شاشات السيارات

[اكتروس]

بسم الله الرحمن الرحيم
.
.
.
.
.

انتشرت الان شاشات السيارات واغلب الي يشترون سياره جديده لازم يركب شاشه <موضه السنه هذي http://www.toyota4arab.com/forum/images/smilies/SnipeR%20%2844%29.gif

وكثرت انواعها واشكالها ومميزاتها واختلفت اسعارها

بعضها يجي معها خرايط وبعضها بدون"GPS"
وبعضها يجي فيها تلفزيون .. وبعضها فيها مشغل mb3 ,mb4 .. وبعضها لايوجد فيها كل هذي ومشغل DVD .. ويجي لمس وازرار
ومميزات كثيره جدا


وموضوعي الى اصحاب الشاشات الي ركبو شاشه سقف او طبلون يقولون
مانوعها .. ومامميزاتها .. وماهي عيوبها .. وكم سعرها .. وضمانها .. وانطباعه العام عنها

اتمنى من اصحاب الشاشات يشاركون ويفيدون

تحياتي لكم

[ولد وايل]

لم ينجح احــــــــــــــــــــــــــــــد

[اكتروس]

لم ينجح احــــــــــــــــــــــــــــــد


صباح الخير يالاخو;)

اتمنى من الي ركبو يفيدوني

[بدوي جنوبي]

ودى اركب شاشتين لتكاية الراس
عشان الاولاد اشغلونى وانا اسوق :hot:
وازعجونى ونا في طريق السفر :redcar:
تخيل تمشى اكثر من 1200 كلم
ومعك اطفال ،،، من جد ازعاج :looney:
الشاشه حسيت انها مهمه ،،، ركبها وريح راسك
وحط لهم افلام كرتون او اناشيد

فيوجد انواع من شاشات تكاية الراس
اللى عنده خلفيه يا ليت يحط صور للشاشات وكم اسعارها ؟

شكرا يا صحاب الموضوع :good:

[عااادي]

اذكر اسعارهن بالغرابي قبل سنه او اكثر من الف وميتين الى الف واربع على حسب الشركه

هذا للي بالطبلون بدال المسجل واعتقد اللي بالسقف والتكايات حول هالسعر كاني مانيب واهم

واغلبهن صينيات بس اشوف العالم تركب منهن شكلهن يؤدين الغرض

وشاشات التكايات تجي التكايه كامله مع الشاشه

يعني تفك تكايه الراس حقتك وتركب وحده كامله مع شاشتها نفس اللون للتكايه الاصليه ووصل لها الكهرب وبس

اللي في السقف اعتقد تحتاج تخريمات وحوسه

تشغل افلام والعاب البلاي ستيشن و غيرها على كلام اللي يبيعونها

[((ابوملاك))]

طال عمرك جربت الي بالسقف واللي قدام بمكان المسجل

باتكلم اولا عن اللي بالسقف

طريقة تركيبها يفكون اللمبه ويحطونها بدالها ويخرمون مسامير بالقماش بس ما يبين يعني اذا حطيته بالسقف انسى انك ترجع اللمبه الاولى صينيه تؤدي الغرض وبقوه !

اللي قدام صينيه مع جي بي اس تؤدي الغرض وبزياده

فيها خرايط واقرب مطعمه ورؤيه ثلاثية الابعاد عيبها الوحيد مافيها كاسيت <<< وهذا عيب بالنسبه لي )_(

[أبوغيث 2003]

والله الظاهر ما بهن الا وجع الراس

طبعا اتكلم عن اللي تصير مكان مسجل الوكاله اللي عند السواق وبه شاشه و دي في دي و mp4

اعرف اكثر من واحد شراه ثم باعه

والسبب بالليل تأثر على العين من قوة نور الشاشه

واي واحد يركب معك كل همه يقعد يحبرش بالشاشه

وبآخر شي مافيها كسيت

لكن اللي يركبون راعي الجموس اشوف انه زينه للبزارين

[خ ع ب 510]

السلام عليكم ورحمة الله وبركاته
انا ركبت الشاشة اللي بالسقف عند العليان اللي بطريق خريص صراحة الشاشة ممتازة وتريحك من البزارين بالطريق وشغلهم ممتاز واسعارهم مقبولة ويشملها ضمان الجميح (سيارتي تاهو) الان مركبها لي ثلاث سنوات
ولم اعاني من اي مشكلة
كذالك عندهم مقاسات وانواع كثيرة
عندي افضل شيئ مقاس عشرة بوصة اللي بالسقف

[عم الجميع]

شكرا لصاحب الموضوع
انا طرحت موضوع قبل كم يوم عن الفرق بين الشاشة الي بالسقف والشاشة الي بالتكاية حقت الراس ايهما افضل لاكن للإسف لم ينجح احد قصدي لم يجاوب احد!!!

[فهد 333]

سبحان الله العظيم
اليوم العصر رايح أبي أركب لكن مترردد
بالنسبه لي لقيت تقريبا 3 أنواع نوع تجي تكايات كل تكايه تشغل بلحالها وكل وحده بسيدي لوحدها والصناعه اتوقع تاي ون الا صيني وضمانها سنه مع التركيب والسعر 800 ريال
ونوع تجي تكايات لكن وحده سيدي والثانيه عرض وبعضها يجي معه تلفزيون او واير تلفزيون ونفس ضمان وصناعة الاخرى والسعر 750 ريال
والنوع الثالث يغيرون مسجل السيارت ويحطون بداله شاشه بسيدي مع التكايات واذا بغيت خرائط وذا ماتبي عادي السعر اللي بالخرائط على ماتوقع قالي ب 1700 واللي بدون ب 1300 ريال
بالنسبه اللي بالسقف ماسالت عنها لااني خفت يخربون علي الموتر
الموقع شارع الملك سعود بالدمام المحلاات ماني ذاكر اسمها