للأصحاب الخبرة والمعرفة فقط !!

[براد نجد]

السلام عليكم ورحمة الله وبركاتة
يا أخواني الله يجزاكم خير انا ناوي ان شاء الله على لاند كروزر vxr موديل 2002 وطالع اياهما افضل القير العادي ولا التماتيك ابغا من ناحية القوة والصبر والرغبة في البيع المستقبل انا سمعت ياأخوان ان القير العادي موهب مرغوب وان مشاكلة كثيرة من ناحية الكلتش والفحمة ووو الخ00 وان التماتيك ارغب واغلى وابغى واحد مجرب تجربة شخصياً ولة خبرة ومعرفة و ماابغى كلمة يقولون ولا اعرف واحد مجربة
ارجوا الافادة الله يجزاكم خبر ولكم مني الدعاء بظهر الغيب0

[ابوابراهيم333]

الصراحة اذا ما عندك مشكلة من ناحية السواقة فخذ قير عادي افضلك

والد واحد من اخوياي معه قير تماتيك فكسار وبدل حوالي 4 قيور معروفه بالخراب

طبعاً الرجال كبير سن وما هي رجله حارة بس حظ في القيور الي ياخذها اكثرها موظبة من التشليح

وماتصبر ومرة من المرات وظب القير

[ياوجودي]

أخوي القير العادي متعب في سواقة الزحام بس.

الفحمه تغير كل خمس او ست سنوات.

القير الاوتوماتيك أرغب راعيين الديره وطلعات البر الخفافي.

بالعربي حسب استخدامك لكل واحد فيهن ميزات وعيوب.

الأصبر العادي واللي يقول غير كذا سلّم لي عليه.

[واحد مبسوط]

لايخفى على الجميع
ان القير العادي افضل في الصحراء من ناحية التحكم في القيادة
ولكن القير العادي يضر المكينة اكثر من الاوتماتيك
الاوتوماتيك يعطي المكينة راحتها
وحسب خبرتي المتواضعه
اذا كنت راعي بر بشكل مستمر وراعي نفود ووعورة انصحك بالعادي
واذا كنت بين وبين ومحترف سواقه انصحك بالاوتوماتيك وبقوة
تحياتي للجميع

[أطلال نجد]

القير العايدي للسحب ممتاز وإذا كان استخدامك قاسي على السيارة

لكن تراه في النفود يحفر

عكس التماتيك مريح مدينة وخط وبر

[النبع الصافي]

التماتيك بالنهاية ( للاستعمال العادي الهادي ) هو الممتاز في رأيي الخاص
موفق

[براد نجد]

الصراحة اذا ما عندك مشكلة من ناحية السواقة فخذ قير عادي افضلك



والد واحد من اخوياي معه قير تماتيك فكسار وبدل حوالي 4 قيور معروفه بالخراب


طبعاً الرجال كبير سن وما هي رجله حارة بس حظ في القيور الي ياخذها اكثرها موظبة من التشليح



وماتصبر ومرة من المرات وظب القير

الله يعطيك العافية وماقصرت

[براد نجد]

التماتيك بالنهاية ( للاستعمال العادي الهادي ) هو الممتاز في رأيي الخاص
موفق
الله يعطيك العافية

[براد نجد]

للرفع للرفع
رفع الله مقداركم

[براد نجد]

لايخفى على الجميع
ان القير العادي افضل في الصحراء من ناحية التحكم في القيادة
ولكن القير العادي يضر المكينة اكثر من الاوتماتيك
الاوتوماتيك يعطي المكينة راحتها
وحسب خبرتي المتواضعه
اذا كنت راعي بر بشكل مستمر وراعي نفود ووعورة انصحك بالعادي
واذا كنت بين وبين ومحترف سواقه انصحك بالاوتوماتيك وبقوة
تحياتي للجميع
الله يعطيك العافية وفعلاً اشوف القير العادي يحن مرة عكس التماتيك

[براد نجد]

أخوي القير العادي متعب في سواقة الزحام بس.

الفحمه تغير كل خمس او ست سنوات.

القير الاوتوماتيك أرغب راعيين الديره وطلعات البر الخفافي.

بالعربي حسب استخدامك لكل واحد فيهن ميزات وعيوب.

الأصبر العادي واللي يقول غير كذا سلّم لي عليه.
الله يجزاك خير وماقصرت

[براد نجد]

القير العايدي للسحب ممتاز وإذا كان استخدامك قاسي على السيارة

لكن تراه في النفود يحفر

عكس التماتيك مريح مدينة وخط وبر

مشكور وماقصرت

[-المهـــــاد-]

وعليكم السلام

إذا نويت على الاوتو وهو الافضل لل vx.r بعكس الgx والgx.r افظل قير عادي , خذلك من 2003 وطالع لأنه خمس غيارات , 2002 وتحت 4 غيارات ..

[براد نجد]

وعليكم السلام

إذا نويت على الاوتو وهو الافضل لل vx.r بعكس الgx والgx.r افظل قير عادي , خذلك من 2003 وطالع لأنه خمس غيارات , 2002 وتحت 4 غيارات ..
الله يجزاك خير ويرحم والديك عن النار