فائده في البر اذا غرزت ومامعك خوي يساعدك

[259]

السلام عليكم ورحمة الله وبركاته

طبعاا ياشباب مافي سياره ماتغرز خاصة في الرباضات او (منحدرلامنفذله)

طبعاا اول شيء تسويه اذا غرزت تحاول تمرجح السياره باالقير حتى لو تماتيك

اذا ماطلعت معك نسم الكفرات الاربع الى ضغط 10 بس لاتنسى عمرك وتبنشرها

:D

في هذه الحاله الثالثه اذا ماطلعت فك سلك من اسلاك البواجي لتعمل عمل الهزاز

اثناء قيامك بدعس البنزين

اما اذا عقلت علقه الى الدفرنس وطبقت الاشياء المذكوره

فيوجد طريقه وهي انك ترفع السياره باالجيك لكل كفر وتضع تحتها حصى او خشبات

من واقع تجربه :good2:

وانشاء الله تطلع سيارتك زي الحلاوه

[حصن زحام]

أبيض وجه.
لكن شغلة البواجي , هل هي فعالة ولو بنسبة 10%
أكرر شكري.

[دحيم الفزعة]

اشكرك شكرا عنيفا على المعلومات

[السلمان2010]

الله يعطيك العافيه وكثر الله من امثالك الحريصين على نفع اخوانهم

[راعي السيل]

اما اذا عقلت علقه الى الدفرنس وطبقت الاشياء المذكوره

فيوجد طريقه وهي انك ترفع السياره باالجيك لكل كفر وتضع تحتها حصى او خشبات

طيب لو كان المكان طعوس ورمل، صعبه جدا انك ترفع السيارة ، لان الارضية رمل، فــ وش الحل؟

[باترول 1998]

السلام عليكم ورحمة الله وبركاته

طبعاا ياشباب مافي سياره ماتغرز خاصة في الرباضات او (منحدرلامنفذله)

طبعاا اول شيء تسويه اذا غرزت تحاول تمرجح السياره باالقير حتى لو تماتيك

اذا ماطلعت معك نسم الكفرات الاربع الى ضغط 10 بس لاتنسى عمرك وتبنشرها

:D

في هذه الحاله الثالثه اذا ماطلعت فك سلك من اسلاك البواجي لتعمل عمل الهزاز

اثناء قيامك بدعس البنزين

اما اذا عقلت علقه الى الدفرنس وطبقت الاشياء المذكوره

فيوجد طريقه وهي انك ترفع السياره باالجيك لكل كفر وتضع تحتها حصى او خشبات

من واقع تجربه :good2:

وانشاء الله تطلع سيارتك زي الحلاوه


جزاك الله كل خير

بس حبيت انبهك ( انشاء الله ) ما تكتب كذا
تكتب كذا ( ان شاء الله )
للفائدة

[الشيخ البدراني]

الله يعافيك اخوي

[اسير الغضا]

وش فايدة فك سلك البواجي
قصدك يخف عزمه ولاتبداء تحفر

اسمحولي بما ان الموضوع انفتح اسدح بعض من خبرتي البسيطه ونستفيد من بعض

اذا غرزت او ل خطوه تسويه تنزل وتشوف المكان يمكن فيه شي راد الموتر وتشوف معين اسهل طريق تودي به السياره

الموتر تعلق ولا ماتعلق اذا كان متعلق
عندك كمن طريقه
اذا كنت نشيط او انتم اكثر من واحد اشقلو السياره وادفنو تحته
اذا الحالك ادفن جنب الكفر وبرح من قدام وورا ومرجح الموتر((رقص وتمتيك تدفن الحفره بس اهم شي لايدور الكفر اكثر من ممشاه علشان مايحفر

طبعا بعض الاحيان الطريقه ماتنفع لذالك تظطر انك تخلي واحد يدفن ورا وقدام الكفر وانت ترقص مع مراعة انه يدفن تحت ولا يرد عليك الرمل
ولازم تثقل على الكفر اللي يحفر اكثر من الثاني يا واحد دب ولا حط كل قشك وعزبك من جهته
واذا كنت لحالك شد الجلنط علشان يدورن الكفرات بنفس المستوى طبعا شد الجلنط على حسب بعض الجلنطات لو تسحبه الى الاخر ماكأنك شاده وبعضهن طقه تسد وعليك القياس

اهم شي التبريح ويصعب انك تتطلع الموتر وانت مابرحت احرص تمهد الرمل بيدك بشكل مستوي وتصير التبريحه طويله

ودف الموتر له نتايج رائعه

وطبعا صعب تعلم من كلام لازم مر عليك مواقف وتعلم منهن

[سرطوقا]

طريقة فك احد اسلاك البواجي هذي صراحه اول مره اسمع عنها بارك الله فيك

[زوم]

الله يعطيك العافيه

[raied_qamar]

يا شباب نصيحة لوجه الله تعالي لو كل واحد قبل يطلع يعمل حساب التغريز وفي كذا اداة تساعد في الطلوع من التغريز وراح اذكر بعضها على سبيل المثال للفائدة العامة :

1- (( اذا صار عندك ونش )) المحراث وطبعا يعمل عمل السيارة الاخرة الى تسحبك خلال خمس دقايق وانت طالع

2- في قطع الماتركس تلاقاها في دبي حول 1500 ريال وطلعك لو في صبخة مو رمله

3- الهاي لفت جاك ( والمهم تكون مركب صدام حديد او تشتري العلاقات الخاصة بيها )

4- البالون وطبعا سهل تنفخه في الرمل ويرفع السيارة بكل سهوله

اخيرا لا تنسو الحيطه والحذر والتجهيزات الازمة من اجهزة الجي بي اس واجهزة الاتصال والماء وغيره نتمني لكم السلامة الدائمة

وتقبلوا تحيات اخوكم الوحش

[علم162]

في الرمل خلك شاد الموتر لايرتخي عزمه ولاتضرب فرامل بدون داعي وكانك ضارب درب ولا انت تدور بمحل واحد لاتفلسف شي ماله داعي ترقاه لاترقاه

[aboeyade]

فكة البوجي أذكرها مع أخوي أيام الددسن 84

غرزنا بالطعوس وجانا واحد خبره ونسمنا وبرحنا وفكينا البوجي الثالث على ما أظن وطلعت السيارة

والحقيقة ما أدري فكة البوجي هي فعالة أو لا

[raied_qamar]

غريبة موضوع البواجي يريت احد يقدر يصورها لنا فديويو

[ولد وايل..]

معلومات جميله...

بالنسبه للبواجي...


أخبر قد مره من الشيبان قد قال سالفه وهم طالعين قطع من حدى الديار...


الشاهد يقول غرزنا والموتر يحفر محله...


يوم يجيهم واحد يقول ويفك بوجي او انه عطل سلندر ...

انا اللي فهمته منه انه عطل سلندر بس هذي مستحيله ماتصير الا بفك البوجي...

يقول وشوي شوي ويطلع....


وكنت اتوقعها مستحيله لكن الان صار لدي رغبه إني أجرب ....

[عشق بري]

259 الله يعطيك العافية على المعلومات
raied_qamar
أشكرك على التوضيح والإضافات

[raied_qamar]

عشق بري ولا يهمك بالعكس نتمني الفائدة للجميع

[send1398]

بارك الله فيكم

[جروان]

نعم طريقة البوجي جيده وفعاله

[أبـو عــزام]

يعطيك العافية ..

[بوالهجير]

شكرآ على المعلومة ويعطيك العافية