المساعد الشخصي الرقمي

مشاهدة النسخة كاملة : عأجـــــــــل (رأيكم في تركيب كفرات رمليه (بالون) للـــــ VXR 2007)


أبو فيصل
15/10/2010, 01:15 AM
السلام عليكم و رحمة الله و بركاته

أرجو أن تبدو رأيكم في تركيب كفرات رمليه (بالون) للـــــ VXR 2007

أبي أركب له كفرات رمليه (بالون) جدد

هل أفضل أركب جنوط هلل و كفرات رمليه 16 أنش
ولاّ أشيل كفرات شد بلده وأركب كفرات رمليه (بالون) على جنطه الـــ 17 أنش

طبعآ أحتاج ذكر الأيجابيات و السلبيات حتى آخذ قرار سريع مثل الرجه و الحكه في الرفرف أو الصوت على سرعات عاليه .... الخ

ويفضل تحديد نوع الجنط و حجمه و كذلك نوع الكفر و حجمه

جزاكم الله خير
ابوصالح77
15/10/2010, 02:22 AM
عليكم السلام
من رأيي أنه يكون عندك طقمين مع جنوطهن .
إحرص إنك تشري جنوط هلل أصليات لأن التجاري غالباً يرج
ومقاس الـ 16 ميزة إنه متوفر بأنواع عدة إضافة إلى سعره المناسب في بعض الأنواع كالماكسس .
أبو فيصل
15/10/2010, 02:45 AM
عليكم السلام
من رأيي أنه يكون عندك طقمين مع جنوطهن .
إحرص إنك تشري جنوط هلل أصليات لأن التجاري غالباً يرج
ومقاس الـ 16 ميزة إنه متوفر بأنواع عدة إضافة إلى سعره المناسب في بعض الأنواع كالماكسس .

بيض الله وجهك رأي معتبر الاّ اذا فيه أفضل منه ولا زلنا نطلب الرأي
عاشق الفكسار
15/10/2010, 03:14 AM
انا معي مثل موترك
وركبت عليه جنوط هلل أصلي وبوالين و أول ما ركبتها تغير علي الموتر يعني تغيرت اللفه تغيرت الرساوة( تغيرت صرفية البنزين للأفضل ) وعقبها ارتحت مع البالون (يعني اذا ركبت بالون بيتغير عليك الموتر لايضيق صدرك)
ويوم دخل الصيف رجعت جنوط البلد وكفرات الدنلوب وكرهت الموتر بصراحه فرق الرااحة
عاشق الفكسار
15/10/2010, 03:44 AM
هذي بعض الردود أتمنى تفيدك


اكلمك عن تجربه وعشره عمر مع البالون وللعلم الجيب ماعمري شفت احلا منه

اللي يقول انه يزلق مع الماء شي طبيعي اول ماتوطا الماء يزالق شوي معك مثله مثل اي كفر ثاني بس خله يتشرب الماء وتشوف

اذكر مره كانت تمطر بقوه بالرياض وكنت ابي اطلع اتمشى والعيال يقولون لي لا اركب معنا موترك عليه بوالين الحين تصدم احد ولا شي

المهم قلت لهم بطلع على موتري وانتم على مواتركم والله يشهد علي انه اول مالمس الماء بهدوء مشيت عليه لين تشرب الماء وعقبها

ماشفت منه الا العافيه .. والدليل على كلامي مره كنت مسافر للشرقيه وكانت تمطر بالخط والله اني طول الطريق مانزلت عن ال 160

لحد مادخلت الخبر .. البالون يحتاج خبره واحتراف وتعود .. مو تسوقه اول مره وتحكم عليه




شف انا لي تجربة مع البالون ماكسس الشتاء اللي راح
كنت متردد وجربته من واحد من الربع وجازلي وركبته على اللاند
العيوب اللي بهذلتني انها في الفرامل تستهلك الفحمات
واذا كان الكفر جديد اول 5الاف كيلو بتتعب في العفطه اذا طولت في الوقوف مثل انك تجي من مشوار طويل وتوقفه بالبيت واذا قمت الصبح ومشيت تصير فيه زي العفطه تمشي كيلوين ثلاثة وتروح

أما الرجة فنصيحة لا تركبها على جنوط صينية ولاتشوف الرجة ابدد لكن في الخطوط والهبايب يقعد يلعبك الموتر يبيلك تتعود عليها بس

بصراحة البالون كفر ممتاااااز
على فكره يوم دخل الصيف رجعت كفراتي العادية وكرهتها عقب البالون غدا الموتر قاسي بعتها ورجعت البالون
كاشخ999
15/10/2010, 03:54 AM
سمعت ان لها اضرار ميكانيكيه على السياره وكذلك ماهي زينه بالمطر على الازفلت تزلق وممكن يفيدونا الاخوان الى لهم خبره بالميكانيكا
كراع الذيب
15/10/2010, 04:49 AM
بسم الله الرحمن الرحيم

السلام عليكم ورحمه الله وبركاته

انا عندي بعض النقاط ..

النقطه الاولى .. ( كيفيه استخدامها )

استخدامها جميل جداًً خصوصا الرساوه بس فيه مشكله اذا مشيت على الزفلت على السيد الايمن ( مسار التريلات )

بيغثك خصوصا اذا كان محفر لانه يمشي على المسار تلف يسار يرجع للمسار يعني كانك ماسك ردميه

وفيها مشكله ثانيه .. اللي هي اذا ضربت بريك( وسط ) تسمع صوت الكفرات

النقطه الثانيه ..( الشكل )

اذا كان موترك سبير علاق تعطي شكل خرافي خصوصاً اذا كانت ( تسعه غاط ) يطلع الموتر ( سكبه )

اما اما على خلفيه اللكزز انصحك اذا ركبتها تشيل الجناح يزبط شكله (وجه نظر )

تحياتي .. الله يطعمك خير الموتر ويكفيك شره

كراع الذيب
أبو فيصل
15/10/2010, 08:01 PM
جزاكم الله خير و بيض الله وجيه الجميع

خلاص نبي هلحين المحل اللي يبيع الهلل الأصلي 16 أنش حول الخبر في الشرقيه

أما الكفرات فيمدحون نوعيه في قطر فقط ولا أعرف أسمها وهي أفضل من اللي بالسوق كله. أذكر بالون قديم أسمه تويو في الثمانينات لكن الظاهر أنقطع

وش رايكم في كفرات يحبونها الأجانب وهي غاليه (الظاهر يسمونها أبو لبنه !!)
حر ملهم
15/10/2010, 08:43 PM
بيض الله وجهك