سؤال لمن جرب هايلكس دبل 2010

[النواد]

السلام عليكم
رغم انها اربعة سلندر هل هي قوية بالجبال مع حمولة 4 اشخاص والحوض مليان عفش
تكفون نبغى الجواب
انا بشتري 2011 ان شاء الله

[العرض داري]

هلا اخوي
الدبل كاااايف لو تركبة في اكسنت
لكن عن تجربتي اقول ممتاز حول الجيب
لكن في الونيت خراباته واااجد
اخوي معه 2002 وخرب دفرنس الدبل ونزل عن مستوه الطبيعي <<<<<<<< يمكن عشان استخدامة سيئ
استخر وجرب وشاور

[* ابو باسل *]

اخوي فيه رابطه اسمها رابطة الهايلكس الدبل وانا واحد منهم ادخلها ورايح تحصل كل الاجوبه عن اي شي يحيرك واذا عني انا اشترها وانت مغمض موتر للكرف وموتر للبر وعزمه ممتاز هي صحيح 4 سلندر بس حجم المكينه كبير وليس بالهين مقارنه بمكأن اخرى حجمها سته سلندر و3500 سي سي تحصلها هي حجم اكبر منها وحجم سلندراتها كل وحده كبر 2 من حجم سلندرات السيارات ام 6 سلندر والدعوه وانا خوك في قوة المحرك وقوة عزمه ودورانه وليس بالقول مدري كم حصان ومدري كم سي سي وفي الاخير اذا احتجت هذي القوه ماتحصلها بس الهايلكس يقولك 2700 سي سي بس اذا احتجتها عطتك طاقتها كلها وماتفقد عزمها وتعطيك نفس القوه يعني وانت مغرز وبطن الموتر ضارب الارض تحصل الهايلكس كفراتها كلها تدرو ولا يبرد عزمها وتزحف زحف بس تحصل بعض سيارات سته سلندر ومدري كم سي سي كله كلام فاضي ويضيع وقت الجد وتحصل مافيه غير كفر واحد يدور اذا هي في نفس موقف الهايلكس ولا عاد تطلع من محلها غير بسحب والي يسحبك يقول يخوي ادعس بنزين يحسبك مانت داعس وانت داعس على الاخير بس العزم مابه عزم اما الهلي فهذا الي يميزها تحصلها تسبح ولا تفقد السيطره على قوة دوران المكينه ابد .

[فهد الميهوبي]

اي سياره دبل مهي 6 اسرندل ابعد عنه نصيحه

[ذهب صافي]

عز الله انه موتر كايف أسألني

ياخي قوة على خفة نفس رهيبه ياخوي حنا محملين عفش وأربع أشخاص وعلى نفود الدهنا من راس طويل لراس طويل

الموتر عزم وطويل نفسه ما يحفر ودبل وتماتيك ياخوي ماشاء الله تبارك الله

[اسير الغضا]

يمكن مسألة العزم هي المشكله

[العايد999]

انت لا تسأل عام الناس اسئل مجرب ولا تسئل طبيب

ويعطيك الخبر