المساعد الشخصي الرقمي

مشاهدة النسخة كاملة : استفسااااااااار ضروري Vxr 2003 (بريمي) كم يسوى؟؟


ابـو صا لـــح
30/08/2005, 01:18 PM
السلام عليكم..
اللي عنده خبر عن هالمواتر تكفون لا يبخل علينا احد..
ناوي اشريلي VXR 2003 فل كامل شنطه عاديه (الاسبير خلفي) ماشي 140,000
مشتريه راعيه من وكالة البريمي جديد اللون الظاهر انه ذهبي والله مدري بس انه حليو
ويقول حاده 135 ألف
هل هو يستاهل ولا لا
##مع العلم اني لقيت واحد سعودي ماشي 76000 عند معارض الحسن ببريده خلفية لكزس
وابيض بــ 139 ألف :confused: @ كل السيارتـــين نظيـــــــــفه @
ابـو صا لـــح
30/08/2005, 04:22 PM
^
^
:(
ماحد رد علي..... تكفون ياللي يعرفون اسعار الــVXR
أبوصالح
30/08/2005, 08:53 PM
وعليكم السلام ورحمة الله وبركاته
أخي ابو صالح - السعر غالى على سياره مستعمله .
أنصحك تروح للوكاله وتشوف اذا باقي عندهم 2003 أو 2004 مخزن وجديد .
يبيعونك اياه على الضمان و حول سعر السيارات اللي شفتها (يمكن زود خمسه أو عشر آلاف - لكن جديد وعلى الزيرو وعليه ضمان السيارات الجدد) .

أخوك - أبوصالح
منتعش
31/08/2005, 10:58 AM
حي الله أخوي : أبوصالح
شريت من شهرين تقريباً جيب Gx-r فطيمي ( إماراتي ) موديل 2002
فل كامل ( فتحه - جير توماتيك - تخشيبة - اصطب لكزز - بوصله في المرايه اللي فى الأعلى من الداخل )
بـــــ 100.000 ريال ، من الرياض .
وصديق لي ذهبنا لقطر وشرينا نفس نوع سيارتي بـــ 93.000 مع الجمارك واللوحات وفرق العملة طلع بـــــ 96-97.000 ريال .
والله يوفقك لكل خير .
ابـو صا لـــح
31/08/2005, 04:11 PM
منتعــــــش الله يعطيك العافيه وماقصرت...
أبو صالح مشوره طيبه لكن سمعت انهم يخلونك توقع على انهم مايضمنون لك الموتر لوجود خلل مصنعي
هل هذا صحــــــــــيــح!؟؟؟
أبوصالح
31/08/2005, 08:51 PM
السلام عليكم ورحمة الله وبركاته
صدقت يا بوصالح يخلونك توقع على ورقه انهم ماهم مسؤولين عن الخلل الناتج من التخرين ( مثل : الكفرات لأن صارلها مده واقفه و الربلات أو الصبغ اذا فيه حك او صدا بسيط... ) - لكن قبل هذا كله يجيبولك السياره وتشوفها وتفحصها عندهم ويضمنون لك المكينه والقير والدفرنس مثل السيارات الجديده ) - صدقني بتشوفها بتغبيرتها و بكياسها وقراطيسها ومافيها الا العافيه - واذا عجبتك السياره وتم الاتفاق على السعر - يتم التوقيع والبيعه . الوكاله تعطيك برنامج صيانه لسيارتك الجديده المخزنه تماما مثل أي سياره جديده تشتريها منهم .
أعرف كثير من الشباب أخذوا بهالطريقه - وضمنولهم سياره جديده ووفروا حول اربعين الف بسياره ما أحد استخدمها قبلهم.
من جهه ثانيه تقدر تقارنها على اساس سيارتين نفس الشي ونفس الموديل لكن وحده مستعمله ومكروفه سنتين والثانيه واقفه عند الوكاله ماشيه 0 ولا أحد استعملها او لمسها قبلك .

نصيحتي انك تروح للوكاله وتشوف ومنت خسران شي . والله يرزقك بالسياره اللي ترضيك ولا تخسرك ( جديده كانت أو مستعمله ) .

أبوصالح