لمن يرغب شراء لوحه من شخص. مرور بريده

[adu hamudyu]

السلام عليكم ورحمه الله وبركاته

اخبارك يا شباب ان شاء الله بخير

حبيت لمن يعرف يفيدني ويفيد من يرغب شراء لوحات من اشخاص وليس من مرور


ندخل بموضوعي


به واحد من ربعي جزم يشري لوحه نقل مميزة علمأ ان موتره هايلوكس 8

وخويه الي يبي يبيع لوحتوه هايلوكس 10 ابيكم سلمكم الله اذا احد يعرف

لا يبخل علينا ولا على الاعضاء كم يكلف نقل الملكيه+التأمين+الفحص اذا استوجب

يعني كم يبون المرور ويخلصوننا اتمنى ما احد يرد غير المتأكـد

جزاكم الله خيرأ


تحياتي

[adu hamudyu]

تكفون يا شباب فزعتكم

[You Like Me]

وعليكم السلام ورحمه الله

هلا بك يالغالي
اولاً لازم المشتري صاحب الهايلوكس الـ 8 ينقل سيارته بإسم البائع صاحب اللوحات
بكل إجراءات النقل المعروفة وواضحه الفحص والتأمين واذا تعرفون صاحب المعرض
يمشيها لكم بنفس التأمين اللي عليها
ثانياً يبدأ المعرض المفوض او اذا صاحبك هو بنفسه بيطارد فيها
يبدأ في طلب إستبدال اللوحات من الهايلوكس الـ 10 إلى الهايلوكس الـ 8 وهكذا
بعدين صاحب اللوحات ينقل السياره مره اخرى بإسم صاحبك اللي هو على حسب ما فهمت الهايلوكس الـ 8
طبعاً في بعض المعارض اوراق ثبوتيه رسميه من المرور
تعبونها ويصادق عليها المعرض بإختصار موضحه فيها سبب البيع ويلتزم صاحب اللوحات
بعد ما ينهي نقل اللوحات يرجع السياره لصاحبك يعني ما يقدر يشغلها اليوم الثاني ويمشي هههههههه
عشان كل واحد يضمن حقه وتتفادى المشاكل
او تحصلها بأي إداره للمرور
الاسعار تختلف من معرض لآخر اذا بتسلمون المكتب الشغله كلها
في الرياض الشغله هذه تكلف من 1500 إلى 1700 ريال
إن شاء الله اني افدتك
وبالتوفيق للجميع

[الجني العبد]

إذا كان خويه ويثق فيه خله يحول السيارة باسمه وثم ينقل اللوحات ويرجع السيارة باسم خويه
<== راح يكلف أرخص لأن خويي قد سواها ..

[adu hamudyu]

يعني بيوم واحد تخلص ولا لازم تـأخذ وقت