المساعد الشخصي الرقمي

مشاهدة النسخة كاملة : الجمس السييرا هل يحتاج تضمين وتدبيل


عبدالله الضويان
11/10/2010, 02:36 AM
اخواني الكرام اعضاء ومشرفي مكشات
السلام عليكم ورحمة الله وبركاته
اخواني عندي جمس سييرا من الشكل الجديد 2007 وطالع ونوعه z71غمارتين
هل يحتاج الي تدبيل وترهيم مساعدات والا ما يحتاج
وهل يحتاج الي رفع لو بغيت اركب كفرات بالون عشان مايحك والا مايحتاج
ياليت اللي عنده خبر يعلمني وش احتاج اصلح فيه
علما بانه على شغل وكالته
ويعطيكم الف عافيه
اسير الغضا
11/10/2010, 05:43 PM
مالي خبره وتدبيل المساعد على حسب ماتشوف انت يابعدي
يعني انت تشوف الموتر راسي ولا يبلشك انت تجلد بالبر الخ
وهذا على حسب استخدامك
يمكن لو تركب مساعد جاسي يكفي عن التدبيل وعلى ماسمعت من راعين الجموس ان افضل مساعد رانشو ابو طقات بس تراه غويلي

والتضمين مالي علم ويمكن على حسب الاستخدام
عبدالله الضويان
12/10/2010, 12:21 AM
مالي خبره وتدبيل المساعد على حسب ماتشوف انت يابعدي
يعني انت تشوف الموتر راسي ولا يبلشك انت تجلد بالبر الخ
وهذا على حسب استخدامك
يمكن لو تركب مساعد جاسي يكفي عن التدبيل وعلى ماسمعت من راعين الجموس ان افضل مساعد رانشو ابو طقات بس تراه غويلي

والتضمين مالي علم ويمكن على حسب الاستخدام

مشكور اخوي اسير الغضا
والله ما ادري لاكن سمعت انهم يضمنونه علشان لو كان محمل يكون راسي
ياليت اهل الخبره يفيدونا
Muhannad90
12/10/2010, 01:11 AM
والله ياطويل العمر أنا اعرف واحد معة 2008 ومركب بالون ممتازة جدآ لكن تحك في البلاستيكة الي من داخل اذا كسرت الطارة بقوة فانصيحتي لك ارفعة شوي واتكل على الله والموتر شيييخ وضمنة اضمن لك اذا كنت راعي مطامر في البران.
تناهيت
12/10/2010, 12:51 PM
وش حجم الجمس ونا خوووك 1500 ولا 2500 لان نظام التعليق يختلف بينهم
2500 يجي 5 سست خلفيه بدون ياي قدام وتقدر ترفعه 5 سم عن طريق شد مسمار عمود الألتواء
1500 يجي 3 سست خلفية وياي امامي وتقدر ترفع الوجه عن طريق تركيب كعكات او لفت كت مستورد
طبعا الموديلات 2006 حجم 1500 وتحت ما يجي فيها ياي امامي ويجي فيها مسمار للرفع شد بلد
كعكات امامية

http://www.cars-club.com/up/8-2-1/carsclub_17238075.jpg



بالنسبة للمساعدات الأفضل الرانشو قوية جدا ركبتها على سيرا 2009 حجم 3500 من افضل ما يكون تخيل ثقل الموتر مع ذلك نجحت التجربة

لذا كانك راعي تحميل ودروب وعره لازم تدبل المساعدات او تغيرها مثل رانشو
لي عوده
عبدالله الضويان
12/10/2010, 05:21 PM
والله ياطويل العمر أنا اعرف واحد معة 2008 ومركب بالون ممتازة جدآ لكن تحك في البلاستيكة الي من داخل اذا كسرت الطارة بقوة فانصيحتي لك ارفعة شوي واتكل على الله والموتر شيييخ وضمنة اضمن لك اذا كنت راعي مطامر في البران.

يعطيك العافيه اخوي مهند
بصراحه هذا اللي انا خايف منه انه يحك اذا ركبت البالون
عبدالله الضويان
12/10/2010, 05:27 PM
وش حجم الجمس ونا خوووك 1500 ولا 2500 لان نظام التعليق يختلف بينهم

2500 يجي 5 سست خلفيه بدون ياي قدام وتقدر ترفعه 5 سم عن طريق شد مسمار عمود الألتواء
1500 يجي 3 سست خلفية وياي امامي وتقدر ترفع الوجه عن طريق تركيب كعكات او لفت كت مستورد
طبعا الموديلات 2006 حجم 1500 وتحت ما يجي فيها ياي امامي ويجي فيها مسمار للرفع شد بلد
كعكات امامية


http://www.cars-club.com/up/8-2-1/carsclub_17238075.jpg



بالنسبة للمساعدات الأفضل الرانشو قوية جدا ركبتها على سيرا 2009 حجم 3500 من افضل ما يكون تخيل ثقل الموتر مع ذلك نجحت التجربة


لذا كانك راعي تحميل ودروب وعره لازم تدبل المساعدات او تغيرها مثل رانشو

لي عوده


اخوي تناهيت يعطيك العافيه
الجمس اللي معي 2010 غمارتين 1500
وبصراحه انا راعي رمله والجمس اول مره اجربه واللي خلاني ارغبه انه اريح من الشاص واجد وغمارتين يشيل معك ركاب بس اني ما ادري بصراحه وش يحتاج من تدبيل وغيره علما باني لازم اركب بالون ياليت تفيدني اكثر وانا انتظر عودتك
ولد وايل..
12/10/2010, 06:29 PM
شف وانا اخوك...

انا من عشاق الجمس....

لو تقطع بي عرق اول كتبه تبي تطلع جمس بالانقلش...والكلمه الثانيه.....
.
.
.
.
.
.
.
.
.
.
.
.
.


بعد شوي.
.
.
.
.
.
.
.
يبي يطلع .... جمس بالعربي خخخخخخخخخخخخخخخخخخخ سخيف صح .....!! هع...


المهم لكن الحقيقه غن كنت نازل من شاص وتبي جمس عز الله لقيت الموتر...لكن الغماره هو المنافس للشاص...

الغمارتين افطن لا يعلق بالسيوف والقصوص ترى التعليقه ببلاش...خاصه قطع 1500...

لنصحك ترفعه وبالون وتحرص تقص على مسايس.....

أكرر للجمس الغمارتين لو غماره اموورك اوكيييييييييككك...


بالنسبه للرفع مالك الا حل الكعكات مثل ما ذكر الذيب تناهيت....وأحرص انك تركبها عند محل زين....

لان فيها مخرطه وفك لبلوط الاوليه وتغييرها ببلوط اطول....

واشتر البلوط انت !! لا تخلي الورشه يجيبا رح للمهيدب ولا احد حقين الحديد وخذ مسمار اسود فولاذ...وصاموله

وركبه وركب بالون والمساعدات الخلفيه لو تلقى مورنو ولا رانشوا مثل ما تفضل اخوي تناهيت....

ولو تطلبها من الخارج افضل من ناحية السعر...

ومن ناحيه رساوته الموتر خذ ولد لو تححمله طابوووووق ((بلك)) هع... مانت فارق رساوته ماشاء الله تبارك الله...


الله يوفقك
عبدالله الضويان
14/10/2010, 02:48 AM
شف وانا اخوك...

انا من عشاق الجمس....

لو تقطع بي عرق اول كتبه تبي تطلع جمس بالانقلش...والكلمه الثانيه.....
.
.
.
.
.
.
.
.
.
.
.
.
.


بعد شوي.
.
.
.
.
.
.
.
يبي يطلع .... جمس بالعربي خخخخخخخخخخخخخخخخخخخ سخيف صح .....!! هع...


المهم لكن الحقيقه غن كنت نازل من شاص وتبي جمس عز الله لقيت الموتر...لكن الغماره هو المنافس للشاص...

الغمارتين افطن لا يعلق بالسيوف والقصوص ترى التعليقه ببلاش...خاصه قطع 1500...

لنصحك ترفعه وبالون وتحرص تقص على مسايس.....

أكرر للجمس الغمارتين لو غماره اموورك اوكيييييييييككك...


بالنسبه للرفع مالك الا حل الكعكات مثل ما ذكر الذيب تناهيت....وأحرص انك تركبها عند محل زين....

لان فيها مخرطه وفك لبلوط الاوليه وتغييرها ببلوط اطول....

واشتر البلوط انت !! لا تخلي الورشه يجيبا رح للمهيدب ولا احد حقين الحديد وخذ مسمار اسود فولاذ...وصاموله

وركبه وركب بالون والمساعدات الخلفيه لو تلقى مورنو ولا رانشوا مثل ما تفضل اخوي تناهيت....

ولو تطلبها من الخارج افضل من ناحية السعر...

ومن ناحيه رساوته الموتر خذ ولد لو تححمله طابوووووق ((بلك)) هع... مانت فارق رساوته ماشاء الله تبارك الله...


الله يوفقك

هلا والله اخوي ولد وايل
اول شي حاشاك من السخف والسخف بعيد عنك ويكفي تنويرك للموضوع
وبالنسبه للجمس كلامك سليم وهذا اللي انا ابحث عنه
وياليت اذا تعرف ورشه شغلهم زين بالسست والكعكات
يعني بالعربي ابي ورشه تصلح موتري وانا متطمن من شغلهم مهوب شغل واحد يتعلم في موتري
ويعطيك العافيه
مشكور ماقصرت
تناهيت
14/10/2010, 05:42 AM
اخوي تناهيت يعطيك العافيه




الجمس اللي معي 2010 غمارتين 1500


وبصراحه انا راعي رمله والجمس اول مره اجربه واللي خلاني ارغبه انه اريح من الشاص واجد وغمارتين يشيل معك ركاب بس اني ما ادري بصراحه وش يحتاج من تدبيل وغيره علما باني لازم اركب بالون ياليت تفيدني اكثر وانا انتظر عودتك


ماشاء الله موترك جديد الله يبارك لك فيه

شف ونا اخوك اهم شي الرفع لأن الموتر طامن وخاصة 1500

كان معي 2500 مكينة 8100 موديل 2001 اول ما خذته كنت اشيل هم الرمث والسيوف من كثر ما يتعلق من ثقله خاصه ونا محمل يحوسني حوس .........<حليت الموضوع برفعه بسيطه من قدام وركبت عليه كفرات 33 طلع الموتر ما يحتاج ما يعرف الأرض وصرت اتمشى مرتاح وأدور الرمث وانصاه......:mad:

على العموم موترك مبدئياً ييله رفع من الامام والخلف
الأمام تركب كعكات مثل اللي في الصورة اعلاه
من الخلف فيه حلين تركب بلاطه او تزود سسته والأخيرة اضمن وأأمن تكلفتها من 150-300 مع شغل اليد .........<لا تنسى تغير مسامير السست في كل الحالات
وكان ميزانيتك حلوه ركب بوالين قدام ووراى تحكم الكتروني ........<مجربه :good:
بعدها ركب كفرات بوالين وانبسط
ولوتبي نصيحتي ركب 33 اول ترين كفر لجميع الظروف خط --بر شعبان - نفود - بطانيج ..........الخ عندك الهانكوك كويس والأفضل الحجريه الأمريكية مثل ماستر كرفت وكوبر وغيرها كفر يخدم معك 5 سنوات بالقليل :good:
برمج موترك مكينة مع القير برمجه خفيفه بدون داينو ما يهم وراح يفرق معك العزم بشكل ملوحظ ولا له تأثير ان شاء الله

كانك راعي مراقى وجور على الموتر في النفود يجب عليك عمل مايلي :
1- تغير البلف لبلف رياضي مثل حق الكورفت الجديد راح يفتح معك على الربع وتثبت الحرارة على الثلث بدل النصف ........<وهذا انا مركبه قبل شهر وفرق معي الموتر للأفضل .
2- تغيير مبرد القير الى مبرد أكبر لأن القير يسخن مع الجور ....<جاري تركيب مبرد قير لموتري .

اخيرا البوالين بدون رفع راح تحك وتبهذلك في البطانيج وصدامك بيتكسر وخاصة اللحية ....وموترك حجمه 1500 ما يحتاج تدبيل مساعدات لأنه خفيف مو مثل 2500 ولكن الأفضل تدبلها كانك راعي مطامر ودروب وعره ..
شف هالمقطع سلفرادو شد بد مع ذلك نجح في الأختبار .......<لا تستهين في الجمس ابداُ لاكن على العكس لا تدلعه زياده عن اللازم عشان يطربك

http://www.youtube.com/watch?v=UGfreeCwUDc&feature=related



تحياتي ونحن في الخدمه ونا اخووك
تناهيت
14/10/2010, 05:51 AM
شف هالسيرااااااااا ماشاء الله

حجم 1500 ......>رفعته ما اعتقد انها شد بلد

http://www.youtube.com/watch?v=Dik-2isZWew&feature=related
عبدالله الضويان
15/10/2010, 01:39 AM
ماشاء الله موترك جديد الله يبارك لك فيه

شف ونا اخوك اهم شي الرفع لأن الموتر طامن وخاصة 1500

كان معي 2500 مكينة 8100 موديل 2001 اول ما خذته كنت اشيل هم الرمث والسيوف من كثر ما يتعلق من ثقله خاصه ونا محمل يحوسني حوس .........<حليت الموضوع برفعه بسيطه من قدام وركبت عليه كفرات 33 طلع الموتر ما يحتاج ما يعرف الأرض وصرت اتمشى مرتاح وأدور الرمث وانصاه......:mad:

على العموم موترك مبدئياً ييله رفع من الامام والخلف
الأمام تركب كعكات مثل اللي في الصورة اعلاه
من الخلف فيه حلين تركب بلاطه او تزود سسته والأخيرة اضمن وأأمن تكلفتها من 150-300 مع شغل اليد .........<لا تنسى تغير مسامير السست في كل الحالات
وكان ميزانيتك حلوه ركب بوالين قدام ووراى تحكم الكتروني ........<مجربه :good:
بعدها ركب كفرات بوالين وانبسط
ولوتبي نصيحتي ركب 33 اول ترين كفر لجميع الظروف خط --بر شعبان - نفود - بطانيج ..........الخ عندك الهانكوك كويس والأفضل الحجريه الأمريكية مثل ماستر كرفت وكوبر وغيرها كفر يخدم معك 5 سنوات بالقليل :good:
برمج موترك مكينة مع القير برمجه خفيفه بدون داينو ما يهم وراح يفرق معك العزم بشكل ملوحظ ولا له تأثير ان شاء الله

كانك راعي مراقى وجور على الموتر في النفود يجب عليك عمل مايلي :
1- تغير البلف لبلف رياضي مثل حق الكورفت الجديد راح يفتح معك على الربع وتثبت الحرارة على الثلث بدل النصف ........<وهذا انا مركبه قبل شهر وفرق معي الموتر للأفضل .
2- تغيير مبرد القير الى مبرد أكبر لأن القير يسخن مع الجور ....<جاري تركيب مبرد قير لموتري .

اخيرا البوالين بدون رفع راح تحك وتبهذلك في البطانيج وصدامك بيتكسر وخاصة اللحية ....وموترك حجمه 1500 ما يحتاج تدبيل مساعدات لأنه خفيف مو مثل 2500 ولكن الأفضل تدبلها كانك راعي مطامر ودروب وعره ..
شف هالمقطع سلفرادو شد بد مع ذلك نجح في الأختبار .......<لا تستهين في الجمس ابداُ لاكن على العكس لا تدلعه زياده عن اللازم عشان يطربك

http://www.youtube.com/watch?v=UGfreeCwUDc&feature=related



تحياتي ونحن في الخدمه ونا اخووك

اخوي تناهيت
يعطيك العافيه وبيض الله وجهك ولايهونون اخواني الباقين
يعني اللي فهمته من كلامك ان افضل شي اركب بوالين قدام و ورى
اذا كان هذا صحيح يالت تعلمني وين اركبهن فيه عند اي محل اذا تعرف ان شغله مضبوط
والمثل يقول عط الخباز خبزه ولو كل نصفه ما تهم الفلوس بقدر ما يهم الشغل الزين والمضبوط
وبالنسبه للكفرات شكل اللي انت قلت دخلت مزاجي اذا كانت تنفع في الرمل
اما الشغلات الثانيه اللي تقول عنها خلك لين تخلص مره وبعدين اشوف ردة فعلك عنها
اسمح لي خوي كثرت عليك وازعجتك
عبدالله الضويان
18/10/2010, 02:01 AM
ياليت من يفيدني عن الورشه اللي تسوي البرمجه والبوالين الالكترونيه
1231
18/10/2010, 04:29 AM
اتوقع لازم تدبل
عندي حوض 2006 حجم 25
اذا جيت منطقه غراز او رمل
يشيل ويحط حتى الدرب يصير مطبات.
تناهيت
18/10/2010, 11:56 AM
اخوي تناهيت

يعطيك العافيه وبيض الله وجهك ولايهونون اخواني الباقين
يعني اللي فهمته من كلامك ان افضل شي اركب بوالين قدام و ورى
اذا كان هذا صحيح يالت تعلمني وين اركبهن فيه عند اي محل اذا تعرف ان شغله مضبوط
والمثل يقول عط الخباز خبزه ولو كل نصفه ما تهم الفلوس بقدر ما يهم الشغل الزين والمضبوط
وبالنسبه للكفرات شكل اللي انت قلت دخلت مزاجي اذا كانت تنفع في الرمل
اما الشغلات الثانيه اللي تقول عنها خلك لين تخلص مره وبعدين اشوف ردة فعلك عنها

اسمح لي خوي كثرت عليك وازعجتك



بالنسبة للبوالين عملية ومجربة ......... بس اهم شي النوعية وجودة التركيب والصينية لا تقربها موجود في السوق امريكي نوعيه جيده .......
البوالين هي الأفضل لأنها تحافظ على راحة السيارة لاكن اذا ما كانت الراحة تهمك ركب سست زود وكعكات امامية لاكن بتكرهه الموتر في البطناج ...:f
طبعاً أكثر الموجود ة عتدنا هي الخاصة بالتريلات والحما لالثقيله ولو تمر قطع غيار التريلات بتحصلها عندهم بانواع واحجام متعدده ...:good:

تفضل هالرابط وحاول تعرف طريقه عملها وتركيبها عشان تكون في الصورة

http://www.mekshat.com/vb/showthread.php?t=214588 (http://www.mekshat.com/vb/showthread.php?t=214588)


وهذا مقطع لبوالين .....ورشه بدر
http://www.youtube.com/watch?v=StOXQLvxPGA (http://www.youtube.com/watch?v=StOXQLvxPGA)


وعندك ايضا محل الدفع الرباعي(طريق العروبة ووجهك غرب ) يركبونها لكن اسعارهم هي الأغلى


تحياتي
عبدالله الضويان
19/10/2010, 12:21 AM
بالنسبة للبوالين عملية ومجربة ......... بس اهم شي النوعية وجودة التركيب والصينية لا تقربها موجود في السوق امريكي نوعيه جيده .......

البوالين هي الأفضل لأنها تحافظ على راحة السيارة لاكن اذا ما كانت الراحة تهمك ركب سست زود وكعكات امامية لاكن بتكرهه الموتر في البطناج ...:f
طبعاً أكثر الموجود ة عتدنا هي الخاصة بالتريلات والحما لالثقيله ولو تمر قطع غيار التريلات بتحصلها عندهم بانواع واحجام متعدده ...:good:


تفضل هالرابط وحاول تعرف طريقه عملها وتركيبها عشان تكون في الصورة


http://www.mekshat.com/vb/showthread.php?t=214588 (http://www.mekshat.com/vb/showthread.php?t=214588)



وهذا مقطع لبوالين .....ورشه بدر
http://www.youtube.com/watch?v=StOXQLvxPGA (http://www.youtube.com/watch?v=StOXQLvxPGA)



وعندك ايضا محل الدفع الرباعي(طريق العروبة ووجهك غرب ) يركبونها لكن اسعارهم هي الأغلى



تحياتي



يعطيك الف عافيه اخوي تناهيت
بيض الله وجهك وعز الله انك ما قصرت
مشكور اخوي تناهيت
ابومعتز99
18/11/2010, 04:11 AM
هلا والله اخوي ولد وايل
اول شي حاشاك من السخف والسخف بعيد عنك ويكفي تنويرك للموضوع
وبالنسبه للجمس كلامك سليم وهذا اللي انا ابحث عنه
وياليت اذا تعرف ورشه شغلهم زين بالسست والكعكات
يعني بالعربي ابي ورشه تصلح موتري وانا متطمن من شغلهم مهوب شغل واحد يتعلم في موتري
ويعطيك العافيه
مشكور ماقصرت

اخوي ياليت تزودنا بصور للموتر لاني ناوي اشتري بس خايف احس ان الموتر طويل
:(
أبو نـآيف
18/11/2010, 04:22 AM
وش الفرق بين السييرا والسلفرادو
تناهيت
18/11/2010, 05:53 AM
وش الفرق بين السييرا والسلفرادو

هلا بك اخوي ما فيه فرق اخوان من الأم

الفرق في الشكل الخارجي فقط والعلامات اما الباقي طبق الأصل قيورها ومكاينها وتعليقها ودبلاتها واحجامها وحده 1500-2500-3500 .الخ

تحياتي
تناهيت
18/11/2010, 05:58 AM
اخوي ياليت تزودنا بصور للموتر لاني ناوي اشتري بس خايف احس ان الموتر طويل
:(


http://www.youtube.com/watch?v=UGfreeCwUDc&feature=related


اللي في المقطع حجم 1500 غمارتين سلفرادوا شد بلد


وفيه منه صندوق اطول بتقريبا شبرين الى 3


نزل من موديل 2007-2010 تقريبا نفس الشكل مع فروقات بسيطه جدا بالشكل الخارجي
طبعا القير 6 غيار توبترونيك


تحياتي
ابومعتز99
18/11/2010, 07:35 AM
http://www.youtube.com/watch?v=UGfreeCwUDc&feature=related


اللي في المقطع حجم 1500 غمارتين سلفرادوا شد بلد


وفيه منه صندوق اطول بتقريبا شبرين الى 3


نزل من موديل 2007-2010 تقريبا نفس الشكل مع فروقات بسيطه جدا بالشكل الخارجي
طبعا القير 6 غيار توبترونيك


تحياتي

بيض الله وجهك
عز الله انه الموتر الي يجمل:good: