أخيرا لقيت الجهاز اللي أبيه .. بس باقي شوركم قبل شراءه ..

[ملقاط بن جمر]

السلام عليكم ورحمة الله وبركاته ..


مساكم الله بالخير .. إن كنتم في المساء ..
أسعد الله صباحكم .. إن كنتم في الصباح ..
حياكم الله وبياكم .. إن كنتم بينهما ..


..


قبل فتره رحت للغرابي أدور على عازتين مهمة بالنسبة لي على هذا الرابط


والله ماعني وعن هالجهازين .. بس وين القاهم تكفون ؟؟ (http://www.mekshat.com/vb/showthread.php?t=333273)


والحمد لله توفقت بتوفيق من الله وشريت لي غرض أعتبر إنه من أهم الأشياء اللي يجب إنها تكون في أي سيارة على هذا الرابط :


جولة في شارع الغرابي .. طلعت بالمزيون هذا .. (http://www.mekshat.com/vb/showthread.php?t=337248)


باقي عندي الدريل اللي على البطارية .. طبعا سألت عنه وقالوا ممكن تحصلة بس دور في المحلات .. وقلت لابد من جولة ثانية للغرابي والبحث فيه ..


توكلت على الله ورحت للغرابي مره ثانية ومريت في شارع الريل في البداية وقلت ممكن أحصل هالدريل عند حقين العدد لكن تكسرت رجولي وأنا افر من محل إلى محل والنتيجة لا يوجد ومستبعدين يكون فيه هالنوع من الدريل لأن على كلامهم يبي له ضغط هواء قوي على شان يفك الصواميل !!


انتقلت للغرابي وبديت أدور من محل إلى محل .. ولقيت محل كبير إسمه العوبثاني مقابل للسليماني بالضبط .. وجنب مؤسسة الشراع وكيل مواطير أبو جمل ..


طبعا المحل ما شاء الله تبارك الله كبير جدا وقلت بفر فيه أشوف وش الجديد و الدريل في بالي طبعا ..
إلا وعيني تطيح عليه وماني مصدق دريل لى البطارية ويفك الصواميل !!
ناديت العامل وقال صناعتة صينية جيدة .. وزنه حوالي 5 كيلو
يشتغل على 12 فولت .. طول سلكه حوالي 5 أمتار ..طبعا العامل جربة قدامي وشغله صوته تقول صوت دريل البنشري بالضبط .. جيت بجربه على سيارتي أذن الظهر وقال تعال بعد العصر!!!!
سلبيته الوحيدة من وجهة نظري إنه يشتغل على فيش الولاعة وخافت إنه يحتر مع الشغل !وهذي صورته : طبعا سعره 135 ريال


http://www.m5zn.com/uploads/2010/10/13/photo/thumb/101310121016h9n5sa6.jpg



ايضا حصلت عنده عفريته كهرب حمولة 3 طن على البطارية .. ويقول لي هذا آخر ما نزل في السوق .. بس الحقيقة ما دخلت مخي وصورتها للأعضاء للفايدة .. سعرها 150 ريال وصناعتها صينية ..


http://www.m5zn.com/uploads/2010/10/13/photo/thumb/101310121017quq3w00dyfmfuch8cz.jpg


في الختام أتمنى أكون وفقت في عرض هالموضوع على قل خبرتي في تحميل وتنزيل الصور على قلتها لكن والله كل ما رحت محل رفضوا إني اصور والا إني متسلف الكميرا من شخص عزيز .. على شان ابيض الوجه معكم .. لكن العذروالسموحة..
..
كافأني أخي الكريم بدعوة لي عسى الله أن يرزقني بالذرية الصالحة عاجلا غير آجل ..


وسلامتكم ..

[ملقاط بن جمر]

أفاااااااااااا

140 مشاهدة .. ولا رد ؟؟

الله المستعان ..

[ساحووق]

والله ياملقاط وانا خوك ماعندي عللم ولاكان افدك

لاكن لاتستعجل يجونك النشاما ان شاء الله

[اسير الغضا]

يابن الحلال يازوار ولا مايدرون

انا رديت ولا عندي علم

[بيك اب 4X4]

حسب ما شفت من مواضيعك انك مصمم على الدريل
طيب
انا اشوف ان الدريل اللي على البطاريه ما يجمل
ليش؟
لان صناعته صيني و اكيد ما راح يكون قوي زي اللي على الهواء
يا رجال الدريل اللي عند البنشري إذا كرب فيه الصواميل يالله يالله تقدر تفتحهم
و يمكن تضطر الى قطم المسمار
وانا استبعد ان هذا الدريل يقدر على فك الصواميل المجيمه

طيب الزبده انك تحرص انك تجرب الدريل اكثر من مره قبل الشراء
و انصحك انك تقص الرأس حق الولاعه و تركب رأس على البطاريه على طول

[الربذي]

طبعا انا اقولك ماهو عملي لان الصيني انا مجربه اي كلام شريت صواريخ ودريلات الي ماعليه ضمان يخرب اذكر اشتريت صاروخ لقص الحديد الشينكو اول استعمال ثلاث دقايق ودخن وخرب جبت جديد وثلاث دقايق ودخن وخرب ؟؟؟؟؟؟؟؟؟؟؟؟؟:mad:
لكن البنشر مره بالسنه اكيد يبي يمشي معك فتره طويله اما العفريته فغير ناجحه سبق شفتها من عشر سنين وكانت ب400 ريال بس سالت عنها ناس قالو لاتحوشك اي كلام حتى صاحب المحل يقول ماتمشي ابد سوقها مضروب
وبعدين اخوي ترا الي على البطاريه ماهو بقوة الدريل البنشر اكاد اجزم ان لابد ان تستعين بمفك الكفر وترا زينتة البنشر اذا انعفست مره ومن جهه رياضه يازين الشغل ترا مفيد ويقوي العضلات واحد له قارب ابو مجداف عليه عضلات شي هههه
واذا نفسك فيهن اشوف سعرهن رخيص 150 اليوم ماتعشيك انت وصاحبك مشويات يعني اشترهن بس ابي ارد واقول لاتصلح لشغل مثل ورشه او محل ثاني استعمال خفيف جدا جدا

[ابو نايف 111]

السلام عليكم يا رجال انا صارلي فتره ادور عليه من قبل رمضان الله يجزاك خير على على الموضوع الحلو الله يوفقك ويرزقك الذريه الصالحه امين امين

[ابو نايف00]

مجرد نصيحة ......

فية العفريتة الكهربائية( اللي ذكرتها انت ) يجي معها دريل يفك مسامير الكفر . ركب لهة تحويلة واستخدمها

لفك الصواميل والمسامير .( الدريل عملي وقوي يعمل على طقات زي اللي مع البناشر )...


وشكرا

[تناهيت]

شف وناخوووووووووك

انت راعي مكاشيت وتحتاج محول كهرب قوي اوكيه

مالك وما اللي على البطاريه ممكن تتعطل بطارية موترك بسببه لأنه يستهلك كهرب موب بسيط

فيه عند ساكو نوعيات كويسة على كهرب 220 مر عليهم منتب خسران شي وجربه عندهم

تحياتي

[تناهيت]

وكانك تبي تستخدمه لصيانه الموتر في البيت

اشتر لك ماطور هواء بـــــ300 ريال ودريل على هواء مثل حق البناشر

تحيات ي

[ابو وافي 444]

يعلم الله ان كل هالجهازين براسي بس متردد من شراها لان موتري ميان قرابيع من هالنمونه

جزاك الله خير وفعلا اتحفتنا بالصور والاسعار بيض الله وجهك×

[عليم الظمى]

شكلك تدور مثل هذا :p

على العموم معي من 15 سنه ويشد ويربط مثل البنشر بالظبط :good2:

اكيد تبي تقوول منين شريته والله مادري منين لكن الله اعلم من ساكو انت مر عليهم وتاكد ...

انا وضعت لك كرتون المنديل حتى تقارن الحجم :D

http://im1.gulfup.com/2010-10/12872955991.jpg (http://www.gulfup.com/)


وهذي صورة للجهاز

http://im1.gulfup.com/2010-10/12872958121.jpg (http://www.gulfup.com/)

للمعلوميه لايوجد اي كتابه سوى الموجوده هذي .. حتى الصنع والله لا اعلم ولا يوجد اين صنع :mad:

http://im1.gulfup.com/2010-10/12872958591.jpg (http://www.gulfup.com/)


وهذي الحبوب على جهتين .. يعني اربع مقاسات :good2:

http://im1.gulfup.com/2010-10/12872959261.jpg (http://www.gulfup.com/)


واتمناء ان تجد مثله لانه جداً روعه

[alcobra2000]

جزاك خير على على الموضوع الحلو الله يوفقك ويرزقك

[محيط]

مته الواحد يبنشر واذا نسم عليك الكفر خل الماطور قريب وبكل شبر بنشر الشي الثاني اذا بتشتري رح لساكو
لاان عندهم شي جيد وبشكال كثيره وعفريته مالك صالح منها لا اذا انت غير قادر على استخدام العفريته العادية

[ابو99]

مانثل الشد والربط ريا ضه للجسم وشد العظلات ان كنت صحيح والمريض الله يعا فيه

[قطب 999]

مفك عجل مع ماصوره تسد والعفريته لا تاخذ اقل من 10 طن يالله تشيل الجيب

[اسدهم]

انا حصلت عفريتة ع الولاعه كهرب اذاتبي وعليها خصم وحبتية رافه >>يعني 2 جحوش كلهم في شنطة ودريل ممكن تحصل عند ساكو مخرج 5ممكن
ومشكور ع المعلومة وننتضر الجديدك خيوة

[امير الرمال]

الله يرزقك الذرية الصالحة
التي تقر عينك
على
هذا الموضوع الرائع

ولا تحرمنا جديدك

[volcano]

السلام عليكم ورحمة الله وبركاته

العفريتة عندي اختها او شبيهة منها كثير وغير عملية ما انصحك تشتريها

الدريل عندي نوع جيد واعتقد اللي معك عملي توكل على الله واشتره

الله يرزقك الذرية الصالحة

[alimuhammed]

ليس لدي اعلم افيدك

و الله ييسر امرك

و اذا ما عندك ظروف تجبرك على عدم استخدام المفتاح و الا المفتاح افضل لأن الدريل هو خراب المسامير و الصواميل تبع الكفرات

[fares2011]

شكلك تدور مثل هذا :p

على العموم معي من 15 سنه ويشد ويربط مثل البنشر بالظبط :good2:

اكيد تبي تقوول منين شريته والله مادري منين لكن الله اعلم من ساكو انت مر عليهم وتاكد ...

انا وضعت لك كرتون المنديل حتى تقارن الحجم :D

http://im1.gulfup.com/2010-10/12872955991.jpg (http://www.gulfup.com/)


وهذي صورة للجهاز

http://im1.gulfup.com/2010-10/12872958121.jpg (http://www.gulfup.com/)

للمعلوميه لايوجد اي كتابه سوى الموجوده هذي .. حتى الصنع والله لا اعلم ولا يوجد اين صنع :mad:

http://im1.gulfup.com/2010-10/12872958591.jpg (http://www.gulfup.com/)


وهذي الحبوب على جهتين .. يعني اربع مقاسات :good2:

http://im1.gulfup.com/2010-10/12872959261.jpg (http://www.gulfup.com/)


واتمناء ان تجد مثله لانه جداً روعه


ماشاء الله الذيب عطآك الجوآب الشآفي
ومجرب بعد

[ملقاط بن جمر]

بيض الله وجيهكم على دعواتكم ومشاركتكم في الموضوع ..

جميع ما تفضلتم به سيكون في عين الإعتبار ..

وما نستغني عنكم وعن تواجدكم في جميع المواضيع ..

لا حرمكم الله الأجر والمثوبة ..

[am_zone_g]

موفق انشاء الله