انتبه واحذر من توكيلات الجزيرة...وكيل فورد...ضروري ادخل

[بيتر]

:hot::hot:يا اخوان قبل اسبوعين تعطل عندي المكيف لسيارتي اكسبلورر 2005 شاريها من توكيلات الجزير الجشعه...

قال فني التكييف ( خارج الوكاله ) يحتاج الكمبرسور لتغيير..الى هنا ما فيه مشكله...

احترت اشتري من التقوى ولا الوكاله...قلنا الوكاله اضمن واحسن..

رحت لفرعهم في صناعية العروبة واشتريت الكمبرسور بعد الخصم :f1130 ريال "حسبي الله عليهم":eek:

واليوم مريت اشتري غطا قربة الماء حق الرديتر بس من الحاج حسين رضا وكيل فورد مونتنيرا وهو نفس الاكسبلورر باختلاف شكلي خارجي...

قلت خلينا نسأل عن سعر الكمبرسور كم تتوقعون بعد الخصم....









630 ريال يعني الفرق حوالي 100%
والله هذا الغبن:director::hot:

للتحذير اذا تبي قطع غيار قارن بين توكيلات الحرامية وبين الحاج حسين رضا

وسلامتكم....@

[حصن زحام]

والله غبن

عندي ونيت أيسوزو بنزين.
القماش الخلفي عند وكيل بـ 635 ريالا.
وعند الوكيل الثاني بـ 280 ريالا.
الله يعين على وكلاء شختك بختك, أي سعر يخطر ببالهم يحطونه ونشتري غصبا عنا.

[ريثان القصيم]

والله الغبنه حسبنا الله ونعم الوكيل

كان عندي باترول فتك 2004 سفاري 2 قير اوتوماتيك.

وتعطل فيه الدعسه الكهربائيه الثروتل.

ورحت للحمراني فرع صناعية الدائري مخرج 18 ولقيت سعرها 3500 ريال.

ولقيتها في فرع اخر للحمراني خارج الرياض وبعد فزعت احد الموظفين الله يستر عليه دنيا واخره.

تخيلو الفرق والله ما تصدقون













1500 ريال



والي الله المشتكى

_________________________________________

ريثان القصيم

[az999oz]

لاحول ولا قوة إلا بالله .. من امن العقوبه اساء الادب

[كريم الطباع]

يعني زرف عيني عينك
يارجال شف فرق السعر بين الوكالات والموزعين

[AMAZ]

طرمبت البنزين لليوكن 2003عند الجميح حسبي الله عليه 1100 بعد الخصم عند بالبيد 930 يعني الكل على كيفه

[jasser]

[SIZE="4"][/SIZE اخوي الله يهديك

هل تاكدت اولا ان القطعه لنفس السياره والا بينها تشابه ؟
هل تاكدت ان القطعه اصليه ونفس توكيلات الجزيره؟
على فكره انا اقدر اجيبلك نفس القطعه اللي تبغاها بنص سعر الحاج رضا
وما تفرق بينها وبين التوكيلات ولكن صناعه تقليد ودرجه ثالثه
يعني ما تدوم معك 6 اشهر

لابد التاكد قبل التهجم على وكيل او تهامه بالغش

[قايد تميم 1]

وش عندك يا جاسر تداافع الا اكل عيني عينك
الى ساكت عن الحق .............................

ما ينفع فيهم الا كذا
اجل كمبيوتر سياره قطعه ما تجي كبر يدك 3500 وليه كل ها الغلاء وفى التشاليح 800 ريال

نصح اي واحد يخرب عليه شي من القطع الغاليه سواء فحمات قماشات دزك الكلتش الصحن يعبيه فى الصناعيه القديمه طريق لخرج وبتشوووف الفرق وتدعي لى اي استفسار انا موجووود

[ملك الفكتوريا]

يا شباب يمكن فيه سوء فهم مثل ما حصل لي


أنا رحت للتوكيلات فرع صناعية الخليج وطلبت فحمات قالي 130 واستغربت وقلت وش نوعها قال موتركرفت قلت لا أبي الاصلي قال 290 ريال


وبرى بالتقوى موتركرفت 110 ريال والفحمات الاصلي 250 ريال وغير المحلين هذي حسب علمي ما تبيع الا موتر كرفت وتختلف الاسعار من 105 الى 115


والاصلي افضل حتى ما فيه صوت صفير

[jasser]

وش عندك يا جاسر تداافع الا اكل عيني عينك
الى ساكت عن الحق .............................

ما ينفع فيهم الا كذا
اجل كمبيوتر سياره قطعه ما تجي كبر يدك 3500 وليه كل ها الغلاء وفى التشاليح 800 ريال

نصح اي واحد يخرب عليه شي من القطع الغاليه سواء فحمات قماشات دزك الكلتش الصحن يعبيه فى الصناعيه القديمه طريق لخرج وبتشوووف الفرق وتدعي لى اي استفسار انا موجووود

والله يا عزيزي ما عندي الا اللي عندكم
الواحد ما يمديه يقول كلمتين الا اكلتوه بثيابه يعني اما يكون معكم والا تعتبرونه ضدكم
هذا رايي ومن واقع تجربه جربت الوكاله وجربت جميع الدرجات وفيه فرق كبير في الجوده والكرتون واحد

وانا ما ادافع عن شي غلط لكن لابد للانسان يتاكد قبل يدلي بدلوه..
ولا تنسى ان توكيلات الجزيره في المملكه هي افضل وكيل سيارات في الشرق الاوسط
يعني ما بيضيع سمعته عشان الف والا الفين مثل الباقيين
والواحد لايتعب نفسه ويلف التشاليح الناس تطورت وصارت تشتري عن طريق النت ومن المصنع مباشره بربع القيمه ومضمون..
اجل عبد اللطيف يبيع انوار الزنون بعد التخفيض لل VXR الجديد ب 4800 ريال وهي موجوده في امريكا بالشحن ب 1500 ريال ؟؟!! ومحد قال شي

هذا احنا بس نصايح من ورا شاشات الكمبيوتر على بعض واذا وصل الجد الواحد يشتري وهو ساكت
تحياتي

[فهودي جدة]

والله صدق الاخ بيتر ولا يهون باقي الشباب ..اما انا شخصيآ عندي مكسيما ولا اروح الحمراني ابدآ لأن سعره فرق 100% عن باقي الموزعين المعتمدين وهم افضل من ناحية السعر وتجد نفس القطعه واصليه 100% .وهذه عندي قاعده بجميع انواع السيارات اني لا اروح للوكاله الأم من اجل شراء قطع غيار لان اسعارهم غاليه .

[بيتر]

هلا بك اخوي جاسر...وسع صدرك وانا اخوك,, :good2:
بل بالعكس نقاشك وملاحظاتك جدا مفيدة...وهذا المطلوب لاثراء الموضوع والوصول الى الحقيقة ...انا متأكد بانك لاتدافع عن التوكيلات او غيرها:D

ولكن سبق وان..
اشتريت من الحاج حسين عندما سافر لجازان وتعطلت طرمبة الماء ولا يوجد فرع لتوكيلات الجزيرة ولا التقوى واقرب شي خميس مشيط

قال المكانيكي رح للحاج حسين,,
وفعلا وجد مبتغاي...وسئلته عن القطع اصلي اصلي ولا,,,قال اصلي :good2:ومن نفس موتر كرفت..

والمفترض ان الوكالة ما تبيع الا الاصلي وهي دائما تحارب الغش التجاري:j,,,والله مصيبة ان الوكالة تبيع اصلي وتجاري مثل ما قال اخونا ملك الفكتوريا
وسئلت فرع الحاج في الرياض هل قطعكم اصلى او بنفس درجة التوكيلات فاكد انهم من مصنع واحد...

لكن وش الحل مع الغش والتدليس وجشع التجار...الا اخذ الحيطة والحذر :director: وتنبيه اخواني بذلك,,, لاتقول روح اشكهم,, بل قاطعهم طلما البديل موجود...
وحصول توكيلات الجزيرة على افضل وكيل في ايش..؟ :alarm: المبيعات ولا عدد الفروع..ولا الصيانة التي لي معهم قصة اسمها ضحك على الدقون:looney:...مو وقته اسردها ..ارجوا انك تتقبل كلامي بصدر رحب ولكم خالص تحياتي:heart:

[jasser]

هلا بك اخوي جاسر...وسع صدرك وانا اخوك,, :good2:
بل بالعكس نقاشك وملاحظاتك جدا مفيدة...وهذا المطلوب لاثراء الموضوع والوصول الى الحقيقة ...انا متأكد بانك لاتدافع عن التوكيلات او غيرها:D

ولكن سبق وان..
اشتريت من الحاج حسين عندما سافر لجازان وتعطلت طرمبة الماء ولا يوجد فرع لتوكيلات الجزيرة ولا التقوى واقرب شي خميس مشيط

قال المكانيكي رح للحاج حسين,,
وفعلا وجد مبتغاي...وسئلته عن القطع اصلي اصلي ولا,,,قال اصلي :good2:ومن نفس موتر كرفت..

والمفترض ان الوكالة ما تبيع الا الاصلي وهي دائما تحارب الغش التجاري:j,,,والله مصيبة ان الوكالة تبيع اصلي وتجاري مثل ما قال اخونا ملك الفكتوريا
وسئلت فرع الحاج في الرياض هل قطعكم اصلى او بنفس درجة التوكيلات فاكد انهم من مصنع واحد...

لكن وش الحل مع الغش والتدليس وجشع التجار...الا اخذ الحيطة والحذر :director: وتنبيه اخواني بذلك,,, لاتقول روح اشكهم,, بل قاطعهم طلما البديل موجود...
وحصول توكيلات الجزيرة على افضل وكيل في ايش..؟ :alarm: المبيعات ولا عدد الفروع..ولا الصيانة التي لي معهم قصة اسمها ضحك على الدقون:looney:...مو وقته اسردها ..ارجوا انك تتقبل كلامي بصدر رحب ولكم خالص تحياتي:heart:

فعلا لابد انه يكون النقاش بهذي الطريقه فوق مستويات الدفاع او التكذيب
هذي تجربتك ومعك الحق تسردها ولكن لهدف الوصول الى حل فقط...
وبالنسبه لي انا جربت اغلب الوكالات في المملكه ومن غير اسماء يوجد فرق في الاسعار بين فرع واخر من نفس الوكيل!!!!
ولكن من ناحية توكيلات الجزيره ومن واقع تجربتي لمدة 5 سنوات اجدها اهونهم ولو كان لبعض الفروع عدة ملاحظات
وانا قبل اشتري موتري سالت عنه في امريكا وللامانه الفرق بين سعره هناك وعند التوكيلات ما يوصل 3 الاف ريال فقط وصدقيني قبل اشتري اي قطعه من عندهم ارجع لها في امريكا والقى الاسعار متقاربه جدا

ولكن بما اننا نناقش الحل انا ذكرته سابقا وهو الشراء عن طريق النت
وهو عدة خطوات سهله وكل اللي تبغاه بالسعر اللي يعجبك يجيك الى حدك وعليه ضمان

هذا ودمتم جميعا بالف خير

[هاوي القنص505]

الي يشتري السيارة يتحمل ما تطلبه من قطع
اخوي موضب فور اكس كيرجن بـ13000 والوكاله ينقطون القطع عليه تنقيط

[هويدي]

الشرهة على حمايه المستهلك اللي زي عرس المسيار نسمعبه ولا نشوفه

[اسماعيل كمال]

حسبنا الله ونعم الوكيل
من امن العقوبه اساء الادب

[أطلال نجد]

هذي مشكلة اللي ما يسأل في أكثر من محل ويستعجل في الشراء

أخوي العزيز بيتر

معروف أن الحاج حسين رضا وأخوانه أفضل خدمة في البيع وأرخص من توكيلات الجزيرة .

معوض خير ولا تزعل نفسك وفداك 600 ريال

وتذكر دائماً أن الأحداث مقدرة مكتوبة علينا قبل وقوعها , هنا فقط تحس بالراحة والإطمأنان .

تحياتي

[أطلال نجد]

الشرهة على حمايه المستهلك اللي زي عرس المسيار نسمعبه ولا نشوفه

والله يا أني ضحكت على ردك يا هويدي :D

[سفاري نجد]

السلام عليكم

أحب أشارك بالموضوع ,

قبل شراء اي قطعه اسأل كذا محل وخذ رقمها من الوكاله وأسأل عنها بنفس الرقم!

لأن القطع تجي درجات مثل ما قال الأخ جاسر ؟

زي فحمات السفاري اللي معي حصلتها بالوكاله نوع واحد فقط يجي على شد البلد !
حصلتها بمحلات القطع الثانيه اللي تدعي تبيع الاصلي بنوعين وكلن يقول نفس حق الوكاله لكن الرقم يختلف والشكل بعد ؟!
حصلت نفس شد البلد سعرها نفس سعر الوكاله !


في نقطه حبيت اضيفها زي محل قطع الغيار اللي بالوكاله على طريق خريص يعطي 10% خصم
فرعهم اللي بأم الحمام يعطي 25% عشان تنافس محلات قطع الغيار اللي بجنبه!


من الأعطال اللي صارت معي انا تعطل عندي سلف السفاري بالوكاله حصلتها ب1350 ريال بعد التعب والسؤال حصلتها بمحل بصناعية الدائري اسمه بن شبيب يبيع نفس قطع الوكاله وارخص اخذت ديمنو السلف ب1100 وحصلت نفسه بالسوق هيتاشي اخوه وكاله ونفس الرقم بدون استكر نيسان ب800 ريال ما فرقت معي 300 ريال اخذت نفس شد البلد أضمن ؟


^^^
من تجاربي ! أي قطعه ترغب بشراءها اصليه خذ رقمها من الوكالة وابحث بنفس الرقم أضمن وقارن بالسعر؟!

[محمد بن سعيد]

الوالد عنده اكسبلورر 2008 فل كامل وانكسرت عليه المرايه الجانبية في الباب الأيمن ورحت لم توكيلات الجزيرة ولقيت عندهم المراية بـ 800 ريال ورحت للحاج حسين ولقيت حقت الماونتنير بـ 350 ريال مع أنهم نفس القطع تركب هنا وهنا