انا الحين في حيره...

[قــنــاص]

السلام عليكم ياشباب انا(واعوذ بالله من كلمة انا)الحين في حيره عرضت علي بنادق هوائيه
وحبيت اشارككم وبصراحة انا حاط عيني على 27ديانا المانيه فحبيت اشارككم قبل ماشتري واعرف وش رايكم
وشكـــــــــــــرا.(انا ابيكم تقولون لي وش الزين الي لك وللزمن)
~~~~~~~~~~~~~~~~~~~~~~~~~~~~~~~~~~~~~
http://pix.mekshat.com/imagesupload/images/shasf.jpg
~~~~~~~~~~~~~~~~~~~~~~~~~~~~~~~~~~~~~

تقبلوا تحياتي___
قاهر الصحــــــــــــــــــراء:rolleyes:

[راعي الجيوب]

انا اقولك لاتغير رايك انك تشتري 27ديانا المانية

ولاتفكر غيرها فهي مناسبة لطيور الصغيرة

بس مشكلته هي الميزانية يبيك تغير يوم وراء يوم

اخوك: راعي الجيوب

[الشاص]

انا اقول خلك في 27 دينا والله انها شي

بس عيبها مثل ماقالو اخوي الميزانيه بس كلها دقيقتين والك وازنها يعني ماهي مشكله

توكل على الله وخذ لك وحده

[((( الحر)))]

دعوه للمشاركه;;;;;;;;;;;;;;;;
اخوي قاهر الصحراء وجميع اعضاء منتدى مكشات مساكم الله بالخير!!!

قاهر الصحراء !!!
شكراً لك وسوالك في محله وفي وقته ويفتح الباب للمشاركات في هذا النوع من السلاح
خاصة إنه حالياً موسم بداية الصيد عامه الطيور الصغير خاصه!!!

وياليت الربع يشاركون معنا في رايهم أي انواع البنادق الهوايه يفضلون ويستخدمون!!!

وانا شخصياً استخدم نوع فايرخ المانيه موديل 80 وهذ النوع في رايي انه افضل الموجود
لانه يصبر ولا يضعف الشريط (السبرنق) ولا ينكسر بسرعه مثل الانواع الاخرى الالمانيه
اما وزنته فهي وحد ويمكن الوزنيه تاخذ معك اكثر من سنه ماتغيرت اذا حافظت عليها0
واذا حصلت صيد مثل الصفارا او قميري فالحقيقه يسنعك ولا تزمل!!!
ولاكن يعاب على هذا النوع انه ثقيل نوع ما وقوي على الطيور الصغيره !!!

اما النوع الثاني فهو موديل 27 الالمانيه وهذي للطيور الصغيره ممتازه ولا فيه احسن منها
ولاكن لو صادفك صفارا او قميريه او طير كبير فهي ماتشفيك تصيبه لاكن ماتجيبه على طول!!!

وطبعاً الكلام هذا لو خلينا الاسلحة الناريه على جنب!!!!

هذا يمثل وجهة نظري الخاصه!!!

وارجو من الاعضاء المشاركه وابداء وجهة نظرهم وشكراً لاخي قاهر الصحراء مره ثانيه !!!

والشكر للجميع ???...!!!

[almojt]

بسم الله

جميع انواع د يانا جيدة بس افضلها 48/ 52/ 54

انا استخدم ديانا 54

http://www.mekshat.com/pix/upload/images/modell54.gif

[أبوتركي]

السلام عليكم جميعا...
وصبحكم الله بالخير... والمسرات..

أنا( وأعوذ بالله من كلمة أنا) أبأقول لك رأيي ...
تراي جربت أغلب أمهات صتمة... من 25إلى 90.... الألمانيات..الديانا والفايروخ..
وكانت 27 الديانا صراحة معجبتني وهي بارودي المفضلة.... إلين ماطحت بالأسباني ماركة gamo.....
ومن خلال تجربتي.. وتجربة رفقاي.. تبين لي إن أحسن بارود أم صتمة للدخل والصفارى هي الأسبانية السنيور من شركة gamo موديل 600 وتراها للمعلومية ماتباع إلا عند الرماية فقط...

وهي منقطعة الآن ويقولون إنها تبي تجي بعد أسبوع واحد فقط... وقيمتها 780 ريال..
وخذ أبرز مواصفاتها.... مقارنة ب27:
أولا: من ناحية الوزن... هي أخف من 27 ديانا ... يعني خفيفة
ثانيا: من ناحية القوة.... هي أقوى من ال27 ديانا... يعني قوية لو لقيت صفارى والاطير كبير تنفعك...
ثالثا: من ناحية الأمان.. فهي أمينة جدا... لأنها عند كسر ماصورتها يستحيل أن ترتد الماصورة حتى مع ضغط الريشة... عكس البنادق الألمانية..
رابعا: وضعية القفل مناسبة جدا... لأنه لاينقفل أتوماتيكيا بل حسب الرغبة كالبنادق النارية .. وهذا يريح الصياد كثيرا ... خاصة عندما يكون الدخل واجد .... واسأل مجرب
خامسا: ويعتبر من أهم المزايا .. أن الماصورة لاتنحني حتى لو كانت مسندة بالوضع المائل ... عكس الألماني...
سادسا: أن السسته( السبرنق)أقوي من السبرنق الألماني...



وفي الختام أرجوأن تشتريها.. لأنك تبي تدعي لي....ولا تحسبن أسوي دعاية... لكن من باب النصح فقط

وسلامك...
أبوتركي:good:

[قــنــاص]

في الحقيقة اشكر كل من شارك ورد على مشاركتي .
~~~~~~~~~~~~~~~~~~~~~~~~~~~~~~
ياأخ ابوتركي صراحة كفيت ووفيت بكل هالكلام الي قلته وصراحتا تراني مجرب ال600جمو مع واحد يقربلي
يقول انها عنده من ست سنين ماغير لها لا جلده ولا سسته وصراحة يعني انا كنت مفكر فيها بس خلاص قررت الحين اشتريها ليه؟
لانه عندي ثلاث صتمات27ديانا الماني ؟فوش باسوي بالرابعه! والاهم من كذا بعد لانها خفيفه
فلذك انا قررت اني اشتريها باقرب وقت ممكن وشكــــــــــــــــرا.
~~~~~~~~~~~~~~~~~~~~~~~~~~~~~~~~~~~~~~~~~~~
http://pix.mekshat.com/imagesupload/images/shasf.jpg
~~~~~~~~~~~~~~~~~~~~~~~~~~~~~~~~~~~~~~~~~~~
تقبلوا تحياتي___
قاهر الصحـــــــــــــــراء