يا ا هل الخبره

[صقر الاثيلي]

انا عجزني طير عاصي كل الطرق جربتها افيدوني بطريقه جديده لا هنتووو

[المحتر77ف]

عاصي كيف اذا قصدق على ولف العلف وتركيد الطير ..
فلازم تلازم الطير وتخلي الاصوات حوله كثير ولاتفك عنه البرقع الا دقايق كل يوم لين يركد
ماينفع للطير الا انه يكون معك كل مازاد بقائك مع الطير قصرت المده ..
اما اذا الطير موالف علف وراكد بس عاصي تدريب ساهره وجوعه ولاتيئس منه اسبوع حده ويطيع
ويمكن اهل الخبره يفيدونك اكثر مني

[قرناس شماالي]

اخوي حدد عاصي؟؟
لان الطيور تصير عاصيه بشياء
واشياء ماتكون عاصيه
مثل الركاده او الهدد
واخوي المحتر77ف
ماقصر افادك

[صقر الاثيلي]

انا الله موفقني اطرح الطير وحنا نسمي الي مينطرح عاصي والطير طليق كل الطرق جربتها افيدوني جزاكم الله خير

[صقر الاثيلي]

[انا الله موفقني اطرح الطير وحنا نسمي الي مينطرح عاصي والطير طليق كل الطرق جربتها افيدوني جزاكم الله خير]

[المرشوودي]

القرناس صعب جدا
والحمامه الراعبيه اخر الحلول
ارجو اني افدتك

[صقر الاثيلي]

يا لمرشودي ويشهي الحمامه الراعبيه وضحلي اكثر

[المرشوودي]

ابشرياصقر
الراعبيه/حمام الرسايل او القمريه الغير مهاجره
واذاله ممسى ثابت جرب الجربوع
وبالتوفبق ان شاء الله

[صقر الاثيلي]

يالمرشودي اول شي يعطيك العافيه وبعدين رميت له القمري والسمان البري والحمام بانواعه والوانه وكزلك القمري اما الجربوع مجربته مره ولك جزيل الشكر والتقدير

[المحتر77ف]

اذا عندك شهانه اشبك المعلاف بسبوقها وفكها عليه ..
واذا تعرف ممساه فصل له شبكه نفس لونه او شفافه ولبسها على ممساه ..
ورابط بعيد عنه والله يطرحه لك ..

[صقر الاثيلي]

يالمحترف يعطيك العافيه علئ المعلومات لكن كيف البسها ممساه طراد مااملك الله يرزقني ولك كل الاحترام والتقدير

[المحتر77ف]

فصلها مثل الطاقيه طبعا المقاس يتناسب مع ممساه نفس الشبكه العاديه بس الحجم يختلف حسب الحاجه ..
هذي طريقه مضمونه ان شاءالله
والطريقه الاخرى واذا ماعندك شهانه شف لك حميميد اطرحه بجربوع ويفي بالغرض ..
وعلى العموم الطير خلك حوله شقة الضو وعلفه يومين ثلاثه حمام طلق بدون شبك وبدون ثقاله ممكن ياثق ..
وانتبه توقف قريب منه حاول تقف في طريق او اماكن ماهوله او مسلوكه .. بعض الطيور حذر
والبعض النصيب مايسوقه ... والله يرزقك بالطيب

[صقر الاثيلي]

الله يبيض وجهك ومقصرت وممكن اعرف انت من وين