يالربع محتار بين موترين للبر !!

[شاص 511]

السلام عليكم ورحمة الله وبركاته


اخباركم ياشباب عساكم طيبين ..



بصراحه دبرت لي مبلغ زين .


وقلت بطلع موتر للبر جديد ..


وابغاه قوي ويتحمل .




وصراحه محتار بين الباترول مو 2010 لانه خايس اقصد 2009



وشاص 2010



وبنزلكم كم صوره للموترين عشان تقارنون



وهذا الباترول .





http://www.up.albreah.com/uploads/images/Albreah-cbd5aa4f09.jpg






وهذا الشاص .



http://up4.m5zn.com/9bjndthcm6y53q1w0kvpz47xgs82rf/2009/9/7/06/104c3qfur.jpg





وانا ابغا الموتر باب واحد ... لاني عزابي :good2:

[العوووام]

شـــــــــــــــــــــــــــــــــــــاص ولاتشاور

[شاص 511]

احسنت اخوي ..


وانا كنت صامل على الشاص..



بس قالولي انه يكسر الظهر .. عشان المراتب *_8

[fahad marzouq]

الله يوفقك ....... شاص عندي وتراه عال كبدي بالديره ... بر خذ شد حزامك ..
بس تبلش لازم عندك مووتر ثاني ..عليك بالسفاري والله يوفقك .. صلاة استخاره قبل لا تشتري

[الستانس]

شتان بينهما

وانا اقولك لا ذا ولا ذا

شف لك لاند من الجدد اصرف لك

لك وللركاب وللسفر والعايله والكشخة

وش لك بالغثى

نصيحة مجرب ربع

ما ادري عن الشاص

ولكن ما يزال صغير وحق تحميل

وانت ما طرحت الخيارين إلا وانت منتب راعي تحميل

شكلك راعي صيد ومكاشت وانصحك تشوف لك موتر رزه 4 بيبان

باترول ولا لاند

وريح وارتاح

[المسنلم]

نصيحتي لك عليك بالباترول والربع بالذات سياره قويه وتوديك اماكن لاالشاص ولا المقفص يجيها وفوق هذا كله رزه وفي الخط راسي ومريح ومكيفه لايعلا عليه وسياره خفيفه بالبلد وعائليه يعني مشعاب وقناه :good2:وكلامي ذا من تجرب لاأربع سنوات وعز الله انه خشما طيب :good2::good2:
ولا الشاص للي عنده سياره ثانيه وبل او غنم ينفع لكن لاخط ولا عايله ولا بلد:no2::no2:ويكسر الظهر

[قناص الأشهب]

رأيي للبترول بدون منازع خفيف نفس ويوديك أماكن مايوصها غيرة وأريح من الشاص بالخطوط ومكيفه خيال وأوفر من الشاص في الأول والأخير من أستخار ما خاب

[شاص 511]

الله يعطيكم العافيه ..


والله لايحرمنا منكم .

[aoh200]

الموضوع يعتمد على قوة تحملك

وعندك بعد تخطيطك للمستقبل

الشاص سياره ممتازه لكن متعبه وماصنعت للاستخدام اليومي داخل الديره اذا تبي ونيت استخدام يومي فـ عليك بـ الجمس او الشفر ام التويوتا الموجوده هنا فـ هي للتحميل او البر ولو كانت تنباع عندنا التويوتا تندرا كان قلت لك انها مناسبه لكن الشاص ماينفع (وجهة نظر)

اما النيسان (ياحبني له) مع اني ضد فكرة نيسان في استخدام حديد خفيف ويتفكك مع السرعه لكن بصراحه سياره مريحه وصغيره وممتازه للبر والسفر والديره خاصة للي يحب يطلع البر بشكل مستعمر وماعنده الا سياره وحده..

ربي ييسر لك الخير والصالح..

موفق..

[أطلال نجد]

كلها زينات

إذا أنت راعي قنص وتحميل وعزبة بر ثقيلة عليك بالشاص

أما إذا أنت تحب المركب المريح والقوة والمكاشيت الخفيفة عليك بالسفاري

موفق

[sa3d]

والله يالغالي من تجربه شخصيه طلعت سلق موديل 99 وجلس معي 5سنوات والصراحه موتر ماعليه كلام ويطربك في البر لكن يشرب بنزين ومايزبن في البر والحمد لله بعته وشريت شاص 2003وتبي الجد الشاص هو الموتر ماتشيل هم بنزين ولا مويه واذا جاك مطر وانت كاشت ارقد في الحوض طبعا مركب شد وياخذ 2لنوم نصيحه خلك على الشاص دامك عزوبي وعلى فكره بعت 2003 بقيمه حلوه وشريت 2009 بريمي وبنفس تجهيزات القديم والي يقولك يكسر الظهر لها حل توانك وكفرات بالون ويضبط نصيحه وانا اخوك ماراح تندم على الشاص وحاول انك تاخذ شاص فيه دف لوك...

[MjNo0oN]

شف وانا اخوك الباترول الربع قيمبته بـ95 << ومع احترامي لملاكه مهنا عزم وخصوصاً في الجدد نفس الشكل الي انت حاطه وفي الخط ياقف على ال160 لين تمرنه انت وفي النفود عز الله انه بطه وعساه يدف عمره واذا جيت تبيعه مايجيبلك سعر يستاهل مثل التيوتا

و الشاص قيمته حول ال105 << ميزته شيك في البيع عزمه فوق الممتاز في البر + الديره ويوصل مواصبل ماياصلها الا هو و المقفص ومهنا خرابات

وان بغت ترتاح وموتر حليو وحجمه حليو وقوي وبحول القيمه الي معك شفلك فورنتشرv6 عز الله انه موتر ويناطح الاند و الفتك في القوه و الممشى في البر وحلاته وسيع وتقدر تجدع المرتبه الثالثه وموتر بيكد ويمد معك حتى لو بغيت تتزوج لياه يواجه شوي وممشاه فوق الممتاز وصرفيته حلوه وقيمته مابين ال106 لل116 على حسب المواصفات الي تبيها

واذا كنت تبي قير تماتيك وصغير ترا الاف جي اثبت وجوده < سبق لي تجربته مع احد الاخوان وطلع فوق ما كنت اتصوره وخفيف نفس << اهم مافيه انه شيك وقت البيع وطلابه كثااااار من شيبان وشباب

[عدى معدي]

الشــــــاص وبـــــــــــــــــــــــس

[bader_max]

من شاور الناس شاركهم عقولهم

بسراحه انت في دوامه وبعد الاراء بتخش بدوامه اخرى

لكن استخير الله

وشف زملائك وشف الباترول وجربه وكذلك الشاص

لاني اذا بشير عليك بقولك خذ كبسوله

كل واحد ورائيه

والله يوفقك

[عـبـدالــمـحـسـن]

لاشـــــــــــاص ولا باتــــــــــــرول...

http://img30.imageshack.us/img30/3710/47640x480y.jpg

مـــــــــايطرب القلب الا الهــــــــــــــــدد...اسم على مسمى..:good2:

[فهد 333]

والله يااخوي ماتجتاج شوير
الشاااااااااااااص وانت مغمض واترك المروح مع احترامي لعشاقه

[قدر مكتوب]

اخوي انت ماراح تجلس طول عمرك عزوبي ومو معقول مايركب معاك احد من ربعك او تحتد يوم تسافر على الموتر ومعاك اهلك

وبعدين الشاص مايركب فيه الا 2 فقط وان كثرت 3 بينما الباترول 5 بالراحة واريح بالخط

انت استعمالك ايش ؟ اذا مقناص ومعاك موتر ثاني اقولك شاص اما اذا موتر رسمي وبر جميع خذ باترول بالديره حلو وبالخط راسي وبالبر احسن واحسن ولكن تصور نفسك يوميا على هالشاص لفه طويلة ومطاب وحاله


باترول + جنوط فتك شكل وحلو والمكينه قويه (صحيح ماتقارن بالشاص بس تعتبر نشيطة )


عن نفسي الباترول يتفوق في التالي وانت احسبها
1- اقل من ناحية السعر
2- اريح بواجد من الشاص
3- ارسى من الشاص لا في بر ولا في ديره


الشاص يتفوق في
1- قوي وانشط عزم
2- حوض اذا تفكر تحمل

[ابوصالح3]

خذ النيسان اريح لك وارخص واول 4 سنين من زواجك بيشيلك انت وزوجتك وولي عهدك والنائب الثاني والشغاله

[صايد ابوعوايد]

من واقع تجربة
عليك بالبرادو
عزالله إنه موتر بالبر أو في المدينة ويشيل 5 أشخاص بالراحه حتى لو شلت المرتبة الخلفية ...وتقبل تحياتي ...

[النبع الصافي]

الله يكتب لك الخير
لكن عن نفسي ولا قد جربتهن كلهن بس أشوف الشاص ماسك سمعته عند جميع الفئات حتى مع التغيرات اللي صارت له مؤخراً إلا أنه ماااااااسك مكانه ودايم أدعي ربي بواحد

[هائم]

عليك بالنيسان وابعد عن الشاصي اللي يقطع الظهر والي احسن منهن الشيروكي سرعه وخف وراحه بس يبي له صيانه

[هولان]

شف يالحبيب انت مع كثر الرمي تبي تنسبه لكن خذ العلم الدعوا كلها ترجع لك انت وانت ابخص بنفسك كانك من راعين المطاريش البعيده فانا انصحك بالشاص اول شي لانه به حقه بالعزم وهذا لا يختلف عليه اثنين وتركب عليه توانكي تشيل من الماء لين تعجز ومنها يرسي عن المطاب < مع انه لو مابه مطب ما يقال له شاص > ولو تبي تحطب والا تبي تشيل الخيمه والاغراض والذبيحه مابه امل يقول لا غير كذا الشاص يجي ونش ودفلك اما الباترول يجي ربي كما خلقتني مع احترامي وتانكي الماء شحاذه والحطب وباقي الاغراض < رح ونروحهن لك بموتر ثاني > وقبل كل شي استخر < بدري

[كريم الطباع]

شف وانا اخوك الباترول الربع قيمبته بـ95 << ومع احترامي لملاكه مهنا عزم وخصوصاً في الجدد نفس الشكل الي انت حاطه وفي الخط ياقف على ال160 لين تمرنه انت وفي النفود عز الله انه بطه وعساه يدف عمره واذا جيت تبيعه مايجيبلك سعر يستاهل مثل التيوتا

و الشاص قيمته حول ال105 << ميزته شيك في البيع عزمه فوق الممتاز في البر + الديره ويوصل مواصبل ماياصلها الا هو و المقفص ومهنا خرابات

وان بغت ترتاح وموتر حليو وحجمه حليو وقوي وبحول القيمه الي معك شفلك فورنتشر ولا برادوv6 عز الله انه موتر ويناطح الاند و الفتك في القوه و الممشى في البر وحلاته وسيع وتقدر تجدع المرتبه الثالثه وموتر بيكد ويمد معك حتى لو بغيت تتزوج لياه يواجه شوي وممشاه فوق الممتاز وصرفيته حلوه وقيمته مابين ال106 لل116 على حسب المواصفات الي تبيها

واذا كنت تبي قير تماتيك وصغير ترا الاف جي اثبت وجوده < سبق لي تجربته مع احد الاخوان وطلع فوق ما كنت اتصوره وخفيف نفس << اهم مافيه انه شيك وقت البيع وطلابه كثااااار من شيبان وشباب
:good::good::good2::good2:

[البواردي.]

اذا تبي نصيحه الشاص 2006 او 2009 هو اللي ينسيك هموم الدنيا في البر


ومن ناحية انه يكسر الظهر : خذلك كفر عراض والله مايكسر ولاشي ياشيخ انا ركبته كنك راكب فكس ار مريح مره


والعراض مايغرز في الطعوس يعني مايحتاج دبل


هاذي مجرد نصيحه : انت اخذ اللي يعجبك

[سعود بن حايل]

شاص ولاتشاور كدة كم سنة وبعه بسعر مايفرق واجد عن السعر اللي اشتريته به

الشاص شيك http://www.mekshat.com/vb/images/icons/icon14.gif

[عنيزاوي 911]

والله اخوي اذا تبي النصيحة الصح رح لم واحد معه باترول واساله .. ورح لم واحد معه شاص واساله

واذا تبي رايي مثل ماقالو الشاص ويكفي انه تويوتا مثل الذهب تشري وتبيع ماخسرت شي

وغير كذا اقوى و اكثر تحمل و بالنسبة للركاب ترا يشيل 4 يعني لا تحقره ,, وانت تقول تبي موتر بر يعني مايهمك الراحة والاشياء اللي تخص السياراة الصغيرة ,, اتمنى اني افدتك والله يرزقك باللي فيه الخيرة ,, ولاتنسى صلاة الاستخارة تراه اهم شي

[صيادالجبيل]

ان كانك راعي بر واجد عليك بالشاص وبعدة الجي اكس ار 2010او 2011

[HAS5SAN]

مقارنة ظالمه للسلق
لذلك الكفه تميل للشاص بكل تأكيد

[HAS5SAN]

طيب وش رايك في ها الزين :

http://up.qatarbike.com/images/zop2j3jdtpw3jw5c4ceq.jpg

وخاصة مكينته خوووورافيه
http://up.qatarbike.com/images/jg2kqm3nn0kg2v2o170o.jpg

[هدد7]

صلاة الاستخارة وانا اخوك

[بساط احمدي]

طاح بدوامه الرجال ما لها نهايه هههههههههههههههههههههههههههههههههههههههههه


اقترح عليك بس وانا اخوك انك الان تتوضا وتستقبل القبله بقلب منكسر وتصلي ركعتين


( صلاة الاستخاره ) وتدعوا بعدها بدعاء الاستخاره المعروف .. وبعدها بعزة الله عز وجل ان الله سوجهك للشي اللي يرضيك

[ذيب الريان]

وانا اخوك اذا انت راعي تحميل عليك بالشاص الرفرف اذا حمولك حاجات بسيطه

واذا انت راعي خطوط عليك بالباترول هو الموتر عزالله واستخر رب العالمين سبحانه مدبر كل شئ

صل الاستخاره والله الموفق

[قـديـم]

ربـع نيسان

[عريدان]

الشاص ما يصلح إلا لراعي تحميل أو راعي إبل..... شف لك هايلكس أو نيسان غمارتين دبل....

[ابونبيل]

الشاص تطلع فيه قنص وبران

وتكرفه
وتعرس ان شالله واذا بعته مايطيح من سعره واجد

خذه ولا تشاور
الشاص مركب الشيوخ

[جومانشي]

والله وانا اخوك حتى حنا احترنا معك

انت عزوبي عليك بالشاص عطي الله

واذا فكرت في 4 بيبان لا تقرب التايوتا خذ نصيحتي

اذا انك راعي طلعات وبر عليك بعطي الله النيسان

والله يرزقك بالسياره اللي تطيب خاطرك

[أبو الوليد 14]

شف ونا أخوك
عندك من النيسان :
1-إكستيرا (وميزته خفيف نشيط ومايصرف بنزين لوجود 6 نمر وما يخيب ظنك بالنفود عن تجربة)
2- فتك (ممتاز وقوي ومريح وياخذك انت وأخوياك والعفش بالراحة)

من التويوتا:
1- الفورتشنر (قريب من مواصفات الإكستيرا )
2- الربع(بما أنك تبي باب واحد أرى ان هذا أنسب لك من النيسان)
أما الشاص فنصيحة لوجه الله لا تقربة لأن طويل ويتعلق بالنفود ويقص الظهر وغااااااااااااااااااااااااااااااااااالي (الميزة الوحيدة شيك بجيبك بس)

[باجيرو شنب]

لو مكانك اخترت الشاص

[أبوووشنب 505]

الشاص ولا تشـــــــــاور
تويوتا وبس
ورح لهلك
والله يختار مافيه الخيره

[بن ثاني 2011]

السلام عليكم ورحمة الله
أنا ما دري شريت أو لا ، لأنك يا الغالي ما رديت على اللي سألتهم وتبي رايهم .
عموما أنا أنصح بالديماكس أسوزو 300 ديزل ، يا حبيييييييييييييييييييييبي ، قوي جبار راعي بر وراعي سفر أربعة أبواب يحمل أربع أو خمس أشخاص بالراحة ، والوقود لا تسولف ، والخرابات انسى .

وكلن على هواه .

[رآآعي دخنهـ]

الشاص ولا تشـــــــــاور
تويوتا وبس
ورح لهلك
والله يختار مافيه الخيره



:good2::good2::good2::good2::good2::good2::good2:: good2:

[الخيط الاحمر]

اتحدى جميع ركاب التيوتا على الرمل و المطبات بااااااااااااااااااااااااااااااااترول مجرب 4 سنوات
كبسوله 2سنتين والله انه مكسر الضهر
شاص 1 سنه
زي الباترول مافيه لا في رمل ولا خط ولا بطانيج

[آلوآصل]

توكل على الله

وخذ شاص

[Al3rands]

ان كان انك شباب لايفوتك الشاص

[viv999]

تحذر احذر من البطه الربع باترول ولله مجرب كان معي2006فاشل

[عبدالله 2010]

السلام عليكم

عليك بالباترول انصحك بالباترول ممتع جداً في البر والديرة مع احترامي لكل الذين ينصحونك بالشاص من واقع تجربة شخصية وبعدين الغالبية من الشباب تقول لك الباترول ما عاد باقي لك الاستخارة والله يكتب لك الصالح
تقبل مروري

[عاشق البليزرر]

اخوي باااااااترررول ولا تشاااور احد والله ان الباترول يرقى مراااقي مايرقاها الشاص واطلق لك في الخط واريح اللهم البنزين يشرررررب انا كان معي ربع شف موديل89قديم وصلت عليه للي فخاطري كل شى مابقيت ديره الا انا واصلها والحمدالله مايطلب غيرالبنزين وبعته وشريت اخوه اربع بيبان وانصحك اخوي اذا معك فلووس خذلك باترول فـــــتـــك من موديل2005الى2009وريح بالك مع كل احتراام شديد ل راعين الشيصان

[شاص 511]

الحمدلله جربت الشاص وطلع عزم وراحه كويسه مو ذاك الزود.

ورزه


وقريب بجرب البترول والله يكتب الي به الخير

[عزوز 2005]

حسب أحتياجك للسياره
إذا كنت فعلاً راعي بر ومقناص وكشتات كثيره خذ شــــــــــــــــــــــــاص
وإذا كنت كشتات ومقناص خفافي مو كثيره خذ فورتشنر
لكن أبتعد عن النيسانِ