نشري سفاري او لاندكروزر

[محب الخير]

بعت الباترول و احببت ان تشورون علي ماذا اشتري ومميزات وعيوب كل من السفاري والاند كروزر

[البيـرق]

السلام عليكم ورحمة الله وبركاته
وانا اخوك لاتفكر بغير الاندكروزر وذلك عن خبره وتجربه
1 يتحمل
2 قطع غياره متوفره وارخص من الباترول
3 موتر جلد ولايتفكك
4 يمسك سعره وعلى ماقال مثل الشيك
5 اقل صرفية من الباترول
6 وهذا غير انه اوجه وارسم
7 خراباته قليلة
8 موتر كده.......
لاتفكر بغيره.....
اخوك البيــــــرق.............

[الكابتن]

وانا اضم صوتى لصوت اخوى البيرق

وهذا من واقع تجربه طويله بين النيسان والتويوتا

وانصحك اخى ان تصلى ركعتين استخاره والله يوفقك

اخوك الكابتن

[Abo Nader]

شف أخوي أنكانك لك نيه ببيعه لا تاخذ غير الاند


و ذا ما كان لك خذ لك فتك





العالم تفكك و تفكك خل عنك و الله أنه موتر قوه و عزم أخف من اللاند نظره و فخامه

لكن مثل قالو الشباب فيه عيبين القطع و البيعه

ولا ترا الفتك خيال(بس خذ 2004 من الشكل السقيم الجديد:p(

[عاشق الجبل]

الأخ : محب الخير

أنا جربت التويوتا والنيسان وكما قال الأخ : أبونادر ... إذا تبي تبيع خذ تويوتا وأنصحك بالــ V X R


وإذا ناوي تخلى السيارة عندك أقل شي 5 سنوات ولاتروح أماكن وعره وجبلية فعليك بالنيسان الــ فيتك 4800

[جبال الهملايا]

كان تبي شوري وماتبي وجع الرأس عليك بالسفاري 2002 فما فوق

ماراح تندم . تجربة شخصيه

خذ شوري وأنا أخوك

[عاشق البسمه]

اذا انك تبيه للبر بس لاتتعدى الباترول4800.........شى مايوصف وفيه عدة ميزات الى انه يكون بحق موتر الكشتات

[**القنيص**]

وانا أضم صوتي لي عاشق البسمه
والوالد كارفه
6 سنين وهذهو أحسن مايكون (خذ فل كامل)
ولا غرز إلى على عدد أصابعك أو أقل
وفيه مميزات كثيرة
وخرباته مش كثير يمكن في قطع إلى الحين ماخربت
(بس ترى الوالد يرفق عليه)

[**القنيص**]

لوتبي رايي دور محل يأجر السيارات
وجربهم كلهم

[محب الشمال]

ما يبي لها راي طلع باترول
اقوى من الاندكروزر في الحاجات الاساسية والي تهمك كامستخدم
الباترول اقوى في الاحصنه
والدفرنس
والقير
والدبل
والشاصي
ولا تنسى ماكينة الفتك

وانت بكيفك اما تقول لي ابيعه بعدين يجيب لي سعر هذا اسمحوا لي كلام فاضي يعني احرم نفسي هذي المميزات والطلعات عشان كم ريال زياده صراحه الي يفكر كذا فهو غبي نعم الي وناسته تسوى كم ريال بس غبي
طلع باااااااااااااااااااااااااااااااااترول وانت الكسبان انت مطلع سياره وحده ما انت مطلع ميه سياره عشان تكسب منهن كلهن

هذا رايي والله اعلم
والله يحفظك

[البيـرق]

السلام عليكم ورحمة الله وبركاته
وانا اخوك ماعليك من بعض هالناس اجل يقولك الباترول احسن
عشانه اقوى.............الموتر يقاس من كل النواحي السعر الفخامة....الخ
وانا مجرب الثنين واخرهم لاندكروزر 2003 وبايعة قبل 3 شهور وانا
متندم على اني بايعه.....
وهذاي اجمع عشان اشري ثاني باذن الله.....
ماودي احيرك بس هذا رايي وراي العقل.........
اخوك البيــــــرق.........

[عاشق الصياهد]

تبي الراي وأنا أخوك خذ جيب نيسان(ديـــــــــــزل) ,الله إن تدعيلي؟؟؟؟

[ماجد الشمري]

نصيحة اللاند بيتغير خلاص والباترول توه متغير .. خذ لك سوبر سفاري بشاشة وفل كامل يطلع عليك بحدود 170 ولا تاخذ لاند ب 220 الف ريال لل 2006 ..






اخوكم ماجد الشمري

[بواسامه]

الم ترى ان السيف ينقص قدره0000000000 اذا قيل ان السيف امضى من العصى
وش جاب لجاب
وش جاب النسيان عند عملاق تويوتا
لا تضيع وقت
واشتر تبيع

[انا ناصر]

لاند كروزر طبعا مشكور اخوي

[المفرنك]

اخي الكريم
خذ تايوتا ولاتندم

[محب الخير]

احب اشكر الجميع على مشاركتكم و ابداء الراي والمشورة فانا سبق وان جربت الباترل 2002 والحقيقة له مميزات وعيوب
مميزاته 1 - يبدولي انه اخف من الاند و خاصة GX-R
2 - سعره اقل
3 - محركاته قويه
عيوبه من واقع خبره 2002
1 - صرف البنزين
2 - البدي نوعا ما ضعيف
3 - المنظم الخاص بالبخاخات تعطل معي بعد 70000 كم وبعد مراجعة الوكيل افاد بان الكثير تعطل وتم احتسابها ب3500 ريال وبعد الخصم 2000 ريال
فارجو من الاخوه الافاده عن مميزات وعيوب الاند وخاصة ال Gx الخليجي المطور 2006 واي الالوان افضل شاكرا ومقدرا الجميع

[المترو]

السلام عليكم ورحمة الله وبركاته

اخي والله النيسان السفاري والتويوتا كلها سيارات قويه وفيها عيوب ذكر الاخوان بعضها والاثنين افضل السيارات الدفع الرباعي لكن

اختصر ذلك بالاهم من وجهة نظري وهي
التويوتا اهم شيء والميزه عن النيسان انه سعره ما ينزل كثير مقارنه بالنيسان لاني لاحظت الآن بالسوق ان الاند سعره من 90 الف وفوق للموديلات 2001 وفوق لاحظ مع العلم انه مر حوالي اربع سنوات على هالموديلات لكن بالمقابل النيسان سعره منخفض نوعا ما

وكذلك الثقل للتويوتا كبير وواضح فرق عن خفة النيسان وخاصه بالرمال

تماسك التويوتا اكثر من النيسان البدي بالذات حتى لو الاستعمال جفش شوي

اما باقي المواصفات فهي حول بعض

واذا كان ما ذكرت ليس مهم بالنسبه لك فـأختر الموتر اللي داخل مزاجك شخصيا تويوتا او نيسان

[القناص]

ياخوي الباترول 4800 في تك اقوى من جيب اللكزس فما بالك الفي اكس ار
جيب الباترول 280 حصان وجيب اللكزس 240 حصان
الباترول اقوى
وارسى خط وبر
ترى الباترول اختيار الاذكياء
ارخص واقوى والين مركب
وانت راعي خبره في الباترول
بالتوفيق

[محب الشمال]

الباترول ما يفشلك بأذن الله في البر ولا الطعس ولا العزم ولا القوه ولا الخفه ولا الجبل ويقهر الصحراء

واذا على السعر بعد الشراء ما لي دخل المهم في هذا الشي ليس السعر قد الامكانيات التي في السيارة اما الجي اكس ار كانه محل دنانيش كله اكسسوارات مالها داعي
بعدين يكفي ان الباترول ياباني ولاند كله تركيب في جده وقطعة اكثرها صيني
عندك يركبون في جده المسجل صيني والرادو والصدامات والدعاسات والجناح وحتى المراتب والجنوط كله نصب في نصب يعني انت الخسران صح ان التويوتا مشهور ومعروف بس طز ما يكون على حسابي انا وعلى حساب طلعاتي وكشتاتي

وانت حر وهذا رايي الشخصي وقد اكون غلطان والله اعلم

[الشوق]

بسم الله الرحمن الرحيم

السلام عليكم ورحمة الله وبركاته


بصراحه الاخوان تكلموا كثير


وأنا عندي كلمتين


إذا شريت تويوتا فأنت تشتري سمعة السياره بس

إذا شريت نيسان تشتري سياره عمليه


وأنا من واقع تجربه الآن معي سفاري 2004 Sgl_v

بصراحه ماشاء الله تبارك موتر الله يستر عليه

قوه وتحمل وخفه

وأنت شف السوبر سفاري ومواصفاته وأنواع الجلد الي فيه

ورح لتويوتا وقل وش أنواع الجلد الي في ال في اك ار


وشف وش الأفخم من جوا

[walo]

السلام عليكم ورحمة الله وبركاته
وانا اخوك لاتفكر بغير الاندكروزر وذلك عن خبره وتجربه
1 يتحمل
2 قطع غياره متوفره وارخص من الباترول
3 موتر جلد ولايتفكك
4 يمسك سعره وعلى ماقال مثل الشيك
5 اقل صرفية من الباترول
6 وهذا غير انه اوجه وارسم
7 خراباته قليلة
8 موتر كده.......
لاتفكر بغيره.....
اخوك البيــــــرق.............
بس تعديل
1/ما يتحمل مثل الباترول الباترول دفرنس والاند عكوس وشوف بعينك
2/موتر عله والا حتى الوكاله تزينه و سير على عبد اللطيف واسئلهم عن ترصيص الدفرنس
3/مو كل القطع ارخص من الباترول والله ان في قطع بقيمة باترول وكاله
4/صح يمسك سعره احسن من الباترول
5/ صح اقل صرفية بنزين من الباترول
6/ ما يبيض الوجه في النفود مثل الباترول

[الوهاج]

السلام عليكم ورحمة الله وبركاته ،،،
الاند كروزر معروف ومجرب في البر والمدينه ولا يعلى عليه من ناحية المتانه والقوة والتحمل ولكن في الرمال النيسان افضل منه، انا شخصياً افضل ال في اكس آر

****ولكن ****

النيسان بدأ يتغير بشكل واضح من ناحية المتانه والقوة وحتى الرفاهية وظهر الكثير من الموديلات المتنوعة والتي تضاهي التايوتا، ويعود الفضل لله اولاً وثم الى الرئيس التنفيذي لشركة نيسان وهو فرنسي من اصل عربي اسمه كارلوس غصن (لبناني الاصل) فقد غير مفهوم نيسان ونقلها من الخسائر الى الارباح تماماً كما فعل مع شركة رينو فهذا الرجل يعتبر عبقري بكل المواصفات
وقد قرات قصة نجاحه مع رينو ومن ثم نيسان (للمعلومية نيسان مملوكه لشركة رينو بشرط ان تحتفض نيسان باسمها التجاري)

توقعاتي في السنوات القليلة القادمة ان نيسان سوف تأخذ الريادة وتحتل المركز الاول، اذا استمر كارلوس غصن
هذا والله اعلم

تحاتي للجميع اخوكم الوهاج ،،،

[ذيب حضن]

السلام عليكم ورحمة الله وبركاته
اذا مايهمك البيع ولا قطع الغير ولا زقاقة الحمراني ترى الباترول مايقارن الافضلية له حتى في البودي لأن اللاند كلام فاضي ان موديلاته الاخيره تتحمل هذا والله أعلم