذر من هذه الناحية






موضوع جميل ويستحق النقاش

انا صراحه اعطي لمن اثق به
يعني اخواني ولدي الله يحفظهم
اصحبابي
صراحه انا واصحابي اخواني
اذكر مره انا رحت سافرت واخذت سياره واحد من اصحابي
وبلا ردود عطاني ايها
ومره طلب مني السياره عشان عندهك كشته عائليه اخذو اربعه ايام
وانا اخذت سيارته وسافرت فيها لمده اسبوعين
ومع انها سيارته جديده
لئن انا اثق به
واعرف الرجال زين وابخصه
وقد تخوينا انا واياه عشره سنوات
وهاذي السنه كملت 11 يعلم الله اني صادق
ولكن لا تعديه من هب ودب
عطه الي تبخصه زين وتعرفعه


اشكر صاحب الموضوع على الطرح الجميل التي فيها يستفيد كل شخص

اخوكم




أشكرك أخي محمد الظاهري على المشاركة الطيّبة والفعّالة

والصديق الصدوق الوفي اللي تثق فيه ما تذخر عنه شي لا قليل ولا كثير

لأنه يقدرك ويقدر حلالك ويقدر مواقفك معه

[ابوالفهد]

ثلاثة قل ان يعارا لاحد ما هم 1 الراحلة 2 الفحل 3 السلاح

[الباحث_الصغير]

لا يأخذ سيارتي إلا ثقة وأكاد أقول أن من أخذوها مني يعدون برؤوس الأصابع

أما بالنسبة لي أنا فأجد حرجاً شديداً لطلب سيارة من آخر حتى من القريب

خصوصاً للمشاوير الطويلة أستأجر ولا آخذ سيارة غيري

أعرف أشخاص تتلف سياراتهم بسرعة عجيبة قبل مضي عمرها الافتراضي والسبب هو لب موضوعك

دمت بخير يالغالي

[الربذي]

اما من اعطي سيارتي فاعطيها الثقه والحمد لله كل زملائي بالمكتب ثقات ولانزكي على الله سبحانه احد


انتبهووووو صارت بلاوي من انك تعطي مفتاح سيارتك لمن هو ليس اهلا لثقة والرجولة واحد اخذ مفتاح السيارة وراح لبيت خوية واغتصب زوجة خويه وقتلها ؟؟؟؟؟؟؟؟

اخر ذهب لشقة صديقة وايضا حصل ماحصل

واحد ثا لث اخذ نسخة من المفتاح ودخل على زوجة جاره ولكنها شقردية ولينته وطاح باشر اعماله

[ابونبيل]

ما اعطي احد ابد ابد ابد

الى اذا واحد قالي ان اهله بمشكله ولا شي كآآيد يعني اعطيه اما غيره

امعصي

لان لو سويت فيها حادث انا بلوم نفسي

لان ان سوى حادث فيها غيري بلوم نفسي وبلومه

اما وقت الحاجه في تكاسي و نفسي عزيزه ما امد يدي لناس عشان مشوار

[المهاجر انا]

السيارة الخاصه بك لاتعطيه الي اي احد الا اذا مليت منها اذا طلب احد منك اليارة للمشوار وصله والا عطه حق المشوار الحق مايزعل احد شاريها بفلوس

[ن م ر]

الله يعطيكم العافية

ومن عنده اكثر من سيارة الله يعينه .

أنا اعاني من هذا الشي . لكن الشكوى على الله . والله الواحد ينحرج ويستحي يرد الطيب الا مثلكم وشرواكم

ولكن نتوكل على الله ونعطيهم . والله خير الحافظين



مرحبا بك يابوأنس نورت الموضوع وشرفته بردك الكريم وشرواك الطيب
مشكله ان شافوا الناس عندك كم موتر ابلشوك عندها وفتحوا عيونهم عليك
وان شافوا عندك قربوع تحاقروه وحطوك بخيل




ثلاثة قل ان يعارا لاحد ما هم
1-الراحلة
2- الفحل
3- السلاح


فعلا أبوالفهد أنا من الناس اللي مستحيل أعطي سلاحي أحد مهما كان
أشكرك على ردك ومرورك العطر وحياك الله









لا يأخذ سيارتي إلا ثقة وأكاد أقول أن من أخذوها مني يعدون برؤوس الأصابع






أما بالنسبة لي أنا فأجد حرجاً شديداً لطلب سيارة من آخر حتى من القريب


خصوصاً للمشاوير الطويلة أستأجر ولا آخذ سيارة غيري


أعرف أشخاص تتلف سياراتهم بسرعة عجيبة قبل مضي عمرها الافتراضي والسبب هو لب موضوعك


دمت بخير يالغالي



مرحبا بك يالباحث الصغير وجميع ما ذكرت صحيح


جميعنا يحرص على المعروف وفعل الخير ولكن هناك ناس ما يقدرون
وعلى باله ان عطيته موترك انه سبيل ومانت بحاجته


أشكرك على ردك الرائع ومرورك العطر والمميز




اما من اعطي سيارتي فاعطيها الثقه والحمد لله كل زملائي بالمكتب ثقات ولانزكي على الله سبحانه احد


انتبهووووو صارت بلاوي من انك تعطي مفتاح سيارتك لمن هو ليس اهلا لثقة والرجولة واحد اخذ مفتاح السيارة وراح لبيت خوية واغتصب زوجة خويه وقتلها ؟؟؟؟؟؟؟؟

اخر ذهب لشقة صديقة وايضا حصل ماحصل

واحد ثا لث اخذ نسخة من المفتاح ودخل على زوجة جاره ولكنها شقردية ولينته وطاح باشر اعماله



حياك الله مرتن ثانية يالربذي شرفت الموضوع بتفاعلك


والموقف اللي ذكرته تعدى مرحلة السيارة إلى الشقة وإلى أعراض ناس حسبنا الله ونعم الوكيل
ناس إذا غاب عنها الوازع الديني ما عاد يردها شي


أشكرك كل الشكر على مرورك ومشاركتك





ما اعطي احد ابد ابد ابد

الى اذا واحد قالي ان اهله بمشكله ولا شي كآآيد يعني اعطيه اما غيره

امعصي

لان لو سويت فيها حادث انا بلوم نفسي

لان ان سوى حادث فيها غيري بلوم نفسي وبلومه

اما وقت الحاجه في تكاسي و نفسي عزيزه ما امد يدي لناس عشان مشوار



مرحبا بك يابونبيل ولا هنت على المشاركة القيّمة
وكلامك المحدد في الاقتباس عين العقل


أشكرك على مداخلتك الطيّبة ومرورك الكريم



السيارة الخاصه بك لاتعطيه الي اي احد الا اذا مليت منها اذا طلب احد منك السيارة للمشوار وصله والا عطه حق المشوار الحق مايزعل احد شاريها بفلوس



الحق ما يزعل يالمهاجر ولو أغضب بعض الناس بس أنا مرضي ضميري ولا اخطيت على أحد
وهذا لا يتنافى مع فعل الخير وتبادل المعروف بين الناس


حياك الله يالمهاجر وأشكرك على مشاركتك بالموضوع

[w9l]

انا اقول الواحد يحاول قد مايقدر انه مايعطي سيارته لاحد ( يحاول ) معنها محاوله فاشله ههههههههه بس نقول يحاول لانه من جد الواحد تتغير عليه سيارته اذا ركبها احد غيره شغله نفسيه مدري كيف اشرحها لكم .... هذا حتى لو ناه محافظ وكل اموره طيبه فما بالك اللي يخرب بالسياره يعني حتى الطيب فيهم ماسلمت منه هههههههههههه

مشكلتنا ان الواحد ينحرج واستغرب من بعض الناس ياخي هو اللي يطلب وانت اللي تنحرج وهو وضعه فوووووق الطبيعي ههههههههههه لا ويزعل اذا رديته

يرجااااااااااااال بلااااااااااوي خلها على ربك بس .... لكن بالاخير واقولها بالفم المليان (( ترى محد يلومك بحلالك )) واللي يلومك اعرف انه ردي وماهو كفو

[sameer_1798]

إذا أكرمت الكريم ملكته .... وإذا أكرمت اللئيم تمردا

[ابوريان111]

انا عندي سيارتين جاءعمي محتاج سياره هو باع سيارته عطيته السياره الثانيه اللي هي الباترول قعد معه ثلاث شهور والحمد لله رجعت زي ماكانت

[ابو خالد 1992]

خذها قاعدة ((( السيارة مثل المرة لاتامن احد عليها ))) ليش !!!

ياطوي العمر قبل تسع سنوات تقريبا كنت موظف شركة وكان معي احد الزملاء خربت سيارته وامكانياته المادية على قد حالة وتوه معرس جا للدوام بدون سيارة وماهان علي اشوفة بدون سيارة ومن غير لا يطلب عطيتة سيارتي فورد رانجلر وانا اخذت سيارة الوالد - الله يغفر له ويرحمه - الحاصل انفصل هو من الشركة بعد اسبوع تقريبا و السيارة لازالت معه دقيت عليه بعد فصلته بـ 3 ايام - شفت الرجال طول لا علم ولاخبر - قال بكرة و كل يوم بكرة إلين معد رد علي اتصالاتي رحت لبيتهم وطلع لي اخوه الكبير وشرحت له الوضع وزبدلي ان السيارة في الورشة منقلب عليها المهم بلعتها ؟؟؟ قلت قضاء و قدر جاني خبر من احد الزملاء يحلف با الله انه شايفة يفحط عليها قوة تنطيل قلب على الجنب ودخلها الورشة والفلم هذا مادريت عنه واسبوعين في الورشة وانا اداري اخوة ومسحه لين سدد حساب الورشة حوالي الثلاث الاف ريال تزيد او تنقص قليل و لا اخذت حقي إلى بطول اللسان مع فزعت احد الزملاء الله يذكره بالخير لسانه يطق بركبتة :p بعد ما طلعت الموتر سفلت به هو واخوة لأنه كان يتكلم من طرف خشمه .... والوالد الله يرحمه كان حاس ان السيارة فيها مشكلة ولا بينت له عشان كذا قالي ( المثل المذكور اعلاه ) لاكن ماتبت إلى الان وانا اعطي موتري للي يبي خصوصا انه موتر ثاني ونيت غمارة واتحداك اي واحد عنده ونيت وما تجيه احراجات :director: وذبات وجه اللي بيروح يجيب غاز ومقاضي بيت اللي بنته تملكت وبيشيل عفشها او تطلقت وبيضف عفشها و اللي عنده عشا وبيجيب ذبايح واللي عنده قراشيع طفر وبيوديها للحراج :looney:وخلها على ربك لاكن توكلت على الله هو خيرا حافظا .

[ن م ر]

انا اقول الواحد يحاول قد مايقدر انه مايعطي سيارته لاحد ( يحاول ) معنها محاوله فاشله ههههههههه بس نقول يحاول لانه من جد الواحد تتغير عليه سيارته اذا ركبها احد غيره شغله نفسيه مدري كيف اشرحها لكم .... هذا حتى لو ناه محافظ وكل اموره طيبه فما بالك اللي يخرب بالسياره يعني حتى الطيب فيهم ماسلمت منه هههههههههههه

مشكلتنا ان الواحد ينحرج واستغرب من بعض الناس ياخي هو اللي يطلب وانت اللي تنحرج وهو وضعه فوووووق الطبيعي ههههههههههه لا ويزعل اذا رديته

يرجااااااااااااال بلااااااااااوي خلها على ربك بس .... لكن بالاخير واقولها بالفم المليان (( ترى محد يلومك بحلالك )) واللي يلومك اعرف انه ردي وماهو كفو



حياك الله اخوي تشرفت بمرورك على الموضوع ومشاركتك الطيّبة



إذا أكرمت الكريم ملكته .... وإذا أكرمت اللئيم تمردا




مرحبا بك اخوي سامر مشكور على المرور وصح لسانك
بيت رائع يستشهد به في مواقف كثيره في هذا الزمن والله المستعان




انا عندي سيارتين جاءعمي محتاج سياره هو باع سيارته عطيته السياره الثانيه اللي هي الباترول قعد معه ثلاث شهور والحمد لله رجعت زي ماكانت




مرحبا بك يابوريان ومشكور على المشاركة النبيلة




خذها قاعدة ((( السيارة مثل المرة لاتامن احد عليها ))) ليش !!!

ياطوي العمر قبل تسع سنوات تقريبا كنت موظف شركة وكان معي احد الزملاء خربت سيارته وامكانياته المادية على قد حالة وتوه معرس جا للدوام بدون سيارة وماهان علي اشوفة بدون سيارة ومن غير لا يطلب عطيتة سيارتي فورد رانجلر وانا اخذت سيارة الوالد - الله يغفر له ويرحمه - الحاصل انفصل هو من الشركة بعد اسبوع تقريبا و السيارة لازالت معه دقيت عليه بعد فصلته بـ 3 ايام - شفت الرجال طول لا علم ولاخبر - قال بكرة و كل يوم بكرة إلين معد رد علي اتصالاتي رحت لبيتهم وطلع لي اخوه الكبير وشرحت له الوضع وزبدلي ان السيارة في الورشة منقلب عليها المهم بلعتها ؟؟؟ قلت قضاء و قدر جاني خبر من احد الزملاء يحلف با الله انه شايفة يفحط عليها قوة تنطيل قلب على الجنب ودخلها الورشة والفلم هذا مادريت عنه واسبوعين في الورشة وانا اداري اخوة ومسحه لين سدد حساب الورشة حوالي الثلاث الاف ريال تزيد او تنقص قليل و لا اخذت حقي إلى بطول اللسان مع فزعت احد الزملاء الله يذكره بالخير لسانه يطق بركبتة :p بعد ما طلعت الموتر سفلت به هو واخوة لأنه كان يتكلم من طرف خشمه .... والوالد الله يرحمه كان حاس ان السيارة فيها مشكلة ولا بينت له عشان كذا قالي ( المثل المذكور اعلاه ) لاكن ماتبت إلى الان وانا اعطي موتري للي يبي خصوصا انه موتر ثاني ونيت غمارة واتحداك اي واحد عنده ونيت وما تجيه احراجات :director: وذبات وجه اللي بيروح يجيب غاز ومقاضي بيت اللي بنته تملكت وبيشيل عفشها او تطلقت وبيضف عفشها و اللي عنده عشا وبيجيب ذبايح واللي عنده قراشيع طفر وبيوديها للحراج :looney:وخلها على ربك لاكن توكلت على الله هو خيرا حافظا .



مرحبا بك يابوخالد


صراحة زميلك هذا ينطبق عليه البيت اللي ذكره اخونا سامر أعلاه


أشكر لك مرورك ومشاركتك القيّمة

[متى نكشت ؟]

معروف الموتر لاكثرت عليه الارجل تهرقل
وكلن يحط حمله على الثاني من ناحيه البنزين والزيت
ومع ذلك الموتر مايطول

[عاشق ورق]

ايام الشباب اعرت سيارتي لواحد من زملاء العمل
وغاب 3ايام بعدها
الزميل اذا طلب السيارة اما اوصله بنفسي ولااعطيه الأجرة
دفعا" للأحراج
اما الصاحي ماارد عنه شيء
اما انا يالموزين اول والحين استاجر سسيارة افضل
تحياتي

[ابو النادر]

بنسبه لي انا ماخذا سارة احد حتى لو سيارتي بالورشه
ماعدا سيارة الوالد الله يحفظه الي في البايكه
ولا اعطي سيارتي احد طبعن غير الوالد واخواني
وناس خاصين اعرف سواقتهم زين اركد مني
مششششششششششكور اخوي على الموضوع

[ن م ر]

معروف الموتر لاكثرت عليه الارجل تهرقل
وكلن يحط حمله على الثاني من ناحيه البنزين والزيت
ومع ذلك الموتر مايطول



دائما السيارات المشتركة ما تعيش والدليل شف سيارات الإيجار
على الرغم من صيانتها لكن حالتها يرثى لها

مشكور اخوي على المشاركة الطيّبه

[ن م ر]

ايام الشباب اعرت سيارتي لواحد من زملاء العمل

وغاب 3ايام بعدها
الزميل اذا طلب السيارة اما اوصله بنفسي ولااعطيه الأجرة
دفعا" للأحراج
اما الصاحي ماارد عنه شيء
اما انا يالموزين اول والحين استاجر سسيارة افضل

تحياتي




بالضبط أخي الكريم اشتر راحتك وراحة بالك
وفي الحالتين انت متجمل وساد اللزوم
مشكور على المشاركة الطيّبة

[ن م ر]

بنسبه لي انا ما آخذ سيارة احد حتى لو سيارتي بالورشه

ماعدا سيارة الوالد الله يحفظه اللي في البايكه
ولا اعطي سيارتي احد طبعاً غير الوالد واخواني
وناس خاصين اعرف سواقتهم زين اركد مني

مششششششششششكور اخوي على الموضوع




العفو أخي الكريم
وأشكرك على مرورك ومشاركتك الطيّبة
ملاحظة / أعرب ما تحته خط :D

[الخادم]

صحيح ان السيارة من الخصوصيات
و الان ساهر ماقصر

[ن م ر]

صحيح ان السيارة من الخصوصيات


و الان ساهر ماقصر




مرحبا بك يالخادم ومشكور على المشاركة والتفاعل

[الربذي]

حياك الله مرتن ثانية يالربذي شرفت الموضوع بتفاعلك


والموقف اللي ذكرته تعدى مرحلة السيارة إلى الشقة وإلى أعراض ناس حسبنا الله ونعم الوكيل
ناس إذا غاب عنها الوازع الديني ما عاد يردها شي


أشكرك كل الشكر على مرورك ومشاركتك







المقصود الله يكفينا الشر هو التنبيه لانها حصلت وكان مدخلها من طلب السيارة تخبر تكون المفاتيح مع بعض ..

[دلهميز]

السيارة اعطيها كل من طلبها طلبوها ناس للحج وفرحت وطلب جار لي سيارة رديفة عندي واعرته اياها اسابيع وطلبها جار لي مصري ايام السكن بالشقق واعرته اياها مدة طويلة اظنها شهور ( وزعل يوم طلبته يردها شكله ظنها عطية هههههه ,,, لو اني احب المصاورة كان تفداه لكن ماش) وعد واغلط اما المشاوير القصيرة فهذا ما اعدها شيئ ويقهرن يوم يعبئ الواحد بانزين كني مؤجرها عليه ,,, ويعلم الله اني ما افتش عليه وش سوى فيها او ما سوى .

[صاحب نوماس]

اما بالنسبة للعنوان انا قلت شكلها مضاربة


ههههههههههه


الله لايهينك يالغالي

اما بالنسبة لي انا سارتي والله يركبها من بغى موتر

بس والله ما احب اخذ سيارة احد لو استاجر الا بشرط انة يكون معي هذي ممكن

[N-xterra]

والله أنابصراحة شاري راحة رااااااااااااسي بسبب كثرة مواجهة المشكلة هاذي بالنسبة لي

معي سيارتي الخاصة والغالية واللي ولدي ما يشم مفتاحها

واشتريت قبل فتره كابرس صابونه ب 5 تلاف وركنتها عند البيت سبيل لإخوياي واللي يحتاج سيارة واللي ياخذها لازم يرجعها مفللة بنزين وإذا اختربت معاه يصلحها

تصدقون ما وقفت من يومها حتى أنا بعض الأحيان ترفع رجلي عن المذلة

تحياتي

[عقيل التميمي]

بالنسبه لي انا والله انحرج واعطي سيارتي اللي يستاهل ومايستاهل

[ذيب زلفاوي]

اول سياره لي ددسن كنت بصف ثالث متوسط وكان الموتر شبه جديد وانا مستانس فيه المهم واخوي الكبير خربت سيارته ويدخلها ورشة ويجي وياخذ موتري وقالي الين يطلع موتري من الورشة وارجع الموتر وانا مالي اسبوعين مستلم الموتر عقب الوالد الله يشفيه وانا ادري انه مايهتم بالموتر المهم ويقعد معه حوالي 3 شهور ويرجعه لي الموتر وصخ من اخذه ماغسله وفوق هذا كله فيه صدمه مع الرفرف الي هي اول صدمه للموتر ومادري عن زيت المكينه يمكن يكون ماغيره ابد


والحين اذا جيت اعطي احد موتري اول شي اشوف سيارته اذا كان محافظ عليها ولا هو راعي جلد عطينه واقوله الموتر بذمتك تحافظ عليه اكثر من سيارتك

الا واحد من اخوياي خويي من الابتدائي الى الحين قسسم بالله اني اسمع صوت سلف موتري وهو يشتغل ويدق علي بعد ماشغله ويقولي ابي موترك مشوار قريب واقووله يفداااااك الموتر

[رسلان الوايلي]

مااعطي موتري
ال لرجال اثق فيه
مشكور على الموضوع الطيب

[رسلان الوايلي]

كلامك صح
مشكور على الموضوع

[سلطان ال حسيان]

اختصر لك الموضوع ..

الصديق (الصاحي) لن يطلب منك سيارتك ابداً حتى لو احتاجها..حتى لو أستأجر سيارة اخرى..حتى لو دقّها رجليّة!
الصديق(الصاحي) يتشرف انك تطلب منه سيارته لأنه يدري انك صاحي مثله ، ويدري في نفس الوقت انك مستحيل تطلبها !

اما الاخو مع اخوه فهذا باب وله جواب ثاني.

بالتوفيق

احسنت :good2:

[YUKON_GMC]

السلام عليكم ورحمة الله وبركاته

ما اعطي سيارتي لاي انسان حتى والدي واخواني ، اي شخص يحتاج مشوار انا اقوم بتوصيله . ولو احتاج جاري يذهب بأهله المستشفى اقوم بنفسي بتوصيله ، غير كذا ما عندي :mad: الثقة معدومة لو اللي قدامي شيخ (معدومة في السيارات فقط)

طبعا اذا احتجت اروح مكان وسيارتي معطلة اطلب توصيلي ولا اطلب سيارة من احد او استأجر . يعني اعامل نفسي والناس بشكل واحد .

مثلك تماماً ماعدى الوالد والاخوان .. تفداهم السياره وراعي السياره :good2:

[ابوibrahim]

موضوع مميز
طبعا اذا طلب احد سيارتك عيب انك ترده
لكن اذكر قبل 5 سنوات كان معي يوكن 2004
طلبه مني زوج خالتي وعطيته السيارة راحبها المزاحميه المهم الرجال اعرفه ما يهتم بالسيارة ابد ويخلي عياله يلعبون في السياره ولا يقولهم شيء
ويوم رجع السيارة علوم مكسرة من كل جهه ورب الكعبه رحت بعتها وانا اعض اصابعي ندم
بس وش تبوني اسوي ارده صعبه