سؤال بخصوص الفحص الدوري وبعض الإضافات على السياره

[You Like Me]

بسم الله الرحمن الرحيم
السلام عليكم ورحمه الله وبركاته

اخواني الكرام أسعد الله صباحكم/مسائكم بكل خير

سؤالي واضح من العنوان
انا ناوي إن شاء الله افحص السياره لتجديد الإستماره
وحبيت استفسر من اصحاب المعرفه بخصوص بعض الإضافات على السياره

السياره عليها دعامه أماميه + هدرز + يايات استراليه + مساعدات مونرو
+ تانكي ماء خارجي + مرفوع من الخلف تقريباً 9 سم عن الوكاله

بصراحه انا احترت من مداخلات بعض الشباب
ناس قالوا مافيها شي وما يردونك وناس قالت لا مستحيل تعدي رح وجرب
والروحه والسرى في هالشمس وانت ما تدري صعب والله :(
فيليت الاقي الاجابه الشافيه منكم

ملاحظة
يا اخوان ترا رجعت السياره بلد غثيثه شوي
يعني ما ابغا نظريات تكفون :D
اللي جرب واللي عنده علم اكيد يفيدنا

ولا تبطون علينا بالعلم
خلونا نكشت في الـ Weekend وإحنا فاحصين :D

فإنتظار الإفاده بارك الله فيكم

[volcano]

وعليكم السلام ورحمة الله وبركاته

وكل الله يارجال روووووووووووح دربك خضر

[اسير الغضا]

المساعدات اذا كان لونهن اصفر بخهن اسود علشان مايطيحون بك انا داخل بموتري يقول ممنوع المساعدات الصفر وقصده مورانو لانهن يجن صفر
اليايات الاستراليه بعد
واذا تبي العلم المزبوط الورش اللي قبل الفحص يعرفون

عموما يمكن ماينتبهون للياي لاسترالي لاكن اذا طاحو بك .....

[ابوعقل]

توكل على الله ودخل الموتر


ولا تسوي فيه شي


بس تأكد من الكفرات و وزن الأذرعه

والقزازه الأماميه

لايصير فيها كسر

[هاوي112]

توكل على الله ودخل الموتر وان شاء اجتياز من اول مرة
بالتوفيق

[غواص فلسطين]

وعليكم السلام ورحمة الله وبركاته

والله يا أخي بصراحة أنا ردوني على الدعميات وخلوني أفكها وفحصت ورجعتها ثاني ,,
ملاحظة (الدعاميات تفصيل) .
أما المساعدات ما أدري عنها لكن إنت وحظك مع الفني ,,

هذا ما أعلم وأسأل الله أن يرزقك بواحد نعسان يمشيك بدون غلبة ,,

تحياتي

[ن م ر]

كل محطة من محطات الفحص الدوري في بلادنا الغالية لها نظام مختلف تماماً :D
ومعاملتهم راقية جداً ولا يعفلون موترك ولا يردونك عشان أشياء تافهه :D

[برايدوي عنيد]

هلابك اخووي ..........

اللي اعرفه ان الكعكات لازم تفكه والشي الثاني القزاز لاتصير به كسر

واسئل الورشات اللي عند الفحصيفيدونك اكثر .

واذا اشياء مااوك تفكه شف لك معقب ترااهم عاادي يفحصون لك موتر وهو به نوااقص زي الاستبنه وغيرها .

انا معقب فحص موتري بدون استبه ولا قالوا شي ابد .

هذا مالدي وتقبل مروري ........

[سرطوقا]

من توكل على الله فهو حسبه دربك خضر يالغالي

[S4500]

اخوي نصيحة كانك في الرياض اطلع للمزاحمية او الحوطة و جدد استمارتك بدون فحص دوري

انا جددت استمارتي في الافلاج عطيت ولد عمي الاستمار و اللوحة و جددها و رسلي اللوحات بدون فحص

[العابر2222]

اخوي انا موتري مرفع كعكات + مساعدات جبرييل لونها ابيض

وسقطو موتري في الكعكات رحت افكها وافحص من جديد ونجح

[escape_man]

موتري مرفع 10 سم

مساعدات مدبلة نوع مورونو

هدرز وفلتر هواء ودبات

وكفرات 33

ونجح بكل شي الا الدبات قالو غيرها

[اسير الغضا]

موتري مرفع 10 سم

مساعدات مدبلة نوع مورونو

هدرز وفلتر هواء ودبات

وكفرات 33

ونجح بكل شي الا الدبات قالو غيرها

هم يبون ال25 ريال:D ان لقو الف شي يبي يسقط وحده وياخذ ال25
وان مالقى شي دور باللي هو به

[You Like Me]

وعليكم السلام ورحمة الله وبركاته





وكل الله يارجال روووووووووووح دربك خضر




والله الظاهر انها روحه

بس قلت استفسر قبل كل شي
اذا فيه شي بسيط افكه وانا هنا احسن ما يلعبون في
السياره ورشات الفحص
ودربك يالغالي عافاك



المساعدات اذا كان لونهن اصفر بخهن اسود علشان مايطيحون بك انا داخل بموتري يقول ممنوع المساعدات الصفر وقصده مورانو لانهن يجن صفر





اليايات الاستراليه بعد

واذا تبي العلم المزبوط الورش اللي قبل الفحص يعرفون


عموما يمكن ماينتبهون للياي لاسترالي لاكن اذا طاحو بك .....





هذي المشكلة انهم مزاجيه

والله احياناً يرجعون السياره في حاجه زينه
اروح للورش يلعبون فيها ارجع الفحص ينجح
سبحان الله خصوصاً الفرامل
بس اخوي اسير زي ما انت عارف لو رشيتها طار الضمان
الله يعين وماقصرت الله يطول بعمرك





توكل على الله ودخل الموتر




ولا تسوي فيه شي


بس تأكد من الكفرات و وزن الأذرعه


والقزازه الأماميه



لايصير فيها كسر



حياك ابو عقل
من هالناحيه إن شاء الله الامور تمام
وماقصرت يالغالي جزاك الله خير



توكل على الله ودخل الموتر وان شاء اجتياز من اول مرة





بالتوفيق




الله يسمع منك إن شاء الله

ولك ايضاً الله يبارك فيك



وعليكم السلام ورحمة الله وبركاته






والله يا أخي بصراحة أنا ردوني على الدعميات وخلوني أفكها وفحصت ورجعتها ثاني ,,

ملاحظة (الدعاميات تفصيل) .
أما المساعدات ما أدري عنها لكن إنت وحظك مع الفني ,,


هذا ما أعلم وأسأل الله أن يرزقك بواحد نعسان يمشيك بدون غلبة ,,


تحياتي





اذا على الدعامه مو مشكله سهل فكها

ومشكلتنا بطلعات الفنيين وكل واحد ورأيه
الله يسمع منك واطيح بواحد نعسان بس ما اطيح بواحد
مزعلينه في الدوام او خاصمين عليه الله يستر
شاكر لك يالغالي الله يحفظك





كل محطة من محطات الفحص الدوري في بلادنا الغالية لها نظام مختلف تماماً :D



ومعاملتهم راقية جداً ولا يعفلون موترك ولا يردونك عشان أشياء تافهه :D



الله يعين



هلابك اخووي ..........






اللي اعرفه ان الكعكات لازم تفكه والشي الثاني القزاز لاتصير به كسر


واسئل الورشات اللي عند الفحصيفيدونك اكثر .


واذا اشياء مااوك تفكه شف لك معقب ترااهم عاادي يفحصون لك موتر وهو به نوااقص زي الاستبنه وغيرها .


انا معقب فحص موتري بدون استبه ولا قالوا شي ابد .


هذا مالدي وتقبل مروري ........





والله واحد من الشباب نصحني بالمعقبين

وقال لهم علاقاتهم وبعضهم ما يدخل السياره
يعني يمشيها بمعرفته
وشكلها بتوقف على معقب والشكوى لله
شاكر لك اخ بريداوي جزاك الله خير



من توكل على الله فهو حسبه دربك خضر يالغالي


ودربك الله يغفر لنا ولك
الله يحييك ويجزاك خير



اخوي نصيحة كانك في الرياض اطلع للمزاحمية او الحوطة و جدد استمارتك بدون فحص دوري






انا جددت استمارتي في الافلاج عطيت ولد عمي الاستمار و اللوحة و جددها و رسلي اللوحات بدون فحص




والله انا اول متعاقد مع مرور القويعيه :D

كان فيه رجال شرواكم في المرور وعلاقاته طيبة
وممشي اموري الله يجزاه ويجزاكم خير
بس من تقاعد الرجال رحنا فيها
واتوقع برى الرياض لازم يكون لك معرفه بالموظفين
او اي احد يمشي امورك



اخوي انا موتري مرفع كعكات + مساعدات جبرييل لونها ابيض






وسقطو موتري في الكعكات رحت افكها وافحص من جديد ونجح




حياك اخوي العابر

يعني ما قالوا شي بالنسبة للون المساعدات
والله واضح من كلام الاخوان انو بالفعل كل مسار الظاهر والله اعلم
لهم رأي وتعليمات خاصه فيهم
شاكر لك يالغالي



موتري مرفع 10 سم






مساعدات مدبلة نوع مورونو


هدرز وفلتر هواء ودبات


وكفرات 33


ونجح بكل شي الا الدبات قالو غيرها





الدبات صوتها عالي عندك ؟

او تتوقع رجعو السياره عشان العادم وكربون السياره



جزاكم الله خير وما قصرتوا جميعاً
وبما إنو المسارات في الفحص حسب المزاجية
واللي بدفعه في ترجيع السياره بلد ورجعه مره ثانيه للمسار
اعطية معقب والشكوى لله وشكله كله اجتياز بيجيني يعني مستحيل بلاقي كن حذر :D
شاكر للجميع مره اخرى
والله يعطيكم العافيه

[(ابو عبدالله)]

حبيبي رح للمعارض وهم يجددون لك السياره وبدون فحص

ولك تحياتي

[سهم قيادي]

السلام عليكم
فحصت موتري وعليه دعامية تفصيل والحمدلله ما قالوا عنها شي

[هبــ حريملاااء ـبوب]

السلام عليكم
فحصت موتري وعليه دعامية تفصيل والحمدلله ما قالوا عنها شي


نفس الكلام ..

[b.l.z 2007]

والله وانا اخوك توني فاحص موتري امس وعليه مساعدات مونرو صفرا ومرفوع من ورا الموتر ولا قالو شي الحمد لله وواحد يقرب لي فحص موتره وعليه هدرز ولا نجح الموتر لان قالو فيه تنسيم بالهدرز لازم تلحمها
وانت اذا موترك ما فيه تنسيم توكل ورح افحص

[You Like Me]

الله يعطيكم العافيه
وما قصرتوا بارك الله فيكم جميعاً

b.l.z 2007
الله يطمنك يخوي لا الحمد لله مافيه تنسيم
مع اني شايل هم الهدرز اكثر شي توقعت بيرجعوني عليه
اجل شوركم وهدايه الله بروح واشوف
واللي كاتبه الله بيصير

[You Like Me]

السلام عليكم ورحمه الله

الحمد لله تم الذهاب للفحص والمشوار ما طلع على فشوش
السياره بكل الإضافات ماعدى الدعامه الاماميه نزلتها قبل الدخول للمسار
وتحسفت اني شلتها حسيت انهم ما جابوا خبري انا واضافاتي هههههههههههه
والحمد لله فحصت السياره وطاح هم

[ابوعقل]

الله يبشرك بالخير

[الحرالاشقر]

على البركه
عقبالنا

[You Like Me]

الله يبارك فيكم ويحفظكم
لا الامور سهالات اهم شي توكلو على الله وما يكون الا الخير بإذنه تعالى
ولا تنسون قبل تدخلون المسار اقرأوا
{ و جعلنا من بين أيديهم سدا و من خلفهم سدا فأغشيناهم فهم لا يبصرون } يس
وبالتوفيق إن شاء الله للجميع :good2:

[اسبيدر مان]

اليوم احد الشباب معه اكستيرا 2008 مرفعه من قدام ومن ورى وشايل النسافات الاربع ومركب عليه هوك ودعامه تفصيل من المواهب الى يجي فيها مسحاة ومطرقه ومركب زينون وعلى طول فحصه وماقالو له شي

[جيبي جايزلي]

ماشاءالله مبروك الفحص اي والله عقبالنا نفحص ونجدد الاستماره

[الثويرات]

انا سمعت ان فحص المجمعه حبايب يمشون بعض الامور.

ازرق لمهم وافحص وان شاء الله تسلك امورك باذن الله

[أبو نـآيف]

88

انا ابخص لايقربونك

[الاتصال السريع]

الفحص يبون الدراهم وبس

[تميراوي]

انا بنفسي مرسبيني علشان الهدرز

[اسبيدر مان]

الفحص يبون الدراهم وبس

والله انك صادق احد الشباب قبل سنتين تقريب كان معه جمس صالون مديل 95 الموتر نظيف بالحيل وفيه كسر بالقزازاه الاماميه ومصلحه عند محلات الزجاج يعني ماتشوفه الا اذا كانت نطحك الشمس ويوم دخل الفحص كل شي اجتياز الا القزازه وعلى طول راح للمدير وقاله شعر بسيط طوله يمكن شبر وربع ومصلحه ومعي فواتير تصليحه كيف ترسبون السياره على شانه قاله المدير وين مكان الكسر قال عند الراكب شرح المدير على ورقه الفحص بقلم احمر وقاله ادفع 24 ريال اعاده ودخل السياره دفعت المبلغ ودخلت السياره منى وطلعت منى وحطو عليها استكر
يعني المفروض يكون فيه تنسيق بين الاداره والعاملين بالورشه عن بعض الاعطال التي يمكن التجاوز عنها او ان الاعاده تكون مجانيه اذا كان العطل تافه وبسيط مثل صاحب الجمس

[كريم الطباع]

كل محطة من محطات الفحص الدوري في بلادنا الغالية لها نظام مختلف تماماً :D

ومعاملتهم راقية جداً ولا يعفلون موترك ولا يردونك عشان أشياء تافهه :D


والله انك صادق كان عندي كسر في الصدام فحصته في المجمعة رسبوه جبته على حالته للرياض نجح
لذلك انتبه تروح للديار الصغيرة يستقعدون لك ما عندهم الا انت اما الرياض مع الزحمه يمشون

السياره عليها دعامه أماميه + هدرز + يايات استراليه + مساعدات مونرو
+ تانكي ماء خارجي + مرفوع من الخلف تقريباً 9 سم عن الوكاله

الدعامة: ما رسبوني في الرياض ولا في المجمعة
هدرز: مالي علم
ياي استرالي: مارسبوني
مساعدات: مالي علم
تانكي: ماعليهم
ترفيع: انا رافعه 6 سم ونجحوني

والله يعينك على الغثا كانك في الرياض لا تروح بعد الظهر زحمة وقلة حيا رح قبل

[aaa3]

​ياشباب هل يدقرون على تانكي اليحي الأضافي بنزيم؟