قررت بأذن الله شراء باثفاندر2011

[بروفيسور2007]

بسم الله الرحمن الرحيم


قررت يااخواني الكرام شراء باثفاندر2011 موب الفل كامل اللي اقل منه واليوم رحت للوكاله بالنسيم وقالو لي مانزلت بتنزل بعد شهر ان شاء الله ويقولون شكلها ماتغير وانا سمعت انه بيجي فيها 8سلندر هل الكلام هذا صحيح؟ لأن الوكاله انفسهم مايدرون:mad:
واحتاج رأيكم وش رأيكم بالسياره عموما للمدينه والبر :lr
وانا للاسف مااملك سعرها كاش واباخذها تقسيط هل هو افضل من التأجير المنتهي بالتمليك؟؟ واذا افضل التقسيط من وين اقسط السياره من احد البنوك او من الوكاله نفسها افضل ساعدوني ياخوان برأيكم تراني محتاج لشوركم وتشجيعكم
واللي عنده الباثفندر الجيل الجديد يعطينا رأيه بكل صراحه ويذكر عيوبها اذا بها عيوب
ولكم جزيل الشكر مسبقا

[بروفيسور2007]

اكثر من عشر مشاهدات ولا رد واحد وينكم يااخوان؟

[عود رمثه]

والله يالغالي معي باثفندر 2003 لو ابيعة ما شريت غير باثفندر والا فتك

[ن م ر]

هذا الرابط تجد فيه ضالتك بإذن الله :

رابطة ملاك باثفاندر الجيل الجديد (http://www.mekshat.com/vb/showthread.php?t=225736) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=225736) 2 (http://www.mekshat.com/vb/showthread.php?t=225736&page=2) 3 (http://www.mekshat.com/vb/showthread.php?t=225736&page=3) 4 (http://www.mekshat.com/vb/showthread.php?t=225736&page=4) 5 (http://www.mekshat.com/vb/showthread.php?t=225736&page=5) ... الصفحة الأخيرة (http://www.mekshat.com/vb/showthread.php?t=225736&page=29))

[S4500]

اخوي مبروك مقدما لسيارة

نصيحة مني لا تفكر انك تشتري سيارة بالايجار منتهي بالتمليك لانك بتدفع دفعة اولا

وسيارة بتكون باسم الوكالة و اذا صارلك حادث لا سمح الله يسحبون منك سيارة و تروح عليك المبلغ

ايام استخدامك لسيارة فنصيحة خذلك قرض من البنك


للمعلومية الوكالة تاخذ فوائد % 9 اما البنوك تقريبا 3 الى 3.90

اتمنى اني افدتك

[بدوي جنوبي]

التقسيط افضل
من التاجير

والسياره ممتازه للمدينه والبر للطلعات الخفيفه


بالتوفيق

[ابومحيميد]

خذ قرض واشتر كاش افضل لك وايسر بالفايدة البنكية

[الربذي]

مبروك مقدما الافضل تاخذ من البنك قرض لان فايدة الشركة كبيرة اذكر على باث 2009 فايدهم 42الف والبنك 23 على اربع سنوات لان عندهم تامين

[بندر محمد]

نصيحة لوجه الله لا تقرب الباث فندر انا معي 2007 وصيانة دورية في الوكالة اقل مايأخذون 1500 ريال واحيانا 4000 مع ذلك طلع صوت في المكينة والمساعدات الأمامية دائما تخرب الواحد ب 600 ريال مايصلح تحملة علية عفش واجد يضرب بالأرض الييايات لينة جدا بعض القطع غير متوفرة واخيرا ضربت مكينتة وهو مامشى 160 الف ورحت غيرتها من التشليح ب 13000 وش تبى اكثر من كذا ومفاتيح القزاز كل سنه تغير حق السواق اذا لك في النيسان خذ باترول ارحم بواجد او حول على التويوتا كل ذلك من باب لأ يؤمن احدكم حتى يحب لأخية مايحب لنفسة وشكرا .

[مغلي]

^
^
^
الباث لما كان ياباني ... كان 100%
.
.
اما الان امريكي 100% ... حرام يقال انه باثفايندر

[uaest]

اتوكل على الله و اشتريها

و نصيحة مجرب السيارة ما يحتاج لها صيانة ابد

فقط زيوت و بترول

ولا توديها لا وكالة للصيانة ولا غير السيارة ما تحتاج ولا تشتكي

كان عندي 2006 مشيتها اكثر من 200 الف كيلو

شوارع و سفر

و طعوس و جبال و وديان

حتا مشيتها على ماي البحر

تحياتي

[ابوطاقية]

كم قيمته الجديد؟

[الشامه]

السلام عليكم

الله يوفقك بالموتر الي يسعدك

بس قبل ما تشتري انضر الى مسئلة الاجار المنتهي بالتمليك هل هو جائزاو غير جائز

اما عن الموتر فائنت الحكم ان كانك راعي كشتات ومعنا ورجلك حاره اتوقع انه مايصلح

اما ان كنت محافض ورجلك بارده فتوكل على الله

والسلام عليكم ورحمة الله وبركاته

[الباشاء]

بصراحه الباث فايندر سياراه لاكن لو تفكر بالبرادو تراه احسن منه بكثير لا في البر ولا في المدينة .. وجهة نظر لا تزعل ..

[جون الشمالي]

مبررروك مقدما

[SIF]

نصيحة أخوية

عز الله ماشريت موتر بر

نعم طريق نعم
أما بر فلا الباثقندر أنتهى عام 2005
إلي بعده ماش مثل الأرمادا

[سرطوقا]

موووفق يالغالي

[بروفيسور2007]

اشكركم اخواني على التفاعل الممتاز ولكن الى الآن لم أجد الاجابة الشافيه لكل تساؤلاتي ارجو منكم اسداء النصيحه بانتظاركم

[بدوي جنوبي]

اتوكل على الله و اشتريها

و نصيحة مجرب السيارة ما يحتاج لها صيانة ابد

فقط زيوت و بترول

ولا توديها لا وكالة للصيانة ولا غير السيارة ما تحتاج ولا تشتكي

كان عندي 2006 مشيتها اكثر من 200 الف كيلو

شوارع و سفر

و طعوس و جبال و وديان

حتا مشيتها على ماي البحر

تحياتي

صحيح كلامك السياره ما تحتاج صيانه دوريه
اخوى معاه 2006 وما عنده اى مشكله مع السياره الى الان
حتى الصيانه اذكر مره واحده فى الوكاله اول ما طلع السياره

اذا عجبتك السياره توكل على الله

[مقلع الرمث]

نصحيه نصحيه مجرب لا يقربك

عندي اقتراح افضل

عليك بالباترول فقط

[مواسي الطعوس]

صحيح كلامك السياره ما تحتاج صيانه دوريه
اخوى معاه 2006 وما عنده اى مشكله مع السياره الى الان
حتى الصيانه اذكر مره واحده فى الوكاله اول ما طلع السياره

اذا عجبتك السياره توكل على الله
*********************************



السياره من افضل السيارات الموجوده في السوق الان .واللي يسب السياره ماعنده سالفه ابد ....*
** اللي يقول اروح للوكاله معنا 4 سيارات ولاعمرنا رحنا للوكاله ابد الا عند 1000 كيلو فقط . وماطلبت قطع ابد . ....وقطعه رخيصه مقارنه مع الباث القديم .

** والسيارات ال 4 ثلاثه منها غيرنا الياي الخلفي الى استرالي ....والرابع غيرنا الامامي والخلفي مع قص الياي الامامي لفه واحده ....وطلع من ابدع مايكون للبر ...واقول اللي يبغاه للبر ضروري يغير الياي الامامي والخلفي واللي ماغيرهم لم يسوق الباث الجديد .
** الموتر شد بلد يصلح للخط فقط ومايصير معه عفش واجد ....اما راعي العفش لازم يغير الخلفي فقط . وراعي البر لازم يغيرهم كلهم ...ويطلع من افضل سيارات البر ...انا سقت السفاري 97م و2003 و2005م والتويوتا 94م و97م و98م فكسار . والباث الاول والجديد والاكستيرا ....والبرادو 2006م من ارساها في البر والخط. وانشطها مع الاكستيرا.

** من مواصفاته : المرتبه الثالثه مايحتاج تفكها اذ سفطتها تكون متساويه مع البدي.
** اقتصادي مع صغر تانكي البنزين .

** نشاط لدرجه كبيره ....ادحل على موقع تطعيس وشف قوماته او اطلبها من اليوتوب.
** قطع غياره رخيصه مقارنه مع ال 2005م وتحت .

** لم يشتكي منه ملاكه ابد خاصه من غير الياي الى استرالي . رغم ان الوكاله ماتغير زيت القير بس تزيده ومنه سيارات مشت الى اكثر من 200 الف .والصحيح تغييرها كل 100 الف كم .
**اللي يرغب الشراء اذكر موديل 2010م مخلص بعد العرض على سيارات نيسان . وتقدر تشتري الباث بالتقسيط بسعر الكاش ....ومن الطرق انك تدفع 29000 الف وكل شهر 1300 ريال لمدة 3 سنوات والباقي دفعه اخيره يطلع ب 125 الف مايزيد عليك الا تامين 3 سنوات .

** المعلومات كثيره لكن نترك الكلام في الردود القادمه .

[بروفيسور2007]

ماقصرتو والله ياشباب كلكم
بس ننتظر باقي الاخوان اللي جربو الموديلات الاخيره

[ابن عكاش]

الله يعينك ويسر امرك والله بتحتار في مكشات
كل نفس ومشتهت
حاول تشوف لك واحد معه الباث الجديد وتسأله من الراس ولا من القرطاس

[الماضي الدفين]

نصيحة مـُـحب

اولاً
يجب التفكير جدياً في البرادو خصوصا ان الأسعار متقاربه لكن البرادو اغلى
والبرادو مرغوب اكثر من الباثفيندر في البيع والشراء

والباثفيندر جيد لكني افضل البرادو


ثانياً
انصحك بالتوجه إلى مصرف الإنماء فلديه عروض ممتازه في القروض الشخصية وهو أقل نسبة فائدة من البنوك الأخرى


ثالثاً
انصحك بالابتعاد نهائياً عن نظام التأجير المنتهي بالتمليك


رابعاً
اتمنى لك كل التوفيق

[ويلومني]

السلام عليكم
أخوي أنا معي باث 2006 كان معي باث 2003 وأنا راعي خطوط بس فيه فرق كبير بينه وبين الأول فرق بالرساوة والراحه والنشاط
مايعيبه صغر التانكي والموتر يطيح من الخلف بعد التحميل وهو من الأصل غير مرتفع من الخلف بس مثل ماقال أحدى الأخوه ركب يايات خلفيه وأماميه وترتاح وقطع غياره تقريبا زي الشكل القديم وهاللحين المواتر بعضها أردى من الصناعه الأمريكيه أندونيسي وب109 هذا على الأقل
وأنت أكيد شايف مواصفات ال2010 تقارن بالبرادو اللي مثل مواصفاته ماأتوقع لأنه معجبيني شكله الداخلي والمواصفات الموجوده فيه
بس الناس تركز على البيع
فيه رابطه يفيدونك أكثر منيhttp://www.assayyarat.com/forums/thread133936.html
والله يختارلك الخيره المباركه ويرزقك الرزق الوسيع موفق بإذن الله

[بروفيسور2007]

ماقصرتو والله يااخوان والله يجعل كل من رد علي ونصحني ان تحرم وجهه ووالدينا ووالديه عن النار وان يجعل الجنة مثواه اللهم آمين

[بروتون]

اخوي الباث الجديد حسب كلام الوكاله اقوى ب90 في المية واخف ب20 في الميه
السياره 291 حصان يعني نفس المكسيما الجديده والارقام هذي تغير عادات الي يسوق وانت اذا ماتمسك اعصابك شف التيوتا راف فور او برادو او جي اكس ار وللعلم كلهم الباثفايندر يقوم عليهم واسعار هم حول بعض ماعدا الراففور والتيوتا سعرها بعد البيع افضل بحكم عزمها ضعيف يعني ماتهربد مايغيرها قوة العزم زي النيسان وكل شي له ضريبه
وانا استغرب من الي يقول السياره انتهت عام 2005 ايش الفرق اربع كفرات زاد عزمهم 90 في الميه وخف الوزن 20 في الميه وين الاشكال يعني الفريول؟ نفس الكلام تقولونه على الاكستيرا والله عجايب
يا اخوي والله قبل اشتري باثفايندر الجديده يقولون فيه تراكشن فاشل في الطعوس يمسك الموتر ومن الكلام هذا وبعد ماشريت الموتر اكتشفت ان مافيه تراكشن بالاساس
والي يقول الباثفايندر انتهى اقول صحيح مسامير الثلاجة انتهت مشكلتها عام 2005

[N-xterra]

^
^
^
الباث لما كان ياباني ... كان 100%
.
.
اما الان امريكي 100% ... حرام يقال انه باثفايندر


معليش أخوي بس الجديد أفضل محركات وأرخص قطع غيار وأقوى وأرسى ومايحتر مع التطعيس ومكيفين و 3 مراتب ومواصفات أعلى بكثير

الحمد لله انه صار أمريكي جودة عاليه ولا حوسة مكينة القديم حرارة ونقص زيت وقطع غاليه

تحياتي لك

[N-xterra]

نصيحة مـُـحب

اولاً
يجب التفكير جدياً في البرادو خصوصا ان الأسعار متقاربه لكن البرادو اغلى
والبرادو مرغوب اكثر من الباثفيندر في البيع والشراء

والباثفيندر جيد لكني افضل البرادو


ثانياً
انصحك بالتوجه إلى مصرف الإنماء فلديه عروض ممتازه في القروض الشخصية وهو أقل نسبة فائدة من البنوك الأخرى


ثالثاً
انصحك بالابتعاد نهائياً عن نظام التأجير المنتهي بالتمليك


رابعاً
اتمنى لك كل التوفيق

من ناحية الرغبة كل السيارتين يتنافسون الناس لإقتنائها والباث يتفوق على البرادو بسرعة البيع لأن سعره أقل

أما من ناحية انه تويوتا يمسك سعره فهاذي قديمة وأنا أخوك ياريت تحسب بكم تشتريه وبكم تبيعة وكم خسرت وقتها تعرف الفرق!!!

البرادو غاااااالي جدا ولما تبيع أكيد راح يجيب لك فلوس أكثر من الباث لكن كم طاح فيه فلوس راح تحصلها أكثر من الباث بكثير

تحياتي

[ابو محمد1991]

انا مجرب الموتر ولا زال معي من 2008 وسقت الباث القديم فرررررررررق صراحه الموتر راسي جدا على الخطوط كنه جمس وقوي جددددا في البر ولا يهمونك الي ما جربوه يتكلمون نظريا وليس تطبيقيا
انا مجربه وانا اقولك روح خذه الله يوفقك ويبارك لك فيه وبالنسبه للعيوب عيبه الوحيد صغر التانكي وانخفاضه اذا كنت راعي بر اما اذا كنت راعي خطوط فهو جدا راسي وخفيف شوي يلعب به الهوا القوي موب زي الجمس الجمس اثقل شوي ولكن هذي ضريبة العزم ^_^

[ولد عبدالرحمن]

بسم الله الرحمن الرحيم

اخي الكريم اولا بالنسبه لموضوع المنتهي بالتمليك ما انصحك وانصحك بالقرض افضل , واما للسياره الحقيقه انا من معجبي الباثفيندر القديم =الشكل القديم افضل بكثير الحقيقه الجديد ما عجبني ابدا من شكله وايضا ما راح يخدمك في البر والطلعات كثير وبعدين ياخي تطلع فيه اصوات كثير وصيانته غاليه
والسموحه على مشاركتي المتواضعه

[خالي الذيب]

السيارة ممتازة ورائعة

بر وديرة

وعن تجربة

اعتبرها الافضل بفئتها

والله يبارك لك فيها

[شلاقي]

الله يبارك لك فيه ويعطيك من خيره ويكفيك شره ..
وياليت تعطينا رايك .... وهل فيه ثلاجة ولالا ؟

[بالمللي]

مبرووووك مقدما

[الليث الذهبي]

نصيحة لوجه الله لا تقرب الباث فندر انا معي 2007 وصيانة دورية في الوكالة اقل مايأخذون 1500 ريال واحيانا 4000 مع ذلك طلع صوت في المكينة والمساعدات الأمامية دائما تخرب الواحد ب 600 ريال مايصلح تحملة علية عفش واجد يضرب بالأرض الييايات لينة جدا بعض القطع غير متوفرة واخيرا ضربت مكينتة وهو مامشى 160 الف ورحت غيرتها من التشليح ب 13000 وش تبى اكثر من كذا ومفاتيح القزاز كل سنه تغير حق السواق اذا لك في النيسان خذ باترول ارحم بواجد او حول على التويوتا كل ذلك من باب لأ يؤمن احدكم حتى يحب لأخية مايحب لنفسة وشكرا .
اهااا مشكلت ياخوي حبيب واعذرني على هالاسلوب لكن اخوي معه اكستيرا ومكسره ومع المقاومات خرب الدفرنس وراح يدور على الظمان وقالوله يطلع من الظمان لانه مكركب عليه حجات مثل الجنوط وغيرها وراح ورجعه بلد وراح يمهم ومسكهم واحد واحد الي له دخل ولي ماله يعني من رجل الامن حقهم الين المدير وغسل شرعانهم وقلهم ابشتكيكم عن لجنت الظمان ولا زالو يسكتونه وهدهدونه حول اربع ايام وهوعقب العصر يكلمهم وعقب المغرب وعقب العشاء ويا ويلهم ان ماردو عليه راح يمهم وهاشهم وهدد بالشكاوي, طبعا ركبوله دفرنس جديد وسار مداوم على الصيانة واذا جا يمهم يرحبون به ماهو حبن به لاكن خايفين من لسانه وياقف على موتره فالصيانه واذا جا الحساب قام يكاسر الين يعطونه اياه من 300 وتزيد احيان وتنقص

[سلامي لكم]

اتمنى اللي ينصح يعطي رايه بكل امانه
واهم شي مجرب ومستخدم السيارة وغير متعصب للقديم او تويوتا
انا من ملاك الجديد وعندي لكزس جيب يعني املك تويوتا ونيسان
راعي بر تبي الراي بدون مجامله الباث على قيمته ممتاز بس بشرط لا تقرب صيانة الوكاله وتجهزه صح يعنى يايات خلفيه استرالي وتوكل على الله جيد بالنسبه لسعره
وخذ منى نصيحة لا تشري جديد خذ لك مستعمل نظيف ابرك لك لو ما جاز لك ماتخسر واجد
اي استفسار من تلمسمار الى اكبر شي انا حاضر مستعد اعطيك اعطاله الدارجة ومعروفه بس عادية جدا وتدخل ضمن تلصيانة الدورية