برقع لليوكن

[الكهربجي]

يا اخوان انا اشتريت سيارة يوكن 2010 SLE لونها رمادي
الله يعطيني من خيرها ويكفيني شرها وكل من يقرء
وانا رجال راعي خطوط واخاف ان وجة السيارة والانوار تشهب
فانا ودي اركب برقع مناسب للسيارة وغير مشوه لها فما احسن محل لبيعه وكم سعرة ؟؟

والف شكر لكم

[ولد الدواسر]

خذ لفه بالغرابي اكيد بتلقى الي تبيه والله يعطيك من خيره ويكفيك شره ,,

[الكهربجي]

خذ لفه بالغرابي اكيد بتلقى الي تبيه والله يعطيك من خيره ويكفيك شره ,,

مشكور
لكن انا ابي احد جرب

[aboeyade]

أنا مجرب البرقع على التاهو

ركبته مرتين أو ثلاث وبعدين ما ركبته أبد

شغله فك وتركيب وبعدين يعدمك لك اللحية اللي تحت والبلاستيك اللي فوق الكفرات (بالمشكبيات والمسامير)

وإذا فصلته وسافرت عليه لازم تحشي الفراغ اللي يطلع بين البرقع والرفرف الجانبي(بقطعة إسفنج) لأني سافرت وصار يضرب بالرفرف لحد ما خلى أثر بالبويه

[الكهربجي]

أنا مجرب البرقع على التاهو

ركبته مرتين أو ثلاث وبعدين ما ركبته أبد

شغله فك وتركيب وبعدين يعدمك لك اللحية اللي تحت والبلاستيك اللي فوق الكفرات (بالمشكبيات والمسامير)

وإذا فصلته وسافرت عليه لازم تحشي الفراغ اللي يطلع بين البرقع والرفرف الجانبي(بقطعة إسفنج) لأني سافرت وصار يضرب بالرفرف لحد ما خلى أثر بالبويه

بارك الله فيك
هل من تجارب اخرى ؟؟
ومالبديل؟؟

[عاشق وادي الدواسر]

يا اخوان انا اشتريت سيارة يوكن 2010 SLE لونها رمادي

الله يعطيني من خيرها ويكفيني شرها وكل من يقرء
وانا رجال راعي خطوط واخاف ان وجة السيارة والانوار تشهب
فانا ودي اركب برقع مناسب للسيارة وغير مشوه لها فما احسن محل لبيعه وكم سعرة ؟؟


والف شكر لكم



اولا الله يعطيك خيرها ويكفيك شرها يارب ويجعلها عون لك على الطاعه


الشي الثاني خذ كلام ثقه انحش من البرقع زي ماتنحاش من اللي فيه انفلونزا خنازير :D


الشي الثالث انا جربت البرقع ولعب في موتري ولايفي بالغرض ويسبب حراره والمكيف مايبرد انا انصحك بطريقه انا سويتها تقريبا من 3 شهور وارتحت رحت للغرابي وقلت لهم يركبون حمايه للوجهيه ب 300 لأن موتري صغير ركبت حمايه شفافه على الصدام والرفارف ونص الكبوت والمرايتين والعوارض اللي جنبها هديه فوق البيعه

المحل شغله نضيف وتقدر تشوف اي شخص عنده يركب وتنتظر لما يخلص منه وتشوف الشكل النهائي

اسمه الظاهر دار الفنون او الفنون اسأل عنه وبيعلمونك


اتمنى اني افدتك

[ريان2002]

الله يعطيك خيرها ويكفيك شرها وألف مبروك
وأنا أستشفيت من كلامك إنا ماترغب في التغبيره
وأنا اؤيد كلام أخوي عاشق وادي الدواسر في تركيب عازل شفاف للوجه كامل مع المرايات والكبوت كامل أفضل
ولاتنسى القزاز الأمامي ضروري تسويله لأني أرى إنه أهم من وجه الموتر
ونصيحتي لك ركب من الأنواع ذات الجودة الجيدة ولو كان غالي لأنه لك وللزمن ولو كنت أعرف محل متخصص بهالأمور ماقصرت معك ولكن باقي الأخوان فيهم الخير ومايقصرون

[خ ع ب 510]

شف العليان اللي بطريق خريص قبل الجميح على يمين
انا مجرب شغلهم ممتاز ومضمون يركبون لك حماية شفافة

[الكهربجي]

مشكورين يا اخوان
بس عيب الحماية الشفاف انة يصير لون السيارة لونيين لون مشهب اللي هو ماعلية حماية ولون يلمع من النظافة اللي علية حماية
والا انا غلطان ؟؟

[عاشق وادي الدواسر]

لا بالله انت لون موترك غآمق مايبين فيه زي لون موتري ابيض بس سؤال هل ازين لك تركب برقع يشوه وجه والموتر ولا شي شفاف ولو تغير لونه او تقشر على طول يغيرونه ولو موتري حولي كان صورت لك الوجهيه

[أبوصقر]

شف وأنا أخوك..ركب عازل شفاف من زيبارت..حامي للوجهية ولايخرب لون البوية..وعيلة ضمان..ك وللزمن..ورح لم الوكالة يمكن عندهم..لأن عبداللطيف جميل عنده..وزيبارت موب شين..

[beerh]

خذ العلم من راعي خطوط سابق

شهبت وجية اللكزس من كثر الخطوط

الحل بسيط وثابت ولا يشوه الموتر ولا يحتاج فك ولا تركيب وسعره فيه وعليه ضمان 5 سنوات

فيه عازل شفاف يتركب على المواتر كامل او جزئي للخطوط

الجزئي عباره عن الوجهيه ونص الكبوت والمرايات والرفارف الامامية والخلفية وحواف القزار الامامي

المحلات الي تركبه كثيره مره (ابعد عن الغرابي شغل اي كلام ) ونوعية تعبانه

عند محلات زي بارت , ومحلات تلميع السيارات المشهورة مثل الليزر وغيرها

وفيه ناس مسويه عليها عروض في موقع مستعمل واسعار خاصه والردود تمدهم بالحيل

اتمى افدتك وصدقني سعره فيه خصوصا موترك جديد راح يحافظ عليه ما راح يشهب ولا راح يرمل خصوصا الشمعات اي تراب بسيط او عج مع سرعه ودع الشمعات

بالتوفيق ويشهد الله ما نصحتك فيه مثل ما احب لنفسي


اخوكم

[الكهربجي]

بارك الله فيك
لكن وين زيبارت في الرياض ؟؟

[الكهربجي]

للرفع للرفع

[beerh]

زي بارت يا طويل العمر في الرياض له عدة فروع الي اعرفهم 2

واحد على طريق خريص جنب مسشفى الحبيب وجنب العليان للسيارت وجنب جرير في حي الريان واضح جدا

الثاني تقاطع طريق الامام (مخرج 9 ) مع طريق الملك عبد العزيز وانت متجه غرب (طبعا امسك الخدمه وبعد اشارة الكوبري تلقاهم )

وفيه غير زيبارت فيه العليان مثلا ومحلات التلميع مثل الليزر

اتمنى لك التوفيق

[الساعدي مكشات]

الحمايه لازم اصلي او الالماني العادي ابو 300 يكفي
وكم سعر زيبارت نص الكبوت والوجهييه
سياره يوكن
وكم ساعه التركيب