وينكم يهل الخبرة,, سوبربان نظيف جدا مع مواصفات ممتازه ,, افكر ببيعه كم يسوى لاهنتو ؟؟

[سديرآوي]

سلام عليكم ورحمة الله وبركاته ,,

مساكم الله بالخير يالربع ,,

ياجماعة عندي سوبربان شفر وافكر ابيعه لانني بشتري سيارة اصغر ,,

وودي اعرف كم قيمته وكم يسوى خاصة ان مالي خبره بالاسعار ,,

ياليت اي واحد يدخل وعنده خبره باسعار هالسيارات يسوم وبدعيله ان شاء الله :) ,,

وللعلم انا شريته من المعرض قبل 3 سنوات والحمد لله ماشكيت منه ,,

امريكي بس استخدام نظيف ,,

المواصفات :

سوبربان شيفروليه LT موديل 2003 ,,

لونه ابيض فل كامل ,,

وماشي 175 ألف تقريبا ,,

وولله الحمد مافيه اي رش او صدمات او خدوش ,,

تحكم ازرار بالمرايات ,,

ومسجل 6 سيديات + شاشه تلفزيون DVD ,,

وتحكم ازرار بالمراتب وفيه 3 ازرار للمرتبة ووضعياتها وهذا نادر جدا مايجي بالسيارات

+ سخانات مراتب + والمراتب جلد + كفرات جديده مالها الا شهر ,,

والموتر ولله الحمد نظيف وممتاز لكنه كبير وانا ودي بسيارة اصغر ,,

اتمنى منكم تعطوني سعره وكم يسوى يا اخوان باسرع وقت ؟؟

والله يوفقكم ويجزاكم الف خير ,,

[نشمي2]

مرحبا اخوي هل هو دبل 4*4وين مكانك واسوم 38000 ريال واذا ممكن صور

[سديرآوي]

حياك الله اخ نشمي2 ,,
هو فيه دبل والازرار موجوده ,, لكن والله مايشتغل ,, ومدري وشفيه ,,
ووالله مافحصته ولا وديته لورشات او الوكاله لانني ما احتاج الدبل ولا اطلع فيه للبر ,,

بس اللهم مرة وحده وديته لورشه بالرياض وقعد يتفلسف علي :D ,,

وانا ما رتحت للعامل وخفت يحوس الموتر ولا يخربه وخليته لاني ماحتاج الدبل ,,

[سديرآوي]

والله ماعندي صور للموتر لكن وجدت صورة بالانترنت ,,
والموتر طبق الاصل لما فيه الصورة تمااااما بنسبة 90%
نفس الجنوط وكل شي بس مافيه فتحة سقف :

http://www10.0zz0.com/2010/10/16/18/552877641.jpg (http://www.0zz0.com)

[سديرآوي]

للرفع رفع الله مقداركم ,,

وحبيت أسأل ,,

واحد من الشباب سألني كم قوة مكينة الموتر ,,

وانا والله مدري هي كم لانه ماهو مكتوب عالسيارة ,,

ماتدرون كم قوة مكينة السوبربان LT موديل 2003 ؟؟؟

[راع العوجاء]

اخوي سديراوي

بالنسبة لحجم المكينة 5.3 أو 4.8 وتحصلها مكتوبه على قربه الهواء يسار الكبوت وبالغالب راح تكون 5.3 لأنها مواصفات أمريكية لكن التأكد زين
أما بالنسبة للدبل قد يكون محتاج إعادة برمجة أو حساس دبل ( 300 - 500 ريال ) لكن تفرق في البيع لأن هذا وقت السيارات هذي
وللمعلوميه مواصفات سيارتك فل كامل LT وقد يعيبها لونها الأبيض

أسأل الله العلي القدير أن يرزقك البيعة التي ترضيك

أخوك
أبو سعد




.

[سديرآوي]

اخوي سديراوي

بالنسبة لحجم المكينة 5.3 أو 4.8 وتحصلها مكتوبه على قربه الهواء يسار الكبوت وبالغالب راح تكون 5.3 لأنها مواصفات أمريكية لكن التأكد زين
أما بالنسبة للدبل قد يكون محتاج إعادة برمجة أو حساس دبل ( 300 - 500 ريال ) لكن تفرق في البيع لأن هذا وقت السيارات هذي
وللمعلوميه مواصفات سيارتك فل كامل LT وقد يعيبها لونها الأبيض

أسأل الله العلي القدير أن يرزقك البيعة التي ترضيك

أخوك
أبو سعد




.

جزااااااك الله الف الف الف خير يبو سعد ,,

ماقصرت والله رد كافي ووافي الله يحفظك ويثيبك ,,

وبخصوص الحساسات نفس كلام واحد من الربع وباذن الله بوديها للورشه لافضيت

واشوف الخلل واصلحه ,,

واكرر شكري الجزيل لك اخي الكريم ابو سعد:D ,,