استفسار ياأخوان عن الدخول في منظمة التجاره العالمي

[غالي]

السلام عليكم


اليوم كنت بالوكاله :mad: (معليش مرتفع ضغطي منهم ):D


المهم اسولف انا وموظف سعودي عندهم


قمت اسولف اقول خدمتكم كل يوم اردى من اليوم الثاني منتم مثل اول عقب ماراح الموظف السعودي فلان وجاء بمكانه هندي وراح مديركم الالماني وجاء بمكانه لبناني :( وشكلكم بتحلقون السيف يوم انسحب منه الرانج روفر وبيسحبون منه قريبا جاكور (طبعا سحبهم منه السيارات لأمر آخر الله يستر علينا وعليه ويطلعه بالسلامه كان فيه خير)


المهم قالي الرجال الحمراني وكيل نيسان الآن نسمع ان قريب بتنسحب منه الوكاله


+


ان قريبا بيطبق نظام منظمة التجاره العالميه في المملكه أي ( بيصيرون موزعين مافيه وكلاء ):good2:



هل هذا الكلام عن المنظمه صحيح ؟؟ للي عنده خبر يبشرنا الله يبشره بالجنه


كلام الرجال اليوم الظهر والله شاهد سبحانه


تحيتي لكم جميعا :good:

[اسير الغضا]

ان كان من مصلحتنا جعله يصير ان شاء الله

تحياتي

[ملقاط بن جمر]

نقول إن شاء الله ..

قسم بالله يالوكلاء ياهم يلهطون من ظهور الشعب لهط ولا فيه حماية لهم ..

حسبي الله ونعم الوكيل فيهم ..

[غالي]

ان كان من مصلحتنا جعله يصير ان شاء الله

تحياتي


أكيد من مصلحتنا بيصير تنافس وتنزيل اسعار

مثال:

القطع الغيار مثلا في دول الخليج متفاوته بشكل ليس بكبير بعض الماركات ليش ؟

لان الوكلاء مختلفين


وطبعا بيلعب دور سعر الشركة الام والمصنع

مثلا القطعه سعرها واصله من المصنع مكلفتني 500 ريال لي مجال احدد مكسبي

فيه من بيبيع ب600 وفيه ب700 إلخ

لكن بيصير تنافس

انا عندي سياره المساعد حقها سعره هنا ب7400 تقريبا

في الكويت والبحرين تقريبا ب6300 الى 6600

+

اني كلمت الي في الكويت والبحرين الكل يطلب مني رقم الشاصي

ويقولون السياره سعوديه

قلت طيب ؟

قال فيه وكيل عندكم الظاهر بينهم اتفاقيات والله اعلم ((منيب متأكد من هالنقطه)) وهذا احدى عيوب الاحتكار والوكلاء

مثل الي يقولك ممنوع تشتري تويوتا من الوكاله بالامارات لانك سعودي ((وهذا قريته بالانترنت اكثر من مره))

لكن بإمكانك تشتري من معارضهم

وهذا كله بسبب الوكيل عندك تكون بينهم شروط

تحيتي لك

[غالي]

نقول إن شاء الله ..



قسم بالله يالوكلاء ياهم يلهطون من ظهور الشعب لهط ولا فيه حماية لهم ..



حسبي الله ونعم الوكيل فيهم ..



يارجال لو تدري عن الغبن الي انا فيه اليوم ان تجلدهم

ادخل موتري اصلح شيء فيه والقى شيء خربان ثاني اقولهم وشو هاللمبه ؟

يقولي الفلبيني هذا من اول انت جايبه كذا :mad:

اقسم بالله بغيت اسطره رفعوا ضغطي حسبي الله عليهم ونعم الوكيل الان بيجلس اكثر من اسبوع عندهم الله لايوفقهم

[ابوطاقية]

اذا كنت تتكلم عن غلاء السيارات فالخليج ارخص سيارات بالعالم
واذا كنت تتكلم عن غلاء قطع الغيار فاالاسعار متفاوته بشيء قليل حسب الشحن وبعد المسافه
واذا انت تتكلم عن سوء الوكلاء فامثل المثل الي يقول مالك الا خشمك ولو هو عوج

[غالي]

اذا كنت تتكلم عن غلاء السيارات فالخليج ارخص سيارات بالعالم
:eek: يعني افهم من كلامك الاستعمال الامريكي مثلا خسرانين فيه ربعنا جايبينها راحمينا الله يجزاهم خير + اللكزس مثلا ال 460 الخليجيه عام 2007 اصفار بالمعارض على 275 الف وفيها نظام الي توقف السياره بنفسها وابو جميل فوق 320 الف وشايل نظام توقف السياره من نفسها برضو خسرانين فيها ؟

(ترى اكلمك لان كانت معي وحده عام 2007 ومسعر وشايف السوق .. ماجبت هالكلام من راسي حتى اغلب اللكزس الخليجيه نازله عندنا اللون الاخضر))

واذا كنت تتكلم عن غلاء قطع الغيار فاالاسعار متفاوته بشيء قليل حسب الشحن وبعد المسافه

ماظنتي فيه بعد بيننا وبين البحرين الله يجزاك خير واذا القطعه الي احتجتها بس وذكرتها فوق فرقها عنا بالف ريال

واذا انت تتكلم عن سوء الوكلاء فامثل المثل الي يقول مالك الا خشمك ولو هو عوج

اتمنى تشوف بس الديار الي افقر منك في شرق اسيآ

البي ام يارجل تأمين شامل وضمان بالسنه مايقارب 2400 ريال !!!

وهذا مع واحد هناك اعرفه والعام كنت مسافر عنده



شاكر مرورك اخوي:good:

[volcano]

ياخوي لنا اكثر من عشر سنين واحنا نسمع بالتجارة العالمية لكن ربعنا ماقدروا ينفذون الشروط المطلوبة واللي من اهمها فك الاحتكار للسلع .

وطبعا التجار عندنا امراء او امراء مشاركين التجار فمستحيل يطبق عندنا لان معنى فك الاحتكار نزول الاسعار ومنافسة المواطن العادي للهوامير اللي ذكرتهم.

[غالي]

ياخوي لنا اكثر من عشر سنين واحنا نسمع بالتجارة العالمية لكن ربعنا ماقدروا ينفذون الشروط المطلوبة واللي من اهمها فك الاحتكار للسلع .

وطبعا التجار عندنا امراء او امراء مشاركين التجار فمستحيل يطبق عندنا لان معنى فك الاحتكار نزول الاسعار ومنافسة المواطن العادي للهوامير اللي ذكرتهم.

والله اني عارف ياخوك وعارف اننا نسمع منذو مبطي

لكن عقب كلام الرجال اليوم حبيت اتأكد قلت يمكن احد موظف ويعرف هالامور يأكدها هذا المقصد الله يحفظك

[You Like Me]

والله انا مثلك سمعت من شهر تقريباً
ان النيسان بيطلع من الحمراني وبيكون الناغي الوكيل بالسعودية مكانه
والله اعلم




+

ان قريبا بيطبق نظام منظمة التجاره العالميه في المملكه أي ( بيصيرون موزعين مافيه وكلاء ):good2:



الله كريم ونفتك من الحكر واكيد بيستفيد المستهلك
من الاسعار والتنافس بين الموزعين

[سرطوقا]

الله يجيب الخير وانا اخوك وتاخذ المساعد حق اللكزس بـ 500 ريال :)

ماتقدر تركب مساعد كامري على اللكزس ؟


أستهبل :p

الله يعينك وانا اخوك موترك بيجلس اسبوع مشكله الوكاله ، لو تبي موتري مايغلى عليك :)

لك مني اجمل تحيه

[غالي]

والله انا مثلك سمعت من شهر تقريباً

ان النيسان بيطلع من الحمراني وبيكون الناغي الوكيل بالسعودية مكانه
والله اعلم




الله كريم ونفتك من الحكر واكيد بيستفيد المستهلك
من الاسعار والتنافس بين الموزعين
[/CENTER]


ان شاء الله ربك يكتب الي فيه خير

وهذا واحدن منهم لعب على الشعب وجالس يضحك ((يوم طبت رجله ولعب على الدوله راح وراء القضبان)) اللهم لاشماته بس

[غالي]

الله يجيب الخير وانا اخوك وتاخذ المساعد حق اللكزس بـ 500 ريال :)

ماتقدر تركب مساعد كامري على اللكزس ؟


أستهبل :p

الله يعينك وانا اخوك موترك بيجلس اسبوع مشكله الوكاله ، لو تبي موتري مايغلى عليك :)

لك مني اجمل تحيه

شاكر مرورك الله يحفظك والسياره الي اقصد مساعدها مهيب اللكزس وانما سياره المانيه

منور طال عمرك وشاكر دعواتك الزينه لي وللجميع من الشعب المغلوب على امره من هالجشعين التجار لا عليهم رقيب ولا حسيب

هم من هنا والورش يتعلمون فينا ويسرقونا من هنا (انا لله وانا اليه راجعون)

[اسير الغضا]

أكيد من مصلحتنا بيصير تنافس وتنزيل اسعار

مثال:

القطع الغيار مثلا في دول الخليج متفاوته بشكل ليس بكبير بعض الماركات ليش ؟

لان الوكلاء مختلفين


وطبعا بيلعب دور سعر الشركة الام والمصنع

مثلا القطعه سعرها واصله من المصنع مكلفتني 500 ريال لي مجال احدد مكسبي

فيه من بيبيع ب600 وفيه ب700 إلخ

لكن بيصير تنافس

انا عندي سياره المساعد حقها سعره هنا ب7400 تقريبا

في الكويت والبحرين تقريبا ب6300 الى 6600

+

اني كلمت الي في الكويت والبحرين الكل يطلب مني رقم الشاصي

ويقولون السياره سعوديه

قلت طيب ؟

قال فيه وكيل عندكم الظاهر بينهم اتفاقيات والله اعلم ((منيب متأكد من هالنقطه)) وهذا احدى عيوب الاحتكار والوكلاء

مثل الي يقولك ممنوع تشتري تويوتا من الوكاله بالامارات لانك سعودي ((وهذا قريته بالانترنت اكثر من مره))

لكن بإمكانك تشتري من معارضهم

وهذا كله بسبب الوكيل عندك تكون بينهم شروط

تحيتي لك
رح لمحلات قطع الغيار لاتروح للوكيل او اذا تعرف احد بنفس الديره معه نفس موترك ودبره منا ولا منا مادام الفرق واجد