وين الطواريح الفزعة

[مرعوبان]

السلام عليكم اخواني اعضاء مكشات والطواريح بالاخص
اليوم لقيت شهانة مثلوثة وحذفت لها حمام لان مامعي الى حمام ولا هدت و خليتها لين امست وابي الراي ياطواريح وش الي يخليها تهد صح هل هو السمان ولا القميري واي علم تفيدوني فية شاكر لكم والسلام

[صقار محترف]

السمان والقمري كلها زريق طيب ..
الله يوفقك

[abofaisal333]

السمان جميع الطيور ترغبه الزين والشين

ولو تأكدت من مراحه تقدر تخدجه بس ودها خبره

ان شاء الله تبشرنا فيه في الصباح

[سعود الحربي]

ان كانك حول الرياض عطيتك رقم رجال يخدمك وخبره طويله بالامور هذي

[قرناس شماالي]

اخوي جب جربوع وابشر فيها راح
تشبكها ولى مريعي
مدامها امرحت ليش ماخدجتها
وبنتضار الخبر

[صقار محترف]

بضيف نقطه بسيطه بس
الشياهين نادر جدا ان تصبح في نفس مكانها
و90% منها يسرى مع الغطاليس قبل ان يفج النور وهذا شرع الشياهين وخصوصا القرناسه
اذا تعرف تنسف ( تخدج ) وعندك احد يساعدك
انصحك انك تخدجها بالليل ..
بالتوفيق لك ان شاءالله .. وان شاءالله تطلع تامه بعد

[حزوبر]

وهذه طريقة الخدج أسأل الله تعالى ان يفرحك بها

lOUkj2h2LjI

[مرعوبان]

الله يعطيكم العافية جميع وبيض الله وجيهكم
اما من طرف الخدج ياصقار محترف كنت ناوي اخدجها بس غيرت مكانها وشمس طفلين وجات فوق عمود كهرب بعيد علي وتعرف ضغط عالي

[الصارم1]

اقول الدحل يجيب راسها خله طلق قدامه وشف