المساعد الشخصي الرقمي

مشاهدة النسخة كاملة : ياهل الشاصات والهايلكسات من أفضل من يركب الشد الحنايا


دكتور مكشات
02/09/2005, 05:50 AM
السلام عليكم


انا ناوي انشاء الله اركب شد على موتري غمارتين


وش المحلات المتخصصة سواء بالرياض او القصيم ؟؟


سمعت عن ورش بالرس او حولها لكن مدري size]



وكم سعره؟؟[/font][/size][/color]


تكفون يا شباب
دكتور مكشات
03/09/2005, 05:56 PM
تكفون فزعة ما حد عنده علم؟؟
عاشق الجبل
03/09/2005, 07:14 PM
وعليكم السلام

الأخ : efi4500 ..... بالنسبة للرياض فيه عندك ورشة الزايدي والمواهب

ونصيحتي لك تركب الشد الجديد ( شد + طربال ) قطعة وحدة على مستوى التنده ولا تزعجك طقطقة الطربال ولاتقعد تفك

وتركب .

هذا تلقاه في صناعية الصانع في بريدة


هذا حسب علمي
الداير11
03/09/2005, 08:02 PM
وعليكم السلام ورحمة الله وبركاته

وحياك الله يا اخوي ..

ومحاتسيك مركب شد له ثلاث سنوات على قطع عشرة والحمدلله الشد طالع سكبة ما فيه اي قرقعة

والورشة اللي ركبته عندهم اسمها ورشة (الربع الخالي ) الخرج _ طريق حرض

وخابر فيه هندي اسمه سيسن مهوب صاحي يشتغل بالملي ماشاء الله عليه عاد مدري هو فيه والا سافر

اعانك الله ووفقك
اسيزو 4x4
04/09/2005, 02:39 AM
السلام عليكم ورحمة الله وبركاته

أبشر بسعدك يالغالي

أزين ورشة بالرس وأنا فصلت عندة هو النخيلان

ما شاء الله شغلة نظيف وسعرة من 350 الى 450

وتلاقية باكستاني بلحية وما بيقصر معك

وبالتوفيق يالغالي....
دكتور مكشات
04/09/2005, 01:26 PM
أشكر الاخوة


عاشق الجبل

الداير11

اسيزو 4x4

على التفاعل ..

وبالنسبة لما ذكره الأخ عاشق الجبل عن الشد الجديد فلي عليه ملاحظات :

أولاً: سعره غالي.

ثانياً : ما تقدر تخلي الشد وحده دون طربال ، وهذا بفوت عليك نظرة الشد .



ويا خوي الداير خويك هذا وين وصفه؟

وهل هو غالي والا رخيّص؟

على فكرة أسمك يروووووع !!!

مشكور


ويا راعي السوزو ..

ألحين ألقاها عند هذا جاهزات ؟

والا أدق عليه ويفصل واجي أركب بس ؟


والا لا زم أجيه يقوس وثمن يفصل ؟؟

ولو على كذا كم يبي له وقت ؟
دكتور مكشات
05/09/2005, 02:05 AM
رحت اليوم للصناعية بالرياض

ولقيت هندي عنده شد


ارتفاع 20سم


مرصوص الماصير بعضها ببعض ..


وقفله كبس موب صيخ


وسعره 380 ريال



وش رايكم مناسب ؟؟؟؟!!


وشغله معجبني والله ...
الداير11
05/09/2005, 01:10 PM
حيا الله كلن باسمه

الورشة موقعها كالتالي :

1- امسك طريق الخرج لين تجيك إشارة تقول لك يمين حرض .

2- رح سيده ألين يجيك دوار فيه يمين ، وسيده يمين ، وسيده يسار .

3- انت رح مع السيده اليسار وامش لك مسافهتبي تجيك على اليمين .

# آخر خبري بالرجال من ثلاث سنين،وخابر لوحته مهيب بينه مره ، والرجال مادحه لي راعي شدود

(يعني يفصل شدود ) وتجيه وياخذ المقاسات وبعدين تجيه ويركبه .

* أما بالنسبة لسعرة فهو معقول خذ علي على الجمس القطع عشرة 400 ريال والشد مهوب مرصوص

والباب شداد مهوب سيم احرص على الشداد ولو انه بعض الاحيان يشق الشراع بس ولو اتبك واضبط ..

وانت عاد انشد وقارن ويمكن يكون اللي يقولونه الشباب احسن بس انا حبيت افيدك باللي عندي ..

وبعدين تراه شد يعني اغلب الناس حول ما يجيدون تفصيله يعني لا يضيق صدرك أذا فصلته ولا جاز لك بالحيل

يراهن حول بعض....

هيأ الله لك من أمرك رشدا
اسيزو 4x4
05/09/2005, 01:11 PM
أولا بالنسبة لــ النخيلان يوجد عندة جاهز للشاص و للهايلوكس

وبالنسبة للي لقيتة أنت بالرياض ممتاز

ولكن لو يقدر يقص لك الحنايا من 20 سم الى 10 سم يكون أزين

وترى سعرة مناسب .......
.
دكتور مكشات
06/09/2005, 02:28 AM
أجل الشور أخذ اللي في الرياض وبس بلا خطوط للقصيم بلا هم ؟؟


بس الباب وش أفضل صيخ والا كبس


سمعت ان الكبس يشقق الشراع !!!


وش الافضل؟؟
دكتور مكشات
06/09/2005, 11:55 PM
اخوي السوزو4*4 آمل مراجعة الخاص عاجلاً



لا هنت