من جرب كفرات الدنلوب على الباثفيندر يقلط

[أبوناصر]

السلام عليكم ورحمة الله وبركاته

من جرب كفرا الدنلوب على الباث يعطينا رايه في الكفرات


ورايه فيها إلى ركبت على الباث


وكم فرق العرض بالسنتيمتر

[عاشق الجبل]

وعليكم السلام ورحمة الله وبركاته


أخوي جرب كفرات الدانلوب ( أوبن كانتري ) على باثفيندر ويثني عليها .

أنا جربتها ولكن لاحظت أنها قاسية في الرمل وبنشرت معي كم مرة في وعر الصمان



وأنصحك بكفرات ( هنكوك ) العريضة اللي عليها كتابة بيضاء قنصنا عليها مناطق نجران الجبيلة ( مقناص أرانب )

والحمدلله 3 ليالي مقناص ولا بنشر .


لاتستعجل وأنا أخوك اسأل

[أبوناصر]

مشكور اخوي عاشق الجبل

لكن على حد علمي إن الهنكوك ما منها نفس مقاس الباثفيندر

ومشكلة البنشر والله مشكلة

وفعلا على ما أظن إن الدنلوب مشكلتها في البنشر كثيرة

والإخوان الباقين يمكن يفيدونا أكثر

[الكونترولCONTROL]

اعتقد انها ثقيلة و غير ملائمة أبدا أبدا ..... لأن السيارة يجب ان لا تتعدى حدود معينة في مقاس الاطارات و الباث فايندر يعتبر سيارة جيب صغيرة و الاطارات الكبيرة غير جيدة له .....و الله اعلم .

[pathfinder]

الدنلوب نزلوا مقاس جديد ينفع للباثفايندر.......17-60-255

ميزته انه يخلي ممشى السياره اخف واقل استهلاك داخل المدينه واعرض واكثر ثبات ....لكن يمكن يكون قاسي شوي...والله اعلم

[أبوناصر]

مشكور اخوي ابوهبال

اخويpathfinder هذا الكفر اقصر شوي 60 وشد البلد 65 وهذا فيه فرق

والي اعرفه إن الباث كفره الأصلي قاسي بالحيل

وإن أصحاب الجيوب اللاندكروزر مرتاحين مع الدنلوب وهو على كلامهم خفيف في الرمل

بس مدري عنه بالجبل والقرشع هو جنبه يتحمل الحصى ولا ما يتحمل

[العبصي]

:good: كفرات الدنلوب ممتازه وتتحمل أكثر من غيرها وأنا مجربها على اللاندكروزر بس سعرها غالي لكن تستاهل

[(الأشهب)]

أخوي كفرات دنلوب حلوه وتتحمل بس مشكلتها ثقيله شوي

ولاكن والله مسكته

شف اليوكهاما حلوه والمشلان بعد

وانت ابوها وسمها...

[nahham]

اخوي انا معي باثفندر ومركب له كفرات ماكسس maxis

المانية الاصل وتصيع كوري وفيه منها تايواني

الصراحه رائعه وتتحمل ومعي لها اكثر من سنه وما شاء الله تمام

[غضنفر]

اخوي انا معي باثفندر ومركب له كفرات ماكسس maxis

المانية الاصل وتصيع كوري وفيه منها تايواني

الصراحه رائعه وتتحمل ومعي لها اكثر من سنه وما شاء الله تمام

البرجستون مشكلته مهب انه ما يتحمل بل بالعكس يتحمل وبامكانك ان تمشي به 3 سنوات بدون مشاكل
لكن مشكلته انه قاسي قساوة غير طبيعية بالإضافة الى انه ما يفرش اذا نسم والباثفايندر جنط 17 ما له
الا ثلاث شركات: مشلان(غالي) , برجستون(قاسي) , دنلوب(خفيف وارخصهم سعرا)

[كايدهم -777-]

السلام عليكم
اخوي بوناصر انا عندي باثفندر ومركب عليه دنلوب 65-265 وجنط 17 وانا مرفع السيارة والله حلوه ومايحتاج في الرمل [b]

[مسهي الرعيان]

السلام عليكم ورحمة الله وبركاته....
اخوي تبي نصيحتي ما على كفرات الفالكن فهو ياباني الصنع وسعره ارخص من الدنلوب بشي بسيط بس اشهد والله انه كفر محترم..

[غضنفر]

السلام عليكم
اخوي بوناصر انا عندي باثفندر ومركب عليه دنلوب 65-265 وجنط 17 وانا مرفع السيارة والله حلوه ومايحتاج في الرمل [b]

معليش اخوي كايدهم سبعات تحملني بس هل سبب رفعك للسيارة ان الكفر الجديد يحك بالنسافة ولا سبب آخر ؟؟؟؟؟
وكم قدرت ترفع الموتر من سنتي؟؟؟؟؟؟وما هي الأشياء الي بدلتها عشان ترفع الموتر؟؟؟؟؟؟؟؟

[راعي السنع]

السلام عليكم ورحمة الله وبركاته....
اخوي تبي نصيحتي ما على كفرات الفالكن فهو ياباني الصنع وسعره ارخص من الدنلوب بشي بسيط بس اشهد والله انه كفر محترم..

انا مجربهن على باث قديم 94 ممتازات خصوصا في الرمل ..
لكن مادري عن جنط 16 او 17 هل تحصل ولا لا .؟!

[عاشق الأشهب]

شاهين وبس لأتدور

[AL7UR]

وعليكم السلام ورحمة الله وبركاته

أخي العزيز .

أنا معاي الآن ( هانكوك ) وله أكثر من سنه مركب .

1 ) مريح جداً .

2 ) لين في البر .

3 ) ممتاز للحصى جربته في جبال الطائف والمدينة .

4 ) ياكل المطب وبشكل ممتاز ما تحس فيه إلا بشيء بسيط .

5 ) الصرفية ممتازة .

أمنياتي لك بالتوفيق .

[المنيعي1]

وعليكم السلام ورحمة الله وبركاته

أخي العزيز .

أنا معاي الآن ( هانكوك ) وله أكثر من سنه مركب .

1 ) مريح جداً .

2 ) لين في البر .

3 ) ممتاز للحصى جربته في جبال الطائف والمدينة .

4 ) ياكل المطب وبشكل ممتاز ما تحس فيه إلا بشيء بسيط .

5 ) الصرفية ممتازة .

أمنياتي لك بالتوفيق .
أخوي الله يجزاك خير الرجال يسأل قبل خمس سنين يعني منتهي موضوعه
لتنبيه