اللي يخبر ورشة تربيط في الرياض وورشة بوية

[بالراس]

عندي موتر ودي اربطه ولا اغيرلا الجلاد تبعه يقولون في الرياااااااض ورش متخصصة




في التربيط ووش رايكم وش يغير الشخص اكثر شي يخبر يعني



الطلب الثاني ودي اغير لون البوية تنصحون بورش معينه ولا طريقة كذلل



اللي يخبرنا وشر في الريااااااااااض الطناعية يخبرنا ولكم جزيل الشكر وننتظر ردودكم يالنشاما من الاول والثاني بس

[عاشق الجبل]

الأخ : بالراس

ترى كل أعضاء مكشات نشاما لكن تعرف هاليومين موسم صيد والتواجد لك عليه :)

عمومآ بالنسبة لورش التربيط فيوجد أبن مرضاح وأسعاره غاليه جدآ لأن زبائنه من الطبقة العالية

والورشة التي أنصحك فيها والتي سبق لي أن تعاملت معهم وأدخلت سيارتي اللاند كروزر والنيسان هي ورشة النويصر

وبالنسبة للسعر وقطع الغيار التي سيتم تغييرها فهذا تعتمد على نوع السيارة ومدى المشاكل التي فيها ويقررها أبومرعي

هناك .

وبالنسبة لتغيير البوية فأنصحك بمركز وفاء صحيح أنه غالي لكن شغل وكالة




كيف تصل الى ورشة النويصر للتربيط :


تتجه الى الصناعية ( جنوبآ ) مع شارع الظهران واذا أقبلت على كوبري الصناعية تجي من تحت الكبري يمين ووجهك جنوب

وتأخذ من عند الأشارة يسار وتدخل مع ثالث ملف يمين وبعدها ثاني ملف على الشمال وتجدها خامس ورشة على الشمال



بالنسبة لورشة وفاء فهي في صناعية الدائري

[بالراس]

االه يبارك فيك يالعاشق الجبل




وشكرا على الوصف انا بروح من السبت ان شاء الله ولا الاحد والموتر تراشاص بس فية اشياء دايم تتغير يعني في التربيط ولا الجلد ولا اقوله من الصدام الى الصدام وكم السعر راح يكون تتوقع وشكرا لك

[عاشق الجبل]

السيارة اللي تحتاج تربيط كامل وجلد سست وبودي وليات مكيف داخل جلد الباب وأسفنج داخل ديكور الباب الداخلي

تكلف 1000 ريال تقريبآ وتحتاج يومين شغل .

الصوالين تكلف من 1200 الى 1500 والشواص من 100 الى 1200 حسب المشاكل اللي بالسيارة

لكن اذا طلعت وجربتها بالبر تحس أنها تغيرت عليك .

طبعآ بعض السيارات تحتاج تلحيم اذا البدي متشعر من تحت وهذا يكلف أكثر وصدقني اذا شفت السيارات عنده قبل المواسم

ماراح تصدق من الزحمه .


بالتوفيق

[al-nashmi]

اخونا عشق الجبل...

انا كنت ادور على ورشة كويسة ورخيصة ، وبن مرطاخ خابرة كويس بس ما فيه رخيص :d

ابو منصور مشكور على وصف ورشة النويصر .....

واذا كان مثل توصيفك لي ورشة وحيد عز الله الرجال بيدل بسرعة ;)

تحياتي

النشمي

[الشقردي]

الاخ عاشق الجبل
مشكور على الوصف لكن أنا ما بعد فهمته صح
كيف أنا متجه مع طريق الظهران جنوب واذا لفيت من تحت كبري الصناعية يمين يصير وجهي جنوب بعد !!!!

ممكن توصف لى ثانية لاهنت

[عاشق الجبل]

بلا فضايح يالنشمي :)

الحمدلله أنك دليت وأنا أخوك وأنا برسم الخدمة :)


الأخ الشقردي المقصود أن أتجاهك يستمر الى الجنوب حتى وأنت تحت الكوبري عند الإشارة

خذ من عند الإشارة اللي تحت الكوبري يسار وتصير وجهتك شرق ثم أدخل مع 3 لفه على اليمين ثم ثاني لفه على الشمال

تجيك الورشة على أيدك اليسار ( الرابعة أو الخامسة ).

كان الوصف واضح وإلا راسلني وأروح أنا وياك :)

[العبصي]

ورشة النويصر ممتازة ومجربة

[الشقردي]

تسلم اخوي عاشق الجبل
الحين الوصف واضح وضوح الشمس
ولا لا يالنشمي !!! <<<<<< واحد بغى يجرب مأساتك

معليه أمزح يا شباب

[al-nashmi]

الاخوان الكرام...
تحيه طيبه...

اخونا عاشق الجبل...!!!!!!!!!!!!!!!!!!!!!!!!!!!

اخونا الشقردي
الوصف واضح وضوح الشمس ........ بس انت عينت الشمس.... هههههههههههههههههههههههههههههههههااا