هدد 2002

[التعـ King ـديل]

السلام عليكم ورحمه الله وبركاته

اخواني عند واحد من العيال لاند جي اكس لونه بيج 2002

الولد راعي تعديل مثلي وعنده مجموعه من الاسئله وابي رايكم فيها

س1/ احلا جنوط تركب على الهدد على كفرات بالون ؟ ياليت الاسم + صوره لها اذا امكن

س2/ هل تنصحونه بتركيب هدرز او لا ؟ مع ذكر الاسباب في كل الحالتين

س3/ هل تنصحونه بتركيب مراوح كهرب او لا ؟ مع ذكر الاسباب في كل الحالتين

س4/ وش احلا خطوط للهدد تناسب اللون البيج ؟ الرجاء ذكر الموديل + صوره اذا امكن

س5/ هل تنصحونه بتغيير الشمعات الاماميه الى موديل اخر او لا ؟ الرجاء الاجابه + ذكر الموديل

الموتر اسبير علاق اي نصايح له غير اللي ذكر اعلاه لامانع من كتابتها

[أبوفـهـــــد]

احلى جنوط الفراشه الا اذا يبي على البلون ماله الا الهلل

واحلى خطوط 2007 وهو معرف

وغير كذا والله مااقدر افيدك ماعندي خبره في المكانيكا

وخل يغير الاسطب الخلفي الى 2007 تصير شرايح احلىى بكثير
ويغير الشبك الى 2007 مع الخطوط ويصير الموتر خبال

والشمعات الاماميه مافيها فرق خلها احسن ...

والله يعطيه خيره ويكفيه شره

[العنابي 616]

و الله من رأيي إنه بركب جنوط فكسار من 98 إلى 2002 إلي تجيك 16 على بالون
و الخطوط أحسن خطوط للبيج خطوط 2002 الخليجية
و الباقي على وضعه إسطبات شمعات
الهدرز لا شك إنه يقوي العزم بس مالي فيه خبرة
و كذلك المراوح و لكن أنا ما أشوف إنها إعتمادية مثل البلد

[الشنه]

السلام عليكم خله يركب هدرز بحريني كامل لي الدبه الأخيره 3 بوصه
المراوح ماراح يحس بالفرق الى بالنفوذ
والخد يركب خط 2007
اسطبات 2007 شرايح والشبك 2007 و المبات الأماميه 2007
اما الجنوط يركب هلل او جنوط 1998 الى 2002 مقاس 16
والكفرات بالون

هذي صورة هدد
شف الخطوط و اللون و الجنوط ( بيصير كذا موتر خويك مع الهلل و البالون )


http://dc04.arabsh.com/i/02189/itmwwj8lz5sh.jpg (http://arabsh.com/itmwwj8lz5sh.html)

[بوعبدالعزيز84]

وعليكم السلام ورحمة الله
اخوي الجنوط زي ما قالو الشباب يركب جنوط في اكس آر 98 او هلل
بالنسبة للخطوط يركب خط 2002 آخر موديل نزل عليه البيج
الأصطبات يخليه شد بلد لأن اللون البيج مانزل على 2007

[سرطوقا]

الله يوفق خويك ويوفقك ويوفق جميع المسلمين

[التعـ King ـديل]

يسلمكم ربي من كل شر .. على المشاركه والرد على الموضوع

[مرير الشوق]

والله أنا من رأئي انه

يركب جنوط 17 حقت الهدد 2010 ويغطسها نيكل .. مثل صورتك السابقه

وعليها بالون ..

ويركب خطوط و وجهية وخلفية 2007

ولا يركب هدرز اذا كانه بيستعمل للفترة طويله تتجاوز سنتين

ولا يركب مراوح ابداً ...


وبالتوفيق لكم

[مجنون باترول4800]

الغاالي
الهدد البيج ما يقلب ال2007 الان البيج انقطع على 2002 ولا يركب علية كشكل خطوط2007 لكن لو جدد الموديل يطلع صياح
الجنوط الهلل ) ماله منافس على الهدد ولا لو ترش عند الحسون ثم الفراش 17 فضيات مطفي اونفس النوع 16 نفس الصورة
http://www.mekshat.com/pix/upload03/images134/mk115552_kmlklk.jpg
http://store2.up-00.com/Jun10/Jin43833.jpg
لكن لا يخذ مكحلة لانه شكلة شين على البيج
واذا تبي هلل راسلن ع الخاص اخبر لك اصلية وبسعرر زين لك بس
ام الهدرز والشغلات ذي مالي به خبرة
اتمنى اني قدمة لك شي مفيد

[الشنه]

اسف توني انتبه لللون انه بيج

اللون بيج صح اجل لايركب خط
بس اسطبات و شبك و لمبات اماميه موديل 2007 الى الشبك 2006
وبالون

وخله يركي ياي استرالي وسط خلفي مع اسبير علاق يطلع ملك

[النسر المكتف]

يالربع ماعليش بس بسألكم سؤال ؟!

لأن شكله فيه مشكلة اذا بغيت اسوي موضوع يطلع من اسمي المهم !!


فيه جيب GX.R فل كامل اوتماتيك مافيه صدمات ولا رش بس فيه حكة من عند باب الراكب والخلفي حكة زبالة وأنتم بكرامة .. والرفرف الامامي مرشوش .. الظاهر حطوا عليه معجون ((الجيب مو لي)) ..


غيرت الطنجرة ... مكينة نظيفة .. ماشي 297 الف ... مركب فيه زنن .. موديله 2004 ..


سوم ب 85 بس مادري هذا سعره ولا أكثر ولا أقل ... بالله افيدوني !!

[sgl2002]

اهم شي لا يركب مراوح كهرب

لانه الموتر ماهو مثل القديمات

[سعيد المعمري]

س1/ احلا جنوط تركب على الهدد على كفرات بالون ؟
جنوط ال98 او هلل يكون لونها رصاصي غامق
س2/ هل تنصحونه بتركيب هدرز او لا ؟
نعم للعزم و الصوت - يستحسن البحريني
س3/ هل تنصحونه بتركيب مراوح كهرب او لا ؟ مع ذكر الاسباب في كل الحالتين
مالي علم فيها
س4/ وش احلا خطوط للهدد تناسب اللون البيج ؟ الرجاء ذكر الموديل + صوره اذا امكن
خطوط 2002 خليجي اظن تجي بيج
س5/ هل تنصحونه بتغيير الشمعات الاماميه الى موديل اخر او لا ؟
اكيد شمعات و اسطبات و شبك 2007
الموتر اسبير علاق اي نصايح له غير اللي ذكر اعلاه لامانع من كتابتها
الله يعطيه خيرر و يكفيه شرره