((إستفسار .. ياراعي الــ vxr تعال عطنى العلم ))

[VX-R 777]

السلام عليكم ورحمة الله وبركاتة

صباح/ مساء ... الخير على الجميع

يالغوالي ابشركم بشتري موتر . ولي اسبوعين وانا افتر بهالمعارض .. وللحين ماعرفت الموتر اللي باخذهـ .. أن شاء الله هو بيكون vxr 2011 او لكزز
لاكن المشكله ماعرفت للمواصفات .. كل مادخلت معرض عطاني مواصفات غير
نبدا بالــ vxr
حصلت بسعر 255000 وحصلته 315 .!!!!! طيب وش الفروق اللي تخلي السعر يفرق كذا ..؟
اللي اعرفه بالمواصفات :
vxr1 مقاعد مخمل
vxr2 مقاعد جلد

سئلتهم عن الونش (المكره) يقولون مايجي
سئلتهم عن التشغيل عن بعد يقولون مايجي الا بالـ gxr ..!! طيب مو المفروض الـvxr يكون افضل بالمواصفات ((مع العلم اذكر فيه معرض قال يجي فيه تشغيل عن بعد))

ياليت اللي يعرف للمواصفات يعطينا وش الفرق بالضبط واذا فيه مواصفات ماذكرتها يقولها


بالنسبه للكزز
وش الفرق بين aa و bb و cc ..؟؟
وكم اسعارهـ ..؟؟


اتمنى احصل الجواب الكافي .. ومشكورين على الردود مقدماً ..

[العنابي 616]

السلام عليكم يا أخوي
بالنسبة للفكسار ال 2010 السعودي سعره بالمعارض 228 ألف هذا أبو جلد
طبعا يجي فيه تشغيل عن بعد و لكن للأسف الفكسار ما يجي فيه ونش

بالنسبة لل 2011 السعودي سعره بالمعارض 258 ألف و طبعا الفرق إن المكينة تغيرت و صارت 361 حصان
و اللي تقول عنه ب 315 هذا الخليجي و طبعا هذي نصبة كبيرة جدا و مغبون اللي يشتريه ما يفرق عن السعودي
شي أبد إلا بشوية إكسسوارات مثل الخطوط و الدعامية و أنا من رأيي إن شكل السعودي أحسن
و هذا الكلام عن تجربة

[عاشق الفكسار]

الفكسار السعودي 255 ألف والبريمي 315 ألف
البريمي يجي شاشات على روس المراتب بعكس السعودي
البريمي يجي دعامية وازياق فضية علي الشمعات الخلفية بعكس السعودي
البريمي يجي شبك نيكل والسعودي بدون نيكل وكذلك المرايات
البريمي يجي خطوط بعكس السعودي
البريمي يجي هوك خلفي والسعودي بدون هوك

[VX-R 777]

يعطيكم العافيه واطمح للمزيد

اخوي عاشق الفكسار بالنسبه للشاشات على روس المراتب انت شايفه بعينك ..؟
لائني سمعت هالكلام من احد الاصدقاء ورحت درت بالمعارض ولا حصلت ولا موتر فيه شاشات
مريت البازعي واليحي ومعرض الصقر وعبداللطيف جميل وكلهن بدون شاشات على المراتب ..!!

[الربذي]

الفكسار السعودي 255 ألف والبريمي 315 ألف
البريمي يجي شاشات على روس المراتب بعكس السعودي
البريمي يجي دعامية وازياق فضية علي الشمعات الخلفية بعكس السعودي
البريمي يجي شبك نيكل والسعودي بدون نيكل وكذلك المرايات
البريمي يجي خطوط بعكس السعودي
البريمي يجي هوك خلفي والسعودي بدون هوك
ادفع خمسين الف قيمة سيارة صغيره ويبقالي كم الف
عشان خطوط وشاشات الشاشات قيمت احسن وحدة الي تركب على المرتبه ب1200ريال
انا اشوف السعودي افضل وترا عدد الاحصنه هي 381حصان شي مرعب وليست كما ذكر اخونا برد الثاني

مبارك مقدما الله يحميك من شره ويعطيك خيره ويبارك لك فيه مقدما مقدي اهم شي ماهو كل يوم تويق بوجيه الشريطيه الكالحه يتفننون بالنصب واحد امس يقول شف تبي تجيك سيارة مسيومه ب38 تراني كسرت راسه وقلت له ب35 وهي تسوى اكثر وكلام ثاني يدل على حقارتهم ونصبهم ماعليش شطحت كثير !

[عاشق الvx]

الفي اكس ار ال2011 السعودي سعره000 261
وعلى ما اعتقد انه يوجد فيه خاصية التشغيل عن بعد لان ال2010 موجود فيه هالميزه ,,,
بالنسبة للي حصلت اسعارها على 315000 هذا الخليجي وتلاعب بعض المعارض بالاسعار
بس توكل على الله وخذ السعودي لان الفكسار السعودي مايفرق الا في شغلات بسيطه فقط ماهو مثل الجي اكس ار,,,
اما بالنسبة للكزز هذي الحروف تعني المواصفات/
aa استاندر بدون تخشيبه وبدون رادار وبدون كاميرات جانبية وبدون ثلاجة وغيرها من المواصفات
bb لاتحضرني حاليا مواصافته بالضبط ولكنه افضل من الaa والcc
cc لاتحضرني مواصفاته
dd يعتبر الفل اوبشن كامل المواصفات وعشان تميز الفل عن غيره اذا حصلته رادار هذا فل ابشن..

[VX-R 777]

اخوي الربذي
صدقت بكلامك .. صحيح ان الفرق واجد ويعمل عمايل
لاكن انا طرحت الموضوع عشان اعرف الفروق كلها (كل صغيره وكبيره) والسبب عشان ما اتحسف بالمستقبل
والفرق 60 الف مو 50 (:

[VX-R 777]

اخوي عاشق الvx
يعطيك العافيه على الرد الوافي

والمشكله اني البارح عند فرع عبداللطيف جميل وسئلتهم عن التشغيل عن بعد
لاحظت ان الموظف جاوبني وهو واثق .. وقال انه موجوده بالـ vx بحكم انه موجوده بالـ gxr
لاكن يوم طلبت المفتاح وطلبت منه يشغله قدامي تغير كلامه وقال اسف ماهي موجوده بالـ vxr علماً انه فل ومراتب جلد ..!

[النبع الصافي]

الله يكتب لك الخير ويوفقك
لكن ما دام أن الخيار بين فكسار ولكزس وتقدر على أي واحد منهن فالكزس أنظر وأطرب والله يبارك لك مقدماً

[بدوي جنوبي]

يا غالى ما دام عندك استطاعه خذ جيب لكزز

بالتوفيق

[VX-R 777]

حياكم شباب

والمسئله ماهي مقارنه بين الاند والكزز
لائن النتيجه معروفه واكيد الكزز افضل

وانا فكرت بالكزز لائني سمعت ان سعر اقل فئه منه 290 تقريباً
لاكن بعد كلام الاخوان تبين لي ان حتى التخشيب مافيه ..!!
وعشان كذا قلت ابي الفروق بمواصفات الكزز عشان اقارن بين الاسعار والمواصفات والموديل
يعني بدال ما اخذ 2011 اقل فئه .. اخذ 2010 الفئه المتوسطه بنفس السعر (إذا كانت المواصفات وحده)

[VX-R 777]

^^^^
لاحد يفهم من الكلام اني صرفت النظر عن الاند
لاكن ابي اعرف اكثر عن الكزز وعن الاند

[كومبو]

ادفع خمسين الف قيمة سيارة صغيره ويبقالي كم الف
عشان خطوط وشاشات الشاشات قيمت احسن وحدة الي تركب على المرتبه ب1200ريال
انا اشوف السعودي افضل وترا عدد الاحصنه هي 381حصان شي مرعب وليست كما ذكر اخونا برد الثاني

مبارك مقدما الله يحميك من شره ويعطيك خيره ويبارك لك فيه مقدما مقدي اهم شي ماهو كل يوم تويق بوجيه الشريطيه الكالحه يتفننون بالنصب واحد امس يقول شف تبي تجيك سيارة مسيومه ب38 تراني كسرت راسه وقلت له ب35 وهي تسوى اكثر وكلام ثاني يدل على حقارتهم ونصبهم ماعليش شطحت كثير !

عدد الأحصنة 362 حصان
السكويا 381 حصان

[VX-R 777]

^^^
يعطيك العافيه
والفرق ماهو واجد ..

[عاشق الفكسار]

يعطيكم العافيه واطمح للمزيد

اخوي عاشق الفكسار بالنسبه للشاشات على روس المراتب انت شايفه بعينك ..؟
لائني سمعت هالكلام من احد الاصدقاء ورحت درت بالمعارض ولا حصلت ولا موتر فيه شاشات
مريت البازعي واليحي ومعرض الصقر وعبداللطيف جميل وكلهن بدون شاشات على المراتب ..!!
يالغالي شايفهن بعيوني في معرض الصقر ومعرض عمان ومعرض دبي


ادفع خمسين الف قيمة سيارة صغيره ويبقالي كم الف
عشان خطوط وشاشات الشاشات قيمت احسن وحدة الي تركب على المرتبه ب1200ريال



أنا معك 60 ألف ما تسوى في الاكسسوارات هذي لكن البريمي العالم طايرين فيه ورافعين سعره لسببين , لانه توه نازل والعدد محدود , وموسم الشتاء بيدخل
خل الشتاء يطلع وشف كم بيوصل سعره

لكن هل فيه فرق غير هذي الاكسسوارات زي الهوبات مثلا ؟

[عاشق الفكسار]

بالنسبة للكزس 2010 موظفين الفروع يختلفون كل واحد يعطيني كلام

انا بعطيك اللي اعرفه ولازم تتأكد منه اذا جيت تشتري الموتر لانهم بصراحة احس انهم يتلاعبون بالمواصفات على كيفهم

AA \ ستاندر يعني بدون ثلاجة ، وبدون رادار ، والمراتب الخلفية التحكم فيها يدوي ، والدركسون والقير بدون تخشيبه ، باب الشنطة يدوي ، كاميرا أمامية وخلفية فقط (293 ألف)
BB \ رادار , ثلاجة , دركسون وقير مخشب ، الجلد يختلف عن الفئة AA ، المرتبة الوسطى والاخيرة التحكم فيها بالكهرب ،واعتقد ان نظام السماعات يختلف وعددها يزيد الى 19 سماعة ، جنوط 18 (330 ألف)
CC \ مثل فئة BB ويزيد عنه الكاميرا الجانبية ، ومفتاح بطاقة ، ، الشاشة الخلفية اللي في السقف ، جنوط 18 (341 ألف)
DD \ الفل اوبشن ويزيد عن الفئات السابقة جنوط 20 ، وزوائد رياضية (353 ألف)

^^^
هذا السعودي أما الخليجي مدري عنه

وعسى الله يوفقك بالموتر اللي ترتاح له

[VX-R 777]

^^^
ماقصرت يالغالي
وانا اليوم رحت للوكاله وبالفعل اغلب المواصفات اللي قلتها صحيح لاكن
AA / نفس ماذكرت + ثلاجه
BB / نفس ماذكرت + فيه كاميرا جانبيه , ومثبت سرعه نشط ,ومفتاح بطاقة
CC / يفرق عن الــ BB شاشه DVD بالسقف فقط
DD / يفرق عن الـ CC جنوط 20 وكت فقط

2011 الاسعر تفرق مرتفعه عن 2010
2011 فئه BB /CC/DD لون الجلد جملي او توفي << مادري وش اسمه بالضبط


للمعلوميه الثلاجه متوفره في فئه AA من موديل 2009 والموديلات اللي قبل بدون ثلاجه

[myking]

هذا رابط ابو جميل في كل الاسعار من الجي الى الفكسار

http://www.toyota.com.sa/modelsprices.asp?model_id=11

[VX-R 777]

ماقصرت ويعطيك العافيه

[مكشاتي 2011]

جيب اللكزس الجديد


طبعا الأصدار الجديد تغير كلياً عن الأصدار القديم من ناحية الشكل و القوة و المواصفات الداخليه للسياره
تغير المحرك
صار 5700
بدال القديم 4700
محرك سعة 5700 وبقوة 380 حصان وناقل حركة أتوماتيكي بست سرعات مخصص للاستخدام الشاق ، وعشر أكياس هوائية بجانب عدد كبير من مواصفات السلامة لجميع الركاب + أربع كاميرات من الأمام والخلف والجانب الأيمن والأيسر
بعض المواصفات عن جيب اللكزس الجديد


http://forum.asr1r.com/images/statusicon/wol_error.gifاضغط هنا لعرض الصورة الكاملة.
http://images.abunawaf.com/2007/05/05/03328011778115.jpg


زاد الطول الداخلي للسيارة ب 11سم عن الموديل السابق ، وزاد الطول الإجمالي بحوالي 10سم


http://forum.asr1r.com/images/statusicon/wol_error.gifاضغط هنا لعرض الصورة الكاملة.
http://images.abunawaf.com/2007/05/05/0.64117783.jpg
وأصبحت القوة 381 حصان بزيادة 110 حصان عن الموديل السابق


http://forum.asr1r.com/images/statusicon/wol_error.gifاضغط هنا لعرض الصورة الكاملة.
http://images.abunawaf.com/2007/05/05/0.885711778252.jpg
وزادت قوة العزم بحوالي 73 لتصبح401


http://forum.asr1r.com/images/statusicon/wol_error.gifاضغط هنا لعرض الصورة الكاملة.
http://images.abunawaf.com/2007/05/05/0.15451011778329.jpg
كما زادت قوة قدرة السيارة على السحب فأصبحت 3855 كجم بزيادة 907 كجم عن الموديل السابق


http://forum.asr1r.com/images/statusicon/wol_error.gifاضغط هنا لعرض الصورة الكاملة.
http://images.abunawaf.com/2007/05/05/0.37943011778377.jpg
وقد تم تزويد السيارة بنظام تعليق رباعي هيدروليكي متغير ومتجاوب مع ظروف الطريق ، وهو أفضل وأسرع من النظام السابق ، وهو يجعل كل كفر مستقل تماماً عن الآخر وفي نفس الوقت جميع الكفرات مربوطة بجهاز الكتروني متطور ليكون هناك تفاعل وتعاون بين عمل الكفرات الاثنين أو الثلاثة أو الأربعة عند الحاجة
ومن المميزات الجديدة انخفاض السيارة عند الركوب أو النزول بمقدار 5سم تقريباً ، ثم يعود لارتفاعة الطبيعي بمجرد ارتفاع دوران المحرك



http://forum.asr1r.com/images/statusicon/wol_error.gifاضغط هنا لعرض الصورة الكاملة.
http://images.abunawaf.com/2007/05/05/0.678011778432.jpg
كما أن ارتفاع السيارة يقل بمقدار 2.5سم من الأمام و 1.5سم من الخلف في الطرق السريعة وذلك لتحسين الانسيابية وبالتالي زيادة الهدوء وتحسين صرفية البن

[مكشاتي 2011]

اتمنى ان اكون افدتك

[VX-R 777]

^^
ماقصرت يالذيب
ويعطيك الف عافيه