الدعامية ومدى جدواها في الموتر ؟

[PATHFINDER 4]

بسم الله الرحمن الرحيم


حياكم الله جميعا


استفساري ياجماعة الخير عن الدعامية ومدى جدواها في السيارة

لان النية اركب دعامية في الجيب


http://www.up-king.com/almaciat/bvzg7aw5m5l7dttq512i.jpg (http://www.up-king.com/)


يعني نشوف بعضهم يركبها عشان معلاق الذبيحة اوالشاكوش وغيره




او يمكن بعضهم يركبها حماية لوجهية الموتر او خلونا نقول (المكينة)


او علشان يستفيد منها اذا جا يدف احد
او او او او


الى غيره من الامور لحد ان الشخص يركبها من اجل الشكل فقط
بعضهم يشوف موتره كايف على الدعامية :good:


http://www.up-king.com/almaciat/aumv51aitmp2bepti6vf.jpg (http://www.up-king.com/)



سؤالي مهما كانت وجهة نظر اللي ركبها
هل لها ضرر لاقدر الله اذا تعرض الموتر لحادث ؟؟

أو بالاخص هل يتضرر الشاصي ؟؟
لانها مثبته عليه

وسؤال اخير افضل مكان فصلت فيه الدعامية مع السعر

والله يعطيكم الف عافية

[اسير الغضا]

المجربين يفيدونك

[أبوصقر]

والله شف طال عمرك..
من ناحية فايدة التركيب فالأدوات الي فيها بحد ذاتها محفز أنك تركبها..ومن ناحية الحماية فهي تحمي وجية السيارة عند الدقشات البسيطة لاقدر الله..وإذا بغيت تدف أحد بالموتر ماعندك أي مشاكل..وهناك فائدة أنا زدت على الدعامة شوكة على شان ساهر..وعن الحماية في الحوداث ماأدري بخصوص الشاص..وأنا ركبتها في ورشة المواهب..وشغلهم مظبوط..

[PATHFINDER 4]

يعطيكم العافية جميعا

[طير بيروت]

نعم الضربه القويه على الدعامه يلف الشاص من واقع تجربه

[PATHFINDER 4]

جزاك الله خير على التنبيه والله يكفينا وياكم شر الحوادث

[You Like Me]

والله انا فصلتها عند المميز وشغلهم ما شاء الله لا يعلى عليه
اخذتها بـ 350 او بـ 450 ما اتذكر بالضبط لاني مسويها ومسوي شغلات ثانيه
وماتذكر السعر بالضبط ... عموماً هي تريحك اذا بتدف أحد وحمايه من الدقشات البسيطة
والحامي رب العالمين .... بالنسبة لضرر الشاص والله مالي علم
لكن واحد من الزملاء صار له حادث وهو مركب دعامه وطبعاً الخطأ عليه
هو كان آخر سياره المهم لما جاء مندوب شركه نجم اسقطت السياره من التأمين
عشان تركيب الإكسسوارات (الدعامه) وكلاها المسيكين سيارته تامين شامل
وبسبب الدعامه اسقط تأمينه واضطر انه يدفع قيمه السيارات
والضاهر اني بفك الدعامه ههههههههه
الله يكفينا وإياكم شر الحوادث

[أطلال نجد]

إذا الشاص يتأثر إذا جت ضربة قوية على الدعامة !

أجل وشلون لو مافيه دعامية ؟!

قل على وجهية السيارة والمكينة السلام , الشاص سهل يتعدل مع ملاحظة أنه ما ينطعج إلا إذا جته ضربة جامدة ..


تحياتي

[السد الغزير]

أذكر واحد وقفني وأنا معي موتر رفيقي . فيه دعامية .

وجاني قال ليش تركب الدعامية . هذي مالها أي فايدة للسيارة مع انها تخرب شكل السيارة وخطر عليك وعلى الركاب في نفس الوقت .

كيف خطيرة : تعفط الشاص - ولاتخلي الايرباق يشتغل صح - وتعدم وتهلك اللي قدامك - وبعدين صدمتها قاسية . واقتنعت في كلامه وقلت لصاحب السيارة

وبعد كلامه باسبوع فكها الرجال بناء على كلام الناصح .

[عاشق السيل]

ماشاء الله عليك ذكرت كل الفوائد !!!

لكن بقول اللي عندي :

الفوائد بالترتيب حسب الأهمية من وجهة نظري : دف المتعطلين وخاصة بالأمطار ،، حماية وجه الموتر من الصدمات الخفيفة وخاصة إنك أنت المخطي ،، استخدام معلاق الذبيحة خاصة وباقي العدة لأصحاب الرحلات ،، لاقدر الله وابتليت بواحد عنيد بيكون عنده ألف حساب للدعامة ،،

أما من ناحية الشكل فالأفضل لوجه الموتر بدونها !!!

ومن ناحية الضرر على الشاص بالعكس هي تمتص الصدمة وتخففها على الشاص لأنها لو ماكانت فيه فالصدمة رايحة للشاص مباشرة لأن الصدامات ماحولك أحد !!!!!!

[PATHFINDER 4]

والله انا فصلتها عند المميز وشغلهم ما شاء الله لا يعلى عليه

اخذتها بـ 350 او بـ 450 ما اتذكر بالضبط لاني مسويها ومسوي شغلات ثانيه
وماتذكر السعر بالضبط ... عموماً هي تريحك اذا بتدف أحد وحمايه من الدقشات البسيطة
والحامي رب العالمين .... بالنسبة لضرر الشاص والله مالي علم
لكن واحد من الزملاء صار له حادث وهو مركب دعامه وطبعاً الخطأ عليه
هو كان آخر سياره المهم لما جاء مندوب شركه نجم اسقطت السياره من التأمين
عشان تركيب الإكسسوارات (الدعامه) وكلاها المسيكين سيارته تامين شامل
وبسبب الدعامه اسقط تأمينه واضطر انه يدفع قيمه السيارات
والضاهر اني بفك الدعامه ههههههههه

الله يكفينا وإياكم شر الحوادث




اوف اوف اوف والله كانت غايبة عن بالي :(
والله مشكلة !
اجل اي موتر اصدمه من قدام اتحمل تكاليف اصلاحه الله يعوض خويك خير
لاحول ولاقوة الا بالله الله يكفينا وياكم شر الحوادث

بصراحة لحد الان هذا اقوى سبب خلاني اتردد في تركيبها :(

[PATHFINDER 4]

إذا الشاص يتأثر إذا جت ضربة قوية على الدعامة !

أجل وشلون لو مافيه دعامية ؟!

قل على وجهية السيارة والمكينة السلام , الشاص سهل يتعدل مع ملاحظة أنه ما ينطعج إلا إذا جته ضربة جامدة ..


تحياتي


أخوي اللي اعرف ان الشاص هو اهم شئ في السيارة وناااادر احد يضبط تعديله
والوجهية بسلامتها سهالات ان شاء الله لكن الكلام على المكينة والشاص

والله يكفينا وياك شر الحوادث

[PATHFINDER 4]

أذكر واحد وقفني وأنا معي موتر رفيقي . فيه دعامية .

وجاني قال ليش تركب الدعامية . هذي مالها أي فايدة للسيارة مع انها تخرب شكل السيارة وخطر عليك وعلى الركاب في نفس الوقت .

كيف خطيرة : تعفط الشاص - ولاتخلي الايرباق يشتغل صح - وتعدم وتهلك اللي قدامك - وبعدين صدمتها قاسية . واقتنعت في كلامه وقلت لصاحب السيارة

وبعد كلامه باسبوع فكها الرجال بناء على كلام الناصح .



بصراحة اسباب يغفل عنها الكثيرين وانا منهم
خصوصا خطر تصيب اللي قدام وتبتليه

الله يستر على المسلمين

[PATHFINDER 4]

ماشاء الله عليك ذكرت كل الفوائد !!!

لكن بقول اللي عندي :

الفوائد بالترتيب حسب الأهمية من وجهة نظري : دف المتعطلين وخاصة بالأمطار ،، حماية وجه الموتر من الصدمات الخفيفة وخاصة إنك أنت المخطي ،، استخدام معلاق الذبيحة خاصة وباقي العدة لأصحاب الرحلات ،، لاقدر الله وابتليت بواحد عنيد بيكون عنده ألف حساب للدعامة ،،

أما من ناحية الشكل فالأفضل لوجه الموتر بدونها !!!

ومن ناحية الضرر على الشاص بالعكس هي تمتص الصدمة وتخففها على الشاص لأنها لو ماكانت فيه فالصدمة رايحة للشاص مباشرة لأن الصدامات ماحولك أحد !!!!!!



اللي بالخط الاحمر انا معك وبقوة :D

[أطلال نجد]

أخوي اللي اعرف ان الشاص هو اهم شئ في السيارة وناااادر احد يضبط تعديله
والوجهية بسلامتها سهالات ان شاء الله لكن الكلام على المكينة والشاص



والله يكفينا وياك شر الحوادث



أهم شيء في السيارة ( المُحرك أولاً ) ثم ( القير )

صحيح الشاص هو قاعدة السيارة وحافظ توازنها وثباتها لكنه قطعة حديدة مصدية !

لا فيها تقنية ولا فيها كهرباء ولا فيها زيت وصدقني يمكن تعديله بكل سهولة ( لكن عند أهل الإختصاص فقط ) !

كلمة أهم شيء الشاص هذي ( كلمة شريطية ) تعلمناها

مشكلتنا أخذنا مفاهيم خاطئة في أشياء كثيرة ومشينا عليها من زمآن ولا يمكن للأسف أن تتغير بسهولة !

أحب أضيف أن الضربة غالباً إذا كانت قوية على الدعامة عادتاً الدعامة هي اللي تنعفط بس !

الشاص ما يتأثر ولا بواحد ملم لأنه قوي جداً خصوصاً إذا كانت الضربة من الأمام أو من الخلف مباشرة وليس من الجنب !

والكلام هذا من واقع تجربة وعدلت الدعامة نفس اللي بالصورة في الموضوع وركبتها من جديد .

بالنسبة للتأمين

أمن على السيارة لكن بالدعامة , صدقني ما عندك أي مشكلة ومستحيل ترفض الشركة لأنك عميل جديد وبتدفع !

أعتقد اللي صار مع خوينا You Like Me أنه راح وأمن على السيارة فقط وبعدها ركب الدعامة , أو الموظف المندوب أمن على السيارة

من غير ما يشوف السيارة أو يسجل الدعامة في العقد وهذا خطأ صاحب السيارة !

شركة التأمين طبعاً ذكية استغلت النقطة هذي لصالحها ولقت لها مخرج وتهربت من الدفع كالعادة .

بالنسبة للضرر اللي راح تسببه الدعامة للطرف الآخر ( السيارة اللي أمامك )

هو نفس الضرر اللي راح يلحق بسيارتك في حال الاصطدام لا قدر الله بدون الدعامة

تصلح سيارة وحدة أفضل من أنك تصلح سيارتين !

أخيراً أحب أقولك لا تفكر بموضوع الحوادث وأثرها وتفائل بالخير تجده

لا ينطبق عليك المثل ( جهّز العصابة قبل الفلعه ) :p

تحياتي لك

[هويدي]

مفيده لاصار اللي قدامك يكلم جوال وتقل يمشي على بيض :)

ومفيده ايضاً لدف المتعطلين بأماكن خطره او امطار

والتأمين عندنا معروف بالمماطله واختلاق الاعذار للتهرب من الدفع

[sameer_1798]

انا مركب دعامية نيكل على اللاند لكني ماني مرتاح لها اي دقة خفيفه ترجع على الكبوت وعفطت علي الكبوت كم مره .
وإذا كنت تقصد دعامية العدة
شفت موضوع قديم لاحد الاعضاء مركبها بسيارته وصار عليه حادث بسيط واعدمت عليه الوجه كامل
لكن المشكلة ان صور الموضوع راحت من المركز
هذا الموضوع :
http://www.mekshat.com/vb/showthread.php?t=82514

أشوف الافضل يادعامة arb الاستراليه صدام صب
أو مثل دعامات المرور
وإن شاء الله ان تيسرت الامور ركبت وحده منها .

http://www.oramagazine.com/images/0410-oct/041001t-body-armor/02article04.jpg http://image.automotive.com/f/images/9760769+pheader/0607or_01_z+50_years_toyota_land_cruiser_trail+ext erior_front_view.jpg

[مفتون صيد]

طيب فيه صدام بالسوق استرالي للباترول 2002 لاني رحت للرماية وقال مافيه

وين نحصله ؟

[PATHFINDER 4]

أهم شيء في السيارة ( المُحرك أولاً ) ثم ( القير )

صحيح الشاص هو قاعدة السيارة وحافظ توازنها وثباتها لكنه قطعة حديدة مصدية !

لا فيها تقنية ولا فيها كهرباء ولا فيها زيت وصدقني يمكن تعديله بكل سهولة ( لكن عند أهل الإختصاص فقط ) !

كلمة أهم شيء الشاص هذي ( كلمة شريطية ) تعلمناها

مشكلتنا أخذنا مفاهيم خاطئة في أشياء كثيرة ومشينا عليها من زمآن ولا يمكن للأسف أن تتغير بسهولة !

أحب أضيف أن الضربة غالباً إذا كانت قوية على الدعامة عادتاً الدعامة هي اللي تنعفط بس !

الشاص ما يتأثر ولا بواحد ملم لأنه قوي جداً خصوصاً إذا كانت الضربة من الأمام أو من الخلف مباشرة وليس من الجنب !

والكلام هذا من واقع تجربة وعدلت الدعامة نفس اللي بالصورة في الموضوع وركبتها من جديد .

بالنسبة للتأمين

أمن على السيارة لكن بالدعامة , صدقني ما عندك أي مشكلة ومستحيل ترفض الشركة لأنك عميل جديد وبتدفع !

أعتقد اللي صار مع خوينا You Like Me أنه راح وأمن على السيارة فقط وبعدها ركب الدعامة , أو الموظف المندوب أمن على السيارة

من غير ما يشوف السيارة أو يسجل الدعامة في العقد وهذا خطأ صاحب السيارة !

شركة التأمين طبعاً ذكية استغلت النقطة هذي لصالحها ولقت لها مخرج وتهربت من الدفع كالعادة .

بالنسبة للضرر اللي راح تسببه الدعامة للطرف الآخر ( السيارة اللي أمامك )

هو نفس الضرر اللي راح يلحق بسيارتك في حال الاصطدام لا قدر الله بدون الدعامة

تصلح سيارة وحدة أفضل من أنك تصلح سيارتين !

أخيراً أحب أقولك لا تفكر بموضوع الحوادث وأثرها وتفائل بالخير تجده

لا ينطبق عليك المثل ( جهّز العصابة قبل الفلعه ) :p

تحياتي لك



صدقت يالغالي وكلامك جدا منطقي :good:

وفعلا اذكر مثل يقول (تنتف قبل تصيد !)

والله يعطيك العافية على الافادة

[PATHFINDER 4]

مفيده لاصار اللي قدامك يكلم جوال وتقل يمشي على بيض :)

ومفيده ايضاً لدف المتعطلين بأماكن خطره او امطار

والتأمين عندنا معروف بالمماطله واختلاق الاعذار للتهرب من الدفع



هههههههه فعلا من هالناحية ماتخاف على موترك

وبالنسبة للتأمين اللي اعرف التعاونية هم افضل الموجودين واعرف كم واحد في سيول الرياض الاخيرة الشيكات جاهزة على طول استلموها

[PATHFINDER 4]

انا مركب دعامية نيكل على اللاند لكني ماني مرتاح لها اي دقة خفيفه ترجع على الكبوت وعفطت علي الكبوت كم مره .
وإذا كنت تقصد دعامية العدة
شفت موضوع قديم لاحد الاعضاء مركبها بسيارته وصار عليه حادث بسيط واعدمت عليه الوجه كامل
لكن المشكلة ان صور الموضوع راحت من المركز
هذا الموضوع :
http://www.mekshat.com/vb/showthread.php?t=82514

أشوف الافضل يادعامة arb الاستراليه صدام صب
أو مثل دعامات المرور
وإن شاء الله ان تيسرت الامور ركبت وحده منها .

http://www.oramagazine.com/images/0410-oct/041001t-body-armor/02article04.jpg http://image.automotive.com/f/images/9760769+pheader/0607or_01_z+50_years_toyota_land_cruiser_trail+ext erior_front_view.jpg



الله يعوضك خير وشاكر لك افادتك يالغالي

[alcobra2000]

بالتوفيق اخوي

[PATHFINDER 4]

^^^

الله يجزاك خير يالغالي

[MKF500]

مشالله ٠٠٠٠٠٠