هل تلبس الشماغ في البر ؟؟؟

[عاشق ديرتي بريده]

لاهل اصحاب الهوى والطلعات

مسائكم الله بالخير

عندي موضوع للنقاش

واتمنى أني اسمع ارائكم

الموضوع يتكلم عن الشماغ

فيه ناس اذا طلعت للبر مستحيل تفسخ الشماغ ويقول عيب وفشيله يمكن يطب علينا ضيوف

بأي وقت !!

وفيه ناس يقولون مانصدق على الله نطلع للبر علشان نتخلص من الشماغ .

مع اي فئه انت وماهو تعليقك بالنسبه للشماغ بالبر

والله يرزقنا الامطار علشان تحلى الطلعات .

[حزوبر]

وعليكم السلام
والله أنا من الفئة الثانيه:D
وخصوصا" إني هالايام محلق مووووووووووووس:Dوفرصه الواحد يبرد
يا أخي يطب إلي يطب ،حياه الله يبشر بالي يطيب خاطره من غير هالشماغ

[ابوياسر1971]

يعطيك العافيه اخوي بصرحه انا ما البسه الا للمناسبات فقط ومرتاح جدا من دونه .

[ساحووق]

انا البسه بالكشتاات االانه سلم ومن العواايد ولايمكن ان نغيرره

[عاشق ديرتي بريده]

وعليكم السلام

والله أنا من الفئة الثانيه:D
وخصوصا" إني هالايام محلق مووووووووووووس:Dوفرصه الواحد يبرد

يا أخي يطب إلي يطب ،حياه الله يبشر بالي يطيب خاطره من غير هالشماغ



والله مانب بعيد عنك

وماكشتنا الا علشان نبتعد عن العادات

حزوبر شرفتني .

[عاشق ديرتي بريده]

يعطيك العافيه اخوي بصرحه انا ما البسه الا للمناسبات فقط ومرتاح جدا من دونه .

انت مريح روحك ولا عليك من احد

احب الشاص شرفتني .

[عاشق ديرتي بريده]

انا البسه بالكشتاات االانه سلم ومن العواايد ولايمكن ان نغيرره

انت منت بعيد عن خويي حتى بالنوم يتلطم فيه

راعي المصاغير شرفتني .

[شروركي 111]

لازم اعصب راسي ...
احسك فاضي ..ماشاء الله عليك

[عاشق ديرتي بريده]

لازم اعصب راسي ...
احسك فاضي ..ماشاء الله عليك

ماقلت لنا مع اي فئه انت ؟

ولازم نريح انفسنا شوي لأننا ماراح ناخذ منها شي

شروركي شرفتني .

[عبدالمحسن 1]

لا مستحيل البسه في البر .. يكون معي شال في حالة الهواء البارد الف راسي ...

[ابوغيلان صالح]

انا البسه حتى وانا نايم ههههه لا عيب اقطه و ترى يا جماعه تغطيه الراس من السنه و عدات العرب

[عاشق ديرتي بريده]

لا مستحيل البسه في البر .. يكون معي شال في حالة الهواء البارد الف راسي ...

جل خذلك طربوش اريحلك مدام انك ماتلبسه

عبدالمحسن شرفتني .

[عاشق ديرتي بريده]

انا البسه حتى وانا نايم ههههه لا عيب اقطه و ترى يا جماعه تغطيه الراس من السنه و عدات العرب

ابوغيلان صالح ياليت تجيب لنا حديث أن تغطية الرأس من السنه علشان نستفيد .

ابوغيلان انتظرك رجعتك .

[abo_hoor]

مشكور اخوي التخصصي
والله انا احبه البسه يعني حتى بالكشتات مو عن انه عيب لا بس بعكس على اساس انه دايم البسه
وهو يحمي بالشتاء وكذلك الصيف من الشمس

[عاشق ديرتي بريده]

مشكور اخوي التخصصي
والله انا احبه البسه يعني حتى بالكشتات مو عن انه عيب لا بس بعكس على اساس انه دايم البسه
وهو يحمي بالشتاء وكذلك الصيف من الشمس

يعني انت تبلسه كحب للشماع فقط

يعني مو علشان العيب والعادات

ابو حور شرفتني

[asdali]

شوف اخوي

احيانا البسه اذا كان حولي ناس عشان اغطي الصلعة :D

واذا ماحولي احد الا اللي يمرون من جنبنا البس الطاقية :D

واذا تطمنت مافي احدة بالمرة فلينا الحجاج وطلعنا الصلعة وخليناها للشمس تشحن (لوح شمسي):good2:

[fares2011]

والله الشماغ في المدينه :good2:
لكن الكشتات في الصيف :s نترك الدعوة كشف :D..
والشتاء :f حلا لآه القبع الصوف ;)
وهي شيء شخصي وراحة نفسيه
والعادات رآآحت الآن نصف مسجد الحارة ليته على نطلة شماغ وبس الله يهديهم
إلا تكميلات وقمصان نووم وربك يعين !!

[الفهد 989]

والله انا بالنسبه للي اذا كان برد لازم البسه

اما اذا الجو حلو مستحيل البسه

[new boy]

والله انا البسه اذا كان برد تلقاني اربع وعشرين ساعه حتي بنوم اتلطم ورقد صراحه احس اذا نزالته ببرد شديد

واعشق اذا طلعت بالبر الشمغ الملونه الى تجي زي الشمغ العراقيه

[عاشق ديرتي بريده]

شوف اخوي

احيانا البسه اذا كان حولي ناس عشان اغطي الصلعة :D

واذا ماحولي احد الا اللي يمرون من جنبنا البس الطاقية :D

واذا تطمنت مافي احدة بالمرة فلينا الحجاج وطلعنا الصلعة وخليناها للشمس تشحن (لوح شمسي):good2:

يعني البلاء من الصلعه يعني لو لك قذيله ماعندك مشكله

اجل تخليها تشحن :D

اسد علي شرفتني واسعدتني بمداخلتك خفيفة الدم .

[ابو محمد 888]

لازم اعصب راسي ...
احسك فاضي ..ماشاء الله عليك

[shabrsh]

لبى قلبك على الموضوع

بصراااحة مشاكل بعض الشباب على الشماغ

انا من النوووع الي احب البسه ليه مدري (( مزااااااج)) بدوون عقال بالبر

اما بالديره للمناسبات ولا الاشياء الرسمية بعقال

وسلامتك

[مشعل جده]

عااادي افسخه

واذا وقت النوم تلطمت فيه

[فيصل التميمي]

بالنسبة لي انا من ضمن الاشخاص الي تحب تلبس الشماع فاغلب الوقت يكون علي شماغ وفي البر لابد من لبسة تغطي وجهك تمسح به يديك تغطي اذانك عن الهواء وتربط به راسك لكن ليس من اجا عادات وام يجي ضيف

[النمرالأليف]

بالنسبة لي نادر البسه في المناسبات فقط

[فيصل بن محمد]

الله يسعد اوقاتك بكل الخير

مشكور علي الموضوع

علي حسب الجو اذا كان برد البس الشماغ او اي شيء يغطي الراس والاذاني مو شرط شماغ

تقبل تقديري

[عاشق السيل]

كلامي عن البر بس أما الديرة لها وضع ثاني ،،

الشماغ لا يمكن يروح معي للبر حتى لو ترجاني وقدم المعاريض ههههههههه

إذا صار الجو بارد أخذت الطربوش أما إذا كان برد بقووووووووووووة إضطريت للشماغ مع الطربوش علشان أدق اللطمة وألبس الطربوش فوق الشماغ !!!!

موضوع ممتع بارك الله فيك أخوي .....

[بتاع بر]

الشماغ لباس بغيض مدري من نقله لنا الله يسامحه العاماه هي لبس العرب وعن نفسي اكرلاه لبسه كره العمى فقط في حالتين الزواج والعزا غير كذا يخلف الله

[ALRMTHAH]

الشماغ لباس بغيض مدري من نقله لنا الله يسامحه العاماه هي لبس العرب وعن نفسي اكرلاه لبسه كره العمى فقط في حالتين الزواج والعزا غير كذا يخلف الله

الشماغ اصله سفره جابوها الانجليز معهم منذ مبطي يفرشونها فوق طاولات الاكل وشافوها العرب وصارو يغطون فيها روسهم من الشمس ومع الايام والسنون صارت عاده عشان كذا للحين صناعته انجليزي

المهم ماعلينا انا من ناحيتي ما البس الشماغ بالبر الى بالشتاء خاصه اذا صرت حول الظو والحطب رطب شوي تخبرون اذا صارت الدخنه وش يصير مهب لازم افصل ;)

[ارض الحجون]

بالنسبه لي هين الشماغ لابد معي بالمكشات ولاكن استخدامي له اما عصبه حمدانية او اتحزم فيه ...

[satam1389]

والله انا من اركب السيارة اخر علمي به
انا مالبسته في البيت تبيني البسه بالبر

[Mekshaati@]

الشماغ اصله سفره جابوها الانجليز معهم منذ مبطي يفرشونها فوق طاولات الاكل وشافوها العرب وصارو يغطون فيها روسهم من الشمس ومع الايام والسنون صارت عاده عشان كذا للحين صناعته انجليزي

المهم ماعلينا انا من ناحيتي ما البس الشماغ بالبر الى بالشتاء خاصه اذا صرت حول الظو والحطب رطب شوي تخبرون اذا صارت الدخنه وش يصير مهب لازم افصل ;)


حياك الله أخوي

هذي ردود منقولة من النت أتمنى يفيد النقاش




هناك عدة روايات حول أصل الشماغ، وهل هو لبس عربي تطور من العمامة والخمار ام هو لبس طارئ؟، حيث ترد في هذا المجال وجهتا نظر، الاولى ترى انه تطور طبيعي للخمار (غطاء رأس كان يضعه الرجال على رؤوسهم وهو منسدل على الكتفين)، أما الثاني فهو أن الشماغ الاحمر المرقط بالأبيض أدخله على العرب كلوب باشا، الذي اسس الجيش الاردني الحديث، بعد أن عانت المصانع البريطانية التي كانت تنتج هذا النوع من ازمة مالية بسبب قلة الطلب على هذه الأغطية عقب انتهاء الحرب العالمية الثانية، فجاء كلوب باشا وعممه على الجيش الاردني، ولبسه هو أيضا ثم انتشر بين عرب الجزيرة.

أما عن العقال فقيل بأن العرب حين خرجوا من الأندلس وضعوا عصابة حول رؤوسهم سوداء اللون تعبيرا عن حزنهم لضياع الأندلس منهم ثم إنتشر العقال ، وهناك من يقول بأن لبس العقال كان في بلاد الشام أولا ثم انتشر في جزيرة العرب

........

الشماغ أصل متوارث من آلاف السنين
قال الخليفة الراشد الفاروق أبا حفص عمر بن الخطاب رضي الله عنه وأرضاه:
( العمائم تيجان العرب )
والعمائم التي في عصرنا الحاضر هي الغتره والشماغ فالعربي إما أن يعتصب بها فتصبح عمامه وإما أن يربطها بالعقال
قال الشاعر المخبل السعدي في الزبرقان بن بدر بن امرئ القيس التميمي :
رأيتك هريت العمامة بعد ما ... أراك زمانا حاسرا لم تعصب
وقد قال عمرو بن كلثوم شاعر تغلب ( قبيلة عنزه في الوقت الحاضر ) صاحب المعلقة في معلقته :
وسيد معشر قد عصبوه ... بتاج الملك يحمي المحجرينا
ولأن التاج يحيط برأس الملك كإحاطة العمامه برأس الرجل يقال (إعتصب التاج)
وقديما كان الملوك يعتصبون التاج وكان سادة العرب يعتصبون العمائم ذات اللون الأحمر وكان هؤلاء السادة يختارون اللون الأحمر لتميزهم عن باقي أفراد قبيلتهم
واتمنى من بقية الاعضاء عدم تصديق أي معلومة الا بعد التأكد منها.

.................

الشماغ في واقع الامر عمامه تم فكها لتخفيف الحر ولكي يدخل الهواء الى اطراف الرأس. واما العقال فهو.. ان بعض الاعراب كان يضع عقال بعيره على رأسه.. يلفه لفا وكان في الماضي اكبر بكثير مما تراه اليوم .

وقد كانت بعض قبائل العرب في الجزيره العربيه وقبل الجاهليه ترتدي عمامه غير معقوده ويضعون اعقله ابلهم على رؤسهم لدى ايرادها الماء.

واما القول بأن اول من فعل ذلك هم عرب بلاد الشام فهو غير صحيح. لاسيما انه يأتي بلا دليل

والله أعلى و أعلم

[الهاوي 9]

ياهلا
اما انا في المكاشيت

لا لاشماغ

وتعليقي الكامل في توقيعي اسفل

[ذئب الدهناء]

تصدقون ان الشماغ غثيث

[dodge-ram]

والله على حسب الجو يمكن يكون برد البس الشماغ و يمكن يكون حر افسخ الشماغ

او يكون عندنا ضيوف البس الشماغ

[MjNo0oN]

عن نفسي تقدر تقول من الفئة الثانية

وما البس الشماغ في البر الا وقت الحاجه مثل البرد

[allmshtag]

انا البس الشماغ بالبر بدون طاقيه ولا عقال

في الصيف اغطي راسي من حرارة الشمس وامسح عرقاني فيها

بالشتاء عشان البرد والوز لا يتفقعن وراسي لا يثلج بحكم اني دايم اقرع الراس

تقبل تحياتي

[وين القطة؟]

عوافي أخوي ..


على حسب الجو .. إذا كان يستدعي ألبس مثل البرد الشديد أو الغبار غير كذا عادي ما يحتاج


وعلى فكرة .. للأسف فيه فئات ن الناس مدري وش ممكن أطلق عليها لكن احتراماً لها ما راح اتكلم


هذه الفئات ممكن انت يالواحد تطيح من عينها علشانهم شافوك بدون شماغ في مسجد او سوبرماركت او اي مكان عام !!!!


يعدونها من خوارم الرجولة والسنع وعلوم المرجلة !!!!!!!!!!!


وهذا يقودنا إلى السؤال الأهم .. هل من الطبيعي أن يحكم عليك أحد من خلال لبسك الشماغ من عدمه؟؟

[hadaj]

والله ماطيق الشماغ والثوب
لا كن
في البر لازم البس على شأن لو قابلتلك رجال ولا احد من الطيبين شرواكم البدو وأهل البل
إلا انت جاهز وتقلط وتقهوى مع النشاما
بس لو انت دون ثوب وشماغ بتستحي تقلط عليهم

[النهار]

البسه وقت الصلاه وعندما ياتي احد غريب وهو من الادب

[ابو خالد 8]

والله يا طول العمر انا بالبر اللبس الشماغ اللي يجي لونين بني واسود او غيره
لأنه يدفي وتسوي فيه كل شي واذا راح عليك سعره ما يتعدى 20 ريال
اما اذا شماغك ب150 وعليه خله وقت الكشخه

[nashy]

يارجل هالشماغ مسبب لي قلق من طفولتي ..... والا اواطنه بعيشة ربك لكن هذا قدرنا ...يعني باختصار انا احذفه طول يدي متى ماحانت فرصة

[طير المحبه]

اذا صار برااد أكيد ألبسسسه

[حبران والمسمى]

ماهو كل من لبس شماغ صار....:mad:
ولا من فصخه صار..........:looney:
بعضهم لابش شماغ وثوب وبشت وما يعرف يتكلم
والعكس صحيح
لكن عندي ما هوذيك الأهمية لبسته او لا
اهم شي تكون مبسوط وفال الحجاج اذا جاك احد سوا بشماغ اوبدون
ولا تكشر:mad: وترحب وتهلي:eek: وقضينا
ارجو من الإداره حذف الموضوع لأني تعبت وانا اقراء واكتب:D

[fahad2002a]

شكرا على الموضوع بالنسبة للشماغ في البر له ميزة اذا كان الجو بارد وله سيئة اذا كان الجو حار اعتقد اني استعمل الشماغ على حسب الجو وايضا على حسب المتواجدين معي اذا كانوا رسممين بساط احمدي والله الموفق .

[wafi4sa]

بعد بالبر البسة هذي صعبه علي
انا شخصيا افرح لما ارمية بالسارةهو العقال
والبس قبع افضل

[هلي 1999]

انا الشماغ مايفارقني لين اوديه يتغسل واجر شماغي الثاني لازم وكذا ارتاااح وكل مع هدف رايه مرضيه
الشماغ في كشته والاا غير كشته ماارتاااح الا وهو فوق رااسي

[ابويزيد1]

ذكرتني بخوي ما ينزله حتي في الحمام الله يكرمكم
اما نا ما البسة في المدينه ولا في البر الا في المناسبات فقط

[سراي-01]

انا البسه وفي البر احيان لا لكنه قريب مني دايم

[سلطان المحمدي]

ببعض المناسبات فقط

وعلى قولت الشاعر

إذا المراجل لبسـت شمـاغ وعقـال == قـل للعـذارى يلبـسـنّ العمـايـم


ما عاد يفـرق زول حرمـه ورجـال == دام الفعايـل تشبـه البعـض دايـم

:good2:

[مشجع اهلاوي]

الشماغ ما البسه الا بلدوام والمناسبات وغير كذا لبسي التيشيرت والبنطلون لانه راح زمن القبايل

[asdali]

يارجل هالشماغ مسبب لي قلق من طفولتي ..... والا اواطنه بعيشة ربك لكن هذا قدرنا ...يعني باختصار انا احذفه طول يدي متى ماحانت فرصة

تدري متى تحبه وغصبا عنك لا صرت اصلع :D

[درب الكشات]

السلام علىكم ،،،،
السؤال ممتاز و الأجابه عليه متعددة من طرف الأخوان ،، و أسمحوا لي ان أقول مجرد رأي سمعته من مؤرخ كبير سن يربط اللون الأحمر بالبر و الصحراء : مثل :

- لون جميع المشغولات مثل البساط و المساند و الشداد ( لون السدو ) يغلب عليه الأحمر مع أضافة بعض الألوان
- الشماغ لونة أحمر مع تقدم الوقت صار الوان و الله يستر من اللون الجاي
- لون الوانيتات القديمة كان حمراء اللون و نادر ما تلقى لون غير الأحمر ( خلونا نوقف عند الوانيتات )
عندنا في الكويت البعض يقول جمس احمر ما يغرز في الرمل ،،، و هو ما يدري ما معني ما يغرز
ما يغرز معناها ان اللون الأحمرلا يغرز في العين و ليس الرمل ، و هو لايمكن ان يندمج مع باقي الوان طبيعة الأرض النجدية بسبب عدم وجود اللون الأحمر من ضمن نباتاتها او صخورها او اكرمكم الله ترابها
فعليه اجدادنا لم يتخذوا اللون الأحمر عبث بل بسبب و ضوح اللون الأحمر من بعيدن لمرتديه او مستخدمه للعين البشرية العادية في وقت النهار ، فكانت الحاجة ام الأختراع و قتها و كان اللون الأحمر هو لون مناسب ما يغرز في البر و هو هي مقولة يجب ان تصلح عند البعض
و هو في الأخير تراث . ارجوا ان تكون مداخلتي خفيف عليكم و شاكرا لصاحب الموضوع طرحه الممتع .

[نهار الوقت]

الواحد يطلع البر ينفه على نفسه ماله داعي الشماغ بس لوكان الجو بارد أو هواء لبد من الشماغ او حتى شي يغطي الرئس والاذان
وشكرآ ع الموضوع وتقبل مروري

[بن شمروخ]

على حسب برودة الجو ...

لاكني أفضل بدون شماغ واكتفي بالطاقية ...

واذابغيت البسه لبست الشماغ الملون ... وأتلطم بوقت النوم فقط

-------------------

[أبو براك]

الله يعطيك العافيه اخي الكريم

وشاكر لك طرحك لهذا الموضوع الخفيف

وايضا موصول للاخوه على مشاركاتهم ومداخلاتهم

-

http://www.mekshat.com/pix/upload01/prof010/mk23101_ast6la3.jpg

تم وضع إستطلاع في اعلى صفحة هذا الموضوع

لمشاهدة اراء الاخوه واجابتهم على ماطرح في الموضوع

تم التصويت على ,, احيانا

[الشقردي 205]

انا البس الشماغ في المناسبات فقط . . .


اما بالرحلات البرية البس الشماغ العراقي اللي ملون . . .


واعصب راسي فيه أو اتلطم لا كان الجو بارد . . .

[التاج الشمالي]

مشكور اخوي على الموضوع

بالنسبة لي :
انا ما أنبسط اني اطلع من المسجد حتى ارميه

تبيني البسه بالبر .

البر بكبره ما ألبس ثوب تبيني عاد البس شماغ ههههههه



الف شكر لك

[راعي الطلعات]

اذا كان الشماغ صوف للبر صح البسه لكن شماغ شخصية لالالا و لا للمهايط :)

[S a L e H]

لاهل اصحاب الهوى والطلعات

مسائكم الله بالخير

عندي موضوع للنقاش

واتمنى أني اسمع ارائكم

الموضوع يتكلم عن الشماغ

فيه ناس اذا طلعت للبر مستحيل تفسخ الشماغ ويقول عيب وفشيله يمكن يطب علينا ضيوف

بأي وقت !!

وفيه ناس يقولون مانصدق على الله نطلع للبر علشان نتخلص من الشماغ .

مع اي فئه انت وماهو تعليقك بالنسبه للشماغ بالبر

والله يرزقنا الامطار علشان تحلى الطلعات .



حياك الله يالغالي...
والله شف انا من اللي يحبون ويقدرون لبس الشماغ....بس بالبر مهوب شرط لبس الشماغ وأيضـآ رسولنا الكريم لم يكن دائمــا علية العمامة((قياااسآ بالشماغ)) يعني انا من النوع اللي اطالع بالشماغ وألبسة أول الكشتة بس اخرالكشتة تلقاه في السيارة مجدووع:)...

بس الله يجيب الربيع...كان البس الشماغ حتى وانا ناايم...
الله يرزقنا الامطار

[ابو النادر]

اما في النهار مفش شماغ خل الراس تهواء
اما في الليل فهو حسب ان كان برد عساء ما نحط الفرو فوق الشماغ
اما اذا كان الجو حلو فا مفش شماغ

[ALBDRANE]

أفضل الشال الكشميري الصوف العريض الأشهب
كد ومد .... والبرد أذا تبكته على الراس أحس أن البرد يبتعد عني والغسيل كل قبالة الشتا أغسله بخار .

والصراحة أني دورت مثله للأسف معاد لقيته .

ا

[nashy]

asdali (http://mekshat.com/vb/member.php?u=132664) http://mekshat.com/vb/images/statusicon/user_offline.gif هههههههههه الله يبطي بحزة الشر هذي اللي والله هو طبها

[جرح _الرياض]

أنا اعتقد ما يلبس الشماغ في البر إلا الأصلع هههههههههههه فقط

[سبتان]

الشماغ في البر وقت البرد الشديد ... أما غيره فلا ...

[مشعل العيسى]

بالنسبة لي انا من ضمن الاشخاص الي تحب تلبس الشماع فاغلب الوقت يكون علي شماغ وفي البر لابد من لبسة تغطي وجهك تمسح به يديك تغطي اذانك عن الهواء وتربط به راسك

ولعل العادات بالنسبة لي تمثل عامل كبير ... ومازال بعض الرجال " يشره عليك إذا لم يرى شماع عليك " ...

عموماً الأمر فيه سعه وكل رجل يعمل ما يناسبة إذا كان لا يخالف الشرع او العرف ..

[منيور]

ياخوي تبي راسك تقول راس هندي هذا من سلومنا وعوايدنا

[abu fares]

والله ما يجبررني عليه الا الدوام والمناسبات

وغيرها والله ما اطيقه

[راعي المستوي]

البس الشماغ في الحالات التالية:
صلاة الجمعة و العيد
المناسبات
غير ذلك لا البسة

[سامر]

انا ضد لبس الشماغ في البر تماما


ولا البسه في المدينه الا للعمل او المناسبات



لأنه ترى مجرد خرقه حمراء منقطه فرضتها القيود الاجتماعية ولا علاقة لها بالدين


وعلى فكرة اللي يقدس الشماغ اقول له ترى جدك الخامس او السادس ماكان يعرفه


لان الشماغ ترى حديث عهد

بس كانوا يلبسون عمايم او يلفون خرقة بيضا على روسهم

[خيال المنشا]

مشكلة الشماغ صارت عرف ولا لو جينا للصحيح بدون شماغ أريح سواءً بر ولا غيره
لكن ماتســـــلم من المناقيد .
بالنسبة لي حسب الطلعة رسمية ولا طلعت أخويا إذا رسمية طبعاً بشماغ وإذا خوة لا

[ولد التواجر]

و الله لا صار ذاك اليوم الجو برد .. يالبى اللطمة و خاصة بعد صلاة الفجر

اما اذا الجو معقول عصابة حمدانية << تريحك شوي

و ان كانه حار البسه احتراما للعادات و التقاليد

[abo_hoor]

يعني انت تبلسه كحب للشماع فقط


يعني مو علشان العيب والعادات



ابو حور شرفتني

الله يشرف مقدارك اخوي التخصصي انا معاك بالموضوع هههههههههههه للاخر متابع
اللحين اقولك يالغالي اي نعم احبه البسه لحبي له وارتاح جدااا فيه بدونه ظاهر فيه انتحار ترا مو مصلع اوكي يالتخصصي هههههههههههههه
تقبل تحياتي لك اخوك ابو حور

[عود رمثه]

البر بريره والعقل بالديره

[الشقردي 205]

بعض الناس معطين الشماغ اكبر من حجمة ومقدس عندهم . . .


ومثل ما قال أخوي العضو / سامر / مجرد قماشة حمرى لا تزود ولا تنقص . . .

[ALSEMAIRI]

أحياناً خاصة أوقات القيوض ولا صرت مشغول أرمه وما جاك علي
أهم شي أنه ما هوب لازم شماغ

[عاشق ديرتي بريده]

مشكور لكل الاخوه المشاركين

الموضوع كل يوم له مكان :D

[سليمان الربيعان]

السلام عليكم
انا ما اطالع للبر أو اروح اي مشوار الا وانا لابس الشماغ
موب عاده بس حب للشماغ
مشكور على الموضوع

[عزوتي وايل]

مرحبا بالجميع والله ياخوي بالبر الشماغ حتى وقت النوم نتلطم فيه

وخاصه لاكان الجو باااارد شماغ والا شال ماتنزل من الراس

اما انه عيب فهذه عاداتنا ولانقدر نغيرها وانا اخوك

[فياض مكشات]

الشماغ ما ينزل من على الراس
اما في البر ما نستخدم غير الشمغ الملونه
امهات 20 ريال واذا الجو زين ما ينزل من الكتوف ملفوف على الرقبه

[رعد مكه]

البس الشماغ وقت المناسيات فقط اما في البر استمعل الشماغ الملون اعصبه على راسي

[عععبيد]

انا البسه في الشتاء وقت الهبايب والشموس
والشبة يعني اذا له داعي
فقط

[ابو درع]

هو زيين خاصة ممن يشتهر بكثرة الفلقات .( الصعارير ) يغطي العيوب .. اما انه مكمل للرجوله

فما وجت نص في الشرع بحكم لبس الشمغ .او باب ماجاء في لبس الشماغ

[جول قميري]

والله بالنسبه لي اكره ما اشوف الشماغ
البسه بس بالمناسبات والدووام
احيانا البسه واتلطم عن الشمس خصوصا لصيد الدخل

[hmada1213]

في البر ما ألبسه . لكن باقي الوقت ما أستغني

[بندر08]

الشماغ للرسميات والإ إذا كان فيه برد والناس أجناس

[سديرآوي]

لا والله بالعادة افصخه لاصار حر ,,

لكن احيانا اتلطم به بالشتاء :) ,,

او اعصب راسي او اربط بس ظهري اذا جيت امشي او احطب او اتسلق ....إلخ

[عاشق ديرتي بريده]

بصراحه مداخلاتكم مفيده الله يعطيكم العافيه

[الهدد يابعدهم]

يعطيك العافيه على الموضوع

والله حسب الجو

بس الأغلب بشماغ لإني تعودت

[يتيمة الدهر]

مسيتم بالخير جميع
قرأت كتاب قبل كم أسبوع وجدت به عدة أحاديث تحث على لبس العمامة ( الشماغ ) أذكر منها
قال رسول الله صلى الله عليه وسلم ( تعمموا تزدادو جمالا )
قال رسول الله صلى الله عليه وسلم ( العمائم تيجان العرب )
أتمنى من المهتمين بهذا الموضوع التثبت من صحة هذه الأحاديث
ولكم الشكر ،،،

[العميد ابواروى]

اذا استقلت من عملي يمكن يكون السبب الشماغ
من كرهي له
ام بر واشماغ هذي يبله بيلة شاهي خادر

[سحاب1]

يعطيك العافيه اخوي ..
بالنسبه للبس الشماغ في البر امر مستحيل يالله اني البسه في المدينه

[برج المعيدي]

بصراحه الشماغ مالبسه الا بالمناسبات واذا رحت الدوائر الحكوميه
ابصراحه اصدع اذا لبسته بالبر الله يخلي القبع ادفا وخف والا تبلش اذا مريت بجنب اشجره
خذا درزن من القبوع الزين وحطه بالموتر
وريح راسك

[طفران بس بطران]

الاالبس الشماغ والعمامة لانه عوايدنا وسلومنا

[حق الفيتو]

البسه ، ولازم مكوي زياده نشا وبدون مرزام ،، :p


والله البسه للطمه بالبرد ،، والا غالبا ما البسه ،،

[mr.muhmmed]

لا تحلو الكشته الا اذا كانت بعيدة اشد البعد عن الرسميات ولبس شماغ وتكشخ

فلا بد من حلت الشماغ بالغماره

[1711]

أنا عجزت أشيل الشاغ ماعندي سبب بس ما تعودت ؟؟؟؟

[ابوصالح3]

احيانا البسه
والافضل للواحد انه يدق له بدال للبر ادفى اذا انت بالشتاء واخف لك بالصيف
اما رسمي 24 ساعه حتى وانت بالبر حلوه هذي ............طالع استانس والا رايح أعزي هههههههههههههههههههههههههههههههه

[عاشق ديرتي بريده]

الله يعطيكم العافيه

[رحال الصمان]

انا البسه في البر بس بطريقه مختلفه كلبس العمانيين اوبالاحرىلبس الاولين واجد راحه في ذلك ومن اشور عليه يجرب يستمع بالفكره بلاطربوش بلاغيره وجربو وشوفو ولااسهل من تجربه

[مخاوي الليل.]

والله الشماغ في البر البسها بس بطرقه غييييييير واكثر الاحيان بدون شماغ فله حجان طلعه شبابيه لاانت تبي تروح للعزيمه ولا شيء هذا بر ولافيه فشيله بالشماغ ايه الشماغ على حسب الجو اذا كان برد تطلم والا كان الجو زين اعصبهااا واكثر .
هذا الي عندي والاراء تختلف عن الاخرين (لولا اختلاف الاذواق لبارت السلع )يعني كل واحد ومزاجه

[عاشق القيلات]

الشماغ يفيدك بالبر وانا من الناس اللي مستحيل اطلع للبر وما أخذ الشماغ معي
لابد اعصب راسي,,,,,,

[ذيب الداهية]

دائمــــــــــــــــــــــاً مافكة من راسي
سوا في الديرة أو في البر مستحيــــــــــــــــــــــــل أتركة
حتى في النوم ..
مشكور على التصويت أخوي ..

[ابو سفيان 09]

انا البسه بالنهار عن الشمس والسموم.
واذا غابت الشمس يتحول سبحان الله الى خرقة تمسيح. امزح

[nayf01]

ياخي انت كاشت والا رئح لعرس او معزوم


انا صراحة اذا طلعت للبر البس بنطال وقميص ولفة على راسي او قبعة

عشان ما تعوقني اثنا الحركة

[الزافر]

والله الشماغ طيب بس في البر يطير دايم مايجلس على الراس

[بن حاضر]

والله ياخوك انا ما البس شماغ فالبر .. إلا ان كان اعصب فيه راسي ..

لكن استغرب من بعض الناس وكثير تلاقيهم .. اللهم هم مسافرين وماسكين خط ولابس شماغ ومرسم بعد صراحة هذي اللي استغرب منها .. اما من ناحية البر .. فيه ناس دايم يلبسونه سوى مناسبة ولا غير ..

[المرزم]

والله وانا اخوك وشوله تغث نفسك البس لك بنطال وقميص وفله

[هلا هيلو]

أنا أحيان البسه وأحيان مالبسه حتى في الديره أحيان مالبسه

[ابومدحة]

موضوعك حلو وممتع
الشماغ شيئ مهو رسمي بالبر
بس اذا جا رجال يستحى منهم البسه تقدير لمجيهم
والامر فيه سعه الا عند كبار السن ينتبهون لهالشيئ
ويعطيك العافيه
وفي حفظ الله

[سهيل رفحاء]

اذا الجو به حر وشوله البس شماغ وبنسبه لللضيف اذا جونا البسه


اما اذا هي برد برد لاوالله مانزل الشماغ لا وبعد لطمه

[أبوعسكر]

االسلام عليكم
اخي صاحب الموضوع عندي سؤال كل ماشفة موضوعك ودي اطرحه وبدون زعل
الحين وش الفائده من هذا لإستطلاع ودي اعرف هل عندك بحث
الرجو الرد وبدون زعل عشان نستفيد منك ومن غيرك من الاعضاء وبارك الله فيك

[عاشق ديرتي بريده]

االسلام عليكم
اخي صاحب الموضوع عندي سؤال كل ماشفة موضوعك ودي اطرحه وبدون زعل
الحين وش الفائده من هذا لإستطلاع ودي اعرف هل عندك بحث
الرجو الرد وبدون زعل عشان نستفيد منك ومن غيرك من الاعضاء وبارك الله فيك

ابو عسكر الزعل عندي مرفوض

وسؤالك حلو

اللي خلاني اسأل عن الشماغ لأني طلعت مع ناس واستغربت على تعلقهم بالشماغ

يعني حبيت اعرف من فينا وجهة نظره صحيحه انا والا هو .

شرفتني يابو عسكر

<<< هذا وجه بحوث :D

[a7md al-q9em]

^^^^
^^
^
آشكرك ع الموضوع وبالنسبه لي وانا اخوك وش اوله الشماغ ؟؟

قميص فقط .. يكفي ..

[arke]

لا ابدا...........

[سناعيس]

موضوعك بسيط وشيق
انا ما لبسته بالديره البسه بالبررررر
يا رجال لو مافيه دوام وعزايم واعياد كان ماشريت الشماغ
تقبل مروري وشكرا على الموضووووع

[ابن السحاب]

في البر والمدينه لابسه

[برق بريده]

صراحه انا من النوع الي يحب الشماغ لاكن ما احرص عليه بالبر الا إذا كان الجو بارد

[ولد وايل..]

وانا اخوك الشماغ مامثله....

لا شال ولا طربوش ولا كرفته...


الشماغ تبيه للدفى تبيه للذرى تبيه للتمسح تبيه للتلثم وسد الخشم تبيه للدفى تبيه للعصب تبيه بيز عن الحراره تبيه تبيه تبيه...


ماااااااامثله...

من ناحيتي الشماغ ممكن افصخه وعادي لكن لانمت ولا جلست والجو برادات ما اتنازل عنه لو تسكني وسط دفايه...

[مراسل الشرق]

أنا لا أرغب في لبسه إلا في المسجد والدوام والمناسبات الرسمية

شكراً لطرحك هذا النقاش

تقبل مروري

[ابوسلطان90]

والله يا عزيزي صاحب الموضوع انا مره البس شماغ ومره البس قبعه ومره طاقيه ومره بدون شي
بالنسبه للعيب والفشيله للمرأه وليس للرجل.
الزي السعودي الثوب والشماغ يعتبر رسمي وبرتكول متبع في المناسبات الجتماعيه كالزواجات ايضا في مجال العمل سواء حكومي او خاص ايضا في صلاه الجمعه.
اما باقي الاماكن والاوقات فلا اعتقد انه بانتقد واحد رايح البقاله يشتري حليب اقول وين شماغك والا في البر مخيم بقول وين شماغك.
الثوب والشماغ مثل البدله خارج السعوديه رسميه ولها اوقات.

[غيور11]

موضوع شيق جدآ
بالنسبه لبس الشماغ في البر انا مااويد لبسه لانه يسسب ازعاج ..

[أطلال نجد]

أنا أشوف أن لبس الشماغ ماله داعي في البر

ألبسه غالباً بالليل إذا كان الجو براد

شكراً لك

[FARSGN]

البس الشماغ وقت المناسيات فقط اما في البر استمعل الشماغ الملون اعصبه على راسي

[بروق الخريف]

انا اشوف ان لبس الشماغ في البر ماله داعي

[اسطورة الصمت]

الله يعطيك العافيه اخوى التخصصي
اما انا ما البسه الا في المناسبات فقط حتى بالدوام اغلب الوقت من دونه وبالنسبه على المكاشيت الله الله بالشورت والتشرت
تقبل مروري

[صاحب نوماس]

انا احيانا لانك تقابل رياجيل هناك وتحس صعبة شوي

[عاشق ديرتي بريده]

الله يعطيكم العافيه ياشباب

بصراحه أنكم تشجعون الواحد يكتب موضوع ثاني .

[F16/a]

الحمد لله
بنسنه لي
انا احب شماغ البر(الاحمر ,البني )في الشتاء و الربيع
لاكن في الصيف لا ارغب في لبسه في البر

[سوبر مكشات]

بالشتاء
او حسب الجو

والطربوش مايضبط ولايرتكز

مامثل الشماغ

[ديوان العرب]

اما الي نام وهو متلطم بشماغ مصيبه يفطس وهو نايم هههههههههههههههه

[القرشه]

ربي يحفطك لبس الشماغ بالبر عادة للأولين بس حنا اللي يلبس الشماغ بالبر يا اصلع يا متعود على حمل الملف الاخضر والا المفروض بالبر لا للشماغ ولا للطاقيه نعم لسدادات الاذان

[دل البحار]

مايلبس الشماغ الا الشيبان الكبار بالسن وأنا ما شفت واحد يلبس شماغ بالبريه الا وعمره فوق ال80 سنه

[دوام الضياء]

مع الفئه الاولى في الشتاء
والفئه الثانيه بالصيف

[F34666]

في الصيف البس شماغ وارشة بالماء
في الشتاء نلبس طربوش ثقيل

[نسناس ليل]

بالبر وخاصه ايام الشتاء لا اوصيك خلقن =( البس ودف عمرك)
وبعد عن الرسميات بالكشتات


انا افضل الشماغ الملون لانه بتااع كله والقبوع مالك غناة عنه

[N-G-D--KSA]

الله انا من كل الفئة بعض الاحيان البس وبعض لا

[هدد7]

بعض المرات البسه وبعض المرات لا

[المنتهي2000]

يارجال حتى اذاتعطل الموتر ادخل تحته بالشماغ
واحيانا اذا ابطيت في البر اغسله وطبعا البسه بدون كوي يعني وسع صدرك مهولازم كوي

[قرناس شماالي]

اخوي والله على حسب الجو
اذ برد شماغ واذ حر ارمه
وصلاالله وبارك

[ماضي الزمان]

و الله انا اقول انت طلعت تستانس ولا طلعت ترسم
اذا الأمر يستدعي اوك
البسه
خاصه بعض الأجواء تحتاج منك تلبس الشماغ
واذ بس خايف من احد يطب خله على جنب واذا احد طب البسه
ولو اني ما اشوف فيها شي اذا قابلته في نزهه و في مكان بعيد عن الناس وانت مو لابس شماغ
وبالنسبة لي انا من الناس اللي يلبس الشماغ واجد و ما اتضايق منه بالعكس ارتاح اذا انا لابسه

[SRAAAB]

في البرد مالنا غناه عنه
أما من ناحية الصيف كشف

[بريداوي اصليm]

والله شف الشماغ ينفعك بحلات كثيره
مثل بالبر تلطم ولاصار بوه عج ولاغبار تلطم
ولاجاك أحد ولاك علطول تشخص ولا صرت مزكم
ينفعك بعد تكدوه كد

[رعود ابريل]

على حسب

اذا الجو غبار وبرد ومطر لا والله الشماغ دائم موجود

لكن اذا الجو منتاز مايحتاج

[ساهر اليل2010]

والله البسه على حسب الجو يعني إذا برد الشكوى لله ألبسه وإذا حر لا أرجمه طول يدي

[رااعي الفزعات]

على حسب الجو اذا بالصيف مامثله على الطبلون . .
واذا بالشتاء فعز الله انه حبيب قلبك ولا ينزل من راسك حتى وقت النووم..

[النتاوي]

بعض المرات البسه وبعض المرات لا

[ابوناصر123]

بالنسبه لي ما انام إلا متلثم بالشماغ

[دل البحار]

انا من عرفت نفسي ما افك الشماغ حتى وأنا العب كوره شماغي على راسي من فوق هههههههههه

[almodmani]

عليكم السلام
والله انا ياخوي ماداني الشماغ
لا بالبر ولا غيره مالبسه الا للدوام ويوم الجمعة للصلاة
لكن احيانا بالبر يكون برد وتلطم فيه
والواحد اذا طلع للبر والجو زين ودك يجلس بالهاف
او يلبس تكميله بدله رياضية وخاصة اللي بطول
ولا له داعي الرسميات والكشخه بالبر
هذا راي والله يعطيك العافية

[k.n.h999]

والله عن نفسي على حسب الجو والمزاج
لاصار الجو غيوم وزين حذفتها طول يدي ولاصار ليل لبستها
يعني احياناً

[ورقان]

الشماغ بالبر اكثر اهميه يوقي من الشمس وتتلطم فيه عن الغبار زود ان يوم تمشي بدون شماغ بالهواء والغبار
طبعا اشمغه خاصه للبر مو شماغ كشخه اهم شي ماتكون كاشف راسك

[كهلان]

ألبس الشماغ فى السياره حتى ننزل
وهذا اخر خبري فيه حتى أرجع
وفى الليل ألبس قبوع اللي يغطي الرأس والاذنين خاصة ايام البرد

[فتيان صلالة]

بالنسبة لي

احيانا انام متلطم بالشماغ والعقال فوق راسي خصوصا اذا كنت متوسد المركى

واكثر الاحيان اتركه في السيارة

[مقدام النت]

بالله عليك صادق حد يلبس شماغ بالبر انا مالبست الا اذا كان اطلع لمناسبه فكيف البر والبيت ههههههه

شكل البعض ينام بالشماغ
الله اكبر قال عيب خخخخخخخخخخخخخ

الحمدالله

[اهل الردات]

والله ان الشماغ ميطيح من راسي بلبر وغيره مله طعم وجهي بدون شماغ

[طيــر شلــوى]

يامرحبا ..
.
.
.

الرجولة ماهيب بلبسة الشماغ والعقال وانا اخوك .. الرجوله بالأفعال :)

عن نفسي يعني مسكات :D ..

اذا حسيت بالبرد دقيتها لطمه اما غيره اخليه بالسياره :D

موضوع مميز .. تحياتي لك

[التيس المفترس]

السلام عليكم
يا كرهي للشماغ بالبر دايم ينشب بالاغراض والا اصك عليه الباب وانا لابسه اذا نزلت من السيارة يتلني اذا مشيت وتلقا رجولي تسبق راسي بمسافة حليله ومنجعف على ورا كاني واحد يمشي على حبل واحاول احتفظ بالتوازن :) واكره مالي اذا جيت اتلطم وشميت ريحته عقب حطب البارح خاصة اذا حولي واحدن بثر يحرك الحطب واجد :f
والا اذا فصخته وجيت ادوره ابلش به تحت الاغراض واذا سحبته يتنتف :mad:
واكره مالي اذا جالس تحت سدره وجيت اقوم وانا لابسه عزالله اللي بلشت :(
صح انه له ميزات استعمله بيز بعض الاحيان وفوطه للتنشيف السريع بس مايسوا طاح من عيني في البر مشاكله اكثر من محاسنه ;) لذا قررت محاربته في الرحلات البرية اللي معي فيها خويا خاصين والا اذا ناس ما اعرفهم لابد اجيبه الين اسلم عليهم خبرهم فيه اذا سلمت عليهم بس بعدين اجدعه هناااك في اخر السيارة ;)
طحت من تالي في القبع :good: اللي يجي ثقيل يازينه دفيء ووذف ولا له جدايل مثل هالعله الشماغ ولا له ريحه اذا جيت انام تليت القبع الين يغطي خراطيش الخشه وانواع الدفا شريت منه اربع قطع والوان على كيف كيفك مسميهم شرابات راس :D
واذا معنا العيال مريت المحطة شريت درزن ووزعته على الورعان الله يديم الرخص مهوب هالشماغ ارخص شئ 120 ريال ولا يدفي من تالي صارت الشمغ كانها غتره :mad:

بس وش الغرض من سوالك والتصويت ؟؟

[ابوفهد06]

بنسبه لي اذا كان براد لبسته مع الطربوش

[الكيان]

نعم وبكل تاكيد


لازم عشرة حروف

[عباس44]

مشكور اخوي التخصصي
والله انا احبه البسه يعني حتى بالكشتات مو عن انه عيب لا بس بعكس على اساس انه دايم البسه
وهو يحمي بالشتاء وكذلك الصيف من الشمس

[وارف الظلال]

الله يعطيك العافية أخوي على الموضوع
انا بالنسبة لي احب البسه ولا ينزل عن راسي الا للنوم
ويحفظ الراس عن الهواء والبرد في الشتاء والشمس في الحر
وأحسه اكشخ مع الثوب والموتر يعني مالي عنات عنه
والواحد في البر مايكون عنده رسميات (البساط احمدي)
سلمت الايادي وننتظر جديدك...

[alkreze]

وبالنسبه لي صوتت للفئه الاولى


لاني احب لبس الشماغ جدا واخذتها عاده حتى فالبيت ما انزل شماغي الا وقت النوم
وشماغي وعقالي فوق راسي سواء مناسبه او كشته او دوام او اي شيء كان
الا في حاله السفر والخط طويل انزل الشماغ جنبي


شكرا

[حنيف]

الشماغ يا الغالي انواع بالنسبالي منها شماغ مناسبات وشماغ مسجد وشماغ جمعة
اهل وزملا وشماغ بر الي يجي نوعه ثقيل اشوي يمديك تسوي انواع التشخيصات
وفي البر وانا اخوك البسه على الشهوه نوب على راسي ونوب في حضني
ونوب اعقدبه ظهري ونوب اتعمم به و.............الخ
واحس نفسي ثقيل لا لبست الشماغ غير لم اشيله و




تحياتي الك.................................

[aboturki]

ما البس واذا كان الجو بارد البس قبوع

[omar 3]

والله وانا اخوك خله يطب وانا لابس شورت مب مشكلة

ماهو بلاقي الى الي يسره



بس انا من النوع الي البس الشماغ دايما موب عشان يطب وما يطب بس لانه طناخة وتسوي فيه حركات تغنيك عن الكقبوع



عصابه عمامه لطمه ومن هل كلام

[مجنون باترول4800]

والله وانا اخوك انا من اللي يحبون الشماغ
ولا افضخة بالبر مهوب والله لشي بس هواء
وعلى فكرة الساعة الحين10 ونص بالليل والى لان وانا لبس شمغي

[عبدالله614]

مالبسته بالديرة البسه بالبر

[عبدالله614]

مالبسته بالديره البسه بالبر

[هاوي البر ..]

انا من نحيتي الجماعه الثانيه

[دل البحار]

أنا ما البس شماغ بالبر ولو لزمت لبست عمامه احس انها افضل من الشماغ والقبوع

[مخبء الذيب]

بالنسبة للبس الشماغ في البر على حسب الجو أحياناً ألبسه وأحياناً لا .
مع أني أحب دائماً ما ألبس الشماغ يكون أريح..........

[هوى الشرق]

بالنسبه لي عساني البسه بالمناسبات اما بالبر اقدر الطربوش والشال

[Moshakes13]

بر, بحر وجو لابسه :)

والسبب عادة لا اكثر

[عرق رملان]

انا البسة اكبر وقت ممكن في البر خاصة اذا كان هناك برد شديد وهواء
ولا تقول قبوع ولا غيره ولا شال

مثل الشماغ اذا تلطمت ما مثلة مرررره في حماية الرقبة والاذان والفم والخشم وغيره

اضافة عندي في وسط المرقد شماغ ثانية هاذي وقت النوم اتلطم بها واحزمها على رقبتي وهاذي مهمه على الرقبة !!

[المكحل/ابو]

الشماغ افصخة عند خروجنا من الدائري ثم اطق الطربوش او الشال
الشماغ بالبر اعتبرة رسمي ما بعد كشتنا

[؟؟؟ياعيني؟؟؟]

الشماغ مو دائم اهم شي اللطمة (طلعنا شيعة) ههههههه وقت الهواء البارد بس علشان الاذنان لتغطيتها ....
تقبل ردي

[عاشق ديرتي بريده]

مشاهدة نتائج الإستطلاع: هل تلبس الشماغ في البر ؟؟؟
دائما
http://www.mekshat.com/vb/images/polls/bar2-r.gifhttp://www.mekshat.com/vb/images/polls/bar2.gifhttp://www.mekshat.com/vb/images/polls/bar2-l.gifhttp://www.mekshat.com/vb/clear.gif
120
24.69%
احيانا
http://www.mekshat.com/vb/images/polls/bar3-r.gifhttp://www.mekshat.com/vb/images/polls/bar3.gifhttp://www.mekshat.com/vb/images/polls/bar3-l.gifhttp://www.mekshat.com/vb/clear.gif
244
50.21%
لا
http://www.mekshat.com/vb/images/polls/bar4-r.gifhttp://www.mekshat.com/vb/images/polls/bar4.gifhttp://www.mekshat.com/vb/images/polls/bar4-l.gifhttp://www.mekshat.com/vb/clear.gif
122
25.10%
المصوتون: 486.

[عاشق الجكسار]

لبس الشماغ في البر او غيره تختلف
عندك في القصيم والشمال والجنوب سواء في مناسبات او بدون مناسبات يكون عندهم واجب
اما في الرياض والشرقية والغربية مستحب

[بدوي]

دائما وابدا حتى وانا نايم متلطم
السبب ..الستر واجب..غزاره في انتاج الشعر لكن التوزيع امحق..والحمد لله

[YUKON_GMC]

حسب المزاج وحسب اللي حولك

لو لحالي ومبسوط ب جدعه في المرتبه الخلفيه

لو معي ناس ابنزله بس قريب مني

لو في المدينه مستحيل ينزل من رأسه وكأني ماشي بدون ثوب

[حسين2002]

أنا ما ألبسه في البر
لكن رأيت من أقاريبي التمسك العجيب بلبس الشماغ
حتى اني سميته ( سراول الرأس )
آسف على هذه العبارة
اشكرك على هذا الموضوع لأني استفدت منه

[الليث الذهبي]

اما انا البس بس يختلف الاستعمال من شماغ الى خرقه

[بندرالعتيبي]

اكيد لازم البسه بدون عقال العتصب بالغتره وفي حاله الهواء البادر التلطم المهم ان الشماغ ماتنزل عن راسي لارحت البر بدون عقال اما في المدن بدون شماغ لاهنت على الموضوع

[هاوي بر25]

موب دايم لكن الشماغ احيانا يصير وسيلة تدفية

ولا .ماهيب مشكلة
يعني على حسب الجو

[الصاعقة99]

الحمد للة ماعرف الشماغ الي بالزواجات وصلااة الجمعة وصلااة العيدين
غير كذا ماذكر احس اني اذا لبست الشماغ تريلاا بالقوة اتحرك وكل حركة تحسب لها حساب وشكرا

[الذيب ذيب .]

أولا اشكرك على الموضوع

بالنسبه لي
في البر الشماغ أعصبه على راسي من اصبح لين امسي
ما أفسخه الا عند الوضوء للصلاة


مشكور....

[قارّة بنّا]

تسلم على الطرح الجيد ... وبالنسبة لي أعتقد أن الشماغ فيه رسميات والإنسان إذا كان بالبر أو مزرعة أو استراحة يكون بلا رسمية أفضل ... وهذا رأي ووجهة نظر لي

[ALDAHNA]

لبس الشماغ يعتمد على حسب الجو برد حر
اما العيب ليس له علاقة عندي لان الغريب عن البلد ليس عليه حرج

[عاشق ورق]

العمايم تيجان العرب
والشماغ تحل محل العمامة
عني اغلب الاحيان على راسي الا لكنت مشغول اوطيها
تحياتي

[عبدالله...]

عوافي أخوي ..



على حسب الجو .. إذا كان يستدعي ألبس مثل البرد الشديد أو الغبار غير كذا عادي ما يحتاج


وعلى فكرة .. للأسف فيه فئات ن الناس مدري وش ممكن أطلق عليها لكن احتراماً لها ما راح اتكلم


هذه الفئات ممكن انت يالواحد تطيح من عينها علشانهم شافوك بدون شماغ في مسجد او سوبرماركت او اي مكان عام !!!!


يعدونها من خوارم الرجولة والسنع وعلوم المرجلة !!!!!!!!!!!



وهذا يقودنا إلى السؤال الأهم .. هل من الطبيعي أن يحكم عليك أحد من خلال لبسك الشماغ من عدمه؟؟



طيب والمناسبات

[سديراوي 503]

انا والله نسيت في اي فئة
بس شكلي حاط دائما
لاني البسة كل يوم في البر
ولا في اي مكان ثاني
ماتركة:D:D:D:D

[شمالات نجد]

يهون الشماغ عند بعض الملابس ههههههههههههه

(تم التصويت أحياناً)

[.عبد العزيز.]

فــــــــــــــــــــــئــــــــــة 2

[طبيب المواتر]

ياشباب انا البسه في البر الفوائد
1- يحمي الراس من البرد والحر.
2-يسعفك في اي حاله طارئه .
3- احذفه على الجربوع.
وهناك اعمال اخرى

[ابو تفليقه]

والله انا ما اروح للبر الا في الشتاء
والشتاء برد ولازم شماغ بس نوع الاردني والفلسطيني
الي يجيك صغير وخفيف ولبسي له عن البرد فقط

[بلال البلوي]

بالنسبة لي الشماغ المعروف مألبس الا في الحفلات والمناسبات أو في الدراسة

أما البر له شماغ مخصص يجيك على عدة ألوان وهذي أفضل شئ للبر

[الــفــيــصــــل]

ماجاب لنا الصلع غير الشماغ تدرون ليه لان الطاقيه تحجز الهواء مايجي الشعر ويبداء الشعر يطيح

[الفهد7]

كلً يرتاح لشي
انا عن نفسي على حسب الجو والحاجه.... مرت اللبسه ومرات لا

[أميرالعشاق]

الشماغ الأحمر للمسجد والعمل والمناسبات...
أما في البر...ألبس الشماغ الملون..في البرد أو في الحر ...لاغنى عنه..
والحين أشوفه صار (موضه) وأغلب الشباب يلبسون شماغ ملون حتى في المدارس!!
ومن وجهة نظري الشماغ الملون أفضل من الأحمر

[ابو عوضه.]

انا البس الشماغ اليمني في الرحلات البريه والبحرية

[فخامة الرئيس]

أحياناً
تم التصويت

[saqer-aljazera]

اما عني فكنت لا انزعه ابدا
اما مؤخرا فلا حول ولا قوة الا بالله ما يمديني اوقف الا وهو اخر علمي به ..( راميه بالسيارة ولا ادري عنه الا اذا دخلت الديرة )
يا اخوي احس اني مربط ...

[Eyas]

احيانا خاصة اذا كان فيه برد

[مزون المدينه]

أنا لو بكيفي ما ألبسها أبد

هههــ

يا زين الصلعه إذا كانت كاشفه

[عنودالصيد]

ماجاب لنا الصلع غير الشماغ تدرون ليه لان الطاقيه تحجز الهواء مايجي الشعر ويبداء الشعر يطيح
8
8
ياأنـــــا ضحكت من قلــــ :Dــــــــــــب
المعذره دامني دخلت الصفحه
ابغا اعلق وبدون تصويت
نيابة عن ولي امري فالبر ضروري يلبس الشماغ الملون اوالبني ويلفه على راسه بطريقه جذابه:good: ومافيه اشكال
واتوقع الأغلبيه كذا لأنه يحمي خاصةً فالشتاء
وفالصيف يقي من ضربةالشمس

[عاشق ديرتي بريده]

ماجاب لنا الصلع غير الشماغ تدرون ليه لان الطاقيه تحجز الهواء مايجي الشعر ويبداء الشعر يطيح

:D

طيب المصريين اكثرهم صلعه ولايعرفون الشماغ

[إلقناصه]

السلام عليكم
اكيد لا

[تاج المودة]

كل شي وله وقته

أنا بالنسبة لي البسه للمناسبات الرسمية زواجات مراجعات للدوائر الحكومية ولأي مكان عام لكن مع الزملاء الوضع فري
وألبسه في حالة البرد اتلطم به

شاكر لك هذا الموضوع الشيق

[ابو محمد 276]

الحمدلله انا اتخلص من الثوب والشماغ بالبيت عشان اذا دخلت حول الدفرنس وعامود الكردان اهندس واصلح وبعض الاحيان اصلح الفرارات بالبر وانتم تعرفون شحمها وقت ما يكون سايل ما يتوسخ الثوب اما البنطال فعادي ما يبان فية ههههه بالتوفيق

[الشهرااااااني]

والله شف انا احب الشماغ واحب البسه دائما مهو قصة عادات بس طبيعه .. ولك الف الف شكر على الموضوع..
تحيـــــــــــــــــــــــــــــــــــــــــــــــ ــــــــــــــــــــــاتي

[الارطئ]

على حسب الجو شماغ للبر

[سهم السبعه]

كل واحد برغبته موشرط

الي يعجبه يسويه

[سالم الشدوخي]

صيفاً : لا
شتاءً : نعم
ههههه كنه مناخ جاف صيفاً ممطر شتاءً
يعطيك العافية

[الذئب المفترس]

في المدرسه لازم تلبس واذا ما لبست يا ويلك
لاكن في البر لا ما البس

[وااافي]

لااا ليش البسه بالبر .. اصلا ما صدق اروح للبر على شان اتخلص منه ههههه

[ابو محمد 506]

انا البسه احياناً يعني اتلطم به

[راعي طفات]

كشت ذات مرة وكان موجود بالكشتة واحد ( رجال ) متلطم من يوم جاء لين راح وصراحه شرهت عليه

او استغربت منه !!

وسألت ولد اخته الي يصير ولد خالي قلت وش قصته ؟؟

قال علشان الغبار والشمس ماتأثر على بشرته ليس نعومه

بل لأنه استشاري جلد

ولذلك الي يخاف على بشرته يتلطم بالبرد والصيف

وفقكم الله

[الشاطر ماطر]

انا البسه كزي سعودي في اغلب الاوقات بس مثلا البر وقت الحطب والطبخ احذفها لانها شغله

[سفير الحيا]

أيه نعم ألبس شمآغ في آلبر وهي وحده من الثنتين يـا لطمه يا لفّه اماراتيه << أجل تبوني أشخص كوبرا هههه

[السبيعي 503]

والله يعني أغلب الوقت نلبس الشمااغ

خلاص تووعدت عليه وتقدر تقول مرتااح الا لبسته

[zulfi]

هل تلبس السروال بالبر ؟؟؟؟؟؟؟؟؟

[أبوغمارة]

هل تلبس السروال بالبر ؟؟؟؟؟؟؟؟؟

وش دعوى ؟؟!!!

[أبو حجاب]

ما افصخه ابد




هل تلبس السروال بالبر ؟؟؟؟؟؟؟؟؟

لا اروح مفصخ ههههههههههههههه
وش رايك اكيد البس

[بوحے شماليے]

في أشمغه القنص لائقه مع الوان البر
وترى مافيها عيب ولا عادات اذا حبيت تلبسه ولا اذا ما بغيت ما احد لازمك على لبسه:no2:

[GMC 111]

يعطيك العافيه اخوي بصرحه انا ما البسه في الديره الا للمناسبات فقط ومرتاح جدا من دونه

بس في البر اجباري مدري ليه

ههههه

[رزيم الرعد]

بالنسبه لي بالكشتات ما البسه . إلا اذا مسكت الخط أو قربت من الديره ..

[راعي هدد 2007]

ضرورى الشماغ اى لون بس لازم الشماغ وشكرا

[مسهي]

موضوع جميل جداً والشكر لصاحبه وانا اقول وهل الشماغ إلاّ للبر
نعم للبر فهو الكمام ضد العج وهو دفا الزور والنحر والراس في البر وهو محزم الظهر في الشغل وهو المصر وهو وقا اجهزتك الإلكترونيه إلى بغيت وبالنسبه للي يتضايق منه لا يلبسه يحطه على الطبلون او عمود الخيمه او على صندوق الدلال اما يخليه بالبيت هذا والله الكسل وضياعة الراي وبالنسبه للضيوف والمسايير إذا جاو تل الشماغ من قريب مهب تخليه مره وحده لا انت اللي غطيت راسك ولا دفيت راسك ونحرك ولا تلطمت به من الدخان والغبار ولا استترت به عند الرجاجيل غاديه شوشتك كنها عرفجه ههههههههههههه وش استفدت
إلاّ جيبه واركنه للحاجه

[راشد حسين]

والله بعض المراة اذا كان الجو بارد

[دايم العز22]

متى يجي اليوم الل نفتك من هالرسميات شماغ وعقال اخخخخخخخخ



بالدواااااااااااااااااام والصلاة بس وغيرها ما البسه ابد

[قناص خلاوي]

عن نفسي الشماغ ما يطيح عن راسي :)
شوي والبسه بالبيت بعد
أما في البر والمقانيص فما عنه غنات ابد
وكلن ينام على الجنب اللي يريحه :)

[مراقب المطر]

أنا ما ألبسه في البر لكن بالغلط ضغطت على أحيانا


::


موضوع واقع على الجرح تماما :good:

في بعض الناس الله يهديهم معطي الشماغ أكبر من حجمه

وإذا شافك في محل معين ولا سوبر ماركت وانت مو لابس شماغك تطيح من عينه

ولا بعد إذا لبست بدلة يغسل يده منك :p

::

وعن نفسي ألبس الشماغ في أوقات المناسبات وصلاة الجمعة وكذلك في بعض الأشياء الأخرى القليلة

أما الباقي بدون شماغ

أنا لا اعيب كل اللي يلبسون الشماغ في البر لكن لا يعطيه أكبر من حجمه ولا يعتبر اللي مايلبس شماغ في البر عيب

وعن نفسي ما أفضل لبس الشماغ في البر إلا في الضرورة

تحياتي

..

[قناص2000]

الله يعطيك العافية ياخوي الشماغ من الزي السعودي وقبل هاذا فانه من علوم العرب ومستحيل انزله من راسي لانه عصبة الراس الله يسلمك لازم يكون معي خارج المنزل الا داخله .

[هدوء العواصف]

اكيييييد البس شماغ

[bloodomen]

الله يعطيك العافية ياخوي الشماغ من الزي السعودي وقبل هاذا فانه من علوم العرب ومستحيل انزله من راسي لانه عصبة الراس الله يسلمك لازم يكون معي خارج المنزل الا داخله .

صحيح من علوم العرب والدليل انه صناعة انجليزية

[بدر الشيباني]

أنا في البر ماألبس الشماغ إلا إذا كانت الشمس حارة
وإذا كان الجو بارد ما ألبس الشماغ أخلي راسي يشم الهواء

[تباشير]

لااااااااااااااااااااااااااااااااااااااا

[الصقر الجآرح]

ولا افكر البسه

اذا فيه مناسبه بس في البر هذا شي مستحيـــل ..

[alameir]

لا طبعاااااااااااااا

[Al-harbe]

وعليكم السلام

والله أنا من الفئة الثانيه:D
وخصوصا" إني هالايام محلق مووووووووووووس:Dوفرصه الواحد يبرد

يا أخي يطب إلي يطب ،حياه الله يبشر بالي يطيب خاطره من غير هالشماغ





ههههههههه والله أضحكتني بالحيل
لاكن أنا أفضل بدون شماغ

[ABO 3bdullah]

أكيد لأ :D

[شلون مغليك]

انا الابسه اربع وعشيرن ساعه بس بلبر افصخه احيانن

[قصيمي وأفتخر]

والله أحيانا ألبسه طبعا البكاريه له طعم أو إذا كان برد حلاته اللطمه

[كبليتر]

والله شف انا من الناس
اللي يلبسه بالبر
لاني متعود عليه
من يوم انا صغير
حتى بعض الاحيان البسه في البيت في فصل الشتاء
يعني (الشماغ الاسود)

[wshwshny]

موضوع جميل جداً والشكر لصاحبه وانا اقول وهل الشماغ إلاّ للبر
نعم للبر فهو الكمام ضد العج وهو دفا الزور والنحر والراس في البر وهو محزم الظهر في الشغل وهو المصر وهو وقا اجهزتك الإلكترونيه إلى بغيت وبالنسبه للي يتضايق منه لا يلبسه يحطه على الطبلون او عمود الخيمه او على صندوق الدلال اما يخليه بالبيت هذا والله الكسل وضياعة الراي وبالنسبه للضيوف والمسايير إذا جاو تل الشماغ من قريب مهب تخليه مره وحده لا انت اللي غطيت راسك ولا دفيت راسك ونحرك ولا تلطمت به من الدخان والغبار ولا استترت به عند الرجاجيل غاديه شوشتك كنها عرفجه ههههههههههههه وش استفدت
إلاّ جيبه واركنه للحاجه

كنت ماشي معك تمام الا ان قلت تستتر به عند الرجاجيل فهذي بحق
ما خبرنا عورة الرجال راسه ولا هوب مره عشان يتغطى بس مشكلة العادات اللي على غير سنع
واللي يقول ان الشماغ من عاداتنا وتقاليدنا اقوله ترى صناعته انجليزي يعني لا يمس تراثنا باي شي

تقبل مروري

[المداوي2]

صحيح من علوم العرب والدليل انه صناعة انجليزية

العرب كانوا يعيبون على الرجل اللي حاسرعن راسه اي مالبس العمامه وفي الاثر(العمائم تيجان العرب) بتقول هذي العمائم وانا اقولك حل بداله العمائم الشماغ




وبعدين تلقا اهل البر والمقانيص صح دائما لابس الشماغه مهوب جيل القارمن قبوع وبرموده:D


ومن العجائب حرص الامراتيين على لبس الشماغ على السلوم والقوانيين الاوله:good::good::good: ويمكنك ان ترى ذلك جليا واضحا في مدرجات الملاعب عندهم

ونحن كنا مثلهم قبل تقريبا 20سنه قبل جيل التحليه والهمر الله المستعان

[بـدر]

احيانا

على حسب المزاج

مرات يكون برد وتحلى اللطمه معه والا شعري حوسه وطويل فهو يقوم بالواجب ايضا

[«نجم الخير»]

قال شماغ بالبر يالحبيب البر مافيه الى سروال سنه وانت كبرت وزره

[برق الجهمه]

الشماغ في البر مهم مهم
خصوصاً في البرد وانت سارح مع غنمك ولا تقنص ولا ولاولا الخ
اما في القيظ ما ازين من النفاهه والخروج بدون شماغ

بالنسبه لي شماغي معي دايم بس البسه احياناً في البر