معليش لو سمحتوا ...افضل كفرات لجيب الاكسبلورر

[e7sass]

بسم الله الرحمن الرحيم

اخواني اسعد الله اوقاتكم بكل خير

حبايبي عندي اكسبلورر 2008 وماشي علية 46500 كلم على يدي وكالة ....وحبيت اغير الكفرات (كفراته شد بلد ) وما اعجبتني صراحة حالتها مازالت جيدة لكن بها بعض التشققات البسيطة من الشمس والوقفة ( قربت على الثلاث سنوات ) 0
فزعتكم واش الافضل من كفرات لمن جرب ..... وهل اغير المقاس بدون ما اركب كعكات للترفيع او خلافه ( مالي رغبة بالتعبيث وما اعرف لها )....الانواع كثيرة وكل يقول الزين عندي وابو يمن برجل لي مخي كل واحد يقول لي رائي0
فما الي الا انتوا <<<<<< لا هنتوا

[واحد مبسوط]

حياك الله
بالنسبة للكفرات
يوجد شركات اثبتت نجاحها في السوق
مثل
برجستون
دنلوب
تويو
ماكسس
وهانكوك

وحسب فلوسك
والارتفاع انا لا اوصيك بتغيير مقاسات الوكالة
لانه كل ما ارتفع الموتر
قل الثبات
وزاد صرف البنزين
تحياتي لك

[drive]

سيارتك قاربت كفراتها على نهاية العمر خصوصا في اجوائنا الحارة هذي

انصحك ما تاخذ مقاس الوكالة لانهم مبالغين في سعره بشكل خرافي
ممكن تحصل مقاس اعرض منه واقل منه سعر
انا ركبت ميشلان 275/65/17 ب450 بينما الكفر الاصلي كان ب750
لو بتغير المقاس انصحك ب تويو مقاس 255/65/17 صراحة شفته على بليزر رايق و دعسته عريييضه بشكل ما تتصور

[e7sass]

بارك الله فيكم ......

[الحبابي1]

انا ركبت ميشلان 275-65-17 على اكسبلورر بصراحه احس الموتر صار ثقيل بس الموتر ارتفع

[ولد اعنيزة]

والله ما ادري بس اللندكروزر يركب من الوكالة ديونلب
وانا عنديلك ديونلب طقم 4 بهن فوق نص عمر ابي ابيعهن وصل السوم لهن250
والحد300 جنط17
(0568533589)

[عاشق البسمه]

نصيحة هج عن الماكسس من أول انصح بها وماتمت سنة إلا وهي متقطعة وماكملت ممشى60ألف ولا أنا راعي تنسيم ودخول بالبر يمكن ماتعدن الخمس مرات.....
ميشلان مايعلى عليه

[تسعه وتسعين]

الله يستر عليك وعلى موترك وشايف خيره وكافيك الله شره عموماً
عندك الهانكوك العريض سنه كامله ولا بنشر بفضل الله وانا اطلع للبر فقط بنشر1 اول ماشريتهن غرزت بخبرا اطرافه حجرة وبنشر كفر1 وسنه وراه لاهو ولا غيره قالو( اي) وكذلك لين مايفكك الموتر وانتبه من الماكسس العريض قاسي ويكسرك انت وموترك ماكسس نجح بالبالون فقط خذ ولد. والله يوفقك وتقبل مروري’’’’

[بن دويش]

كيف الحال يالغالي,,,

فيه نوع اسمه مارشال (Marshall) ممتاز مره فيه واحد مجربه على الأكسبلور يقول عليه ممتاز

مقاس 17/65/245

أرجو أن أكون قد أفدتك,,,

[الفيصل55]

افضل انواع الكفرات وعلية ضمان خمس سنوات قوديير خذة ولا تتردد صناعة الماني جودة بكل ما تعنية الكلمة

نصيحة تأكد من تاريخ صنع الكفرات ولا تأخذ الا اللي صناعتة جديد ودائما تاريخ الصنع مكتوب على الكفرات وهو عبارة عن تاريخ الاسبوع والسنة مثال 40 2010ويعني الاسبوع الاربعين اي في شهر 10 من السنة 2010 ( الشهر اربعة اسابيع )