رأيكم في الباجيرو

[الشقردي 999]

السلام وعليكم

يالربع وش رايكم اجيب باجيرو من الامارات
ووشلون قطع غياره
وهل هو فالبر يعجبك

ولا سييرا ازين من ناحيه القطع والقوه

[البرتقالي]

عليكم السلام


هالموتر معجبني بقوووه خصوصا بعد ماتغير شكله
جابانيز ميه الميه عيبه الوحيد وكالته


والعهده على الراوي يقولون سعره هنا 155000
وتأخذه من الامارات نفس المواصفات لكن بدون ضمان بـ 115000
استخر وتوكل على الله الله يوفقك وحنا الله يوفقنا :)

[ابوخالد ب141]

عز الله انه شقردي يالشقردي

[القبقب]

موتر ماعليه كلام بس نصيحة لاتاخذ 3000 سي سي خذ 3800 في البر لك عليه خاصة
في الصيف أذا أحترت الرملة لكن في الشتاء يطربك .

[اسير الغضا]

الاماراتي يجي به دف لوك على مااظن

[بيق مان]

الباجيرو سيارة رائعة وعملية .. توكل على الله

[كم كيلو باقي]

من واقع تجربة ..

مميزاته :
1- عملي جدا جدا
2- رخيص مقارنة بالجيوب الثانية
3- نشيط ومكينته مبارك عزمها
4- راااااااسي
5- دبلاته قوية جدا .. بتعرف معنا دبل ثقيل اذا شبكت الثقيل

سلبياته :
1- الـ 3000 مكينة ماتنفع للسرعات العالية خصوصا اذا كنت محمل والهواء ضدك
2- ضيق نوعا ما .. يتسع لعائلة 7 اشخاص تقريبا
3- صح قطع غيارة غالية شوي .. بس ركبها وانساها
4- وكيل زفت
5- الجنط الكبير .. متعب بالطعوس اذا مكينتك 3000 وكفراته نادرة وشين على البطانيج الصغيرة وعيون القطط
نصيحة خذ 3800 وركب جنوط ال3000 وشف الطرررب بالطعوس.. وبالمدينة خل هواه 30 وبترتاح معه بإذن الله

وللعلم .. الـ3000 والـ3500 قيورها 4 تعشيقات فقط
والـ3800 خمس تعشيقات