وشلون تعرف السيارة اللي فيها سمكرة...

[الوهم]

مساكم الله بالخير يالمكشاتيين

انا اشتريت سيارة
وديتها للفحص وقالوا ممتازة واشتريتها
لكن بعدين لقيت فيها 70 علة
الفحص ماعليه اعتماد ياخذون حقهم ولا عليهم من المشتري
انا اخذت درس وعبرة ولن اعتمد على الفاحص المرة الجاية

المهم ياجماعة الخير
وشلون تعرفون السيارة اللي فيها سمكرة لان عندي سيارة فيها سمكرة من الجهة اليسرى
وعندما اقارنها بالجهة اليمنى لااجد اي اختلاف اطلاقا
هالحين ياليت تقولون لي وشلون اعرف اذا كانت السيارة فيها سمكرة او لا؟
ايضا ودي تقولون لي اذا اشتريت سيارة ان شاء الله وشلون افحصها بنفسي واقتنع بها دون مشورة احد
يعني ماهي الخطوات اللي اعملها والمهمة لفحص اجزاء السيارة كاملة بنفسي وخاصة اجزائها المهمة

الموضوع هذا قد يفيد الكثير مثلي اللي قد يتعرضون للغش عندما يشترون سيارة...
اشكركم مقدما

[الشاص]

يالله اخوي كل طقه بتعليمه

وعسى الخير في ماكتبه رب العالمين

اخوي بالنسبه للسمكره غالب تكشفه بصوت الطق على البدي لانه يفرق صوت البدي الى بدون معجون عن الى جايه معجون

وطبعا تلعب الخبره دور كبير جدا في هالامور يعني تشوف بعض الشريطيه من النظره الاولى يعرف الموتر

وفيه طبعا لون الموتر تشوفه يفرق وخاصة عند مايصير النور ساطع عليه

طبعا ممكن تشوف المسامير حقت الرفرف والمعجون وتعرف اذا فك والى لا

وهذا الى اذكره وانشاء الله اكون افتدك لو باليسير

وانشاء الله نشوف راي اهل البخص والخبره :)

[جوال نجد]

1/ اذا بغيت تشتري سيارة حاول تشوفها بالنهار لأنه أوضح للون ....

بعض البياعين ما يرش مكان الصدمة فرن ... هذي السيارات واضحة جدا ولا تحتاج خبير ... تلقى مكان الصدمة باهت بدون لمعة مقارنة بباقي السيارة

2/ اذا كانت السيارة مسمكرة مظبوط والبوية فرن ... هنا تحتاج الخبرة ... اذا لاحظت السيارة من برا شكلها 100% والبوية ولا أحلى ( وسألت راعيها فيها صدوم ؟ قال : على الفحص وعيا يتكلم وأصر على الفحص ) في هذي الحالة افتح الكبوت ...

قارن بين لون بوية الرفارف من الداخل ... المسمكر تلقاه أحسن وأسطع ... اذا كانت الرفارف متشابهه تماما .... قارن بين لون الرفارف والحديدة المعترضة (حاملة الرديتر ).... اذا كانت جميع الالوان تمام ...
المس الزوايا بأطراف أصابعك لمس خفيف ( زوايا الكبوت أو الرفرف ) ... أحيانا تجد بوية زائدة في هذي الاماكن

3/ حط يدك على غطا الرديتر وادفع للخلف ... اذا كان ثابت ...مظبوط

4/ انظر للأسفل قريبا من ناحية البطارية تجد المقص متجه للأمام .. تأكد من سلامته ... في بعض الصدمات ينكسر المقص .. فيلحم

5/ افحص الغطاء الأسود المحيط بالكفرات الأمامية ...

6/ افحص السيارة بالقيادة وتأكد من أن لمبة الاير باق تشتغل اذا دقيت سلف... ثم افحصها بالكمبيوتر .. قد يدلك صاحب السيارة على ورشة كمبيوتر معينة ... فلا توافق ... واذهب الى أي ورشة أخرى

آآآآآآآآآآسف على الاطالة

تحياتي لك وللجميـــــــــــــع

[ابوعزااااام]

نعم الفحص ليس بثقه

[م.سعيد]

بالنسبة للسمكرة, هناك اجهزة لقياس سماكة الصبغ ( الدهان) بما فيها المعجون..
احرص على النوعية الجيدة التي يمكن استخدامها في قياس سماكة الصبغ في الدعاميات البلاستك ( تستخدم موجات فوق سمعية Ultra sonic UT) وكذلك يمكن استخدامها في فحص سماكة الصبغ في البودي الالمونيوم والحديد..ممكن تكون مكلفة على شخص يشتري سيارة او سيارتين في السنة, لكن لاصحاب المعارض لا غنى عنها..
هذا بالاضافة لما تفضل به الاخوان قبلي..

[حسين2002]

ماشاء الله الأخ / جوال نجد

كفى ووفى

الله يعطيك العافية

[راعي الجيوب 1]

اظيف نقطه علي كلام اخي جوال نجد
دائماً المكان المرشوش يُبين عند ما تضع السياره تحت أشعه الشمس يُبين لك مهما كانت الرشه بتغير البويه والمعه
كذاك مسامير الرفرف والكبوت والبيبان تجد مقشره البويه يعني مفكوك من وضع المفك علي المسمار ! كذالك تعرجات حروف الكبوت او الرفرف او الباب تضع إصبعك علي الحرف يُبين ان فيه تعرجات يعني سبق ان المكان مسمكر ! كذالك طرف الرفرف او الصدام من الأسفل لابد تجد اثار البويه او قطن من اثر السمكره والتلميع ! هذا بحكم تجربتي من سنين في فحص اي سياره اشتريها حتي لو كانت من الوكاله جديده لا بد من الفحص
تحياتي

[البدراني11]

اضيف ايضا :

افتح مقابض الابواب وانظر داخلها تجد بعض الشركات تضع ربالات فقد تجد اثر للبوية ام الغير مسمكر فلا
وكذلك افتح الباب وتاكد من الربلات والجلد المحيطة بالباب من الداخل والمعلقة في الباب غالبا المسمكر تجد فيه اثار بوية


تحياتي