ماذا تفضل في الجيوب القير العادي أم التماتيك؟

[باث 3]

بسم الله الرحمن الرحيم

.
.
.
.
.
.

ماذا تفضل للجيوب السته سرندل القير العادي أم التماتيك؟


ننتظر مشاركاتكم وأبداء آرآئكم

.,.,ولكم مني أجمل تحيه.,.,

[دل البحار]

تشكر أولا وقبل كل شيء على الموضوع الحلو وأقول الحلو،و الجميل لانه موضوع فعلا مفيد لمن يريد ان يغير الى الجيوب عن السيدان
أنا افضل الاتوماتكلي عن العادي سواء 6 سرندل او 4 سرندل السبب الراحه في القياده لانك في العدي تكون مشغول بالغيارات من ترس في ترس لكن الاتوماتكلي دعسه وحده

[ابوصالح3]

كنا زماااااااااان نفضل العادي ونعتقد ان الاتوماتيك بالغبار يشكل ويخرب
هالحين انتهت اسطورة العادي
ووالله اني بزحمة الشوارع انغث منه

[ساحووق]

طبعا التماااتيك الانه مع النفوود والبر اقوا من العاايدي وهذه الكلام يقوله خبرا ماهوانا مع العلم ان موتري شروووووووووكي

[اسير الغضا]

على حسب مكان سكنك مثلا بالرياض مافيه امل اخذ عادي
بعنيزه عادي علطول بدون كلام وانا بطبعي احب العادي واكره التماتيك امتع بالقياده ويخليك صاحي ماتنام مثل التماتيك

التماتيك يحتاج الى تغيير زيته وفلتر كل 40 الف العادي كل 3 سنين العادي يتحمل اكثر وافضل بالبر والطلعات

اذكنت بمناطق جبليه التماتيك مايعبرك

بالنهايه افضل العادي

[ا ص ر 2222]

الكل يبحث عن الراحه والراحه في التماتيك

ولاهنت على الموضوع الجميل ومشكور

[اسير الغضا]

على حسب مكان سكنك مثلا بالرياض مافيه امل اخذ عادي
بعنيزه عادي علطول بدون كلام وانا بطبعي احب العادي واكره التماتيك امتع بالقياده ويخليك صاحي ماتنام مثل التماتيك

التماتيك يحتاج الى تغيير زيته وفلتر كل 40 الف العادي كل 3 سنين العادي يتحمل اكثر وافضل بالبر والطلعات

اذكنت بمناطق جبليه التماتيك مايعبرك

بالنهايه افضل العادي

[العايد999]

غالباً في الوقت الحاضر اشوف نظرة اكثر الناس على الاوتماتيك

لكن مناطق البادية والهجر رغبتهم في العايدي اكثر

والله الموفق

[ا ص ر 2222]

الكل يبحث عن الراحه

والراحه موجوده في التماتيك

ومشكور على الموضوع الجميل

[مقلع الرمث]

تماتيك التمايتك

[احمد الشمال]

على حسب مكان سكنك مثلا بالرياض مافيه امل اخذ عادي
بعنيزه عادي علطول بدون كلام وانا بطبعي احب العادي واكره التماتيك امتع بالقياده ويخليك صاحي ماتنام مثل التماتيك

التماتيك يحتاج الى تغيير زيته وفلتر كل 40 الف العادي كل 3 سنين العادي يتحمل اكثر وافضل بالبر والطلعات

اذكنت بمناطق جبليه التماتيك مايعبرك

بالنهايه افضل العادي


انا مع اخوي اسير الغضا
وافضل العادي وبقوه

(ومشكو اخوي على الموضوع الجميل)

[allaa.hassan]

بالنسبة للجيوب أفضلها 6 سلندر

وأفضلها اوتوماتيك إذا كانت تيبترونيك (اوتوماتيك - عادي)

لأنه في حالات نزول المنحدرات الشديدة ضروري تمسك السيارة بالقير والفرامل لوحدها تخليك تفقد السيطرة على السيارة

[صيادالجبيل]

على حسب مكان سكنك مثلا بالرياض مافيه امل اخذ عادي
بعنيزه عادي علطول بدون كلام وانا بطبعي احب العادي واكره التماتيك امتع بالقياده ويخليك صاحي ماتنام مثل التماتيك

التماتيك يحتاج الى تغيير زيته وفلتر كل 40 الف العادي كل 3 سنين العادي يتحمل اكثر وافضل بالبر والطلعات

اذكنت بمناطق جبليه التماتيك مايعبرك

بالنهايه افضل العادي
التماتيك بس حلو في زحمة السيارات فقط والعادي في البر اقوى من التماتيك وهذا حسب خبرتي لأني ارغب العادي ماعدا في زحمة السيارات وقليل السيارات الي قيرها التماتيك قوي مثل اللانروفر+أو المرسدس هاذي السيارتين في البر قوية جداحتى وقيرة تماتيك

[PATHFINDER 4]

افضل التماتيك لاني ساكن بالرياض

خصوصا مع الحفريات اللي نشوفها في كل شارع من طريق الملك عبدالله الى طريق الملك عبدالعزيز وابو بكر وغيرها من التحويلات اللي خلت مشوار 5 دقايق يصير نص ساعة لانك تمغط وتمشي حي كامل عشان تديور
والمشكلة مافي الا مسارين يعني متعب للقير العادي

[PATHFINDER 4]

افضل التماتيك لاني ساكن بالرياض

خصوصا مع الحفريات اللي نشوفها في كل شارع من طريق الملك عبدالله الى طريق الملك عبدالعزيز وابو بكر وغيرها من التحويلات اللي خلت مشوار 5 دقايق يصير نص ساعة لانك تمغط وتمشي حي كامل عشان تديور
والمشكلة مافي الا مسارين يعني متعب للقير العادي

[ابن عكاش]

افضل العايدي واستغرب اقبال الناس على التماتيك في الجيوب وبصراحه مشكلة بنسبه لي لأني تعبت في البحث عن العايدي خاصة في الفتك

[PATHFINDER 4]

افضل التماتيك لاني ساكن بالرياض

خصوصا مع الحفريات اللي نشوفها في كل شارع من طريق الملك عبدالله الى طريق الملك عبدالعزيز وابو بكر وغيرها من التحويلات اللي خلت مشوار 5 دقايق يصير نص ساعة لانك تمغط وتمشي حي كامل عشان تديور
والمشكلة مافي الا مسارين يعني متعب للقير العادي

[فهد 333]

بالنسبه لي انا مستخدم التماتيك
ولاعليه كلام لافي النفود ولا بالمرتفعات وحتى السحب اسحب فيه
وأحسن لافيه انه حساس هو اللي يبدل بكيفه لو تبي تدوس مايمديك
لكن مع العلم أني أميل للعادي نفسا كذا خاصة اذا علقت النفود
وشكرا

[فهد 333]

بالنسبه لي انا مستخدم التماتيك
ولاعليه كلام لافي النفود ولا بالمرتفعات وحتى السحب اسحب فيه
وأحسن لافيه انه حساس هو اللي يبدل بكيفه لو تبي تدوس مايمديك
لكن مع العلم أني أميل للعادي نفسا كذا خاصة اذا علقت النفود
وشكرا

[باث 3]

ما شاء الله أغلب الموجودين ع التماتيك لأنه مريح فعلا,

لكن العايدي أفضل بالنسبه لي,
لأنه ع قولتهم كد ومد,
وحق بر,
وسحب أقوى,
وطربه في نفس الوقت,
(رأيي الشخصي)

ولا أقول أن التماتيك ما يسوي هالشغلات كلها
يسويها بس العادي تفوق عليه,


والناس رغبااااات وكل على مشهاته

عموما أشكر كل من رد وأبدى رأيه من دون تعصب ولكم جزيل الشكر,
وننتظر باقي الأعضاء,
.
.
.
با ا ا ا ا ا ا ا ث3

[Abu Saad]

اقصر القضية ومافيها :

في السابق (التسعينات وتحت) العادي افضل لان المكاين في ذاك الوقت لك عليها.
في الوقت الحالي (عصر الالفين) التماتيك افضل لقوة المكاين .
من يشتري عادي في الوقت الحالي ثق تماما انه ماجرب الاتوماتيك او انطباعه عنه (تسعيني وتحت).
اعرف كذا شخص حاليا معهم عادي (تمنو) انهم اخذو تماتيك.
بالتوفيق

[بحر الموده]

الجيب موتر بر والعادي افضل واقوي من التماتيك

[ن م ر]

موتري قير عادي واحب سواقة القير العادي

التماتيك سهل القياده لكن ما يصلح للبر وصيانته مكلفه وحساس

[عاشق مكشات]

العايدي تقدر تنتعة اما التماتيك لا
والعايدي افضل في البر
وانا ماركب جيب الا القيرين جب بعض

الافضل العايدي وبس

[باث 3]

مهب شرط وأنا أخوك فيه ناس والله أنها تشتري التماتيك وتبيعه وترجع ع العادي,


لأنه ما يصلح معه في البر,
خاصة أهل الأبل,
والمقناص وأهل التطعيس,

صحيح التماتيك بيمشيك بس بعض الأماكن والله ما يمشي التماتيك فيها


.,شاكر لك تفاعلك.,

[بحر الموده]

الجيب موتر بر الافضل العادي

[قناص من حرب]

القير العاااااااااادي

[فهد 333]

على فكره يااخوان ترا القير التماتيك يفرق بالسعر حوالي 7 آلاف

[abu fares]

التماتيك أفضل خصوصا في المدن المزدحمة


والعادي أفضل في العقاب مثل ما عندنا بالجنوب

[sanuo]

التماتيك وبقوة بس عيبه عند الغراز فقط
أما والسيارة تمشي ما يقول هرجة

[البرتقالي]

ليتهم يصنعون قير تماتيك اذا دخلت البر يقلب عادي :)

[بحر الموده]

راعي البر ماله لا العادي ام التماتيك مايطربك في البر

[سحاب0]

والله انا مع القير العادي دااااااااائما بس من التسعينات الى 2007

لاكن من 2008 افضل التماتيك لانه احس انه اقوى بالقير التماتيك

هذا بالنسبه للاندكروزر

[SilverSniper]

أنا ما اعرف لا أربعة ولا سته..
موتري شفر 8 سلندر 383.. القير حولته من أوتوماتيك إلى عادي.. موتر البر ما يصلح له الا العادي..
وأنا مجرب التوماتيك والعادي.. التوماتيك ما احبه.. أحس الموتر هو اللي يتحكم فيني مهوب أنا اللي أتحكم فيه.. :)

[نفس السحاب]

الموديلات الجديدة اتوماتيك وبس

[صقر نجد99]

من جرب التماتيك لايمكن يرجع للعادي لما في التماتيك من راحة واعتقد الان فية بعض السيارات الجديدة
قير عادي وتماتيك حسب ماسمعت خاصتا الباترول

[الكرنشاف]

مجرد رأى:
افضل القير العادي لكونك تقدر تتحكم بقوة وعزم الموتر وتقدر صعوبة المنطقة .
لانه في بعض الأحوال لايلزمك تبديل النمره تحتاج الى بقاء الموتر بالنمره .
خلافاً للقير التماتيك يبدل من نمرة الى اخرى في بعض الأحيان ...

[الساهر222]

أنا أفضل العايدي بالبر لانه اقوى بالعزم وأجود بالتحكم بالسياره بالسرعات العاليه أما الاوتمتك أفضل استعماله بالمدن فقط وتقبلوا مروري :good:

[essa2088]

يازين العايدى ولا ينهان الاتوماتيك

[مغتراب]

والله هي تختلف على حسب متطلبات الشخص اذا كان ماخذ الجيب للعائلة والسفر وكشتات خفيفه اتوقع التماتيك له افضل . ام اذا كان راعي بر وتطعيس وتمشي باشعبان فاتوقع العادي ماله كلام . وانا افضل العادي في الجيب وخاصه اذا جاء ثمانية سلندار ماله حل . مع الشكر

[براد نجد]

التماتيك افضل في المدينة فقط اما العادي يصلح في القرية او المحافظة

[تيتشر]

من وجهة نظري انه يعتمد على استخدامك

اذا كانت السياره استخدام شخصي ويومي فما عنك وعن التماتيك

اما اذا السياره مخصصه للمكاشيت وعنده سياره اخرى شخصيه فأكيد العادي أفضل

[ابوريان111]

القيييييييييييير العااااااااااادي افضل خاصه بالبر:good2:

[حمد-حفرالباطن]

اكييييييييييييييييييييييييييييييد العادي ياخي يجملك بالبر وبقوة القومات والعزم وتحس بقوة الماكينة ايضا

[السلمان2010]

اتماتيك مايبيله كلام

[الهوى جنوبي]

في المناطق الجبليه القير العايدي افضل بكثير من الاوتو

[أبو تركي3]

أفضل العادي رغم إن سيارتي أتوماتيك ـ حديث ـ .

[قدر مكتوب]

عااااااااااااااادي افضل بمليون مره من التماتيك

التماتيك حلو للصغار بس جيب ماتحس ان تسوق جيب بقير تماتيك

[مغلي]

مهب شرط وأنا أخوك فيه ناس والله أنها تشتري التماتيك وتبيعه وترجع ع العادي,


لأنه ما يصلح معه في البر,
خاصة أهل الأبل,
والمقناص وأهل التطعيس,

صحيح التماتيك بيمشيك بس بعض الأماكن والله ما يمشي التماتيك فيها


.,شاكر لك تفاعلك.,




لو تعطونا امثله لمثل هذي الاماكن الي مايقدر عليها الاوتوماتك
=================
ثانيا ..... القيور الاوتوماتك الان صار فيها تب ترونك +- يعني انت تتحكم فيه
والقيور الاقدم منها فيها ارقام 1 2 3 4 D فهل ممكن تتحكم فيها ايضا وانت تطعس بتحريك القير من 1 الى 2 ثم 3 وترجعه 2 وهكذا

[سراي-01]

التيترونك,,,راحه+قوه :good2:

[volcano]

الاوتو والتبترونيك . اما العادي لو يجيني بلاش بعته وازيد عليه واخذ اوتو

وللي يبغى القيادة في العقاب والجبال عليه بالتبترونيك يغنيه عن العادي واريح كثير

[nashmii]

السلام عليكم

بالنسبة لي وما يطمئن له القلب ويبعد الوسواس هو العادي خوي في الخط وفي البر ولا يخيب ظنك بأذن الله وخاصة اذا صارممشى السيارة فوق 200000 الف لأن العادي ما ينخاف منه حتى وقت الفزعات يبيض الوجه ما هو مثل التماتيك ووقت الشد والجور تحكمه في يدك ووقت البيع وخاصة في الموديل اذا قدم العادي يمسك سعره ويشد عمره اما التماتيك فهو للي يبحث عن الراحة لكن لا يقارن بالعادي والواحد يتعب وهو يدور موتر نظيف عادي وشف ذا الاطخم ماشاء الله لا قوة الا بالله معروض ووصل سومه 74 الف والسومه ما هي في بال راعيه vxr - 1998 قير عادي ماشي 380 الف:

http://www.mstaml.com/imagesData/986077.jpg

[volcano]

السلام عليكم

بالنسبة لي وما يطمئن له القلب ويبعد الوسواس هو العادي خوي في الخط وفي البر ولا يخيب ظنك بأذن الله وخاصة اذا صارممشى السيارة فوق 200000 الف لأن العادي ما ينخاف منه حتى وقت الفزعات يبيض الوجه ما هو مثل التماتيك ووقت الشد والجور تحكمه في يدك ووقت البيع وخاصة في الموديل اذا قدم العادي يمسك سعره ويشد عمره اما التماتيك فهو للي يبحث عن الراحة لكن لا يقارن بالعادي والواحد يتعب وهو يدور موتر نظيف عادي وشف ذا الاطخم ماشاء الله لا قوة الا بالله معروض ووصل سومه 74 الف والسومه ما هي في بال راعيه vxr - 1998 قير عادي ماشي 380 الف:

http://www.mstaml.com/imagesData/986077.jpg


اخوي كلها تتحمل معي موتر 2004 اوتو وتبترونيك ماشي فوق الـ 360 الف وجاها من الجور بر وديرة ما الله به عليم

الاوتو يتحمل اكثر من العادي:good: في الموديلات الحديثة والعادي اصبح تراث من النوادر

[عبدالعزيز الجريس]

تبي الصدق

لامنك شفت ام اذان وهي زابنه للضلع

ورديت للقير لاثنين ونهض روحه روحه الموتر انه يسوى التماتيك كله