مشكلة تنسيم الابواب بالجيب الشاص

[عاشق الخلاءم]

السلام عليكم 000
انا عندي مشكله وهي صوت تنسيم هواء بابواب جيب شاص 2006
وش الحل الله يعافيكم ياشباب

[cd0011]

يمدحون النويصر...,؟؟؟

[من الديرة]

النويصر وين موقعه

وفي اي مدينة ؟

[البرتقالي]

ابقولك شي بس لا تضحك علي ;)

اذا موترك سالم من الصدوم الله يستر عليك وعليه
جرب تحط فازلين على ربل الباب علشان يلينه
اذا راح التنسيم معناها الربل ناشف ويبي له تغيير

[البرتقالي]

النويصر وين موقعه



وفي اي مدينة ؟

النويصر بالرياض الصناعية الاولى / القديمة
عليهم تربيط محترم

[جداوي صميم]

روح يم حقين الزين ويحطوون لك جلدة على الابوواب
وماتكلف 20 رياال
والله يسهل امرك

[شاص99]

استغرب من بعض الاخوان
يقول رح لم****************

طيب انت تظن ان كل الي بهذا المنتدى بمدينك؟؟؟؟

طبعا لا

اجل اذكر بأي مدينه وأين مكانها بالتحديد

وللأخ ماعندي علم بالتنسيم

[راعي السيل]

السلام عليكم
انا مستغرب من ألي يركب شاص او ربع تويوتا ويطلب الراحة والعزل ؟! السيارة اصلا مافيها اي عزل والتنسيم طبيعي حتى بعض المرات اذا كنت ماسك خط وفيه هواء قوي تسمع انواع واشكال للتنسيم !

[دار الكرم]

للاسف ،،

ما أعتقد أنك راح تلقى حل نهائي للمشكلة هذي لآنه التنسيم طبيعي ،،

والسبب والعلم عند الله ،،

أن الشاص لو تلاحظ المرآة الأمامية جايتك حادة وليست أنسيابيه ،،

[AbO-iBr3hEm]

لا أنا سمحت حل .. لكن ماجربته ..

به أحد الربع يقووول تركب ربل جيب ربع [ النص ] ربل حق الباب ، وتركبه على الجيب العادي ، راح يروووح الصوووت ..

لكن ماجربته ..

وسعر الربل جيب النص بـ 250 ريال .. والله أعلم ..

[أبوصقر]

ورشة النويصر بالصناعية القديمة..يركب لك لي بداخل الربلة..ولكن هذه تنفع بنسبة 40%ولكن هذا الشاص وسواياه..

[عاشق الخلاءم]

مشكووورين على الردود لاهنتوا

[اسير الغضا]

اخوي اغلب السيارات بهن المشكله ذي والمشكله في الغالب حله هنا وهي انك تدخل لي مكيف صحراوي بوسط الربل
تفضل http://mekshat.com/vb/showthread.php?t=147470

[البراق2003]

فيه حل وأرجو من جربه ان يدلي بدلوه لتعم الفائدة:
:r
1- تشتري حبل نايلون من البقالة يكون اصغر من مقاس فتحة الربلة بشوي.
2- تجيب لك سلك الخاص بتسليك كهرباء البيت من محلات المواد الصحية ويكون طولة من 3 الى 3.5 متر بحيث يكفي دورة الباب.
3- تربط الحبل بطرف السلك.
4- تدخل السلك من بداية الربله حتى تأخذ دورة الباب كاملة.
5- تقص الحبل من النهاية.
وكذا جميع الابواب بحيث اذا صكيت الباب يكون الحبل من داخل الربل ضاغط على البدي ويمنع دخول الهوا.
هذي الطريقة مجربة وانخفض التنسيم بنسبة 70%
ارجو ان أكون شاركت بما يفيد
للجميع التقدير:f

[الؤلؤي 2006]

يا الحبيب انا معي شاص
وجربت كل الحلول انسى ماراح يروح التنسيم وبعض حلول الاخوان قد تكون نافعه بس الى وقت محدود يعني من 4 - 6 شهور ويرجع الصوت وخل عندك مبدا ( من يبي الدح لا يقول اااح ) وتحياتي

[ابو الجموس]

والله مثل ماقال البراق 2003 بيض الله وجهه جاب الحل مدي عاد الحل مؤقت ولا لا ؟

[ابو الجموس]

اخوي البراق2003 هل الحل اللي انت طرحته لعاشق لخلاءم مؤقت لا لا؟ انتظر ردودك

[صقر أمه 506]

الحل انك تضغط الحديده الي في فوق الكتبه الي فيها الصناعه و وزن السياره وفيها ممسك القفل ولونها فضي
ترزحها كم رزحه وبقوووه
وعقبها يروح التنسيم وتروح القرقعه الي في الباب بعد
والحركه مجربه