شاص 2010

[خالد ابو نايف]

السلام عليكم /

انا يا اخوان عندي شاص 2010 وارد عبداللطيف والموتر يفصل على 175 وانا ماني خابر الشاصات تفصل ابي اعرف كيف افك الفصلة ولو فكيتها هل فيها ضرر على الموتر او لا ؟؟؟

[خالد ابو نايف]

upupupupup

[باترول 4500]

وعليكم السلام


ماني خابر الشاصات تفصل

معروف إن الشاص والربع يفصل على 170 أو 175


لو فكيتها هل فيها ضرر على الموتر او لا ؟؟؟

لا مافيه ضرر على الموتر لاكن فيه خطر على حياتك

[جنرال المدينه]

أولآ الله يباركلك فيه ويستر عليك
لكن عبد اللطيف بنظري ***يحط لسياره قطع صينيه وهذا معروف
وإذا شاك فيني شف وكالة تايوتا في المدينه كل المصدومات كوامري من 2009إلى2010
والسارات مثل الهلكس كلهن فيهن عيب أما وارد النيسان: ماهو زي الحرامي اللص
نفس ماهي يجيبها....




عُدلت بواسطة المشرف
بدوي جنوبي

[عاشق يوكن]

لا يا أخي ما فيه ضرر بس مثل ماقالك أخوي

[راكب الشفر]

السيارة مخصصة للبر والكرف والجلد
مهب لسرعات العالية
نصيحتي لك لاتسرع خلك راكد ازين لك ولموترك

[N-xterra]

أنا أؤيد كلام الأخوة اللي قبلي من ناحية السرعة لأن الموتر غير راسي على الطريق وغير مخصص للسرعات العالية

وبخصوص فك فاصل السرعة إذا كانت المكينة عندك 6 سلندر راسين فهذا يستلزم برمجة وأتوقع الكثير في صناعية الرياض المتخصصين في البرمجة ممكن يسونها لك

تحياتي

[العنابي 616]

فك الفصلة
أكيد يسبب ضرر لأن الكرونة ما هي مصممة للسرعات العالية
و إذا فكيت الفصلة و أسرعت مع الوقت راح تتاكل الكرونة و تبدا تون

[السسسعد]

اللي يقول انه مو مخصصه لسرعات العاليه وانه يضر الكرونه اجل ليش حطو 200 بطبلونه

وللمعلومية الفصله ذي ماتجي الا في المخصصه للخليج يعني الوكيل يطلب او انه اهو اللي يحطها كان معاي على وقته 93 يطق المتين ولا يفصل بس الفصله ذي نزلت على موديل 2000 وطالع

اما بخصوص الفصله افصله من تحت عند القير وانا فاصله 2008 والحين 2010 مفصول ولا شفت ضرر ولله الحمد

وانا مادلك على الفصله عشان تسرع انا وانت واي احد هنا احيان يحتاج لسرعه اكثر من 175 والله يكفينا وياكم شر الحديد

[هاوي القنص505]

الفصله لها طريقتين اما من عند القير
ولا في كهربائين بفكونها وانصحك زينها عند كهربائي يركبلك فصال لا بغيت تفصلها ولبغيت ترجعها
بعدين لاي عند القير يطيح السرعه وطبعن لافكيت الفصله تولع لمة المكينه ولا رجعتها طفت

[ناصر]

مرحبا
اتفق مع الاخوان .. السرعه قاتله جدا للحفاظ على النفس قبل كل شي
في التأني السلامه وفي العجله الندامه
:)

لكن انا ..مع جعل السياره تمشي بكامل سرعتها 200كم في الساعه او ازود

السرعه العاليه مهلكه جدا لكنها
للطواري ظروره جدا دقيقه او دقيقتين راح تفرق في اسعاف مصاب لو مشيت 200كم

السرعه العاليه جنون لكن
لو اعترض لك شخص لاقدر الله مايخاف ربه .. ساعتها السرعه 200كم حلال للخروج من الموقف

تقبلو احترامي

[الدبل الثقيل]

ياخوي سلامتك تهمنا

[((ابوملاك))]

انا متأكد الف بالميه انها تضر ان صرت تصفق الطبلون كذا مره

راح توضب القير ويتعب عندك الدفرنس

لانه اساسا مو مصمم للسرعات العاليه

تبي تشيل الفصله تحمل اللي يصير لموترك ولك

[* ابو باسل *]

حرام شاص تمشي عليه اكثر من 150 ليه لان مافيه اي وسائل سلامه كله غمارة وصندوق بس واي قوطي في الخط وانت مسرع يقلبه وبعدين حتى الفرامل حقته غير مجديه على سرعات عاليه شوي وينقلب وغير كذا الحين وهو يمشي عشره تحصلك تصقع في التندة وتنزل من كثر الهزهزه وشلون لو على سرعه عاليه ماعاد يمديك تدعس على البنص من كثر هزهزة جسمك ويمكن هذي سبة الفصله هههههههههه
اخي والله العمر غالي واذا حايتك عندك ماهي غاليه اكيد فيه ناس تهمهم وهم اهلك وعيالك وفكر فيهم قبل ماتفكر في فصل عداد السرعه وخاصه ان السيارة الي معك تفتقر لاقل مواصفات السلامه .

[سليمان الربيعان]

هلا اخوي انا اعرف واحد يفك الفصله محترف لكن ما ودي اكون سبب في قتل اخوي المسلم والدنيا مهيب طايره
على قوله الشيبان الواحد يموت ولا خلاص اشغاله والموتر خله على وضع الوكاله
اخيراً كل من نصحك يتمنون الخير لك
تقبل تحياتي... اسف على الاطاله:)