يالنشاما تكفون Gx او Gx-r

[البيـرق]

السلام عليكم ورحمة الله وبركاته
انا ناوي باذن الله اشري لاندكروزر ومنفقع راسي
اشري Gx او Gx-r
وان كاني بشري جي اكس 2006 فل تماتيك جديد
وان كان جي اكس ار 2005 فل تماتيك مستعمل
والي يقول خذ خذلك جي اكس
والي يقول جي اكس ار وانا والله محتار ولاادري وش اخذ
وابي شوركم ورايكم يالنشاما....
(ولا خاب من استشار)
اخوكم البيــــــرق........

[عاشق الأشهب]

والله يخوي إذاكنت من هواة البر فخذ Gx لينه أخف نفس من GXR
والجديد أفضل من المستعمل
لينك تفكه بيدك محد ساقه قبلك ولوني بمكانك أخذت GX وبس
أغرضه شوي مهيب معقده
والله يوفقك الي فيه خيره لك

[البيـرق]

السلام عليكم ورحمة الله وبركاته
مشكور اخوي عاشق الاشهب والله نقول انشاء الله ويعطيك العافية
اخوك البيــــــرق.........

[جوال نجد]

وانا اخوك .... اذا كنت راعي بر (طلعاتك كثيرة ) أنصحك بالـ GX القطري ... لأنه ما شاء الله خفيف وشكله روعة (خط حلو وخلفية لكزس) :good: ... تجيبه من قطر وسمعت ان البازعي يجيبه حسب الطلب

وان كانت طلعاتك خفيفة يعني أيام الشتاء تطلع مرة بالشهر ... أنصحك بالـ GXR الخليجي من عند البازعي ... وأأكد على الخليجي ( لا تاخذ سعودي :no2: ... الله يكفينا وياك بضاعة ابو جميل :p )

[حـاتـم]

والله لو انا واقصد انا Gx هدد (هدد حيل)

الهدد اخف وشكله رزه في البر خذلك ذهبي ولا اشهب شكله قوه ولا تأخذ الا جديد لان اغلبها مكروفه الجي اكس

وشكرا

اخوك / حاتم

[غضنفر]

ال Gx السعودي تراب لأن فيه عيب مهب صاحي وهو انه يجي مكيف واحد ولا فيه تكييف خلفي
يعني تخيل الي قاعدين في المرتبة الثالثة في عز القيظ وشو بيسوون؟؟؟؟؟؟؟
كانك ناوي على Gx خذ خليجي(بريمي) او هدد(قطري)

[شاص]

Gx مطور يعني هدد قطري

[اسيزو 4x4]

Gx وبس ولا تشاور

Gx ازين وأخف وأقل خراب >>>>>>>>> البازعي وبس >>>>>>>> لا تقرب أبو جميل .....

[مرقاب الشرق]

يالحبيب خذ Gxr إلا اذا انت راعي قنص فخذ Gx سعودي لأن ال Gx القطري مواصفاته مواصفات Gxr سعودي يعني بالعربي ماهو حق قنص .
اتمنى اني افدتك بشي وترني حاضر اخوي البيرق .

[صفوق الشمري]

البيرق اخوي العزيز فعلا ترى من استشار مخاب
وانا ابشور عليك مثل ماقالوا اخواني الاعضاء اللي قبلي اذا كنت راعي بر اشتر Gx
بس انا ابزود اشوي ( اذا كنت راعي مقانيص للجنوب والنفود لاتقرب التماتيك لانة يخونك ويفرط دايما في الطلعات مثل طلعات الجنوب ). ورح وشوف الاسعار في كل مكان بس انا رايي تروح لليحى تراة ممتاز جدا وعندة مميزات في Gx غير الوكالات الثانية
او كذ قطررررررري هدد تراة خفيف نفس ويعجبك .

اما من ناحية انك تاصل قريب ولا تروح بعيد وقليلة روحاتك اشتر تماتيك لانة مريح جدا وخاصة اذا كنت من سكان الرياض لانة مثل مانت عارف زحمة ولا ينفع فيها الى التماتيك ورح لليحي لانة ارخص واحد في Gx-r
واحلى مواصفات

ولك مني التقدير واللة يوفقك يارب ويعطيك الصالح بينهم ولا اوصيك استخر الله سبحانة واطلب من الله البركة .

اخوك : صفوق الشمري

[aziz2727]

اهم شي وان اخوك لا تاخذ الا جديد .. والله يدبرنا واياك وكل مسلم على الصالح

[البيـرق]

السلام عليكم ورحمة الله وبركاته
اخوي عزيز
اخوي صفوق الشمري
اخوي ايسوزو 4x4
اخوي نجم الحق
اخوي شاص
اخوي بلاك بث
اخوي حاتم
اخوي جوال نجد
اخوي عاشق الاشهب
شــــــــــــــــــــــــــــــــــــــوركم وهداية الله
مشكورين وجزاكم الله خير
اخوكم
البيـــــــرق..........

[أسد الهيجا]

يااخوي البيرق
أنا جربت الgx وجربت ال gxr والله مثل بعض وكل شي في الجي اكس ار في مثله في الجي اكس حتى المكيف للمقاعد الخلفيه
ومايتميز الجي اكس ار عن الجي اكس الا في الجنوط وبس وزي منت عارف الجنوط بالبر ماتفيدك بشي وما اظنك بتخسر15000 زياده عشان جنوط فتوكل على الله وخذلك جي اكس
وعندي شورة ثانيه خذلك وانا اخوك باترول سفاري 2005 ولا 2006 جير عايدي وبتدعيلي ان شاءالله ومن رايي افضل لك من ال جي اكس والجي اكس ار وشكرا