تكفوووووووووووون ترا تكفا تهز الرجاجيل؟؟؟؟

[الذيب الابيض]

بسم الله الرحمن الرحيم
اخواني اعضاء منتديات مكشات يشرفني ان اكون اخ جديد لكم في هذا المنتدى الرائع
بعد النحيه:
اخواني عندي جيب جي اكس ار وصراحه منزعج من ان الموتر اذا امتلى الموتر نزل من ورا وصار بايخ
فاحترت في تركيب يايات جديده او اطول والان انا محتار واحد من الشباب مركب يايات من الرمايه ويقول الموتر طلع مهفه مع اللفات ومهوب راسي على السرعه زي اول
وناس يقولون البالون ينفقع وغالي على غير سنع وانا محتار الحين وش اركب
اللي عنده جواب لا يبخل علينا
وشكرا

[داب الرمث]

ركب مساعدات استرالية الصفراء تكفي......................................

[المانعي]

اخي الحبيب السلام عليكم
جرب اللي يريحك البالونات داخل الياي تركب

[حـاتـم]

ركب ياي بوالين او الاسترالي كلها حلوه ومساعدات نيترو الاستراليه

اما البالون من يقول يفقع انا مركبه الحين حول السنه وعادي زين حتى امشي عليه 190 عادي
بس عيبه ال900 الرجه يرج الموتر والددركسون
خذلك 825 هاذا حلو ولاتاخذ الا ياباني سوميتومو او دنلوب كانك تبيه يعيش
على فكره الياي الاسترالي الرمايه نوعين خذ النوع الاقصر هو الانسب للاندكروزر
ومجربه كلها على الباترول والاند

وشكرا

اخوك/ حاتم

[عاشق الجبل]

الأخ : الذيب الأبيض

نصحيتي لك ولا يهونون الأخوان أنك تركب بلالين ومساعدات فقط ......أو يايات فقط

أنا مركب على الــ v x r يايات أسترالية متوسطة الأرتفاع ومساعدات أسترالية صفراء وبلالين وجربتها على الحمل الأتي :

مركب تانكي ماء تحت السيارة 80 ليتر وعربية معلقه بالخلف مليانه عفش وشنطتين كبار داخل السيارة خلف المرتبه

الأخيرة وعائلة كاملة مكونة من 7 اشخاص بينهم طفل واحد ومع ذلك السيارة متساوية والبلالين فيها 30 هواء


والأخ حاتم فاهم خطأ لأنه يعتقد أن البالون هي الكفرات الــ 900

المقصود طال عمرك البالون اللي يركب داخل الياي ( جمعها بلالين ) ومهمته اذا نزلت السيارة من الخلف تنفخها بالهواء

وترتفع السيارة .

[عاشق الأشهب]

أخوي ركب ياي أستارالي من الرماية يرفع الموتر 5 سم ويثبته لكن ركب القاسي أنا مجرب المتوسط ماينفع وركب مساعدات غاز

[الاصفر]

السلام عليكم
حسبي الله عليك روعتني بقولت تكفا


المثل يقول اسال مجرب ولا تسال طبيب ...عدل

شوف يا الغالي انا والله ما ادري شنو تسمونها بالسعوديه بس؟؟
في معاونات وسبنجات اسمها اولد مان ركبها ........اوذكر اخوك بالخير

ولاتطولها على عمرك....والمثل يقول ...لولا اختلاف الاذواق لبارت السلع....مع احترامي لاراء الشباب
وشكرا

[ماجد الشمري]

لاتتعب نفسك وانا اخوك الحل موجود وسهل وبسيط ...
اشتري لك air lift وهو موجود وتلاقيها في المراكز الكبرى واذا كنت بجدة ممكن تروح لمراكز متخصصة تركبه لك وهو عبار عن بالونه داخل المساعد مع ماطور هوا وتستطيع رفع السيارة عند التحميل ويتميز سلمك الله بأنه يزيد من قدرة تحميل السيارة 200 كيلو اضافية ومريح واتوماتيكيا يضبط نفسه عند الطلعات والمطبات القوية ....
قيمته مع التركيب جديد حول 1800 ريال وهو يركب لأي سيارة ...





اخوكم ماجد الشمري

[فلاجكو]

اخى انا مركب بالون فى الياي ومرتاح معه حيثو انه يوجد لدى خزان مويا وسله خارجيه وعفش وماشى معى زين بس سعره غويلى شوى وهو موجود بالرياض جنوب الفيصليه فى محطه بنزين محل x4x4وسلامتك والجميع .........

[الذيب الابيض]

ماقصرتوا يالاشناب
الله يجزاكم الف الف الف خير صراحه اشكركم كل الشكر