عااااجل لي أصحاب الباترول >> الربع <<

[الدبيخي]

السلام عليكم ورحمة الله وبركاتة

وش أخباركم عسساكم بخييررر

بدخل بالموضوع على طـــول يا شباب مليت وأنا أدور على مراتب عرض

لموتري اللي خابر يعلمن لئني أبيهن ضروري وبأقرب وقت

أتمنى ما تطولون بالرد

ملاحظة.. 1- السعر
2- ان تكون المراتب 2006 وفوق
3- اللي بيفيدن مانب ناسيه من الدعوات

تحــــيــــــــــــاتي

ولـــــد الدبيخي

[الدبيخي]

في أنتظاررركم

[الدبيخي]

اللحين وراه ما حد رد منكم معقوله ولا احد يقدر يفيدنا الله يهديكم بس وانا قلت اللي مجرد ما احط الموضوع

بتخير من العروض اللي بتجي لكن قدر الله وما شاء فعل

[يكفيني نظرة]

انا اعلمك وراه محد رد..
لأن الشباب قلوبهم طيبه ولا يبي يحطمونك ..
لكن انا تشجعت عشان ما تتعب وانت تدور وتنتظر ردود..
اولا: انت وحظك ورزق الله لك ،
اعرف 2 يدورون وبعنف مالقوا ،وانا مالقيت الا بتشليح واحد بالرياض وحقات 2004 صالون واشتريتهن ورهمتهن بتخريق الرفارف..
ثانيا: السعر 1500 قبل 6 اشهر من التشليح والحين ما ادري بس اتوقع زاد لأن الوكاله رفعت سعرهن جديدات من 6000 الى 10،000 على كلام شخص ثقه سأل بنفسه وهو اللي علمني عن الاسعار هذي..
ثالثا: توكل على الله وان شاء الله بتلقى لكن لاتخليني ووالدي من دعواتك..

[العودالازرقhk]

لله يرزقك بمرادك واكثر بعد

[الدبيخي]

جزاكم الله خير وبيض الله وجيهيكم

[مرجووج]

السلام عليكم ... انا عندي بس موديل 2000 جلد مع القواعد والمسامير ... لاكن مهن اللي بطلبك ..
و2006 اعتقد صعب انك تلقاهن واذا لقيت غالي حيل .. انت وش رايك .. اذا بغيت اللي عندي اتصل على انا عرضتهن هنا قبل .. بعد اذن الادارة 0557798564

[الدبيخي]

يا هلابك يا مرجوج طيب بهن حقات الراس واذا بهن أعتبرهن محجوزات اذا أنت بالرياض

[البرنس04]

شكرااااااااااااااااا

[البرنس04]

صحيح الموضوع ليس هنا وشكرا

[المنيعي1]

:mad:صباح الخير يا جماعة عندي مشكلة في الباترول سوبر سفاري م97 وهي اذا كانت السيارة باردة في الصباح وانتم عارفين كيف البرد بالمنطقة الجنوبية( السودة) اذا شغلت السيارة تفتف وتولع لمبة المكينة وإذا طفيت السيارة اروح افك فلتر الهواء وفصل فيش منظم الهواء ثم ارجعها زي اول واشغل السيارة تروح المشكلة افتوني جزاكم الله خير ؟واذا كان منظم الهواء فسعره جدا غالي ب1450ريال واذا كان فيه طريقه اخرى غير تغيير المنظم اكون شاكر ومقدر لكم وشكرا
موضوعك في غير مكانه رح لمنتدى الورشة وأسدحه هناك

[مرجووج]

يا هلابك يا مرجوج طيب بهن حقات الراس واذا بهن أعتبرهن محجوزات اذا أنت بالرياض

( مابهن تكايات الراس) بس يركب لهن تكيات .. انا بحايل

[الدبيخي]

جزاك الله خير بس بعيدة حايل ما قصرت والله

[SuLTaN.M]

فيه في تشاليح النظيم على طريق الدمام

رح ودور هناك وان شاء الله ربي يكتب لك اللي فيه الخير

[الدبيخي]

الله يعين وجزاك الله خير بس سبق وان دورت ولقيت حقت فتك هل تركب على السلقهـ

[احمد4.4]

تشاليح النظيم

كلهم راحو الحاير

يعني مافي شي اسمه تشليح النظيم

[الدبيخي]

جزاكم الله خير

ابشركم لقيت مراتب وشريته حقات 2001

وما قصرتو وبالنسبه لتشاليح النظيم نقلوهـ الى بعد التفتيش بـ 40 كيلو على طريق الشرقيهـ

وانصح الجميع بتشاليح الحاير وووووواجد الباترول