قصائـــد في الشعيـــر .

[oالحربيo]

السلام عليكم ورحمة الله وبركاته ..
هذي قصيده للاخ فرحان البشري وتم الرد عليها ..
_________

قصيدة فرحان البشري
الراجحي داعم الشعير
بس البلا عشرة اكياسي
الفجر تمسك سرى لعصير
وكثر السرى صار محتاسي
يا الله تغيث العباد بالخير
ويربع روضها وطعاسي


_ذودي بكارن مغاتير
احبها بقلب واحساسي
حلفت لشريلها الشعير
لو زاد من فوق الاقياسي
مهمنا الراجحي وعمير
نرجيك يا كاشف الباسي
ترى البلا كثرة التقصير
بمراقبة خالق الناسي

_____________________________________

2_يا خالق الخلق بالتيسير
يا مبدل العسر والباسي
لرضاك نصبر على التقصير
لو كان بها كتمت انفاسي
الله عنده كثير الخير
يا راعي الذود لا باسي

_____
يا الله نبي الرد يا اعضاء مكشات ..

[ساحووق]

هههه صح الساان الشااعر البشري

ولاهنت يابن العم

[oالحربيo]

هههه صح الساان الشااعر البشري

ولاهنت يابن العم
صح بدنــك
ولا هنــت

[هواوي صيد]

مشاركة متواضعة على عجاله
خرجت عن بحر ابياتهم لكن تقبلوها





السعر ماشفنا له ايّات تفسير
تجاوز الخمسين واصبح قياسي


يالله تعوضنا عن اعلافهم خير
زاد الجشع واليوم صارت مآسي


وانت الرحوم اللي تجيب المغاتير:l
سحايب ٍ منها يزول العماسي:l


تنثر مطرها وتلحق الخير بالخير
حتى تزين فياضها والرواسي

[محمد الظاهري]

والله ما يلا مون الشعار
بارك الله فيك على النقل

[محمدالزبيدي]

ما شاء الله تبارك الله هذا كله من أجل الشعير

لابدمن مشاركة والسموحة :

هبّت هبوب ٍ جنوبية

واستبشروا ياعرب بالخير

زملي شديد ما لها نيّة

خلّ الشعير تخزنه للطير

تجملوا يالهواويّة

والفو لجانا نسيم عصير

فدياركم يالنحاويّة

طاح الوسم ما سألنا بغير

[oالحربيo]

مشاركة متواضعة على عجاله

خرجت عن بحر ابياتهم لكن تقبلوها





السعر ماشفنا له ايّات تفسير
تجاوز الخمسين واصبح قياسي


يالله تعوضنا عن اعلافهم خير
زاد الجشع واليوم صارت مآسي


وانت الرحوم اللي تجيب المغاتير:l
سحايب ٍ منها يزول العماسي:l


تنثر مطرها وتلحق الخير بالخير

حتى تزين فياضها والرواسي

بيض الله وجه الشعار الي قصدوا ونتظر باقي الاعضاء ..

[الضيغم]

لقيت حوار يقول لأمه :) :


وضعي خطير يمه خطير
ومعزبي جاله فلاسي
سعر الشعير يمه الشعير
زادوه وزادوني هلواسي
ودي اطير يمه بطير
بعيد عن كل ذا الناسي
والله فقير يمه فقير
من الساس يمه للراسي
الله خبير يمه خبير
يتبدل الوضع إحساسي

[راعي عجله]

مالهم حيله الشعار خلهم يعطون الواحد لان يقول امين

[يوسف الخليفة1]

حياك الله أخي العزيز الحربي


وهل المشاركة منقولة

[خشم العان]

مهمنا الراجحي وعمير

لا والله همنا الراجحي ياليت كانت مدح للراجحي وماقصر الراجحي وبيض الله وجهه وكثر الله من امثاله
وليت كثير من اتجار يسون مثله من ملاك الحلال
والصحاب المزاين والمهايط يدعمون مثل الراجحي الله
يجعله في موازين اعماله

[عاشق الحجاز1]

موفقين ومعانين

[Al-harbe]

أولا حبيت اشارك ومشكور ياولد العم على هذا الموضوع الجميل والشيق والعذر منك ومن جميع الاعضاء
{تفضلو}

يالله بنوءً مزونه مزابير
طشاشه علينا يروي القاسي
نواٌ ماخالطه شي من المعاصير
ثم ربعت فياضها والاطعاسي
عسى رحمته علينا من دون تغيير
يرزق الحلال من دون احتباسي
خيره يعم البلد من دون تقصير
ويبعد عن الشعير كل باسي

[Al-harbe]

وينكم يالربع وين الباقين هههههه

[محمد vtc]

صح الله السنتكم جميييييييييييييييع

[نقطه]

مساء الخير

مشكور يا خوي الحربي على إتاحت الفرصه للتعبير عن الرأي وبصراحه إنك هيضتني وإرتجلت لكم هالبيتين على الطاير



الله كريم ويغني المسكين

اللي من الشعير انكسر ظهره

لا شك زايد عليه الدين

من يوم القوي منفذن أمره

ولكم تحياااتي

[مراقب المخايل]

أنا ماسكن سرا طيلة الأيام الماضيه إلى هالوقت ولاني بشاعر لكن عبرت عن مابداخلي بها الأبيات

بعد ما دخلت النت ولقيت هالقصايد :

الراجحي فزعته بالخير ** لكن مابه سند راسي

الظلم شفناه والتقصير ** من الموزع وحراسي

مابه مروه ولا تطوير ** كل يوم في ظلم وعماسي

وناس منطوقها تزوير ** تشهد بالخير لنجاسي

يالله يامن رزقت الطير ** وتعدل الحال لنحاسي

تفرج لجواد وأهل خير ** يرجون رحمتك بالناسي

[بنت النسب]

ماشاء الله عليك ياخوي
ويعطيك الف عافيه

[المصباحي22]

جبته في وقتها صصصصصصصصصصصصصصصصح لسانك
بقولها للوالد