خالد الوقيت
10/10/2010, 10:28 AM
ماني على الحظّ والدنيا ترى راضي= الحظ عاثر .. و دنيا الهمّ غدّاره
تعبت اتابع شقا حالي على الفاضي= واركض ورا الحظ .. من حاره الى حاره
ودي اسافر .. واحمّل طارف اغراضي= واهرب هروب الغريب اللي نوى داره
أَبي مكانٍ من اوباش البشر فاضي= بعيد .. ماتاصله ياكود طيّاره
باقصى جزيره بها الهاجوس يهتاضي= جمالها البكر يغري كل من زاره
يرتاح قلبٍ من الأيام مغتاضي= شبّت كباريت بقعا داخله ناره
ارضى بصمتي .. عن الجوال واعتاضي= ماعندي الاّ هدوءٍ تهمس اطياره
أخيل برق المشاكل كلّ ما ناضي= واقول عقبي .. جعل ما سالت ادياره
يارب ناسٍ هواها بغض وإعراضي= ونكران فضلي .. أنا وشوّله أختاره
عطيتهم صفو ودّي .. وأعذب ألفاظي= وهم عطوني نوايا قلوب مكّاره
لاغبت عنهم .. جزوني بشذب الأعراضي= وإن جيتهم شنّوا الغاره ورا الغاره
ياما من أسبابهم ما لِقتْ باغماضي= أسهر .. ونفسي من الضيقات منهاره
وياما تبسمّت .. وبجوفي كما اللاّضي= من كلمةٍ ردّها الجاني على جاره
بعَض قلوب البشر .. تنخر بالأمراضي= أدري .. وأشدّ المرض ما احتار بيطاره
لكن أبصبر .. مادام إنّ الولي قاضي = من فوقنا .. يعلم المحزون وأسراره
لعلّها تزين .. وأصبح بعدها راضي= واقول من جدّ .. هالأيام دوّاره
.
تعبت اتابع شقا حالي على الفاضي= واركض ورا الحظ .. من حاره الى حاره
ودي اسافر .. واحمّل طارف اغراضي= واهرب هروب الغريب اللي نوى داره
أَبي مكانٍ من اوباش البشر فاضي= بعيد .. ماتاصله ياكود طيّاره
باقصى جزيره بها الهاجوس يهتاضي= جمالها البكر يغري كل من زاره
يرتاح قلبٍ من الأيام مغتاضي= شبّت كباريت بقعا داخله ناره
ارضى بصمتي .. عن الجوال واعتاضي= ماعندي الاّ هدوءٍ تهمس اطياره
أخيل برق المشاكل كلّ ما ناضي= واقول عقبي .. جعل ما سالت ادياره
يارب ناسٍ هواها بغض وإعراضي= ونكران فضلي .. أنا وشوّله أختاره
عطيتهم صفو ودّي .. وأعذب ألفاظي= وهم عطوني نوايا قلوب مكّاره
لاغبت عنهم .. جزوني بشذب الأعراضي= وإن جيتهم شنّوا الغاره ورا الغاره
ياما من أسبابهم ما لِقتْ باغماضي= أسهر .. ونفسي من الضيقات منهاره
وياما تبسمّت .. وبجوفي كما اللاّضي= من كلمةٍ ردّها الجاني على جاره
بعَض قلوب البشر .. تنخر بالأمراضي= أدري .. وأشدّ المرض ما احتار بيطاره
لكن أبصبر .. مادام إنّ الولي قاضي = من فوقنا .. يعلم المحزون وأسراره
لعلّها تزين .. وأصبح بعدها راضي= واقول من جدّ .. هالأيام دوّاره
.